Heavy Rain Alert: ଆନ୍ଧ୍ର ଉପକୂଳକୁ ମାଡ଼ି ଆସୁଛି ବାତ୍ୟା, ଓଡ଼ିଶାରେ ପ୍ରବଳ ବର୍ଷା!

ଭୁବନେଶ୍ବର: ବଙ୍ଗୋପସାଗରରେ ସୃଷ୍ଟ ଲଘୁଚାପ ଗଭୀର ଅବପାତରେ ପରିଣତ ହୋଇଛି। ଏହା ବାତ୍ୟାର ରୂପ ନେଇ ଆନ୍ଧ୍ରପ୍ରଦେଶ ର ସ୍ଥଳଭାଗ ଅଭିମୁଖେ ଅଗ୍ରଗତି କରୁଛି। ଏହା ଘଣ୍ଟା ପ୍ରତି ୧୦କିମି ବେଗରେ ଗତିକରୁଛି। ପାଣିପାଗ ନେଇ ସ୍ବତନ୍ତ୍ର ରିଲିଫ୍‌ କମିସନର (ଏସ୍‌ଆରସି) ପକ୍ଷରୁ ରେଡ୍‌ ୱାର୍ଣ୍ଣିଂ, ଅରେଂଜ ୱାର୍ଣ୍ଣିଂ ଓ ୟେଲୋ ୱାର୍ଣ୍ଣିଂ ଜାରି କରାଯାଇଛି। ରେଡ୍‌ ୱାର୍ଣ୍ଣିଂ ଜାରି ପାଣିପାଗ ବିଭାଗ ଅକ୍ଟୋବର ୨୮ ତାରିଖ ସକାଳ ସାଢ଼େ ୮ଟାରୁ ଅକ୍ଟୋବର ୨୯ ସକାଳ ୨୯ ତାରିଖ ମଧ୍ୟରେ ମାଲକାନଗିରି, କୋରାପୁଟ, ରାୟଗଡ଼ା, ଗଜପତି ଏବଂ ଗଂଜାମ ଜିଲ୍ଲାକୁ ରେଡ୍‌ ୱାର୍ଣ୍ଣିଂ ଜାରି କରିଛି। ଏହି ସମୟରେ ଏହି ଜିଲ୍ଲାଗୁଡ଼ିକରେ ପ୍ରବଳରୁ ଅତି ପ୍ରବଳ ବର୍ଷା ହେବ। ବର୍ଷାର ପରିମାଣ ୭ରୁ ୨୦ସେମି ପର୍ଯ୍ୟନ୍ତ ରହିପାରେ। ଅରେଞ୍ଜ ଏବଂ ୟେଲୋ ୱାର୍ଣ୍ଣିଂ ଜିଲ୍ଲା ପାଣିପାଗ ବିଭାଗର ସୂଚନା ଅନୁସାରେ ମାଲକାନଗିରି, କୋରାପୁଟ, ନବରଂଗପୁର, କଳାହାଣ୍ଡି, ରାୟଗଡ଼ା, ଗଜପତି, ଗଂଜାମ ଓ କନ୍ଧମାଳ ଜିଲ୍ଲାକୁ ‌ଅରେଞ୍ଜ ୱାର୍ଣ୍ଣିଂ ଜାରି ହୋଇଛି। ଏସବୁ ଜିଲ୍ଲାରେ ଅକ୍ଟୋବର ୨୭ ସକାଳ ସାଢ଼େ ୮ଟାରୁ ଅକ୍ଟୋବର ୨୮ ତାରିଖ ସକାଳ ୮ଟା ଯାଏଁ ପ୍ରବଳରୁ ଅତି ପ୍ରବଳ ବର୍ଷିବ। ସେହିପରି ବଲାଙ୍ଗୀର, ବୌଦ୍ଧ, ନୟାଗଡ଼, ଖୋର୍ଦ୍ଧା, ପୁରୀ, କଟକ, କେନ୍ଦ୍ରାପଡ଼ା ଏବଂ ଜଗତସିଂହପୁର ଜିଲ୍ଲା ପାଇଁ ୟୋଲୋ ୱାର୍ଣ୍ଣିଂ ଜାରି କରାଯାଇଛି। କାଲିଠାରୁ ପ୍ରବଳ ବର୍ଷା: ମନୋରମା ମହାନ୍ତି ଭୁବନେଶ୍ବରସ୍ଥିତ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ରର ନିର୍ଦ୍ଦେଶିକା ମନୋରମା ମହାନ୍ତି କହିଛନ୍ତି, ଅକ୍ଟୋବର ୨୭ରୁ ବର୍ଷା ଆରମ୍ଭ ହେବ। ଏହା ଅକ୍ଟୋବର ୩୦ ଯାଏଁ ଜାରି ରହିବ। ପବନର ବେଗ ଘଣ୍ଟା ପିଛା ୬୦ରୁ ୭୦ ରହିବ। ଏଥି ସହିତ ଝଟକା ପବନର ବେଗ ଘଣ୍ଟା ପିଛା ୮୦ ପର୍ଯ୍ୟନ୍ତ ହୋଇପାରେ। ରାଜ୍ୟରେ ଥିବା ବନ୍ଦରଗୁଡ଼ିକୁ ୩ ନମ୍ବର ବିପଦ ସଂକେତ ଦିଆଯାଇଥିବା ବେଳେ ମତ୍ସ୍ୟଜୀବୀମାନଙ୍କୁ ସମୁଦ୍ର ଭିତରକୁ ନଯିବା ପାଇଁ ପରାମର୍ଶ ଦିଆଯାଇଛି। ଆହୁରି ପଢ଼ନ୍ତୁ: Bjp Spokesman Anil Biswal: କଂଗ୍ରେସ ଅଭ୍ଯାସଗତ ମିଛ ଅଭିଯୋଗକାରୀ: ବିଜେପି ମୁଖପାତ୍ର ଅନିଲ ବିଶ୍ଵାଳ ପାଣିପାଗ ବିଶେଷଜ୍ଞଙ୍କ ସୂଚନା ଆନ୍ଧ୍ର ପ୍ରଦେଶ ଉପକୂଳ ମୁହାଁ ହେଉଥିବା ସମ୍ଭାବ୍ୟ ବାତ୍ୟାର ବିଶେଷ ପ୍ରଭାବ ପଡ଼ିବନି। ଅକ୍ଟୋବର ୨୭ରୁ ୨୯ ତାରିଖ ଯାଏ ଓଡ଼ିଶାର ବିଭିନ୍ନ ସ୍ଥାନରେ ପ୍ରବଳ ବର୍ଷାର ସମ୍ଭାବନା ରହିଛି। ବିଶେଷକରି ୨୭ରୁ ୨୯ ମଧ୍ୟରେ ମାଲକାନଗିରି ଓ କୋରାପୁଟରେ ଅତି ଭାରି ବର୍ଷା ଓ ଦକ୍ଷିଣ ଏବଂ ଉପକୂଳ ଓଡ଼ିଶାରେ ମଧ୍ୟମରୁ ପ୍ରବଳ ବର୍ଷା ସମ୍ଭାବନା ରହିଛି ବୋଲି ପାଣିପାଗ ବିଶେଷଜ୍ଞ ବିଶ୍ୱଜିତ ସାହୁ ସୂଚନା ଦେଇଛନ୍ତି। ଆହୁରି ପଢ଼ନ୍ତୁ: Maoists Surrender: ଆତ୍ମସମର୍ପଣ କଲେ ୨୧ ଜଣ ସଶସ୍ତ୍ର ମାଓବାଦୀ ସତର୍କ ରହିବାକୁ ପରାମର୍ଶ ଏସ୍‌ଆରସି ପକ୍ଷରୁ କୁହାଯାଇଛି ଯେ ବର୍ଷା ନେଇ ରେଡ୍‌, ଅରେଞ୍ଜ ଏବଂ ୟେଲୋ ୱାର୍ଣ୍ଣିଂ ଜାରି କରାଯାଇଥିବା ଜିଲ୍ଲାଗୁଡ଼ିକୁ ଅଧିକ ସତର୍କ ରହିବାକୁ ହେବ। ପ୍ରାକୃତିକ ବିପର୍ଯ୍ୟୟର ମୁକାବିଲା ପାଇଁ ପ୍ରସ୍ତୁତ ହେବାକୁ ପଡ଼ିବ। କୁଆପଥର ମାଡ଼ ଓ ବଜ୍ରପାତରୁ ନିଜକୁ ସୁରକ୍ଷା କରିବା ପାଇଁ ସୁରକ୍ଷିତ ସ୍ଥାନକୁ ଆଶ୍ରୟସ୍ଥଳୀ ଭାବେ ବାଛନ୍ତୁ। ଅକ୍ଟୋବର ୨୬ ତାରିଖ ଠାରୁ ୨୯ ପର୍ଯ୍ୟନ୍ତ ସମୁଦ୍ର ଅସ୍ଥିର ରହିବ।

Odisha Government on High Alert as Cyclone Montha Threatens with Deep Depression Over Bay of Bengal

The Odisha government has intensified its preparedness as a deep depression forms over the Bay of Bengal, raising concerns about the possible development of Cyclone Montha. Chief Minister Mohan Majhi is closely monitoring the situation, ensuring that all departments are ready to respond promptly. Housing and Urban Development Minister Krushna Chandra Mahapatra confirmed that officials […] The post Odisha Government on High Alert as Cyclone Montha Threatens with Deep Depression Over Bay of Bengal appeared first on Pragativadi I Latest Odisha News in English I Breaking News .

hansraj raghuvanshi death threats ଲରେନ୍ସ ବିଷ୍ନୋଇ ଗ୍ୟାଙ୍ଗର ପରିଚୟ ଦେଇ ଗାୟକଙ୍କୁ ଧମକ, ‘୧୫ଲକ୍ଷ ଟଙ୍କା ନଦେଲେ ପରିବାର ହେବ ଧ୍ବଂସ’

ସିମଳା: ହିମାଚଳ ପ୍ରଦେଶର ଲୋକପ୍ରିୟଗାୟକ ତଥା ମେରା ଭୋଲା ହେ ଭଣ୍ଡାରି ଫେମ୍ ହଂସରାଜ ରଘୁବଂଶୀ ଏବଂ ତାଙ୍କ ପରିବାରକୁ ହତ୍ୟା ଧମକ ମିଳିଛି। ଏଥିସହିତ ଦାଦାବଟି ବାବଦକୁ ୧୫ ଲକ୍ଷ ଟଙ୍କା ମଧ୍ୟ ଦାବି କରାଯାଇଛି। ଗାୟକ ରଘୁବଂଶୀଙ୍କୁ ଧମକ ଦେଇଥିବା ବ୍ୟକ୍ତି ନିଜକୁ ଗ୍ୟାଙ୍ଗଷ୍ଟର ଲରେନ୍ସ ବିଷ୍ନୋଇ ଗ୍ୟାଙ୍ଗ ସହିତ ଜଡିତ ଥିବା ନେଇ ପରିଚୟ ଦେଇଥିବା ହଂସରାଜ ରଘୁବଂଶୀଙ୍କ ବ୍ୟକ୍ତିଗତ ସୁରକ୍ଷାକର୍ମୀ ବିଜୟ କଟାରିଆଙ୍କ ଅଭିଯୋଗ କରି କହିଛନ୍ତି। ଏହି ଅଭିଯୋଗ ଆଧାରରେ ଜିରକପୁର ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ହଂସରାଜ ରଘୁବଂଶୀଙ୍କୁ ହତ୍ୟା ଧମକ ପ୍ରାରମ୍ଭିକ ତଦନ୍ତରେ ପୁଲିସ ହଂସରାଜ ରଘୁବଂଶୀଙ୍କୁ ହତ୍ୟା ଧମକ ଦେଇଥିବା ଅଭିଯୁକ୍ତକୁ ମଧ୍ୟପ୍ରଦେଶର ଉଜ୍ଜୈନର ବାସିନ୍ଦା ରାହୁଲ କୁମାର ନାଗଡେ ଭାବରେ ଚିହ୍ନଟ କରିଛି। ଅଭିଯୋଗ ଅନୁଯାୟୀ, ରାହୁଲ କୁମାର ନାଗଡେ ପ୍ରଥମେ ୨୦୨୧-୨୨ ମସିହାରେ ଉଜ୍ଜୈନର ଶ୍ରୀ ମହାକାଳ ମନ୍ଦିରରେ ହଂସରାଜ ରଘୁବଂଶୀଙ୍କୁ ଭେଟିଥିଲା। ଅଧିକପଢ଼ନ୍ତୁ: ସମର୍ଥକମାନେ ଭୋଟ୍‌ ପାଇଁ ସ୍ଲେଗାନ ଦେଉଥିବା ବେଳେ ଭୁଶୁଡ଼ି ପଡ଼ିଲା ମଞ୍ଚ ଅଭିଯୁକ୍ତ ନିଜକୁ ଲରେନ୍ସ ବିଷ୍ନୋଇର ଜଣେ ସହଯୋଗୀର ପରିଚୟ ଦେଇଛି ଅଭିଯୁକ୍ତ ରାହୁଲ କୁମାର ନାଗଡେ ଗାୟକଙ୍କ ପତ୍ନୀ, ମା ଏବଂ ପରିବାରର ଅନ୍ୟ ସଦସ୍ୟଙ୍କୁ ହତ୍ୟା କରିବାକୁ ଫୋନରେ କଲ କରି ହ୍ୱାଟ୍ସଆପରେ ବାର୍ତ୍ତା ପଠାଇ ଧମକ ଦେଇଛି। ସେ ନିଜକୁ ଲରେନ୍ସ ବିଷ୍ନୋଇର ଜଣେ ସହଯୋଗୀ ଭାବରେ ପରିଚୟ ଦେବା ସହିତ ଗୋଲ୍ଡୀ ବ୍ରାର ଗ୍ୟାଙ୍ଗ ସହିତ ସମ୍ପର୍କ ଥିବା ଦାବି କରିଛି। ଅଭିଯୋଗ ଅନୁଯାୟୀ, ରାହୁଲ କୁମାର ନାଗଡେ ୧୫ଲକ୍ଷ ଟଙ୍କା ଦାବି କରିଛି। ଏହି ଟଙ୍କା ନ ଦେଲେ ସେ ହଂସରାଜ ରଘୁବଂଶୀଙ୍କ ସମଗ୍ର ପରିବାରକୁ ହତ୍ୟା କରିବ ବୋଲି ‌ଠୋକରୋକ ଧମକ ଦେଇଛି। ଅଧିକପଢ଼ନ୍ତୁ: ଷ୍ଟଣ୍ଟ ଦେଖାଉଥିଲେ ଯୁବକ...ସାଙ୍ଗମାନଙ୍କ ଫୋନରେ ରେକର୍ଡ ହେଲା ମୃତ୍ୟୁର ସିଧାସଳଖ ଦୃଶ୍ୟ Lawrence Bishnoi death singer

ପ୍ରତିମାସରେ ଗୋଟିଏ ଯୁଦ୍ଧ ବନ୍ଦ କରିଛି : ଟ୍ରମ୍ପ

କ୍ବାଲାଲୁମ୍ପୁର : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରବିବାର ଦିନ ଦାବି କରିଛନ୍ତି ଯେ ସେ ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ଚାଲିଥିବା ଉତ୍ତେଜନାକୁ ବହୁତ ଶୀଘ୍ର ସମାପ୍ତ କରିପାରିବେ। ମାଲେସିଆରେ ଅନୁଷ୍ଠିତ କାମ୍ବୋଡିଆ-ଥାଇଲାଣ୍ଡ ଶାନ୍ତି ଚୁକ୍ତିନାମା ସ୍ୱାକ୍ଷର ସମାରୋହ ସମୟରେ ଟ୍ରମ୍ପ ଏହି ବିବୃତ୍ତି ଦେଇଥିଲେ। ଆଠ ମାସରେ ଆଠଟି ଯୁଦ୍ଧ ଶେଷ କରିଛି ଟ୍ରମ୍ପ କହିଥିଲେ, ଯେପରିକି ଆପଣ ଜାଣନ୍ତି, ମୋ ପ୍ରଶାସନ ମାତ୍ର ଆଠ ମାସରେ ଆଠଟି ଯୁଦ୍ଧ ସମାପ୍ତ କରିଛି। ଆମେ ପ୍ରତି ମାସରେ ଗୋଟିଏ ସମାପ୍ତ କରୁଛୁ। ଏବେ କେବଳ ଗୋଟିଏ ବାକି ଅଛି - ପାକିସ୍ତାନ-ଆଫଗାନିସ୍ତାନ ବିବାଦ - କିନ୍ତୁ ମୁଁ ଏହାକୁ ବହୁତ ଶୀଘ୍ର ସମାଧାନ କରିବି। ସେ କହିଥିଲେ ଯେ ଏବେ ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ସଂଘର୍ଷ ଦେଖାଦେଇଛି, କିନ୍ତୁ ସେ ଉଭୟ ଦେଶର ନେତାମାନଙ୍କୁ ଜାଣନ୍ତି ଏବଂ ଏହି ମାମଲା ଶୀଘ୍ର ସମାଧାନ ହେବ ବୋଲି ବିଶ୍ୱାସ କରନ୍ତି। ତାଙ୍କ ଭାଷଣ ଶେଷ କରି ଟ୍ରମ୍ପ ଦାବି କରିଥିଲେ ଯେ ତାଙ୍କ ପ୍ରଶାସନ ଯାହା କରିଛି ପୂର୍ବରୁ କୌଣସି ଆମେରିକୀୟ ରାଷ୍ଟ୍ରପତି ତାହା କରିପାରି ନାହାଁନ୍ତି। ସେ କହିଥିଲେ, ଅନ୍ୟ ରାଷ୍ଟ୍ରପତି ଯୁଦ୍ଧ ଆରମ୍ଭ କରନ୍ତି, ଆମେ ସେଗୁଡ଼ିକୁ ସମାପ୍ତ କରୁ - ଏହା ହିଁ ପାର୍ଥକ୍ୟ। ଆହୁରି ପଢନ୍ତୁ : Fake voter rally: ନଭେମ୍ବର ୧ରେ ଏକାଠି ହେବେ ଶରଦ-ଉଦ୍ଧବ-ରାଜ୍ ପାକିସ୍ତାନ-ଆଫଗାନିସ୍ତାନ ଶାନ୍ତି ଆଲୋଚନା ଜାରି ସୂଚନାଯୋଗ୍ୟ ଯେ ଗତ କିଛି ଦିନ ହେଲା ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ଡୁରାଣ୍ଡ ଲାଇନକୁ ନେଇ ବିବାଦ ଓ ସଂଘର୍ଷ ଦେଖାଦେଇଛି । ଆତଙ୍କବାଦୀଙ୍କୁ ଆଶ୍ରୟ ଦେଉଥିବା ଅଭିଯୋଗ କରି ପାକିସ୍ତାନ ପକ୍ଷରୁ କାବୁଲ ଉପରେ ଆକ୍ରମଣ ପରେ ତାଲିବାନ ପକ୍ଷରୁ ସୀମାରେ ପ୍ରତିଆକ୍ରମଣ କରାଯାଇଥିଲା । ଏବେ ଇସ୍ତାନବୁଲରେ ଉଭୟ ପକ୍ଷ ମଧ୍ୟରେ ଶାନ୍ତି ଆଲୋଚନା ଜାରି ରହିଛି । ଆହୁରି ପଢ଼ନ୍ତୁ: Tigress Attacks Video: ଚନ୍ଦ୍ରପୁର ରାସ୍ତାରେ ବାଘୁଣୀ ଆତଙ୍କ, ଆରୋହୀଙ୍କୁ ଆକ୍ରମଣ ଭିଡିଓ ଭାଇରାଲ

Cyclone Montha Likely to Intensify into Severe Cyclonic Storm; Odisha on Alert for Heavy Rainfall

The India Meteorological Department (IMD) has issued an alert for Odisha as the deep depression over the Bay of Bengal is expected to intensify into Cyclone Montha within the next 24 hours. The system is likely to strengthen further into a severe cyclonic storm by October 28, according to the latest forecast. IMD Bhubaneswar Director, […] The post Cyclone Montha Likely to Intensify into Severe Cyclonic Storm; Odisha on Alert for Heavy Rainfall appeared first on Pragativadi I Latest Odisha News in English I Breaking News .

Maoists Surrender: ଆତ୍ମସମର୍ପଣ କଲେ ୨୧ ଜଣ ସଶସ୍ତ୍ର ମାଓବାଦୀ

ରାଇଘର: ନବରଙ୍ଗପୁର ଜିଲ୍ଲା ସୀମାନ୍ତ ଛତିଶଗଡ଼ ଅନ୍ତର୍ଗତ କାଙ୍କେର ଜିଲ୍ଲାରେ ଆଉ ଏକ ଗୁରୁତ୍ୱପୂର୍ଣ୍ଣ ସଫଳତା ରେକର୍ଡ କରାଯାଇଛି। ମୋଟ ୨୧ ଜଣ ମାଓ କ୍ୟାଡର ୧୮ ଗୋଟି ଅସ୍ତ୍ରଶସ୍ତ୍ର ସହିତ ଆତ୍ମସମର୍ପଣ କରିଛନ୍ତି ଏବଂ ସମାଜର ମୁଖ୍ୟସ୍ରୋତକୁ ଫେରିବାକୁ ନିଷ୍ପତ୍ତି ନେଇଛନ୍ତି। ସମସ୍ତ ଆତ୍ମସମର୍ପଣକାରୀ କ୍ୟାଡର କେଶକାଲ ଡିଭିଜନ (ଉତ୍ତର ଉପ-ଜୋନାଲ ବ୍ୟୁରୋ)ର କୁଏମାରୀ/କିସ୍କୋଡୋ ଏରିଆ କମିଟିର ଅଟନ୍ତି। ୧୩ ଜଣ ମହିଳା କ୍ୟାଡର ଆତ୍ମସମର୍ପଣ କରିଥିବା ମାଓବାଦୀମାନଙ୍କ ମଧ୍ୟରେ ୪ ଜଣ ଡିଭିସିଏମ୍ (ଡିଭିଜନ ଉପାଧ୍ୟକ୍ଷ କମିଟି ସଦସ୍ୟ), ୯ ଜଣ ଏସିଆର କମିଟି ସଦସ୍ୟ ଏବଂ ଡିଭିଜନ କମିଟି ସଚିବ ମୁକେଶଙ୍କ ସମେତ ୮ ଜଣ ଦଳୀୟ ସଦସ୍ୟ ଅନ୍ତର୍ଭୁକ୍ତ। ଏହି ୨୧ ଜଣ ଆତ୍ମସମର୍ପଣକାରୀ ନକ୍ସଲଙ୍କ ମଧ୍ୟରେ ୧୩ ଜଣ ମହିଳା ଏବଂ ୮ ଜଣ ପୁରୁଷ କ୍ୟାଡର ରହିଛନ୍ତି l ଯେଉଁମାନେ ହିଂସା ଏବଂ ଜନବିରୋଧୀ ଚିନ୍ତାଧାରାର ପଥ ପରିତ୍ୟାଗ କରି ଶାନ୍ତି ଏବଂ ପ୍ରଗତି ପଥ ଗ୍ରହଣ କରିଛନ୍ତି l ଆହୁରି ପଢ଼ନ୍ତୁ: Bjp Spokesman Anil Biswal: କଂଗ୍ରେସ ଅଭ୍ଯାସଗତ ମିଛ ଅଭିଯୋଗକାରୀ: ବିଜେପି ମୁଖପାତ୍ର ଅନିଲ ବିଶ୍ଵାଳ ଶାନ୍ତି ପ୍ରତିଷ୍ଠା ଦିଗରେ ଏକ ଶକ୍ତିଶାଳୀ ପ୍ରୟାସ ସମସ୍ତ ଆତ୍ମସମର୍ପଣ କରିଥିବା କ୍ୟାଡରଙ୍କ ପାଇଁ ପୁଲିସ ଏବଂ ପ୍ରଶାସନିକ ପକ୍ଷରୁ ସମାଜରେ ପୁନଃମିଳନ ପ୍ରକ୍ରିୟା ଜାରି ରହିଛି। ବସ୍ତର ଆଇଜି ପି.ସୁନ୍ଦରରାଜ କହିଛନ୍ତି ଯେ ପୁନଃନିବାସ ପୁନଃରୁଦ୍ଧାର ପଦକ୍ଷେପ ବସ୍ତର ରେ ଶାନ୍ତି ପ୍ରତିଷ୍ଠା ଦିଗରେ ଏକ ଶକ୍ତିଶାଳୀ ପ୍ରୟାସ। ମାଓ ହିଂସା ଛାଡ଼ି ମୁଖ୍ୟସ୍ରୋତରେ ଯୋଗ ଦେଉଥିବା ସାଥୀମାନଙ୍କ ଏହି ପଦକ୍ଷେପ ବସ୍ତରରେ ସ୍ଥାୟୀ ଶାନ୍ତି ପାଇଁ ମୂଳଦୁଆକୁ ଆହୁରି ମଜବୁତ କରିବା ସହିତ ଅଧିକ ସରକାରୀ ସୂଚନା ସଂଗ୍ରହ ରେ ଅଂଶୀଦାର କରାଯିବ ବୋଲି କହିଥିଲେ l ଆହୁରି ପଢ଼ନ୍ତୁ: National OBC Comission: ୨୯ ତାରିଖରେ ହେବ ଜାତୀୟ ଓବିସି ଆପତ୍ତି ଅଭିଯୋଗ ଶୁଣାଣି ଦାଖଲ କଲେ ଅସ୍ତ୍ରଶସ୍ତ୍ର ମାଓବାଦୀମାନଙ୍କ ଠାରୁ ୩ଗୋଟି AK-47 ରାଇଫଲ୍, ୪ଗୋଟି SLR ରାଇଫଲ୍, ୨ଗୋଟି INSAS ରାଇଫଲ୍, ୬ଗୋଟି 303 ରାଇଫଲ୍, ୨ଗୋଟି ସିଙ୍ଗଲ୍-ସଟ୍ ରାଇଫଲ୍ ଏବଂ ଗୋଟିଏ BGL ଅସ୍ତ୍ରଶସ୍ତ୍ର ମାଓବାଦୀମାନଙ୍କ ଦ୍ୱାରା ସଂଗୃହୀତ ହୋଇଛି। ରିପୋର୍ଟ: ଦେବେନ୍ଦ୍ର ମିଶ୍ର

Bigg Boss 19: Salman Khan’s Remark About Abhishek Bajaj’s Ex-Wife Leaves Him Visibly Stressed

During the latest Weekend Ka Vaar episode of Bigg Boss 19, Salman Khan balanced humor with pointed remarks. While teasing the housemates about a possible new wildcard contestant, Salman appeared to hint that Abhishek Bajaj’s ex-wife, Akanksha Jindal, had been speaking about him outside the house — a revelation that seemed to leave Abhishek anxious. […] The post Bigg Boss 19: Salman Khan’s Remark About Abhishek Bajaj’s Ex-Wife Leaves Him Visibly Stressed appeared first on Pragativadi I Latest Odisha News in English I Breaking News .

Gold Rate in India, Oct 26: Prices Steady After Week-Long Fall; Silver Remains Stable

After a week of steady decline, gold prices in India remained unchanged on Sunday, October 26. Both 22-carat and 24-carat gold rates paused after falling from their recent record highs. The silver price also stayed stable, offering some relief to investors and jewellery buyers. Gold Prices Take a Breather Gold prices fell for seven straight […] The post Gold Rate in India, Oct 26: Prices Steady After Week-Long Fall; Silver Remains Stable appeared first on Pragativadi I Latest Odisha News in English I Breaking News .

Fake voter rally: ନଭେମ୍ବର ୧ରେ ଏକାଠି ହେବେ ଶରଦ-ଉଦ୍ଧବ-ରାଜ୍

ମୁମ୍ବାଇ: ମହାରାଷ୍ଟ୍ରରେ ନକଲି ଭୋଟରଙ୍କ ସମସ୍ୟାର ସମାଧାନ ପାଇଁ ବିରୋଧୀ ଦଳ ଏବେ ନଭେମ୍ବର 1 ତାରିଖରେ ଏକ ବିଶାଳ ରାଲି ଘୋଷଣା କରିଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ପୁଣି ଥରେ ତାଙ୍କ ଭାଇ ରାଜ ଠାକରେଙ୍କ ସହ ଏହି ରାଲିରେ ଦେଖାଯିବେ। ଏଥିପାଇଁ ପ୍ରସ୍ତୁତି ପାଇଁ, MNS ମୁଖ୍ୟ ରାଜ ଠାକରେ ଶନିବାର ତାଙ୍କ ଶିବତୀର୍ଥ ବାସଭବନରେ ଦଳର ଶୀର୍ଷ ନେତା ଏବଂ ଅଧିକାରୀଙ୍କ ଏକ ବୈଠକ ଡାକିଛନ୍ତି। ଏହି ଅବସରରେ, ମହାରାଷ୍ଟ୍ର ନବନିର୍ମାଣ ସେନା (MNS) ମୁଖ୍ୟ ରାଜ ଠାକରେ କହିଛନ୍ତି ଯେ ମହାରାଷ୍ଟ୍ରର ନକଲି ଭୋଟରଙ୍କର ପର୍ଦ୍ଦାଫାସ କରିବା ପାଇଁ ଏହି ଲଢ଼େଇ ଆୟୋଜନ କରାଯାଇଛି। ଆହୁରି ପଢ଼ନ୍ତୁ: 150 degrees still doing phd: ଏହି ବ୍ୟକ୍ତିଙ୍କର ୧୫୦ ରୁ ଅଧିକ ଡିଗ୍ରୀ, କରିଛନ୍ତି ୧୨ ଏମଫିଲ୍ ଏବଂ ୩ ପିଏଚଡି ମହାରାଷ୍ଟ୍ରରେ ୯୬ ଲକ୍ଷ ନକଲି ଭୋଟର ରାଜ ଆହୁରି କହିଛନ୍ତି ଯେ ଭୋଟର ତାଲିକାରେ ଅନିୟମିତତାର ସ୍ୱର ମୁମ୍ବାଇର ରାସ୍ତାରୁ ଦିଲ୍ଲୀରେ ପହଞ୍ଚିବା ଉଚିତ, ସେ ତାଙ୍କ ନେତାମାନଙ୍କୁ ମୁମ୍ବାଇରେ ଏକ ରାଲି ବାହାର କରିବାକୁ ନିର୍ଦ୍ଦେଶ ଦେଇଥିଲେ ଯାହା ନା ଭୂତୋ ନା ଭବିଷ୍ୟତତି ଭଳି, ଅର୍ଥାତ୍ ଯାହା ପୂର୍ବରୁ କେବେ ହୋଇନାହିଁ ଏବଂ ଭବିଷ୍ୟତରେ ମଧ୍ୟ ହେବ ନାହିଁ। ମହାରାଷ୍ଟ୍ର ରେ ପ୍ରାୟ ୯୬ ଲକ୍ଷ ନକଲି ଭୋଟର ଅଛନ୍ତି। ବିରୋଧୀ ନେତାମାନେ ରାଜ୍ୟ ନିର୍ବାଚନ କମିସନଙ୍କୁ ଭେଟି ଏହି ପ୍ରସଙ୍ଗରେ ଏକ ସ୍ମାରକପତ୍ର ପ୍ରଦାନ କରିଥିଲେ, କିନ୍ତୁ କୌଣସି କାର୍ଯ୍ୟାନୁଷ୍ଠାନ ନିଆଯାଇନାହିଁ। ଆମେ ଏହା ବିରୁଦ୍ଧରେ ସ୍ୱର ଉଠାଇବା ପାଇଁ ରାସ୍ତାକୁ ଓହ୍ଲାଇବାକୁ ନିଷ୍ପତ୍ତି ନେଇଛୁ। MNS ମୁଖ୍ୟ କହିଛନ୍ତି ଯେ ପ୍ରକୃତ ଭୋଟରମାନେ ସେମାନଙ୍କର ଅଧିକାର ପାଇବା ନିଶ୍ଚିତ କରିବା ପାଇଁ ଏହା ସତ୍ୟ ପାଇଁ ଏକ ଲଢ଼େଇ। ଉଭୟ ଭାଇଙ୍କୁ ଏକାଠି ଦେଖିବାକୁ ମିଳିବ ଏହି ପଦଯାତ୍ରା ଉଭୟ ଠାକରେ ଭାଇ, ଉଦ୍ଧବ ଏବଂ ରାଜଙ୍କୁ ଏକାଠି କରିବ । ଏହା ଠାକରେଙ୍କ ଶକ୍ତି ପ୍ରଦର୍ଶନ କରିବ। ରାଲି ଅପରାହ୍ନ ୧ଟାରେ ମାରିନ୍ ଲାଇନ୍ସର ହିନ୍ଦୁ ଜିମଖାନାରୁ ଆରମ୍ଭ ହୋଇ ଆଜାଦ ମୈଦାନରେ ଶେଷ ହେବ। ଶରଦ ପାୱାର ମଧ୍ୟ ଉପସ୍ଥିତ ରହିବେ ଶିବସେନା (UBT) ସାଂସଦ ଏବଂ ମୁଖପାତ୍ର ସଞ୍ଜୟ ରାଉତ କହିଛନ୍ତି ଯେ ଏହି ପଦଯାତ୍ରାର ନେତୃତ୍ୱ ନେବେ ରାଷ୍ଟ୍ରବାଦୀ କଂଗ୍ରେସ ପାର୍ଟି (ଶରଦଚନ୍ଦ୍ର ପାୱାର) ଅଧ୍ୟକ୍ଷ ଶରଦ ପାୱାର, ଶିବସେନା (UBT) ମୁଖ୍ୟ ଉଦ୍ଧବ ଠାକରେ ଏବଂ MNS ମୁଖ୍ୟ ରାଜ ଠାକରେ। ସଞ୍ଜୟ କହିଛନ୍ତି ଯେ ବରିଷ୍ଠ କଂଗ୍ରେସ ନେତାମାନଙ୍କୁ ମଧ୍ୟ ପଦଯାତ୍ରାରେ ଯୋଗଦେବାକୁ ନିମନ୍ତ୍ରଣ କରାଯିବ। ସଞ୍ଜୟ ରାଉତ ଆହୁରି ମଧ୍ୟ କହିଛନ୍ତି ଯେ ଯଦି ନିର୍ବାଚନ କମିସନ ଆମକୁ କୌଣସି ଚ୍ୟାଲେଞ୍ଜ ଦିଅନ୍ତି, ତେବେ ଆମେ ତାହାକୁ ଗ୍ରହଣ କରିବାକୁ ପ୍ରସ୍ତୁତ। ଆହୁରି ପଢ଼ନ୍ତୁ: Tigress Attacks Video: ଚନ୍ଦ୍ରପୁର ରାସ୍ତାରେ ବାଘୁଣୀ ଆତଙ୍କ, ଆରୋହୀଙ୍କୁ ଆକ୍ରମଣ ଭିଡିଓ ଭାଇରାଲ ଶନିବାର ଶିବସେନାର ମୁଖପାତ୍ର, ୟୁବିଟି ମଧ୍ୟ ଶିବତୀର୍ଥରେ ଏମ୍ଏନଏସ ମୁଖ୍ୟଙ୍କୁ ଭେଟିଥିଲେ। ଶିବସେନା, ଉଦ୍ଧବ ଠାକରେ, କଂଗ୍ରେସ, ରାଷ୍ଟ୍ରବାଦୀ କଂଗ୍ରେସ ପାର୍ଟି, ଶରଦ ଚନ୍ଦ୍ର ପାୱାର, ଶେକାପ, ସିପିଆଇ, ସିପିଆଇ ଏବଂ ମହାରାଷ୍ଟ୍ର ନବନିର୍ମାଣ ସେନାର ନେତା ଏବଂ କର୍ମୀମାନେ ଏହି ରାଲିରେ ଅଂଶଗ୍ରହଣ କରିବେ।

Cyclone Montha: Odisha Cancels Leave for Government Employees in Seven Districts Amid Cyclone Alert

With Cyclone Montha approaching the eastern coast, the Odisha government has cancelled the leave of all government employees in seven districts to ensure effective disaster preparedness and a coordinated emergency response. Leave Cancelled in Seven Key Districts According to official sources, the directive applies to employees in Koraput, Malkangiri, Gajapati, Ganjam, Kalahandi, Balasore, and Kendrapara […] The post Cyclone Montha: Odisha Cancels Leave for Government Employees in Seven Districts Amid Cyclone Alert appeared first on Pragativadi I Latest Odisha News in English I Breaking News .

150 degrees still doing phd: ଏହି ବ୍ୟକ୍ତିଙ୍କର ୧୫୦ ରୁ ଅଧିକ ଡିଗ୍ରୀ, କରିଛନ୍ତି ୧୨ ଏମଫିଲ୍ ଏବଂ ୩ ପିଏଚଡି

ଚେନ୍ନାଇ: ଅଧିକାଂଶ ଲୋକଙ୍କ ପାଇଁ ପରୀକ୍ଷା ଏକ ଚ୍ୟାଲେଞ୍ଜ। ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ଲୋକମାନେ ପ୍ରାୟତଃ ସେମାନଙ୍କର ଭବିଷ୍ୟତ କିମ୍ବା ଚାକିରି ବିଷୟରେ ଚିନ୍ତା କରନ୍ତି। ତଥାପି, ପ୍ରଫେସର ଭି.ଏନ୍. ପାର୍ଥିବାନ, ଯାହାଙ୍କ ପାଇଁ ପରୀକ୍ଷା କେବଳ ଡିଗ୍ରୀ ପାଇବା ନୁହେଁ; ସେ ଶିକ୍ଷାକୁ ନିଜର କ୍ୟାରିୟର କରିଛନ୍ତି। ଅଧିକାଂଶ ଲୋକଙ୍କ ପାଖରେ ଦୁଇ କିମ୍ବା ତିନୋଟି ଡିଗ୍ରୀ ଥାଇପାରେ, ଚେନ୍ନାଇ ନିବାସୀ ଭି.ଏନ୍. ପାର୍ଥିବାନଙ୍କ ପାଖରେ ୧୫୦ ଡିଗ୍ରୀ ଅଛି। ଲୋକମାନେ ତାଙ୍କୁ ସ୍ନେହରେ ଡିଗ୍ରୀର ଏକ ଭଣ୍ଡାର(ଏନସାଇକେ୍ାଲପେଡ଼ିଆ) କିମ୍ବା ଏକ ଜୀବନ୍ତ ଜ୍ଞାନକୋଷ ବୋଲି କୁହନ୍ତି। ଆହୁରି ପଢ଼ନ୍ତୁ: Fake voter rally: ନଭେମ୍ବର ୧ରେ ଏକାଠି ହେବେ ଶରଦ-ଉଦ୍ଧବ-ରାଜ୍ ପାର୍ଥିବାନଙ୍କ ଦୈନନ୍ଦିନ କାର୍ଯ୍ୟ କ’ଣ? ପାର୍ଥିବାନଙ୍କ ଶିଖିବା ପ୍ରତି ଆଗ୍ରହ ପୂର୍ବ ପରି ଦୃଢ଼ ରହିଛି। ୧୯୮୧ ମସିହାରୁ, ପାର୍ଥିବାନ ପାଠପଢ଼ାକୁ ତାଙ୍କ ଦୈନନ୍ଦିନ କାର୍ଯ୍ୟର ଏକ ଅଂଶ କରିଛନ୍ତି। ସେ ପ୍ରତିଦିନ ସକାଳ ୫ଟାରେ ଉଠି ରାତି ପ୍ରାୟ ୧୧:୩୦ ପର୍ଯ୍ୟନ୍ତ ପାଠପଢ଼ା କରନ୍ତି। ଏହି ସମୟ ମଧ୍ୟରେ, ସେ କଲେଜରେ ପାଠପଢ଼ା ମଧ୍ୟ କରନ୍ତି ଏବଂ ପାରିବାରିକ ଦାୟିତ୍ୱ ତୁଲାଉଥାନ୍ତି। ରବିବାର ମଧ୍ୟ ତାଙ୍କର ଦିନଟି ଗବେଷଣା, ଶ୍ରେଣୀ କିମ୍ବା ପରୀକ୍ଷାରେ ବିତିଯାଏ। କେବଳ ସନ୍ଧ୍ୟାରେ ସେ କନ୍ନଦାସନଙ୍କ ଗୀତ ଶୁଣି କ୍ଲାନ୍ତ ମନକୁ ପ୍ରଫୁଲ୍ଲ କରିଥାନ୍ତି। ପାର୍ଥିବାନ ତାଙ୍କ ମା’ଙ୍କୁ ପଢ଼ିବା ପାଇଁ ପ୍ରତିଶ୍ରୁତି ଦେଇଥିଲେ ପାର୍ଥିବାନ ଚେନ୍ନାଇର RKM ବିବେକାନନ୍ଦ କଲେଜରେ ବାଣିଜ୍ୟ ବିଭାଗର ମୁଖ୍ୟ ଏବଂ ସହଯୋଗୀ ପ୍ରଫେସର। ସେ ୧୯୮୨ ମସିହାରୁ ପାଠପଢ଼ା କରୁଛନ୍ତି। ତାଙ୍କ ଜୀବନର ଏହି ଅସାଧାରଣ ଯାତ୍ରା ଏକ ପ୍ରତିଶ୍ରୁତି ପୂରଣ ସହିତ ଆରମ୍ଭ ହୋଇଥିଲା। ସେ କଷ୍ଟରେ ତାଙ୍କର ପ୍ରଥମ ଡିଗ୍ରୀ ପାସ୍ କରିଥିଲେ, ଏବଂ ତା’ପରେ ତାଙ୍କ ମା’ଙ୍କୁ ପ୍ରତିଶ୍ରୁତି ଦେଇଥିଲେ ଯେ, ସେ କେବେ ବି ତାଙ୍କ ପାଠପଢ଼ା ଛାଡିବେ ନାହିଁ। ଏହି ପ୍ରତିଶ୍ରୁତି ଆଜି ତାଙ୍କୁ ବିଶ୍ୱର ସବୁଠାରୁ ଶିକ୍ଷିତ ବ୍ୟକ୍ତିମାନଙ୍କ ମଧ୍ୟରୁ ଜଣେ କରି ପାରିଛି। ସେ କୁହନ୍ତି, ମୁଁ ପାଠପଢ଼ାକୁ ଉପଭୋଗ କରେ। ଏହା ମୋ ପାଇଁ କଷ୍ଟକର କାମ ନୁହେଁ। ମୁଁ ନିରନ୍ତର ପରୀକ୍ଷା ପାଇଁ ପ୍ରସ୍ତୁତ ହୁଏ ଏବଂ ନୂତନ ପାଠ୍ୟକ୍ରମରେ ନାମ ଲେଖାଏ। ପାର୍ଥିବାନ ଏକ ଚଳପ୍ରଚଳ ଏନସାଇକେ୍ାଲପେଡ଼ିଆ ପାର୍ଥିବାନଙ୍କ ପାଖରେ ବର୍ତ୍ତମାନ ଅନେକ ଡିଗ୍ରୀ ଅଛି, ଯାହାର ତାଲିକା ବହୁତ ଲମ୍ବା: ୧୩ କଳା ସ୍ନାତକୋତ୍ତର (MA) ୮ ମାଷ୍ଟର୍ସ ଅଫ୍ କମର୍ସ (MCom) ୪ଟି ବିଜ୍ଞାନ ସ୍ନାତକୋତ୍ତର (MSc) ୧୩ ଜଣ ଆଇନ ମାଷ୍ଟର (ବିଭିନ୍ନ ଶାଖା) ୧୨ ଦର୍ଶନ ସ୍ନାତକୋତ୍ତର (MPhil) ୧୪ ମାଷ୍ଟର୍ସ ଅଫ୍ ବିଜନେସ୍ ଆଡମିନିଷ୍ଟ୍ରେସନ୍ (MBA) ୨୦ ବୃତ୍ତିଗତ ପାଠ୍ୟକ୍ରମ ୧୧ ସାର୍ଟିଫିକେଟ୍ ପାଠ୍ୟକ୍ରମ ୯ ପିଜି ଡିପ୍ଲୋମା ପାଠ୍ୟକ୍ରମ ବିଭିନ୍ନ ଡିପ୍ଲୋମା ଏବଂ ପିଜି ଡିପ୍ଲୋମା ସେ ଅର୍ଥନୀତି, ଲୋକ ପ୍ରଶାସନ, ରାଜନୀତି ବିଜ୍ଞାନ ଏବଂ ଆଇନରେ ଅନେକ ସ୍ନାତକୋତ୍ତର ଡିଗ୍ରୀ ମଧ୍ୟ ହାସଲ କରିଛନ୍ତି। ସେ ବର୍ତ୍ତମାନ ପରିଚାଳନାରେ ପିଏଚଡି ଏବଂ କର୍ପୋରେଟ୍ ଆଇନରେ ସ୍ନାତକୋତ୍ତର ଡିଗ୍ରୀ ହାସଲ କରୁଛନ୍ତି। ଦରମାର ୯୦ ପ୍ରତିଶତ ଶିକ୍ଷା ପାଇଁ ଖର୍ଚ୍ଚ ହୁଏ ଭି.ଏନ୍. ପାର୍ଥିବାନଙ୍କ କାହାଣୀର ସବୁଠାରୁ ପ୍ରେରଣାଦାୟକ କଥା ହେଉଛି ତାଙ୍କର ଦୃଢ଼ ନିଷ୍ପତ୍ତି। ଶିକ୍ଷା ପ୍ରତି ତାଙ୍କର ଆଗ୍ରହକୁ ପୂରଣ କରିବା ପାଇଁ, ପ୍ରଫେସର ପାର୍ଥିବାନ ତାଙ୍କ ଦରମାର ୯୦ ପ୍ରତିଶତ ତାଙ୍କ ପାଠପଢ଼ାରେ ଖର୍ଚ୍ଚ କରନ୍ତି, ଯେଉଁଥିରେ ବିଶ୍ୱବିଦ୍ୟାଳୟ ଫିସ୍, ପୁସ୍ତକ ଏବଂ ଅନ୍ୟାନ୍ୟ ଖର୍ଚ୍ଚ ଅନ୍ତର୍ଭୁକ୍ତ। ଆହୁରି ପଢ଼ନ୍ତୁ: Western border active by Indias trishul exercise: ତିନି ସେନା ସକ୍ରିୟ, ପାକିସ୍ତାନ ପଶ୍ଚିମ ସୀମାରେ ଭାରତର ତ୍ରିଶୂଳ ଅଭ୍ୟାସ ତାଙ୍କ ସ୍ତ୍ରୀଙ୍କର ମଧ୍ୟ ୯ ଡିଗ୍ରୀ ଅଛି ପାର୍ଥିବାନ ତାଙ୍କ ଆୟର ପ୍ରାୟ ୯୦% ପାଠପଢ଼ା, ପୁସ୍ତକ ଏବଂ ପରୀକ୍ଷା ଫିସ୍ ପାଇଁ ଖର୍ଚ୍ଚ କରନ୍ତି। ତଥାପି, ସେ କୁହନ୍ତି, ପଢ଼ା ହେଉଛି ଜୀବନର ଉଦ୍ଦେଶ୍ୟ। ଯେପର୍ଯ୍ୟନ୍ତ ମୁଁ ନିଶ୍ୱାସ ନେଉଥିବି, ମୁଁ ଶିଖୁଥିବି। ସେ କେବେ ଆର୍ଥିକ ସାହାଯ୍ୟ ଗ୍ରହଣ କରିନାହାଁନ୍ତି। ତାଙ୍କ ପତ୍ନୀ, ଏମ୍. ସେଲଭାକୁମାରୀ, ଶିକ୍ଷା ପ୍ରତି ସମାନ ଭାବରେ ସମର୍ପିତ। ସେ ନିଜେ ନଅଟି ଡିଗ୍ରୀ ହାସଲ କରିଛନ୍ତି ଏବଂ ପ୍ରତ୍ୟେକ ପଦକ୍ଷେପରେ ତାଙ୍କ ସ୍ୱାମୀଙ୍କୁ ସମର୍ଥନ କରିଛନ୍ତି।

Cyclone Montha Nears Odisha: Southern Districts on High Alert, Fishermen Urged to Return to Shore

Authorities have placed southern Odisha on high alert as Cyclone Montha moves closer to the east coast. Warnings have been issued from Ganjam to Paradip, with officials urging residents and fishermen to stay cautious and follow safety advisories. Heavy Rainfall Forecast Prompts Precautionary Steps The India Meteorological Department (IMD) has predicted heavy rainfall across parts […] The post Cyclone Montha Nears Odisha: Southern Districts on High Alert, Fishermen Urged to Return to Shore appeared first on Pragativadi I Latest Odisha News in English I Breaking News .

Bjp Spokesman Anil Biswal: କଂଗ୍ରେସ ଅଭ୍ଯାସଗତ ମିଛ ଅଭିଯୋଗକାରୀ: ବିଜେପି ମୁଖପାତ୍ର ଅନିଲ ବିଶ୍ଵାଳ

ଭୁବନେଶ୍ବର: କଂଗ୍ରେସ ର ସାମ୍ବାଦିକ ସମ୍ମିଳନୀକୁ ନେଇ ବିଜେପିର ପ୍ରତିକ୍ରିୟା। ଏନେଇ ବିଜେପି ମୁଖପାତ୍ର ଅନିଲ ବିଶ୍ଵାଳ କହିଛନ୍ତି, କଂଗ୍ରେସ ଅଭ୍ଯାସଗତ ମିଛ ଅଭିଯୋଗକାରୀ। ସୁଭଦ୍ରା ସମାବେଶ ସରକାରୀ କାର୍ଯ୍ୟକ୍ରମ ନଥିଲା। ଦଳୀୟ କାର୍ଯ୍ୟକ୍ରମ ଥିଲା। ବିଜେପି କାର୍ଯ୍ୟାଳୟରେ ହୋଇଛି। ଏହା ଆଦର୍ଶ ଆଚରଣ ବିଧି ଉଲ୍ଲଂଘନ ନୁହେଁ। କଂଗ୍ରେସ ଆଦିବାସୀଙ୍କୁ ନେଇ କୁମ୍ଭୀର କାନ୍ଦଣା କାନ୍ଦୁଛି। ୨୦୨୪ରେ କଂଗ୍ରେସ ଆଦିବାସୀ ପ୍ରାର୍ଥୀଙ୍କୁ ଟିକେଟ୍ ଦେଲାନି ସେ ଆହୁରି କହିଛନ୍ତି, ୨୦୨୪ରେ କଂଗ୍ରେସ ଆଦିବାସୀ ପ୍ରାର୍ଥୀଙ୍କୁ ଅଣଦେଖା କଲା, ଟିକେଟ୍ ଦେଲାନି। ସେତେବେଳେ ଆଦିବାସୀ ପ୍ରେମ କୁଆଡେ ଯାଇଥିଲା। ଏବେ ଆଦିବାସୀ ପାଇଁ କାନ୍ଦୁଛନ୍ତି। କଂଗ୍ରେସ ମୁଖପାତ୍ର ସୋନାଲି ସାହୁ କହିଛନ୍ତି, ନୂଆପଡ଼ା ଉପନିର୍ବାଚନ ସମୟରେ ସରକାରୀ ଦଳର ନିର୍ବାଚନ ଆଦର୍ଶ ଆଚରଣ ବିଧି ଉଲ୍ଲଂଘନ ଆଭିଯୋଗରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଛୁ। ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଆଜି ଦଳୀୟ କାର୍ଯ୍ୟକ୍ରମରେ ନୂଆପଡ଼ା ଗସ୍ତ କରିଛନ୍ତି। ଏହି କାର୍ଯ୍ୟକ୍ରମକୁ ଗଣମାଧ୍ୟମରେ ପ୍ରସାରଣ କରିବା ପାଇଁ ତାଙ୍କ ସରକାରୀ ସୂଚନା ଅଧିକାରୀ ତନୁଜା ମହାନ୍ତି ଆଇ ଆଣ୍ଡ ପିଆରର ହ୍ବାଟ୍‌ସଆପ୍‌ ଗ୍ରୁପରେ ସେୟାର କରିଛନ୍ତି। ଉପମୁଖ୍ୟମନ୍ତ୍ରୀ ଶ୍ରୀମତୀ ପରିଡ଼ା ଦଳୀୟ କାର୍ଯ୍ୟକ୍ରମରେ ଯାଉଥିବାବେଳେ ସରକାରୀ ଅଧିକାରୀ କିଭଳି ଏହାକୁ ପ୍ରସାରଣ କରିବା ପାଇଁ କହୁଛନ୍ତି। ଏହା ସମ୍ପୂର୍ଣ୍ଣ ରୂପେ ନିର୍ବାଚନ ଆଚରଣ ବିଧି ଉଲ୍ଲଂଘନ କରୁଛି। BJP | congress

Stage Broken: ସମର୍ଥକମାନେ ଭୋଟ୍‌ ପାଇଁ ସ୍ଲେଗାନ ଦେଉଥିବା ବେଳେ ଭୁଶୁଡ଼ି ପଡ଼ିଲା ମଞ୍ଚ

ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନ ପ୍ରଚାରରେ ନୂଆନୂଆ ରଙ୍ଗ ଦେଖିବାକୁ ମିଳୁଛି। ଯାହାକି ବେଶ ଚର୍ଚ୍ଚାର ପରିସରରେ ରହିଛି। ଏହି ପରିପ୍ରେକ୍ଷୀରେ ମୋକାମା ବିଧାନସଭା ନିର୍ବାଚନ ମଣ୍ଡଳୀର ଜେଡିୟୁ ପ୍ରାର୍ଥୀ ତଥା ବାହୁବଳୀ ନେତା ଅନନ୍ତ ସିଂହ ର ଏକ ଆଶ୍ଚର୍ଯ୍ୟଜନକ ଭିଡିଓ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି। ଏହି ଭିଡିଓଟି ନିର୍ବାଚନ ପ୍ରଚାର ସମୟର ଥିବା କୁହାଯାଉଛି। ମଞ୍ଚ ଉପରକୁ ଚଢ଼ିଗଲେ ସମର୍ଥକ ସୂଚନାଯୋଗ୍ୟ, ମୋକାମାର ପୂର୍ବ ଅଞ୍ଚଳରେ ଜେଡିୟୁ ପ୍ରାର୍ଥୀ ଅନନ୍ତ ସିଂହଙ୍କ ‘ଘନଘନ ଜନସଂପର୍କ ସମ୍ପର୍କ ଅଭିଯାନ’ ଜୋରଦାର ଚାଲିଥିଲା। ଏହି ସମୟରେ ତାଙ୍କ ଉତ୍ସାହୀ ସମର୍ଥକମାନେ ରାମପୁର-ଡୁମରା ଗାଁରେ ଏକ ମଞ୍ଚ ସ୍ଥାପନ କରିଥିଲେ। ଏହି ମଞ୍ଚରେ ଅନନ୍ତ ସିଂହ ପହଞ୍ଚିବା ପରେ ଲୋକଙ୍କ ଭିଡ଼ ଜମି ଯାଇଥିଲା। ନିଜ ନେତାଙ୍କୁ ପାଖରେ ପାଇଁ ସମର୍ଥକମାନେ ମଞ୍ଚରେ ଚଢ଼ି ଯାଇଥିଲେ। ଅଧିକପଢ଼ନ୍ତୁ: କୋରାପୁଟ କଫି ବିଷୟରେ କହିଲେ ପ୍ରଧାନମନ୍ତ୍ରୀ ସ୍ଲୋଗାନ ଦେଲେ ନେତାଙ୍କ ସମର୍ଥକ ଅନନ୍ତ ସିଂହ ମଞ୍ଚରେ ବସିଥିବା ବେଳେ ତାଙ୍କର ଜଣେ ସମର୍ଥକ ମାଇକ୍ରୋଫୋନ୍ ଧରି ଭାଷଣ ଦେଉଥିଲେ। ସମର୍ଥକମାନେ ଅନନ୍ତ ସିଂହଙ୍କ ସପକ୍ଷରେ ଭୋଟ୍ ପାଇଁ ନିବେଦନ କରି ‘ଜେଡିୟୁ ଜିନ୍ଦାବାଦ’ ଏବଂ ‘ନୀତିଶ କୁମାର ଜିନ୍ଦାବାଦ’ ଭଳି ସ୍ଲୋଗାନ ଦେଉଥିଲେ। ଏଥିସହିତ ସମର୍ଥକମାନେ ଯେମିତି ହୖିଁ ‘ଅନନ୍ତ ବାବୁ ଜିନ୍ଦାବାଦ’ ସ୍ଲୋଗାନ ଦେଇଥିଲେ କେହି କିଛି ବୁଝିବା ପୂର୍ବରୁ ମଞ୍ଚଟି ହଠାତ ଭୁଶୁଡ଼ି ପଡ଼ିଥିଲା। ଏହି ଘଟଣାରେ ନେତାଙ୍କ ସମେତ ଅନେକ ସମର୍ଥକମାନେ ଭାବସାମ୍ୟ ହରାଇ ମଞ୍ଚରୁ ତଳକୁ ପଡ଼ି ଯାଇଥିଲେ। View this post on Instagram A post shared by State Mirror Hindi (@statemirrornews) ଅନନ୍ତ ସିଂହ ସୁରକ୍ଷିତ ଉଦ୍ଧାର ଲୋକମାନେ ତୁରନ୍ତ ଅନନ୍ତ ସିଂହ ଏବଂ ତଳେ ପଡ଼ି ଯାଇଥିବା ଅନ୍ୟଲୋକଙ୍କୁ ଭୁଶୁଡ଼ି ପଡ଼ିଥିବା ମଞ୍ଚରୁ ସୁରକ୍ଷିତ ଭାବେ ଉଦ୍ଧାର କରିଥିଲେ। ସୌଭାଗ୍ୟବଶତଃ ଏହି ଘଟଣାରେ କେହି ଆହତ ହୋଇ ନାହାନ୍ତି। ଏହି ଘଟଣା ନିର୍ବାଚନ ପ୍ରଚାର ସମୟରେ ସୁରକ୍ଷା ମାନଦଣ୍ଡକୁ ନେଇ ଗମ୍ଭୀର ପ୍ରଶ୍ନ ଉଠାଇଛି। ସ୍ଥଳଭାଗ ଆଡ଼କୁ ଅଗ୍ରସର; ଆନ୍ଧ୍ର ଛୁଇଁବା ଆଶଙ୍କା, ଓଡ଼ିଶାରେ ପ୍ରବଳ ବର୍ଷା ସମ୍ଭାବନା Bihar Election JDU Nitish Kumar

National OBC Comission: ୨୯ ତାରିଖରେ ହେବ ଜାତୀୟ ଓବିସି ଆପତ୍ତି ଅଭିଯୋଗ ଶୁଣାଣି

ଭୁବନେଶ୍ବର: ୨୯ ତାରିଖରେ ହେବ ଜାତୀୟ ଓବିସି ଆପତ୍ତି ଅଭିଯୋଗ ଶୁଣାଣି। କେଉଁ ଜାତିଗୁଡ଼ିକୁ ନୂଆ କରି ଜାତୀୟ ପଛୁଆ ବର୍ଗରେ ସାମିଲ କରିବା ଦରକାର ସେ ନେଇ ସମୀକ୍ଷା ହେବ। ଓଡ଼ିଶାରେ ଶୁଣାଣି କରିବାକୁ ଆସୁଛନ୍ତି ଜାତୀୟ ଓବିସି କମିସନ। ଏ ନେଇ ସୂଚନା ଦେବା ସହ ରାଜ୍ୟର ଓବିସି ବର୍ଗଙ୍କୁ ଅଂଶଗ୍ରହଣ କରିବାକୁ ଅପିଲ କରିଛନ୍ତି ବିଜେପି ଓବିସି ମୋର୍ଚ୍ଚା ସଭାପତି ସୁରଥ ବିଶ୍ଵାଳ। ଏନେଇ ସମସ୍ତ ପ୍ରସ୍ତୁତି ଆରମ୍ଭ ହୋଇଛି। ଦୁଇଦିନିଆ ଗସ୍ତରେ ଓବିସି କମିସନ ଓବିସି କମିସନ ରାଜ୍ୟକୁ ଦୁଇଦିନିଆ ଗସ୍ତରେ ଆସୁଛନ୍ତି। ୨୯ ଓ ୩୦ ତାରିଖରେ ତାଙ୍କର ମତାମତ ସଂଗ୍ରହର ରହିଛି ଯୋଜନା। ୨୯ ତାରିଖରେ ରାଜ୍ୟ ଅତିଥି ଭବନରେ ଜନ ଶୁଣାଣି କରିବେ ଜାତୀୟ ଓବିସି କମିସନ। ଓବିସି ବର୍ଗର ଲୋକେ ଆସି ତାଙ୍କ ସମସ୍ୟା ବାବଦରେ ସେହି ଦିନ କମିସନଙ୍କୁ ତାଙ୍କର ଅଭିଯୋଗ ଜଣାଇ ପାରିବେ। ଏଥିପାଇଁ ରାଜ୍ୟ ରାଜଧାନୀ ସହ ଅନ୍ୟ ଜିଲ୍ଲାରେ ବି କ୍ୟାମ୍ପ ଲଗାଇବେ କମିସନ। ଆହୁରି ପଢ଼ନ୍ତୁ: Cows Rescued At Dhamnagar: ୧୬ ନମ୍ବର ଜାତୀୟ ରାଜପଥ ଵିଷ୍ଣୁପୁର ଛକ ନିକଟରୁ ୧୫୦ରୁ ଅଧିକ ଗାଈ ଉଦ୍ଧାର, ଦୁଇଟି ଗୋରୁ ଗାଡ଼ି ଜବତ ଆହୁରି ପଢ଼ନ୍ତୁ: Cyclone Montha Gajapati: ସମ୍ଭାବ୍ୟ ବାତ୍ୟା ମୋନ୍ଥାର ମୁକାବିଲା ପାଇଁ ପ୍ରସ୍ତୁତ ଗଜପତି ଜିଲ୍ଲା ପ୍ରଶାସନ

Western border active by Indias trishul exercise: ତିନି ସେନା ସକ୍ରିୟ, ପାକିସ୍ତାନ ପଶ୍ଚିମ ସୀମାରେ ଭାରତର ତ୍ରିଶୂଳ ଅଭ୍ୟାସ

ନୂଆଦିଲ୍ଲୀ: ଭାରତ ପକ୍ଷରୁ ପାକିସ୍ତାନ ସହିତ ଥିବା ଏହାର ପଶ୍ଚିମ ସୀମାରେ ଏକ ପ୍ରମୁଖ ସାମରିକ ଅଭ୍ୟାସ ତ୍ରିଶୂଳ ଆରମ୍ଭ କରିବାକୁ ଯାଉଛି । ଏହି ଅଭ୍ୟାସ ଅକ୍ଟୋବର ୩୦ ରୁ ନଭେମ୍ବର ୧୦ ପର୍ଯ୍ୟନ୍ତ ଚାଲିବ। ରାଜସ୍ଥାନ ଏବଂ ଗୁଜରାଟର ବଡ଼ ଅଞ୍ଚଳକୁ ଉଡ଼ାଣ ପାଇଁ ପ୍ରତିବନ୍ଧକ ଲଗାଯାଇଛି। ପାକିସ୍ତାନ ଅକ୍ଟୋବର ୨୮ ଏବଂ ୨୯ ତାରିଖରେ ଏହାର କିଛି ଆକାଶ ସୀମାକୁ ମଧ୍ୟ ପ୍ରତିବନ୍ଧକ ଲଗାଇଛି, ସମ୍ଭବତଃ ଏକ ଅଭ୍ୟାସ କିମ୍ବା କ୍ଷେପଣାସ୍ତ୍ର ପରୀକ୍ଷଣ ପାଇଁ ଏଭଳି କରାଯାଇଥିବା କୁହାଯାଉଛି। ଏହା ଦୁଇ ଦେଶ ମଧ୍ୟରେ ଉତ୍ତେଜନା ବୃଦ୍ଧି ପାଉଥିବା ସୂଚିତ କରୁଛି, ଯାହା ଅପରେସନ ସିନ୍ଦୁର ପରେ ମଧ୍ୟ ଦେଖାଯାଇଥିଲା। ଆହୁରି ପଢ଼ନ୍ତୁ: Rashmika's movie the girlfriend trailer: ରଶ୍ମିକା ମନ୍ଦାନାଙ୍କ ଫିଲ୍ମ 'ଦି ଗର୍ଲଫ୍ରେଣ୍ଡ'ର ଟ୍ରେଲର ରିଲିଜ୍ ଜଣେ ବରିଷ୍ଠ ସାମରିକ ଅଧିକାରୀ କହିଛନ୍ତି ଯେ, ଏହି ଅଭ୍ୟାସ ନିୟମିତ ଏବଂ ଏପରି ବଡ଼ ମିଳିତ ଅଭ୍ୟାସ ପ୍ରତିବର୍ଷ ଅତି କମରେ ଥରେ କରାଯାଏ। ତଥାପି, ଚଳିତ ବର୍ଷର ତ୍ରିଶୂଳ ଅଭ୍ୟାସ ବହୁତ ବଡ଼ ଏବଂ ଅଧିକ ଜଟିଳ, ଯେଉଁଥିରେ ବିଭିନ୍ନ ପ୍ରକାରର ଆକ୍ରମଣାତ୍ମକ ଏବଂ ପ୍ରତିରକ୍ଷାାତ୍ମକ ମିଳିତ ସାମରିକ ଅଭ୍ୟାସ ସାମିଲ ଅଛି। ଏହି ଅଭ୍ୟାସ ଏପରି ସମୟରେ ହେଉଛି ଯେତେବେଳେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କଚ୍ଛ ରଣ ନିକଟବର୍ତ୍ତୀ ସାର୍ କ୍ରିକ୍ ଅଞ୍ଚଳରେ ସାମରିକ ଗଠନ ବିଷୟରେ ପାକିସ୍ତାନକୁ ଚେତାବନୀ ଦେଇଥିଲେ। ସେ କହିଥିଲେ, ଯଦି ପାକିସ୍ତାନ ସାର୍ କ୍ରିକ୍ ସେକ୍ଟରରେ କିଛି କରିବାକୁ ସାହସ କରେ, ତେବେ ପ୍ରତିକ୍ରିୟା ଏତେ କଡ଼ା ହେବ ଯେ ଇତିହାସ ଏବଂ ଭୂଗୋଳ ଉଭୟ ପରିବର୍ତ୍ତନ ହୋଇଯିବ। ତିନି ସେନାର ମିଳିତ ସମରାଭ୍ୟାସ ତ୍ରିଶୂଳ ଅଭ୍ୟାସରେ ଭାରତୀୟ ସେନା, ନୌସେନା ଏବଂ ବାୟୁସେନା ଏକାଠି କାମ କରିବେ। ସେନା 20,000 ରୁ ଅଧିକ ସୈନ୍ୟ, ଟ୍ୟାଙ୍କ, ତୋପ, କ୍ଷେପଣାସ୍ତ୍ର ଏବଂ ହେଲିକପ୍ଟର ନିୟୋଜିତ କରିଛି। ବାୟୁସେନା ମହା ଗୁଜୁରାଟ ନାମକ ଏକ ଉଚ୍ଚ-ଗତିର ଅଭିଯାନ ପରିଚାଳନା କରିବ। ଏଥିରେ ରାଫେଲ ଏବଂ ସୁଖୋଇ-30MKI ଭଳି ଲଢ଼ୁଆ ବିମାନ, ସ୍ୱତନ୍ତ୍ର ବିମାନ, ହେଲିକପ୍ଟର, ଡ୍ରୋନ (ଦୂରବର୍ତ୍ତୀ ପାଇଲଟେଡ୍ ବିମାନ), ଆକାଶରେ ଇନ୍ଧନ ଭର୍ତ୍ତି ବିମାନ (IL-78), ଏବଂ ବାୟୁବାହୀ ନିରୀକ୍ଷଣ ବିମାନ (ଏବର୍ନ ପ୍ରାରମ୍ଭିକ-ସତର୍କତା ଏବଂ ନିୟନ୍ତ୍ରଣ ବିମାନ) ଅନ୍ତର୍ଭୁକ୍ତ ହେବ। ଏହି ସମସ୍ତ ବିମାନ ଅନେକ ବାୟୁସେନା ଘାଟିରୁ କାର୍ଯ୍ୟ କରିବ। ନୌସେନା ଗୁଜରାଟ ଉପକୂଳରେ ଅନେକ ଫ୍ରିଗେଟ୍ ଏବଂ ବିଧ୍ୱଂସକ ମଧ୍ୟ ନିୟୋଜିତ କରିଛି, ଯାହା ଅଭ୍ୟାସରେ ଅଂଶଗ୍ରହଣ କରିବେ। ଅନେକ ମିଳିତ ସାମରିକ ଅଭିଯାନ ହେବ ଏହି ଅଭ୍ୟାସ ବିଭିନ୍ନ କଷ୍ଟକର ଭୂଖଣ୍ଡରେ ଅନୁଷ୍ଠିତ ହେବ, ଯେଉଁଥିରେ ସର୍ କ୍ରିକ୍ ଏବଂ ମରୁଭୂମି ଅଞ୍ଚଳରେ ଆକ୍ରମଣାତ୍ମକ ଅଭିଯାନ, ସୌରାଷ୍ଟ୍ର ଉପକୂଳରେ ନୌସେନା ଅଭ୍ୟାସ ଏବଂ ବିଭିନ୍ନ ପ୍ରକାରର ମିଳିତ ସାମରିକ ଅଭିଯାନ ଅନ୍ତର୍ଭୁକ୍ତ। ଏହି ଅଭ୍ୟାସ ଦୁଇ ଦେଶ ମଧ୍ୟରେ ବଢ଼ୁଥିବା ଉତ୍ତେଜନାକୁ ପ୍ରତିଫଳିତ କରେ ଏବଂ ପାକିସ୍ତାନ ଦ୍ୱାରା ଲାଗୁ ହୋଇଥିବା ଆକାଶ ସୀମା ପ୍ରତିବନ୍ଧକ ମଧ୍ୟ ଏହାକୁ ସୂଚିତ କରେ। ଏହି ଅଭ୍ୟାସ ଭାରତର ସାମରିକ ଶକ୍ତିର ପ୍ରଦର୍ଶନ ଏବଂ ଦର୍ଶାଏ ଯେ ଭାରତୀୟ ସେନା ଯେକୌଣସି ଚ୍ୟାଲେଞ୍ଜର ସମ୍ମୁଖୀନ ହେବାକୁ ପ୍ରସ୍ତୁତ। ତିନି ବାହିନୀ ମଧ୍ୟରେ ସମନ୍ୱୟ ଏହି ଅଭ୍ୟାସ ଭାରତର ତିନି ସଶସ୍ତ୍ର ବାହିନୀ ମଧ୍ୟରେ ସମନ୍ୱୟକୁ ସୁଦୃଢ଼ ​​କରିବ। ଏହା ଭବିଷ୍ୟତର ଯେକୌଣସି ସଂଘର୍ଷର ମୁକାବିଲା କରିବାର ଆମର କ୍ଷମତାକୁ ବୃଦ୍ଧି କରିବ। ଆହୁରି ପଢ଼ନ୍ତୁ: Cyclone Montha Gajapati: ସମ୍ଭାବ୍ୟ ବାତ୍ୟା ମୋନ୍ଥାର ମୁକାବିଲା ପାଇଁ ପ୍ରସ୍ତୁତ ଗଜପତି ଜିଲ୍ଲା ପ୍ରଶାସନ ତ୍ରିଶୂଳ' ଅଭ୍ୟାସ ଆଧୁନିକ ଅସ୍ତ୍ରଶସ୍ତ୍ର ଏବଂ ପ୍ରଯୁକ୍ତିବିଦ୍ୟା ବ୍ୟବହାର କରିବ, ଯାହା ଭାରତୀୟ ସେନା ର ଗୁଳିଶକ୍ତିକୁ ଆହୁରିବୃଦ୍ଧି କରିବ। ଏହି ଅଭ୍ୟାସ କେବଳ ପାକିସ୍ତାନକୁ ଏକ ଦୃଢ଼ ବାର୍ତ୍ତା ଦେବ ନାହିଁ ବରଂ ଭାରତ ତାର ସୀମାକୁ ସୁରକ୍ଷା ଦେବା ପାଇଁ ସମ୍ପୂର୍ଣ୍ଣ ପ୍ରସ୍ତୁତ ଅଛି ବୋଲି ମଧ୍ୟ ନିଶ୍ଚିତ କରିବ। ଏହିପରି ନିୟମିତ ବଡ଼ ଧରଣର ଅଭ୍ୟାସ ସାମରିକ ପ୍ରସ୍ତୁତିର ସ୍ତରକୁ ବଜାୟ ରଖିବ।

Ollywood Barsha Priyadarshini: ଅଲରାଉଣ୍ଡର୍ ରାଜୁ ମିଶ୍ରଙ୍କ ଫିଲ୍ମରେ ନଜର ଆସିନାହାନ୍ତି ବର୍ଷା ପ୍ରିୟଦର୍ଶିନୀ

ଭୁବନେଶ୍ବର(ଶିବଶଙ୍କର ଓଝା): ଆଜି ହେଉଛି ଓଲିଉଡର ଅଲରାଉଣ୍ଡର୍ ରାଜୁ ମିଶ୍ରଙ୍କ ଜନ୍ମଦିନ। ତାଙ୍କର ପ୍ରକୃତ ନାମ ରାଜଗୋପାଳ ମିଶ୍ର। ସେ ଏକାଧାରରେ ଜଣେ ନିର୍ଦ୍ଦେଶକ, ଚିତ୍ରନାଟ୍ୟକାର, କାହାଣୀକାର, ସଙ୍ଗୀତକାର ଏବଂ ସିନେମାଟୋଗ୍ରାଫର। ସେ ଉଲ୍‌କା, ପୁଅ ମୋର କଳାଠାକୁର, ଚକା ଆଖି ସବୁ ଦେଖୁଛି, ଆସୁଚି ମୋ’ କାଳିଆ ସୁନା, ଜୋର ଯାର ମୂଲକ ତାର, ସାଗର ଗଙ୍ଗା, ରୂପା ଗାଁର ସୁନା କନିଆଁ, ପଥର ଖସୁଚି ବଡ଼ ଦେଉଳୁ, ହରି ଭାଇ ହାରେନା, ସିଂହ ବାହିନୀ, ସତ ମିଛ, ଜୀବନ ମୃତ୍ୟୁ ଓ ଲକ୍ଷ୍ମୀର ଅଭିସାର ଆଦି ଓଡ଼ିଆ ଛବିର ନିର୍ଦ୍ଦେଶ ନା ଦେଇଛନ୍ତି। ତାଙ୍କୁ ରାଜ୍ୟ ସରକାର ଚଳଚ୍ଚିତ୍ର ଜଗତର ସ‌ର୍ବୋଚ୍ଚ ସମ୍ମାନ ‘ଜୟଦେବ ପୁରସ୍କାର’ରେ ସମ୍ମାନିତ କରିଥିଲେ। ରଚନା ଓ ଅନୁଙ୍କୁ ମିଳିଥିଲା ସୁଯୋଗ ରାଜୁ ମିଶ୍ରଙ୍କ ସିନେମାରେ ଓଲିଉଡର କେତେକ ଆଗଧାଡ଼ିର ନାୟିକା ଅଭିନୟ କରିଛନ୍ତି। କିନ୍ତୁ ଓଲିଉଡର ଅନ୍ୟତମ ସଫଳ ନାୟିକା ବର୍ଷା ପ୍ରିୟଦର୍ଶିନୀଙ୍କୁ ସେହି ବିରଳ ସୁଯୋଗ ମିଳିନାହିଁ। ରଚନା ଓ ଅନୁ ଚୌଧୁରୀଙ୍କ ଭଳି ଲୋକପ୍ରିୟ ନାୟିକା ଅଲରାଉଣ୍ଡର୍ ରାଜୁ ମିଶ୍ରଙ୍କ ସହ କାମ କରିଥିଲେ, କିନ୍ତୁ ବର୍ଷା ନୁହନ୍ତି। ଆହୁରି ପଢ଼ନ୍ତୁ: Ornaments Loot At Soro: ପୁଲିସକୁ ଡରୁନାହାନ୍ତି ଅପରାଧୀ: ହାତଗୋଡ଼ ବାନ୍ଧି ଲୁଟିନେଲେ ୫ ଲକ୍ଷର ଗହଣା ଉଲ୍ଲେଖଯୋଗ୍ୟ , ବର୍ଷା ପ୍ରିୟଦର୍ଶିନୀ ଶିଶିର ମିଶ୍ର , ରବି କିନ୍ନାଗୀ , ବସନ୍ତ ସାହୁ , ଅରୁଣ ମହାନ୍ତି , ହର ପଟ୍ଟନାୟକ , ସୁଧାଂଶୁ ମୋହନ ସାହୁ , ସଞ୍ଜୟ ନାୟକ , ହିମାଂଶୁ ପରିଜା , ଅଶୋକ ପତି , ଏନ୍ ପାଢ଼ୀ , ଦିଲୀପ ପଣ୍ଡା , ସୁଶାନ୍ତ ମଣି , ଏସ କେ ମୁରଲୀଧରନ୍ , ମୃତ୍ୟୁଞ୍ଜୟ ସାହୁ , ସୁଧାକର ବସନ୍ତ , ଜ୍ୟୋତି ଦାସ , ତ୍ରିପତି ସାହୁ ଓ ମୁରଲୀକ୍ରୀଷ୍ଣାଙ୍କ ଭଳି ଲୋକପ୍ରିୟ ନିର୍ଦ୍ଦେଶକଙ୍କ ସହ କାମ କରିଛନ୍ତି । ସୂଚନାଯୋଗ୍ୟ, ରଚନା ପ୍ରଖ୍ୟାତ ନିର୍ଦ୍ଦେଶକ ରାଜୁ ମିଶ୍ରଙ୍କ ନିର୍ଦ୍ଦେଶିତ ‘ସାଗର ଗଙ୍ଗା’ ଜରିଆରେ ଓଲିଉଡରେ ପ୍ରବେଶ କରିଥିଲେ। ‘ସାଗର ଗଙ୍ଗା’ ପରେ ଯେଉଁ ସିନେମାରେ ରାଜୁ ମିଶ୍ରଙ୍କ ସହ ରଚନା ଯେଉଁ ସିନେମାରେ କାମ କରିଥିଲେ ତାର ଟାଇଟଲ୍ ହେଲା ‘ ରୂପା ଗାଁର ସୁନା କନିଆଁ’। ଆହୁରି ପଢ଼ନ୍ତୁ: Cows Rescued At Dhamnagar: ୧୬ ନମ୍ବର ଜାତୀୟ ରାଜପଥ ଵିଷ୍ଣୁପୁର ଛକ ନିକଟରୁ ୧୫୦ରୁ ଅଧିକ ଗାଈ ଉଦ୍ଧାର, ଦୁଇଟି ଗୋରୁ ଗାଡ଼ି ଜବତ ଅନୁ ଚୌଧୁରୀ ଜୟଦେବ ପୁରସ୍କାରପ୍ରାପ୍ତ ନିର୍ଦ୍ଦେଶକ ରାଜୁ ମିଶ୍ରଙ୍କ ନିର୍ଦ୍ଦେଶିତ ମାତ୍ର ଗୋଟିଏ ଓଡ଼ିଆ ଛବିରେ କାମ କରିଛନ୍ତି। ରାଜୁ ମିଶ୍ରଙ୍କ ନିର୍ଦ୍ଦେଶିତ ନିର୍ଦ୍ଦେଶିତ ଯେଉଁ ଓଡ଼ିଆ ଛବିରେ ଅନୁ ଚୌଧୁରୀ ନାୟିକା ଭୂମିକାରେ ନଜର ଆସିଥିଲେ, ତାହା ହେଲା ‘ହରି ଭାଇ ହାରେନା’। ଏଥିରେ ନାୟକ ଭୂମିକା ନିଭାଇଥିଲେ ସୁନୀଲ କୁମାର। ହେଲେ ଏହାପରେ ଉଭୟ ରାଜୁ ଓ ଅନୁ ଅନ୍ୟ କୌଣସି ଛବିରେ ଏକାଠି କାମ କରି ନଥିଲେ। Ollywood

Cyclone Montha Gajapati: ସମ୍ଭାବ୍ୟ ବାତ୍ୟା ମୋନ୍ଥାର ମୁକାବିଲା ପାଇଁ ପ୍ରସ୍ତୁତ ଗଜପତି ଜିଲ୍ଲା ପ୍ରଶାସନ

ପାରଳାଖେମୁଣ୍ଡି: ସମ୍ଭାବ୍ୟ ବାତ୍ୟା ମୋନ୍ଥାର ମୁକାବିଲା ପାଇଁ ପ୍ରସ୍ତୁତ ଜିଲ୍ଲା ପ୍ରଶାସନ। ଏନେଇ ସାମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି ଗଜପତି ଜିଲ୍ଲାପାଳ ମଧୁମିତା। ଆନ୍ଧ୍ର ପ୍ରଦେଶର ମଛିଲିପାଟଣା ନିକଟରେ ସ୍ଥଳଭାଗ ଛୁଇଁବା ନେଇ ଆକଳନ କରିଛି ପାଣିପାଗ ବିଭାଗ। ଯାହାର ପ୍ରଭାବ ପଡିବା ନେଇ ଗଜପତି ଜିଲ୍ଲାକୁ ରେଡ ଆଲର୍ଟ ଜାରି କରାଯାଇଛି। ୨୭ ତାରିଖ ଓରେଞ୍ଜ ଓ୍ବାରନିଙ୍ଗ ଓ ୨୮ ତାରିଖ ରେଡ୍ ଓ୍ବାରନିଙ୍ଗ ରହିଛି। ପ୍ରବଳରୁ ଅତି ପ୍ରବଳ ବର୍ଷା ଓ ପବନର ବହିବାର ସମ୍ଭାବନା ଥିବାରୁ ଆସନ୍ତା କାଲି ଠାରୁ ୩୦ ତାରିଖ ପର୍ଯ୍ୟନ୍ତ ସମସ୍ତ ଶିକ୍ଷାନୁଷ୍ଠାନ ଓ ଅଙ୍ଗନବାଡି କେନ୍ଦ୍ରକୁ ବନ୍ଦ ରଖିବା ପାଇଁ ଦିଆଯାଇଛି। ସମ୍ଭାବ୍ୟ ବାତ୍ୟା ନେଇ ଗଜପତିରେ କାଲି ଠାରୁ ୪ଦିନ ସମସ୍ତ ଶିକ୍ଷାନୁଷ୍ଠାନ ବନ୍ଦ ନିଷ୍ପତ୍ତି ହୋଇଛି। ୨୪ ଘଣ୍ଟିଆ କଣ୍ଟ୍ରୋଲ ରୁମର ବ୍ୟବସ୍ଥା ଏଥି ସହ ସାତୋଟି ବ୍ଳକ ଓ ଦୁଇଟି ସହରାଞ୍ଚଳରେ ବରିଷ୍ଠ ଅଧିକାରୀମାନଙ୍କୁ ନୋଡାଲ ଅଫିସର ଭାବରେ ନିୟୋଜିତ କରାଯାଇଛି। ସ୍ଥିତି ଉପରେ ତୀକ୍ଷ୍ନ ନଜର ରଖିବା ପାଇଁ ପ୍ରତି ପଞ୍ଚାୟତରେ ୨୪ ଘଣ୍ଟିଆ କଣ୍ଟ୍ରୋଲ ରୁମର ବ୍ୟବସ୍ଥା କରାଯାଇଛି। ସମସ୍ତ ସମ୍ବେଦନଶୀଳ ଅଞ୍ଚଳରେ ଅସ୍ଥାୟୀ ବାତ୍ୟା ଆଶ୍ରୟ ସ୍ଥଳୀ ପ୍ରସ୍ତୁତ କରି ରଖାଯାଇଛି। ଆହୁରି ପଢ଼ନ୍ତୁ: Ornaments Loot At Soro: ପୁଲିସକୁ ଡରୁନାହାନ୍ତି ଅପରାଧୀ: ହାତଗୋଡ଼ ବାନ୍ଧି ଲୁଟିନେଲେ ୫ ଲକ୍ଷର ଗହଣା ପ୍ରାଥମିକ ସ୍ତରରେ ଜିଲ୍ଲାର ସମସ୍ତ ଗର୍ଭବତୀ ମହିଳା ମାନଙ୍କୁ ମା ଗୃହକୁ ସ୍ଥାନାନ୍ତର ପ୍ରକିୟା ଆରମ୍ଭ ହୋଇଛି । ରାଜ୍ୟ ସ୍ତରରୁ ଦୁଇଟି ଓଡ୍ରାଫ୍ ଓ ଏନଡିଆର ଏଫ୍ ଟିମକୁ ମୁତୟନ ପାଇଁ କୁହାଯାଇଛି। ବର୍ଷା ସମୟରେ ଅତ୍ୟାବଶ୍ୟକ ନହେଲେ ଘରୁ ବାହାରକୁ ନବାହାରିବା ପାଇଁ ଅନୁରୋଧ କରିଛନ୍ତି ଜିଲ୍ଲାପାଳ। ମାଇକ ଜରିଆରେ ସମସ୍ତ ଗ୍ରାମାଞ୍ଚଳରେ ଲୋକଙ୍କୁ ସତର୍କ କରାଯାଉଛି। ଏହିସବୁ କାର୍ଯ୍ୟର ଟିକିନିଖି ତଦାରଖର ଦାୟିତ୍ଵ ନିଜେ ଜିଲ୍ଲାପାଳ କଣ୍ଟ୍ରୋଲ ରୁମରେ ନିୟନ୍ତ୍ରଣ କରୁଛନ୍ତି। ଆହୁରି ପଢ଼ନ୍ତୁ: Cows Rescued At Dhamnagar: ୧୬ ନମ୍ବର ଜାତୀୟ ରାଜପଥ ଵିଷ୍ଣୁପୁର ଛକ ନିକଟରୁ ୧୫୦ରୁ ଅଧିକ ଗାଈ ଉଦ୍ଧାର, ଦୁଇଟି ଗୋରୁ ଗାଡ଼ି ଜବତ Cyclone Montha

Is Baseer Ali Joining Ektaa Kapoor’s ‘Naagin 7’ After Bigg Boss 19 Eviction?

Bigg Boss 19, hosted by Salman Khan, is making headlines this week due to rumours of a double eviction. According to insiders, Baseer Ali and co-contestant Nehal Chudasama may leave the show this weekend. Amid these reports, rumours have surfaced that Baseer Ali could join Ektaa Kapoor’s popular TV series, Naagin 7, after his Bigg […] The post Is Baseer Ali Joining Ektaa Kapoor’s ‘Naagin 7’ After Bigg Boss 19 Eviction? appeared first on Pragativadi I Latest Odisha News in English I Breaking News .

Rashmika's movie the girlfriend trailer: ରଶ୍ମିକା ମନ୍ଦାନାଙ୍କ ଫିଲ୍ମ 'ଦି ଗର୍ଲଫ୍ରେଣ୍ଡ'ର ଟ୍ରେଲର ରିଲିଜ୍

ଚେନ୍ନାଇ: ଦକ୍ଷିଣ ସିନେମା ଅଭିନେତ୍ରୀ ରଶ୍ମିକା ମନ୍ଦାନାଙ୍କ ଫିଲ୍ମ ଥାମା ନିକଟରେ ରିଲିଜ୍ ହୋଇଥିଲା। ଯାହା ବକ୍ସ ଅଫିସରେ ରେକର୍ଡ ସୃଷ୍ଟି କରିଛି। ଏହି ସମୟରେ, ଅଭିନେତ୍ରୀ ପୁଣି ଥରେ ବଡ଼ ପରଦାରେ ଚହଳ ସୃଷ୍ଟି କରିବାକୁ ପ୍ରସ୍ତୁତ ହେଉଛନ୍ତି। ତାଙ୍କର ରୋମାଣ୍ଟିକ ଡ୍ରାମା ଫିଲ୍ମ 'ଦି ଗର୍ଲଫ୍ରେଣ୍ଡ'ର ବହୁ ପ୍ରତୀକ୍ଷିତ ଟ୍ରେଲର ରିଲିଜ୍ ହୋଇଛି। ଫିଲ୍ମର ନିର୍ମାତା ଶନିବାର ଟ୍ରେଲର ରିଲିଜ୍ କରିଛନ୍ତି। ଏହାକୁ ନେଇ ଦର୍ଶକଙ୍କ ଠାରୁ ଜବରଦସ୍ତ ପ୍ରତିକ୍ରିୟା ମିଳୁଛି। ରଶ୍ମିକା ନିଜେ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ୍ ଆକାଉଣ୍ଟରେ ଟ୍ରେଲରଟି ସେୟାର କରି ଲେଖିଛନ୍ତି, ଏହା କୌଣସି ସାଧାରଣ ପ୍ରେମ କାହାଣୀ ନୁହେଁ, ଏହା ଆପଣଙ୍କୁ ଭାବିବାକୁ ବାଧ୍ୟ କରିବ। ୨ ମିନିଟ୍ ୩୯ ସେକେଣ୍ଡର ଏହି ଟ୍ରେଲରଟି ଏକ ଗଭୀର ଏବଂ ଜଟିଳ ପ୍ରେମ କାହାଣୀ କହେ, ଯାହା ସ୍ପଷ୍ଟ ଭାବରେ ପ୍ରେମ, ଯନ୍ତ୍ରଣା ଏବଂ ସମ୍ପର୍କର ଜଟିଳତାକୁ ପ୍ରଦର୍ଶନ କରୁଛି। ଫିଲ୍ମରେ ରଶ୍ମିକାଙ୍କୁ ଏହି ଭୂମିକାରେ ଦେଖିବାକୁ ମିଳିବ ଫିଲ୍ମରେ ରଶ୍ମିକା ଭୁମା ଭୂମିକାରେ ଅଭିନୟ କରିଛନ୍ତି । ଯେତେବେଳେ ଧିକ୍ଷିତ ଶେଟ୍ଟୀ ବିକ୍ରମ ଭୂମିକାରେ ଅଭିନୟ କରିଛନ୍ତି। ଟ୍ରେଲରଟି ଭୁମା ତାଙ୍କ ପ୍ରେମିକ ବିକ୍ରମଙ୍କୁ ପଚାରିବା ସହିତ ଆରମ୍ଭ ହେଉଛି, ଆମେ ବ୍ରେକ୍ ନେଇପାରିବା କି? ଯାହାର ଉତ୍ତରରେ ବିକ୍ରମ କ୍ରୋଧର ସହିତ ଉତ୍ତର ଦେଉଛନ୍ତି, ବ୍ରେକ୍ ଅର୍ଥ ବ୍ରେକ୍। ଟ୍ରେଲରରେ ବିକ୍ରମଙ୍କୁ ଜଣେ ଟୋକ୍ସିକ୍, ଡୋମିନେଟିଂ ଏବଂ ସନ୍ଦେହୀ ପ୍ରେମିକ ଭାବରେ ଚିତ୍ରଣ କରୁଛି ଯିଏ ସମ୍ପର୍କରେ ନିୟନ୍ତ୍ରଣ ବଜାୟ ରଖିବାକୁ ଚାହାନ୍ତି। ଯେତେବେଳେ ଭୁମା ଜଣେ ଶାନ୍ତ ଏବଂ ସରଳ ମହିଳା ଯିଏ ସମ୍ପର୍କର ଚାପରେ ଶ୍ୱାସରୁଦ୍ଧ ହେଉଛନ୍ତି। କାହାଣୀଟିରେ ଏକ ଭାବପ୍ରବଣ ଘଟଣା ମଧ୍ୟ ରହିଛି, ଯେଉଁଠାରେ ବିକ୍ରମ ହଠାତ୍ ଭୂମାଙ୍କୁ ପ୍ରସ୍ତାବ ଦେଇ କହୁଛନ୍ତି, ପରଦିନ ଏକ ଶୁଭ ସମୟ, ଆସନ ବିବାହ କରିବା। ତଥାପି, ଭୂମା ତାଙ୍କର ତରବରିଆ ଭାବ ନେଇ ଅସନ୍ତୁଷ୍ଟ ମନେ ହେଉଛନ୍ତି। ଆହୁରି ପଢ଼ନ୍ତୁ: Koraput coffee in Mann ki baat: କୋରାପୁଟ କଫି ବିଷୟରେ କହିଲେ ପ୍ରଧାନମନ୍ତ୍ରୀ ଦି ଗାର୍ଲଫ୍ରେଣ୍ଡ ଷ୍ଟାର କାଷ୍ଟ ଏହି ଚଳଚ୍ଚିତ୍ରଟି ରାହୁଲ ରବିନ୍ଦ୍ରନଙ୍କ ଦ୍ୱାରା ନିର୍ଦ୍ଦେଶିତ ଏବଂ ଲେଖାଯାଇଛି। ଯିଏ ସମ୍ପର୍କର ସତ୍ୟ ଏବଂ ଭାବପ୍ରବଣ ଜଟିଳତାକୁ ସୂକ୍ଷ୍ମ ଭାବରେ ଚିତ୍ରଣ କରିଛନ୍ତି। ଚଳଚ୍ଚିତ୍ରର ସଙ୍ଗୀତ ହେଶାମ ଅବଦୁଲ ୱାହାବଙ୍କ ଦ୍ୱାରା ରଚିତ, ଯିଏ ପୂର୍ବରୁ ଅନେକ ବ୍ଲକବଷ୍ଟର ଚଳଚ୍ଚିତ୍ର ପାଇଁ ସଙ୍ଗୀତ ରଚନା କରିଛନ୍ତି। କ୍ରିଷ୍ଣନ ବସନ୍ତ ସିନେମାଟୋଗ୍ରାଫି ପରିଚାଳନା କରିଥିଲେ। ଆହୁରି ପଢ଼ନ୍ତୁ: HIV positive after blood transfusion: ରକ୍ତ ନେଇ ୫ ଶିଶୁ HIV ପଜିଟିଭ୍ ଦି ଗର୍ଲଫ୍ରେଣ୍ଡ ତେଲୁଗୁ, ହିନ୍ଦୀ, ତାମିଲ, କନ୍ନଡ ଏବଂ ମାଲାୟଲମ ଭାଷାରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ରରେ ରଶ୍ମିକା ମନ୍ଦାନା, ଧିକ୍ଷିତା ସେଟ୍ଟୀ, ରାଓ ରମେଶ ଏବଂ ରୋହିଣୀ ମୁଖ୍ୟ ଭୂମିକାରେ ଅଭିନୟ କରିଛନ୍ତି। View this post on Instagram A post shared by Rashmika Mandanna (@rashmika_mandanna) ଏହି ଚଳଚ୍ଚିତ୍ରଟି ୭ ନଭେମ୍ବର ୨୦୨୫ରେ ସିନେମା ହଲରେ ମୁକ୍ତିଲାଭ କରିବାର ଯୋଜନା ରହିଛି ଏବଂ ଦର୍ଶକଙ୍କୁ ଏକ ନୂଆ ଧରଣର ପ୍ରେମ କାହାଣୀ ସମ୍ପର୍କରେ କହିବ।

CM Mohan Charan Majhi to Attend India Maritime Week 2025 in Mumbai Tomorrow

Chief Minister Mohan Charan Majhi will attend India Maritime Week (IMW) 2025 in Mumbai from October 27 to 31, 2025. He will join the inaugural session tomorrow as the Guest of Honour. Later, he will attend the Odisha Special Session in the afternoon. The session will focus on Odisha’s port-led investment opportunities and the state’s […] The post CM Mohan Charan Majhi to Attend India Maritime Week 2025 in Mumbai Tomorrow appeared first on Pragativadi I Latest Odisha News in English I Breaking News .

Koraput Coffee Is Pride of Odisha, Says PM Modi in Mann Ki Baat

Prime Minister Narendra Modi on Sunday lauded Koraput Coffee, describing it as a “source of pride for Odisha” for both its distinctive flavour and its socioeconomic impact. Speaking during the 127th episode of his monthly radio address, Mann Ki Baat, the Prime Minister highlighted how the coffee grown in Koraput district has become a symbol […] The post Koraput Coffee Is Pride of Odisha, Says PM Modi in Mann Ki Baat appeared first on Pragativadi I Latest Odisha News in English I Breaking News .

Thamma Worldwide Box Office Day 5: Ayushmann Khurrana, Rashmika Mandanna Film Crosses Rs 100 Crore, Beats Bhediya

Ayushmann Khurrana and Rashmika Mandanna’s horror comedy Thamma has achieved a major milestone at the global box office. The film has collected Rs 110 crore worldwide within just five days of release, surpassing the lifetime earnings of Bhediya (Rs 95 crore). Strong Weekend Boost After a solid start on Diwali with an opening of Rs […] The post Thamma Worldwide Box Office Day 5: Ayushmann Khurrana, Rashmika Mandanna Film Crosses Rs 100 Crore, Beats Bhediya appeared first on Pragativadi I Latest Odisha News in English I Breaking News .

Mahalaxmi Maa Bhadrakali ଆଜି ଶେଷ ଦିନରେ ମା ଭଦ୍ରକାଳୀଙ୍କ ମହାଲକ୍ଷ୍ମୀ ବେଶ

ଭଦ୍ରକ: ମା ଭଦ୍ରକାଳୀଙ୍କର ସପ୍ତ ମାତୃକା ବେଶର ଆଜି ହେଉଛି ଅନ୍ତିମ ଦିନ। ଆଜି ଶେଷ ଦିନରେ ମା ଭଦ୍ରକାଳୀ ମହାଲକ୍ଷ୍ମୀ ବେଶରେ ପୂଜା ପାଉଛନ୍ତି। ମାଙ୍କର ମହାଲକ୍ଷ୍ମୀ ବେଶ ଦର୍ଶନ କରିବା ପାଇଁ ସକାଳୁ ସକାଳୁ ହଜାର ହଜାର ଭକ୍ତ ମାଙ୍କ ମନ୍ଦିର ପରିସରରେ ଉପସ୍ଥିତ ହୋଇ ପୂଜା ଅର୍ଚ୍ଚନା କରୁଛନ୍ତି। ମାଙ୍କ ଆଶିଷ ନେଉଛନ୍ତି। ମହାଲକ୍ଷ୍ମୀ ବେଶରେ ମାଙ୍କୁ ଦର୍ଶନ କଲେ ଭକ୍ତଙ୍କୁ ଅପୂର୍ବ ସୁଖ ସମୃଦ୍ଧି ମିଳେ ବୋଲି ଲୋକଙ୍କ ବିଶ୍ୱାସ ରହିଛି। ମା ଭଦ୍ରକାଳୀଙ୍କ ପୀଠରେ ବ୍ୟାପକ ପୁଲିସ ବ୍ୟବସ୍ଥା ଆଜି ଅପରାହ୍ନରେ ମାଙ୍କ ପୀଠରେ ୭ ଦିନ ଧରି ଚାଲିଥିବା ମହାଯଜ୍ଞର ପୂର୍ଣ୍ଣାହୁତି ଦିଆଯିବ। ଏହି ପୂର୍ଣ୍ଣାହୁତି ବେଳେ ହଜାର ହଜାର ଭକ୍ତଙ୍କର ସମାଗମ ହେବ। ଭକ୍ତଙ୍କର ଗହଳିକୁ ଦୃଷ୍ଟିରେ ରଖି ମା ଭଦ୍ରକାଳୀଙ୍କ ପୀଠରେ ଶାନ୍ତି ଶୃଙ୍ଖଳା ରକ୍ଷା କରିବା ଲାଗି ବ୍ୟାପକ ପୁଲିସ ବ୍ୟବସ୍ଥା କରାଯାଇଛି। ଆହୁରି ପଢ଼ନ୍ତୁ: Ornaments Loot At Soro: ପୁଲିସକୁ ଡରୁନାହାନ୍ତି ଅପରାଧୀ: ହାତଗୋଡ଼ ବାନ୍ଧି ଲୁଟିନେଲେ ୫ ଲକ୍ଷର ଗହଣା ୬ ଶହ ବର୍ଷର ଆଦିଶକ୍ତି ପୀଠ ମା’ ଭଦ୍ରକାଳୀ ପୀଠରେ ପୂଜା ୨୦ ତାରିଖରୁ ଆରମ୍ଭ ହୋଇଥିଲା। ସାଳନ୍ଦୀ ନଦୀ ଘାଟରୁ କଳସ ଅଣାଯିବା ପରେ ମାଙ୍କ ପୀଠରେ ଘାଟ ସ୍ଥାପନା କରାଯିବା ପୂଜା ଅର୍ଚ୍ଚନା ଆରମ୍ଭ ହୋଇଥିଲା। ଏଠାରେ ସପ୍ତ ଦିନ ବ୍ୟାପୀ ମା’ଙ୍କର ପୂଜାର୍ଚ୍ଚନା ହେବ। ୭ ଦିନରେ ସାତଟି ରୂପରେ ମା’ ପୂଜା ପାଇବେ। ମା’ଙ୍କର ଏହି ସପ୍ତମାତୃକା ବେଶ ପୂଜା ଦେଖିବା ପାଇଁ ମା ଭଦ୍ରକାଳୀଙ୍କ ପୀଠକୁ କାଳୀପୂଜା ଅବସରରେ ଲକ୍ଷ ଲକ୍ଷ ଭକ୍ତ ଆସିଛନ୍ତି। ଏଥିପାଇଁ ମନ୍ଦିର କମିଟି ଓ ଜିଲ୍ଲା ପ୍ରଶାସନର ମିଳିତ ସହଯୋଗରେ ଏଠାରେ କାଳୀପୂଜା ବେଶ୍ ଧୁମ୍ ଧାମରେ ପାଳନ କରାଯାଉଥିବା ଉପ ଜିଲ୍ଲାପାଳ ସୌରଭ ଚକ୍ରବର୍ତ୍ତୀ ପ୍ରକାଶ କରିଛନ୍ତି। ଆହୁରି ପଢ଼ନ୍ତୁ: Cows Rescued At Dhamnagar: ୧୬ ନମ୍ବର ଜାତୀୟ ରାଜପଥ ଵିଷ୍ଣୁପୁର ଛକ ନିକଟରୁ ୧୫୦ରୁ ଅଧିକ ଗାଈ ଉଦ୍ଧାର, ଦୁଇଟି ଗୋରୁ ଗାଡ଼ି ଜବତ ଏଣେ ଭଦ୍ରକରେ ଚାଲିଛି ଐତିହାସିକ କାଳୀପୂଜା। ଏଥି ପାଇଁ ସଜେଇ ହୋଇଛି ମା ଭଦ୍ରକାଳୀଙ୍କ ପୀଠ ଠାରୁ ଚରମ୍ପାର ସବୁ ପୂଜା ମଣ୍ଡପ। ମା’ଙ୍କର ଆଗମନ ସହ ଆଲୋକ ଓ ଆନନ୍ଦର ପର୍ବ ଦୀପାବଳି ଓ ଭଦ୍ରକାଳୀଙ୍କ ଆରାଧନା ପାଇଁ ଭଦ୍ରକ ଉତ୍ସବ ମୁଖର ହୋଇ ଉଠିଛି। ମା’ଙ୍କ ପୂଜା ପାଇଁ ଚାଲିଥିବା ବେଳେ ରାଜ୍ୟର ପ୍ରସିଦ୍ଧ ଭଦ୍ରକ କାଳୀପୂଜା ପାଇଁ ନୂଆ ରୂପରେ ସଜେଇ ହୋଇଛି ଚରମ୍ପା। Bhadrakali

Aurangabad Railway Station Officially Renamed as Chhatrapati Sambhajinagar Station

Nearly three years after the historic renaming of Aurangabad city in Maharashtra, the Central Railway has officially changed the name of Aurangabad Railway Station to Chhatrapati Sambhajinagar Railway Station. According to an official release issued on Saturday, the new station code will be “CPSN.” The station falls under the Nanded Division of the South Central […] The post Aurangabad Railway Station Officially Renamed as Chhatrapati Sambhajinagar Station appeared first on Pragativadi I Latest Odisha News in English I Breaking News .

HIV positive after blood transfusion: ରକ୍ତ ନେଇ ୫ ଶିଶୁ HIV ପଜିଟିଭ୍

ରାଞ୍ଚି: ଝାଡ଼ଖଣ୍ଡ ର ପଶ୍ଚିମ ସିଂହଭୂମି ଜିଲ୍ଲାରେ ଚିକିତ୍ସା ଅବହେଳାର ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଚାଇବାସାର ସରକାରୀ ପରିଚାଳିତ ହସ୍ପିଟାଲରେ ରକ୍ତ ନେବା ପରେ ଜଣେ ସାତ ବର୍ଷର ଥାଲାସେମିଆ ଶିଶୁଙ୍କ ସମେତ ପାଞ୍ଚ ଜଣ ପିଲା HIV ପଜିଟିଭ୍ ହୋଇଥିବା ଜଣାପଡ଼ିଛି। ଏହି ଘଟଣା ରାଜ୍ୟର ସ୍ୱାସ୍ଥ୍ୟ ବିଭାଗରେ ଉତ୍ତେଜନା ଏବଂ ଆତଙ୍କ ସୃଷ୍ଟି କରିଛି, ଯାହା ଫଳରେ ରାଞ୍ଚିରୁ ଏକ ଉଚ୍ଚସ୍ତରୀୟ ଡାକ୍ତରୀ ଦଳ ତଦନ୍ତ ପାଇଁ ପହଞ୍ଚିଛନ୍ତି। ଆହୁରି ପଢ଼ନ୍ତୁ: ଶୁକ୍ରବାର ଦିନ ପ୍ରଥମେ ଏହି ଘଟଣା ସାମ୍ନାକୁ ଆସିଥିଲା ​​ଯେତେବେଳେ ଜଣେ ଥାଲାସେମିଆ ପୀଡିତ ଶିଶୁର ପରିବାର ଅଭିଯୋଗ କରିଥିଲେ ଯେ, ଚାଇବାସା ସଦର ହସ୍ପିଟାଲ ରକ୍ତଭଣ୍ଡାରରେ ତାଙ୍କୁ HIV ସଂକ୍ରମିତ ରକ୍ତ ଦିଆଯାଇଥିଲା। ଅଭିଯୋଗ ପରେ, ଝାଡ଼ଖଣ୍ଡ ସରକାର ଅଭିଯୋଗର ତଦନ୍ତ ପାଇଁ ସ୍ୱାସ୍ଥ୍ୟ ସେବା ନିର୍ଦ୍ଦେଶକ ଡାକ୍ତର ଦିନେଶ କୁମାରଙ୍କ ନେତୃତ୍ୱରେ ଏକ ପାଞ୍ଚ ଜଣିଆ ଡାକ୍ତରୀ ଦଳ ପଠାଇଥିଲେ। ପ୍ରାରମ୍ଭିକ ତଥ୍ୟ ପରିସ୍ଥିତିକୁ ଆହୁରି ଗମ୍ଭୀର କରିଛି। ଶନିବାର ଦିନ ଦଳର ଯାଞ୍ଚ ସମୟରେ, ଥାଲାସେମିଆରେ ପୀଡିତ ଆଉ ଚାରି ଜଣ ଶିଶୁ HIV-ପଜିଟିଭ୍ ଥିବା ଜଣାପଡିଥିଲା। ଯାହା ଦ୍ୱାରା ପ୍ରଭାବିତ ଶିଶୁଙ୍କ ସଂଖ୍ୟା ପାଞ୍ଚକୁ ବୃଦ୍ଧି ପାଇଛି। ସମସ୍ତ ଶିଶୁ ସେହି ହସ୍ପିଟାଲରେ ନିୟମିତ ରକ୍ତ ନେଉଥିଲେ। ପ୍ରାଥମିକ ତଦନ୍ତରୁ ଜଣାପଡିଛି, ଜଣେ ଥାଲାସେମିଆ ଶିଶୁଙ୍କୁ ଦୂଷିତ ରକ୍ତ ଦିଆଯାଇଥିଲା। ତଦନ୍ତ ସମୟରେ ରକ୍ତଭଣ୍ଡାରରେ କିଛି ଅସଙ୍ଗତି ଚିହ୍ନଟ ହୋଇଥିଲା ଏବଂ ସମ୍ପୃକ୍ତ ଅଧିକାରୀମାନଙ୍କୁ ସେଗୁଡ଼ିକର ସମାଧାନ କରିବାକୁ ନିର୍ଦ୍ଦେଶ ଦିଆଯାଇଛି ବୋଲି ଡାକ୍ତର ଦିନେଶ କୁମାର ସାମ୍ବାଦିକମାନଙ୍କୁ କହିଛନ୍ତି। ବର୍ତ୍ତମାନ ପାଇଁ, ହସ୍ପିଟାଲର ରକ୍ତଭଣ୍ଡାର କୁ ଜରୁରୀକାଳୀନ ଅପରେସନ୍ ମୋଡ୍‌ରେ ରଖାଯାଇଛି ଏବଂ ଆଗାମୀ କିଛି ଦିନ ପାଇଁ କେବଳ ଗୁରୁତର ରୋଗୀଙ୍କ ଚିକିତ୍ସା କରାଯିବ। ଅନିୟମିତତା ହୋଇଥିବା ଜଣାପଡ଼ିଛି ଡାକ୍ତର ଶିପ୍ରା ଦାସ, ଡାକ୍ତର ଏସଏସ ପାସୱାନ, ଡାକ୍ତର ଭଗତ, ଜିଲ୍ଲା ସିଭିଲ ସର୍ଜନ ଡାକ୍ତର ସୁଶାନ୍ତୋ କୁମାର ମାଝୀ, ଡାକ୍ତର ଶିବଚରଣ ହାଂସଦା ଏବଂ ଡାକ୍ତର ମିନୁ କୁମାରୀଙ୍କୁ ନେଇ ଗଠିତ ତଦନ୍ତ ଦଳ ରକ୍ତଭଣ୍ଡାର ଏବଂ ଶିଶୁ ଚିକିତ୍ସା କେନ୍ଦ୍ର (ପିଆଇସିୟୁ) ଉଭୟ ଯାଞ୍ଚ କରିଥିଲେ। ଦଳ ପ୍ରଭାବିତ ପିଲାମାନଙ୍କ ପରିବାର ସହିତ ମଧ୍ୟ ଆଲୋଚନା କରିଥିଲେ। ପ୍ରାଥମିକ ପର୍ଯ୍ୟବେକ୍ଷଣ ଅନୁଯାୟୀ, ରକ୍ତଭଣ୍ଡାରର କାର୍ଯ୍ୟରେ ଅନେକ ଅନିୟମିତତା ମିଳିଛି - ଯେଉଁଥିରେ ରକ୍ତ ନମୁନା ପରୀକ୍ଷାରେ ତ୍ରୁଟି, ରେକର୍ଡ ରକ୍ଷଣାବେକ୍ଷଣ ଏବଂ ସୁରକ୍ଷା ପ୍ରୋଟୋକଲ ପାଳନ ଅନ୍ତର୍ଭୁକ୍ତ। ଏହି ଅନିୟମିତତା ବିଷୟରେ ଏକ ବିବରଣୀ ରାଜ୍ୟ ସ୍ୱାସ୍ଥ୍ୟ ବିଭାଗକୁ ପ୍ରଦାନ କରାଯାଇଛି। ଜିଲ୍ଲା ସିଭିଲ୍ ସର୍ଜନ୍ ଡକ୍ଟର ସୁଶାନ୍ତୋ କୁମାର ମାଝୀ କହିଛନ୍ତି, ସଂକ୍ରମଣ କିପରି ବ୍ୟାପିଲା ତାହା ନିର୍ଣ୍ଣୟ କରିବା ପାଇଁ ଏକ ପୁଙ୍ଖାନୁପୁଙ୍ଖ ତଦନ୍ତ ଚାଲିଛି। ତଥାପି ମାଝୀ କହିଛନ୍ତି ଯେ, ସଂକ୍ରମଣ କେବଳ ରକ୍ତ ନେବାରୁ ହୋଇଛି ଅବା ଅନ୍ୟ କୌଣସି କାରଣରୁ ହୋଇଛି ସେ ନେଇ ତଦନ୍ତ ଜାରି ରହିଛି। ସେ ଉଲ୍ଲେଖ କରିଛନ୍ତି, HIV ସଂକ୍ରମଣ ଦୂଷିତ ଛୁଞ୍ଚି ସହିତ ଅନ୍ୟାନ୍ୟ କାରଣ ଯୋଗୁ ମଧ୍ୟ ହୋଇପାରେ। ପ୍ରଥମ ସଂକ୍ରମିତ ଶିଶୁର ପରିବାର ଜିଲ୍ଲା ପ୍ରଶାସନ ଏବଂ ରାଜ୍ୟ ସରକାରଙ୍କ ନିକଟରେ ଅଭିଯୋଗ ଦାଖଲ କରି ଦାୟିତ୍ୱ ଏବଂ ନ୍ୟାୟ ଦାବି କରିଛନ୍ତି। ସ୍ଥାନୀୟ ପ୍ରତିନିଧିମାନେ ମଧ୍ୟ ଏକ ଉଚ୍ଚସ୍ତରୀୟ ତଦନ୍ତ ପାଇଁ ଦାବି କରିଛନ୍ତି। ମାଞ୍ଜାରି ଜିଲ୍ଲା ପରିଷଦ ସଦସ୍ୟ ମାଧବ ଚନ୍ଦ୍ର କୁଙ୍କଲ ଅଭିଯୋଗ କରିଛନ୍ତି, ଘଟଣାଟି ବ୍ୟକ୍ତିଗତ ପ୍ରତିଶୋଧ ଦ୍ୱାରା ପ୍ରେରିତ ହୋଇଥାଇପାରେ। ସେ ଦାବି କରିଛନ୍ତି ଯେ ଜଣେ ରକ୍ତ ଭଣ୍ଡାର କର୍ମଚାରୀ ଏବଂ ଶିଶୁର ସମ୍ପର୍କୀୟଙ୍କ ସହିତ ଏକ ବିବାଦ ଏକ ବର୍ଷ ଧରି କୋର୍ଟରେ ବିଚାରାଧୀନ ଥିଲା। ଉଚ୍ଚ ନ୍ୟାୟାଳୟଙ୍କ ଦୃଷ୍ଟି ଆକର୍ଷଣ ଏହି ଘଟଣା ଏବେ ଝାଡ଼ଖଣ୍ଡ ହାଇକୋର୍ଟରେ ପହଞ୍ଚିଛି, ଯିଏ ଏହି ମାମଲାକୁ ଧ୍ୟାନ ଦେଇଛନ୍ତି ଏବଂ ରାଜ୍ୟ ସ୍ୱାସ୍ଥ୍ୟ ସଚିବ ଏବଂ ଜିଲ୍ଲା ସିଭିଲ୍ ସର୍ଜନଙ୍କଠାରୁ ଏକ ରିପୋର୍ଟ ମାଗିଛନ୍ତି। ଆହୁରି ପଢ଼ନ୍ତୁ: ସରକାରୀ ରେକର୍ଡ ଅନୁଯାୟୀ, ବର୍ତ୍ତମାନ ପଶ୍ଚିମ ସିଂହଭୂମି ଜିଲ୍ଲାରେ ୫୧୫ ଜଣ HIV-ପଜିଟିଭ୍ ଏବଂ ୫୬ ଜଣ ଥାଲାସେମିଆ ରୋଗୀ ଅଛନ୍ତି। ଆହୁରି ବ୍ୟାପିବାକୁ ରୋକିବା ପାଇଁ ସମ୍ପୃକ୍ତ ରକ୍ତଦାତାଙ୍କୁ ଚିହ୍ନଟ କରିବାକୁ ସ୍ୱାସ୍ଥ୍ୟ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି।

PM Narendra Modi Highlights Rising Enthusiasm for GST Bachat Utsav, Indigenous Products, and Indian Coffee in 127th Episode of Mann Ki Baat

Prime Minister Narendra Modi, during the 127th episode of Mann Ki Baat, expressed delight over the growing enthusiasm among people for the GST Bachat Utsav and the remarkable surge in the purchase of indigenous products across markets during the festive season. The Prime Minister noted that this festive period witnessed a pleasant change — citizens […] The post PM Narendra Modi Highlights Rising Enthusiasm for GST Bachat Utsav, Indigenous Products, and Indian Coffee in 127th Episode of Mann Ki Baat appeared first on Pragativadi I Latest Odisha News in English I Breaking News .

Most wanted gangster lakhvinder reached India: ଲରେନ୍ସ ବିଶ୍ନୋଇ ଗ୍ୟାଙ୍ଗର ମୋଷ୍ଟ ୱାଣ୍ଟେଡ୍ ସାର୍ପସୁଟର ଲଖବିନ୍ଦର ଭାରତରେ

ନୂଆଦିଲ୍ଲୀ:କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଶନିବାର ଏକ ବଡ଼ ଆନ୍ତର୍ଜାତୀୟ ଅପରେସନରେ ଆମେରିକାର ଜଣେ ମୋଷ୍ଟ ୱାଣ୍ଟେଡ୍ ଗ୍ୟାଙ୍ଗଷ୍ଟର ଲଖବିନ୍ଦର କୁମାରଙ୍କୁ ଭାରତ ଫେରାଇ ଆଣିବାରେ ସଫଳ ହୋଇଛି। ଏହି ଅପରେସନ ବୈଦେଶିକ ବ୍ୟାପାର ମନ୍ତ୍ରଣାଳୟ ଏବଂ ଗୃହ ମନ୍ତ୍ରଣାଳୟର ସହଯୋଗରେ କରାଯାଇଥିଲା। ଲଖବିନ୍ଦର କୁଖ୍ୟାତ ଗ୍ୟାଙ୍ଗଷ୍ଟର ଲରେନ୍ସ ବିଶ୍ନୋଇଙ୍କ ଗ୍ୟାଙ୍ଗ ସହିତ ଜଡିତ। ଲଖବିନ୍ଦର କୁମାରଙ୍କ ବିରୁଦ୍ଧରେ ହରିୟାଣା ପୁଲିସ ଅନେକ ଗମ୍ଭୀର ଅଭିଯୋଗରେ ମାମଲା ରୁଜୁ କରିଥିଲା, ଯେଉଁଥିରେ ଦାଦାବଟି ଆଦାୟ, ଧମକ, ଅବୈଧ ଅସ୍ତ୍ରଶସ୍ତ୍ର ରଖିବା ଏବଂ ହତ୍ୟା ଉଦ୍ୟମ ଅନ୍ତର୍ଭୁକ୍ତ ରହିଛି। ଏହି ଅଭିଯାନ ବର୍ଷକର ଆଇନଗତ ପ୍ରକ୍ରିୟା ଏବଂ ଅନ୍ତର୍ଜାତୀୟ ସମନ୍ୱୟର ପରିଣାମ। ଆହୁରି ପଢ଼ନ୍ତୁ: Defender car controversy gifted by contractor: ୨୧ ବିଧାୟକଙ୍କୁ ଦୁଇ କୋଟି ଟଙ୍କାର ଡିଫେଣ୍ଡର କାର ଉପହାର ନେଇ ରାଜନୈତିକ ଝଡ଼ ୨୬ ଅକ୍ଟୋବର ୨୦୨୪ରେ ହରିୟାଣା ପୁଲିସର ଅନୁରୋଧରେ ଇଣ୍ଟରପୋଲ ସିବିଆଇ ମାଧ୍ୟମରେ ଗ୍ୟାଙ୍ଗଷ୍ଟର ଲଖବିନ୍ଦର କୁମାରଙ୍କ ବିରୁଦ୍ଧରେ ରେଡ୍ ନୋଟିସ ଜାରି କରିଥିଲା। ଏହା ପରେ, ଆମେରିକୀୟ ଏଜେନ୍ସିଗୁଡ଼ିକ ତାଙ୍କୁ ଠାବ କରିବା ଏବଂ ଆଇନଗତ ଭାବରେ ପ୍ରତ୍ୟର୍ପଣ ପ୍ରକ୍ରିୟା ଆରମ୍ଭ କରିଥିଲେ। ଶେଷରେ, ଆମେରିକୀୟ କର୍ତ୍ତୃପକ୍ଷ ତାଙ୍କୁ ଭାରତ କୁ ପ୍ରତ୍ୟର୍ପଣ କରିଥିଲେ। ସେ ୨୫ ଅକ୍ଟୋବର, ୨୦୨୫ରେ ଭାରତରେ ପହଞ୍ଚିଥିଲେ। ଏକ ସ୍ୱତନ୍ତ୍ର ହରିୟାଣା ପୁଲିସ ଦଳ ପୂର୍ବରୁ ଦିଲ୍ଲୀ ବିମାନବନ୍ଦରରେ ଉପସ୍ଥିତ ଥିଲେ। ସେ ଅବତରଣ କରିବା ପରେ ତାଙ୍କୁ ଅଟକ ରଖାଯାଇଥିଲା। ଏହି ଅପରେସନରେ ଭାରତର ଜାତୀୟ କେନ୍ଦ୍ରୀୟ ବ୍ୟୁରୋ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। breaking : lawrence bishnoi ग्रुप का शार्प शूटर लखविंदर अमेरिका से भारत लाया गया , 2024 में इंटरपोल ने रेड कॉर्नर नोटिस जारी किया था . सीबीआई को बड़ी सफलता मिली है हरियाणा के कई मामलो में लखविंदर से होगी पूछताछ . pic.twitter.com/s1TkIberHs — Gurpreet Garry Walia (@garrywalia_) October 26, 2025 ରେଡ୍ ନୋଟିସ୍ କ’ଣ ? ଭାରତର ନ୍ୟାସନାଲ ସେଣ୍ଟ୍ରାଲ ବ୍ୟୁରୋ (NCB-ଇଣ୍ଟରପୋଲ୍ ଇଣ୍ଡିଆ), କିମ୍ବା BHARATPOL, ଇଣ୍ଟରପୋଲ୍ ଚ୍ୟାନେଲ ମାଧ୍ୟମରେ ଭାରତର ସମସ୍ତ ଆଇନ ପ୍ରବର୍ତ୍ତନ ଏଜେନ୍ସିଗୁଡ଼ିକୁ ସଂଯୋଗ ଏବଂ ସମନ୍ୱୟ କରିଥାଏ। ଇଣ୍ଟରପୋଲ୍ ଦ୍ୱାରା ଜାରି କରାଯାଇଥିବା ରେଡ୍ ନୋଟିସ୍ ହେଉଛି ବିଶ୍ୱବ୍ୟାପୀ ଆଇନ ପ୍ରବର୍ତ୍ତନ ଏଜେନ୍ସିଗୁଡ଼ିକୁ ୱାଣ୍ଟେଡ୍ ପଳାତକଙ୍କୁ ଟ୍ରାକ୍ ଏବଂ ଗିରଫ କରିବା ପାଇଁ ପଠାଯାଇଥିବା ଏକ ଆନ୍ତର୍ଜାତୀୟ ସର୍କୁଲାର। ଆହୁରି ପଢ଼ନ୍ତୁ: Daughter cannot claim share father’s property: ଝିଅମାନେ ପିତାଙ୍କ ସମ୍ପତ୍ତିରେ ଅଂଶ ଦାବି କରିପାରିବେ ନାହିଁ: ଉତ୍ତରାଧିକାର ପାଇଁ ହାଇକୋର୍ଟ ସର୍ତ୍ତ ରଖିଲେ CBI ଅନୁଯାୟୀ, ଭାରତରେ ଇଣ୍ଟରପୋଲ୍ ଚ୍ୟାନେଲ ମାଧ୍ୟମରେ ସମନ୍ୱୟ ବୃଦ୍ଧି ପାଇବା ଫଳରେ ଗତ କିଛି ବର୍ଷ ମଧ୍ୟରେ ବିଭିନ୍ନ ଦେଶରୁ ୧୩୦ ରୁ ଅଧିକ ୱାଣ୍ଟେଡ୍ ଅପରାଧୀଙ୍କୁ ଭାରତକୁ ପ୍ରତ୍ୟର୍ପଣ କରାଯାଇଛି। ଏହା ଭାରତର ବିଶ୍ୱ ଆଇନ ପ୍ରବର୍ତ୍ତନ ସହଯୋଗରେ ଏକ ପ୍ରମୁଖ ସଫଳତା। ଲଖବିନ୍ଦରଙ୍କ ଭାରତକୁ ପ୍ରତ୍ୟର୍ପଣକୁ କେବଳ ଏକ ଗିରଫଦାରୀ ଭାବରେ ନୁହେଁ, ବରଂ ସଂଗଠିତ ଅପରାଧ ବିରୁଦ୍ଧରେ ଅନ୍ତର୍ଜାତୀୟ ପୋଲିସିଂରେ ଭାରତର ବଢ଼ୁଥିବା ବିଶ୍ୱସନୀୟତାର ପ୍ରତୀକ ଭାବରେ ଦେଖାଯାଉଛି।

Cows Rescued At Dhamnagar: ୧୬ ନମ୍ବର ଜାତୀୟ ରାଜପଥ ଵିଷ୍ଣୁପୁର ଛକ ନିକଟରୁ ୧୫୦ରୁ ଅଧିକ ଗାଈ ଉଦ୍ଧାର, ଦୁଇଟି ଗୋରୁ ଗାଡ଼ି ଜବତ

ଅସୁରାଳି/ଭଦ୍ରକ: ଭଦ୍ରକ ଜିଲ୍ଲାରେ ବେଆଇନ ଗୋଚାଲାଣ ବନ୍ଦ ହେଉନାହିଁ। ପୁଲିସ ବି ବିଶେଷ ସତର୍କ ଦୃଷ୍ଟି ଦେଉନାହିଁ। କେବଳ ଗୋ ସେବକମାନଙ୍କ ଅହରହ ପ୍ରୟାସ ଯୋଗୁ ଅନେକ ସମୟରେ ବେଆଇନ ଗୋଚାଲାଣ ଗୋରୁଗାଡ଼ି ଜବତ ହେଉଛି ଏବଂ ଗୋରୁମାନଙ୍କୁ ଉଦ୍ଧାର କରାଯାଇପାରୁଛି। ଘଟଣା ସ୍ଥଳରୁ ଡ୍ରାଇଭର ଓ ହେଲପର ଫେରାର ସୂଚନା ଅନୁଯାୟୀ ପାଣିକୋଇଲିରୁ ଆସୁଥିଲା ବେଆଇନ ଗୋରୁ ବୋଝେଇ ଦୁଇଟି ବଡ଼ ଟ୍ରକ। ଏହି ଦୁଇ ଟ୍ରକରେ ୧୫୦ରୁ ଊର୍ଦ୍ଧ୍ବ ଗୋରୁ ଉଦ୍ଧାର କରିଛନ୍ତି ଗୋ ସୁରକ୍ଷା କର୍ମୀ। ଭଦ୍ରକ ଧାମନଗର ଥାନା ୧୬ ନମ୍ବର ଜାତୀୟ ରାଜପଥ ଵିଷ୍ଣୁପୁର ଛକ ନିକଟରେ ଗୋ ସେବକ ତଥା ଗୋ ସୁରକ୍ଷା କର୍ମୀମାନେ ରାତି ୨ଟା ୩୦ ସମୟରେ ୨ଟି ଟ୍ରକକୁ ଅଟକାଇଥିଲେ। ଘଟଣା ସ୍ଥଳରୁ ଡ୍ରାଇଭର ଓ ହେଲପର ଫେରାର ହୋଇଯାଇଥିଲେ। ଘଟଣା ସ୍ଥଳରେ ଧାମନଗର ପୁଲିସ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଉଦ୍ଧାର ଗୋରୁଙ୍କୁ ପୁଲିସର ଉପସ୍ଥିତିରେ ଗୋ ସୁରକ୍ଷା କର୍ମୀଙ୍କ ସହଯୋଗରେ ଏହି ଦୁଇ ଟ୍ରକ ସହ ଗୋରୁଙ୍କୁ ନେଇ ବାଲେଶ୍ବର ଜିଲ୍ଲା ମଇତାପୁରରେ ଗୋଶାଳାକୁ ନିଆଯାଇଥିଲା। ଆହୁରି ପଢ଼ନ୍ତୁ: ମିଛ ଚାକିରି ନାଁରେ ଠକେଇ ତାତିଲେ ଠକେଇର ଶିକାର ମହିଳା ଏଣେ କୋରାପୁଟ ଜିଲ୍ଲା ଜୟପୁର ସଦରଥାନା ଅନ୍ତର୍ଗତ ଜାତୀୟ ରାଜପଥରେ ପୁଣି ଗୋ ଚାଲାଣକାରୀମାନେ ସକ୍ରିୟ ହୋଇ ଉଠିଛନ୍ତି। ବାରମ୍ବାର ଗୋରୁ ଗାଡ଼ି ଧରପଗଡ ପାଇଁ ଏହି ବେଆଇନ ଗୋ ଚାଲାଣ ବନ୍ଦ ରହିଥିଲା। ମାତ୍ର କିଛି ଦିନର ବିରତି ପରେ ପୁଣି ଗୋ ମାଫିଆ ସକ୍ରିୟ ହୋଇଥିବା ଦେଖିବାକୁ ମିଳିଛି। ଜୟପୁର ସଦର ଥାନାଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥର ଏୟାରପୋର୍ଟ ଛକ ନିକଟରୁ ଗୋଟିଏ ଟ୍ରକ ନବରଙ୍ଗପୁର ରୁ ଭଦ୍ରାଞ୍ଚଳମ ଗୋ ଚାଲାଣ ହେଉଥିଲା। ଜୟପୁର ହିନ୍ଦୁ ସମାଜର କର୍ମକର୍ତ୍ତାମାନେ ଗୋଚାଲଣ ହେଉଥିବା ଖବର ପାଇବା ପରେ ବୋରିଗୁମ୍ମା ଠାରୁ ଜୟପୁର ସଦରଥାନା ପର୍ଯ୍ୟନ୍ତ ବିଭିନ୍ନ ଛକ ମାନଙ୍କରେ ଗାଡ଼ିକୁ ଅନୁଧ୍ୟାନ କରୁଥିଲେ। ଗାଡ଼ି ଜୟପୁର ସଦର ଥାନା ଅଞ୍ଚଳରେ ପହଞ୍ଚିବା ପରେ ହିନ୍ଦୁ ସମାଜ କର୍ମକର୍ତ୍ତାମାନେ ସଦର ପୁଲିସକୁ ଖବର ଦେଇଥିଲେ। ପୁଲିସ ଘଟଣା ସ୍ଥଳରେ ପହଞ୍ଚି ଗୋରୁ ଗାଡ଼ିକୁ ଜବତ କରିଥିଲେ। ଏବ˚ ଗାଡ଼ିକୁ ସଦରଥାନାକୁ ଆଣିବା ପରେ ଡ୍ରାଇଭର ଓ ହେଲପରକୁ ଥାନାରେ ଅଟକ ରଖିଥିଲେ। ଆହୁରି ପଢ଼ନ୍ତୁ: Ornaments Loot At Soro: ପୁଲିସକୁ ଡରୁନାହାନ୍ତି ଅପରାଧୀ: ହାତଗୋଡ଼ ବାନ୍ଧି ଲୁଟିନେଲେ ୫ ଲକ୍ଷର ଗହଣା Cattle smuggling

Ornaments Loot At Soro: ପୁଲିସକୁ ଡରୁନାହାନ୍ତି ଅପରାଧୀ: ହାତଗୋଡ଼ ବାନ୍ଧି ଲୁଟିନେଲେ ୫ ଲକ୍ଷର ଗହଣା

ସୋର: ସୋରରେ ଅପରାଧୀ ମାନେ ପୁଲିସକୁ ଡରୁନାହାନ୍ତି। ଚୋରଙ୍କ ଭୟରେ ସୋର ବାସୀ ରାତି କାଟୁଥିବା ବେଳେ ପୁଲିସର ନିଷ୍କ୍ରିୟତା ସମସ୍ତଙ୍କୁ ଚିନ୍ତିତ କରିଛି। ସୋର ଥାନା ବେଲପୁର ଗ୍ରାମରୁ ଗତକାଲି ରାତିରେ ଜଣେ ମହିଳାଙ୍କୁ ହାତଗୋଡ଼ ବାନ୍ଧି ମାଡ଼ ମାରି ୫ ଲକ୍ଷ ଟଙ୍କାର ଗହଣା ଓ ନଗଦ ଟଙ୍କା ଲୁଟ ହୋଇଥିବା ଜଣାପଡିଛି।ଏହି ଗ୍ରାମର ଶେଖ ଆଲ୍ଲା ଉଦ୍ଦିନ ଘରେ ନଥିବା ବେଳେ ତାଙ୍କ ସ୍ତ୍ରୀ ଆମିନା ବିବି ଓ ମା ହାଲିମାନ ବିବି ତିନି ଜଣ ପିଲାଙ୍କୁ ନେଇ ଘରେ ଥିଲେ। ସୋର ଥାନାରେ ଅଭିଯୋଗ ଗତକାଲି ରାତିରେ ୫ଜଣ ମୁଖାପିନ୍ଧା ଦୁର୍ବୃତ୍ତ ତାଙ୍କ ଘର ପଛପଟ ଗ୍ରୀଲ କାଟି ଘର ଭିତରକୁ ପଶିବା ସହିତ ଆମିନା ଓ ତାଙ୍କ ଶାଶୁ ହାଲିମାନଙ୍କୁ ବାନ୍ଧି ମାଡ଼ ମାରିଥିଲେ। ପରେ ଘରେ ଥିବା ୫ ଲକ୍ଷର ଗହଣା ଓ ନଗଦ ୬୫ ହଜାର ଟଙ୍କା ନେଇ ଫେରାର ହୋଇଯାଇଥିଲେ। ଆଜି ସକାଳେ ଏନେଇ ସୋର ଥାନାରେ ଅଭିଯୋଗ ହେବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି। ସୋରରେ ଚୋରମାନଙ୍କ ପ୍ରାଦୁର୍ଭାବ ବଢୁଥିବା ବେଳେ ପୁଲିସର ନିଷ୍କ୍ରିୟତା ସମସ୍ତଙ୍କୁ ଚକିତ କରିଛି। ଜିଲ୍ଲା ପ୍ରଶାସନ ଏଥିପ୍ରତି ଗୁରୁତ୍ୱ ଦେବା ସହିତ ଜଣେ ଦକ୍ଷ ପୁଲିସ ଅଧିକାରୀଙ୍କୁ ସୋରରେ ନିଯୁକ୍ତି ଦେବାକୁ ସାଧାରଣରେ ଦାବି ହୋଇଛି। CRIME ଆହୁରି ପଢ଼ନ୍ତୁ: Video Message Maoist Rupesh: ପୁର୍ବତନ ମାଓବାଦୀଙ୍କୁ ବିଶ୍ବାସଘାତକ ଓ ବେଇମାନ ଦର୍ଶାଇଥିବା ପ୍ରସଙ୍ଗ, ମୁହଁ ଖୋଲିଲେ ପୂର୍ବତନ ମାଓନେତା ରୁପେଶ ଆହୁରି ପଢ଼ନ୍ତୁ: ମିଛ ଚାକିରି ନାଁରେ ଠକେଇ ତାତିଲେ ଠକେଇର ଶିକାର ମହିଳା

Cyclone In 24 Hours: ୨୪ ଘଣ୍ଟାରେ ବାତ୍ୟା।, ସୃଷ୍ଟି ହେଲା ଗଭୀର ଅବପାତ

ଭୁବନେଶ୍ବର: ୨୪ ଘଣ୍ଟାରେ ବାତ୍ୟା। ସୃଷ୍ଟି ହେଲା ଗଭୀର ଅବପାତ ।ଘନୀଭୂତ ହୋଇ ଗଭୀର ଅବପାତରେ ପରିଣତ ହେଲା ଅବପାତ। ଗତ ୬ ଘଣ୍ଟାରେ ଘଣ୍ଟା ପ୍ରତି ୧୦କିମି ବେଗରେ ଗତିକରିବା ସହ ବର୍ତ୍ତମାନ ଗୋପାଳପୁର ଠାରୁ ୯୫୦କିମି ଏବଂ କାକିନାଡ଼ା ଠାରୁ ୮୪୦କିମି ଦୂରରେ କେନ୍ଦ୍ରୀଭୂତ ରହିଛି। କାଲିଠାରୁ ପ୍ରବଳ ବର୍ଷା ଭୁବନେଶ୍ବରସ୍ଥିତ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ରର ନିର୍ଦ୍ଦେଶିକା ମନୋରମା ମହାନ୍ତି କହିଛନ୍ତି, ଅକ୍ଟୋବର ୨୭ରୁ ବର୍ଷା ଆରମ୍ଭ ହେବ। ଏହା ଅକ୍ଟୋବର ୩୦ ଯାଏଁ ଜାରି ରହିବ। ପବନର ବେଗ ଘଣ୍ଟା ପିଛା ୬୦ରୁ ୭୦ ରହିବ। ଏଥି ସହିତ ଝଟକା ପବନର ବେଗ ଘଣ୍ଟା ପିଛା ୮୦ ପର୍ଯ୍ୟନ୍ତ ହୋଇପାରେ। ରାଜ୍ୟରେ ଥିବା ବନ୍ଦରଗୁଡ଼ିକୁ ୩ ନମ୍ବର ବିପଦ ସଂକେତ ଦିଆଯାଇଥିବା ବେଳେ ମତ୍ସ୍ୟଜୀବୀମାନଙ୍କୁ ସମୁଦ୍ର ଭିତରକୁ ନଯିବା ପାଇଁ ପରାମର୍ଶ ଦିଆଯାଇଛି। ଆନ୍ଧ୍ର ପ୍ରଦେଶ ଉପକୂଳ ମୁହାଁ ହେଉଥିବା ସମ୍ଭାବ୍ୟ ବାତ୍ୟାର ବିଶେଷ ପ୍ରଭାବ ପଡ଼ିବନି। ଅକ୍ଟୋବର ୨୭ରୁ ୨୯ ତାରିଖ ଯାଏ ଓଡ଼ିଶାର ବିଭିନ୍ନ ସ୍ଥାନରେ ପ୍ରବଳ ବର୍ଷାର ସମ୍ଭାବନା ରହିଛି। ବିଶେଷକରି ୨୭ରୁ ୨୯ ମଧ୍ୟରେ ମାଲକାନଗିରି ଓ କୋରାପୁଟରେ ଅତି ଭାରି ବର୍ଷା ଓ ଦକ୍ଷିଣ ଏବଂ ଉପକୂଳ ଓଡ଼ିଶାରେ ମଧ୍ୟମରୁ ପ୍ରବଳ ବର୍ଷା ସମ୍ଭାବନା ରହିଛି ବୋଲି ପାଣିପାଗ ବିଶେଷଜ୍ଞ ବିଶ୍ୱଜିତ ସାହୁ ସୂଚନା ଦେଇଛନ୍ତି। ଆହୁରି ପଢ଼ନ୍ତୁ: Cyc‌lone Montha: ସ୍ଥଳଭାଗ ଆଡ଼କୁ ଅଗ୍ରସର; ଆନ୍ଧ୍ର ଛୁଇଁବା ଆଶଙ୍କା, ଓଡ଼ିଶାରେ ପ୍ରବଳ ବର୍ଷା ସମ୍ଭାବନା ରାଜ୍ୟ ସରକାର ପ୍ରସ୍ତୁତ ରାଜ୍ୟ ସରକାର ବିଭିନ୍ନ ବିଭାଗକୁ ନେଇ ସତର୍କ କରାଇଛନ୍ତି। ସ୍ବତନ୍ତ୍ର ରିଲିଫ କମିସନର ପକ୍ଷରୁ ନେଇ ପ୍ରସ୍ତୁତି ଜାରି ରହିଛି। ସେହିପରି ଜଳ ସମ୍ପଦ ବିଭାଗ ମଧ୍ୟ ନିଜର ଅଧିକାରୀମାନଙ୍କୁ ସତର୍କ ଓ ପ୍ରସ୍ତୁତ ରହିବାକୁ କହିଛି। ସମ୍ଭାବ୍ୟ ବାତ୍ୟା ପାଇଁ ରାଜସ୍ବ ମନ୍ତ୍ରୀ ସୁରେଶ ପୂଜାରୀ ସମୀକ୍ଷା କରିଛନ୍ତି। ସେ କହିଛନ୍ତି, ବାତ୍ୟା ପାଇଁ ସ୍କୁଲ ଛୁଟି ନେଇ ଆଜି ନିଷ୍ପତ୍ତିି ନିଆଯିବ। ଆଜି ସମସ୍ତ ସରକାରୀ କର୍ମଚାରୀ ଅଫିସରେ ରହିବେ। ଅଧିକାରୀଙ୍କ ଛୁଟି ବାତିଲ ନେଇ କାଲି ନିଷ୍ପତ୍ତି ହେବ। ଛୁଟି ହେବ କି ନାହିଁ ଆଜି ନିଷ୍ପତ୍ତି ନିଆଯିବ। ଆହୁରି ପଢ଼ନ୍ତୁ: Video Message Maoist Rupesh: ପୁର୍ବତନ ମାଓବାଦୀଙ୍କୁ ବିଶ୍ବାସଘାତକ ଓ ବେଇମାନ ଦର୍ଶାଇଥିବା ପ୍ରସଙ୍ଗ, ମୁହଁ ଖୋଲିଲେ ପୂର୍ବତନ ମାଓନେତା ରୁପେଶ Cyclone

Daughter cannot claim share father’s property: ଝିଅମାନେ ପିତାଙ୍କ ସମ୍ପତ୍ତିରେ ଅଂଶ ଦାବି କରିପାରିବେ ନାହିଁ: ଉତ୍ତରାଧିକାର ପାଇଁ ହାଇକୋର୍ଟ ସର୍ତ୍ତ ରଖିଲେ

ରାୟପୁର: ଛତିଶଗଡ଼ ହାଇକୋର୍ଟ ସ୍ପଷ୍ଟ କରିଛନ୍ତି ଯେ ଯଦି ହିନ୍ଦୁ ଉତ୍ତରାଧିକାର ଆଇନ, ୧୯୫୬ କାର୍ଯ୍ୟକାରୀ ହେବା ପୂର୍ବରୁ ଉତ୍ତରାଧିକାରୀ ଆଇନ ଅନୁସାରେ ଜଣେ ଝିଅ ତାଙ୍କ ପିତାଙ୍କ ସମ୍ପତ୍ତିରେ ଅଂଶ ଦାବି କରିପାରିବେ ନାହିଁ। କୋର୍ଟ କହିଛନ୍ତି, ସେତେବେଳେ ଉତ୍ତରାଧିକାରୀ ମିତାକ୍ଷର ଆଇନ ଦ୍ୱାରା ନିୟନ୍ତ୍ରିତ ହେଉଥିଲା। ସେହି ଆଇନ ଅନୁଯାୟୀ ଜଣେ ଝିଅ କେବଳ ପୁରୁଷ ଉତ୍ତରାଧିକାରୀ ନଥିଲେ ଉତ୍ତରାଧିକାରୀ ହୋଇ ପାରିବେ। ଅକ୍ଟୋବର ୧୩ ତାରିଖରେ ଜଷ୍ଟିସ୍ ନରେନ୍ଦ୍ର କୁମାର ବ୍ୟାସଙ୍କ ଦ୍ୱାରା ରାଗମାନିଆ (ମୃତ)ଙ୍କ ମାଧ୍ୟମରେ ଏଲଆରଏସ୍ କରିମନ ଦାସ ବନାମ ଜଗମେତ ଏବଂ ଅନ୍ୟମାନଙ୍କ ମାମଲାରେ ରାୟ ଦିଆଯାଇଥିଲା। କୋର୍ଟ ନିମ୍ନ ଅଦାଲତ ରାୟକୁ କାଏମ ରଖିଥିଲେ। ଯେଉଁଥିରେ ସୁରଗୁଜା ଜିଲ୍ଲାରେ ତାଙ୍କ ସ୍ୱର୍ଗତ ପିତାଙ୍କ ପୈତୃକ ସମ୍ପତ୍ତିରେ ଅଂଶ ପାଇଁ ରାଗମାନିଆଙ୍କ ଦାବିକୁ ଖାରଜ କରାଯାଇଥିଲା। ଆହୁରି ପଢ଼ନ୍ତୁ: Video Message Maoist Rupesh: ପୁର୍ବତନ ମାଓବାଦୀଙ୍କୁ ବିଶ୍ବାସଘାତକ ଓ ବେଇମାନ ଦର୍ଶାଇଥିବା ପ୍ରସଙ୍ଗ, ମୁହଁ ଖୋଲିଲେ ପୂର୍ବତନ ମାଓନେତା ରୁପେଶ ୧୯୫୬ ପୂର୍ବରୁ ହୋଇଥିବା ମୃତ୍ୟୁ ପାଇଁ ମିତାକ୍ଷର ଆଇନ ପ୍ରଯୁଜ୍ୟ: କୋର୍ଟ କହିଛନ୍ତି, ଯଦି ମିତାକ୍ଷର ଆଇନ ଦ୍ୱାରା ପରିଚାଳିତ ଜଣେ ହିନ୍ଦୁ ୧୯୫୬ ପୂର୍ବରୁ ମୃତ୍ୟୁବରଣ କରିଛନ୍ତି,ତାଙ୍କର ସମ୍ପତ୍ତି ସମ୍ପୂର୍ଣ୍ଣ ଭାବରେ ତାଙ୍କ ପୁଅଙ୍କର ହେବ। ପୁଅ ସନ୍ତାନ ନଥିଲେ ହିଁ ଜଣେ କନ୍ୟା ସନ୍ତାନ ଏପରି ସମ୍ପତ୍ତିରେ ଅଧିକାର ଦାବି କରିପାରିବ। ରାଗମାନିଆ ୨୦୦୫ ମସିହାରେ ଏକ ଦେୱାନୀ ମାମଲା ଦାୟର କରି ଅଧିକାର ଏବଂ ବିଭାଜନ ଘୋଷଣା କରିଥିଲେ, ଦାବି କରିଥିଲେ, ସେ ତାଙ୍କ ପିତା ସୁଧୀନଙ୍କ ସମ୍ପତ୍ତିର ଉତ୍ତରାଧିକାରୀ ହେବା ପାଇଁ ହକଦାର ଥିଲେ, ଯିଏ ପ୍ରାୟ ୧୯୫୦-୫୧ ମସିହାରେ ମୃତ୍ୟୁବରଣ କରିଥିଲେ। ଉଭୟ ବିଚାରାଳୟ ଏବଂ ଆପିଲେଟ୍ କୋର୍ଟ ତାଙ୍କ ଦାବିକୁ ଖାରଜ କରି କହିଥିଲେ, ହିନ୍ଦୁ ଉତ୍ତରାଧିକାର ଆଇନ ୧୯୫୬ ପୂର୍ବରୁ ଘଟିଥିବା ମୃତ୍ୟୁ ପାଇଁ ପ୍ରଯୁଜ୍ୟ ନୁହେଁ। ହାଇକୋର୍ଟ ନିମ୍ନ ଅଦାଲତର ରାୟକୁ କାଏମ ରଖିଲେ: ହାଇକୋର୍ଟ ପୁନଃନିର୍ଦ୍ଦେଶ ଦେଇଛନ୍ତି, ୧୯୫୬ ପୂର୍ବରୁ ଉତ୍ତରାଧିକାର ଖୋଲିଥିବାରୁ, ପକ୍ଷଗୁଡ଼ିକ ହିନ୍ଦୁ ଉତ୍ତରାଧିକାର ଆଇନ, ୧୯୫୬ର ବ୍ୟବସ୍ଥା ଦ୍ୱାରା ନୁହେଁ ବରଂ ମିତାକ୍ଷର ଆଇନ ଦ୍ୱାରା ପରିଚାଳିତ। କୋର୍ଟ ସୁପ୍ରିମକୋର୍ଟର ଉଦାହରଣ ମଧ୍ୟ ଉଦ୍ଧୃତ କରିଛନ୍ତି, ଯେଉଁଥିରେ ଅର୍ଶନୁର ସିଂହ ବନାମ ହରପାଲ କୌର (୨୦୨୦)ଏବଂ ଅରୁଣାଚଳ ଗୌଣ୍ଡର ବନାମ ପୋନୁସାମି (୨୦୨୨) ଅନ୍ତର୍ଭୁକ୍ତ, ଉଲ୍ଲେଖ କରିଛନ୍ତି, ମିତାକ୍ଷର ଆଇନ ଅନୁଯାୟୀ, ୧୯୫୬ ପୂର୍ବରୁ ପିତାଙ୍କ ଦ୍ୱାରା ଉତ୍ତରାଧିକାରୀ ସମ୍ପତ୍ତି କେବଳ ପୁରୁଷ ଉତ୍ତରାଧିକାରୀଙ୍କୁ ଦିଆଯାଇଥିଲା। ଜଷ୍ଟିସ୍ ବ୍ୟାସ କହିଛନ୍ତି, ଯେତେବେଳେ ମିତାକ୍ଷର ଆଇନ ଦ୍ୱାରା ପରିଚାଳିତ ଜଣେ ହିନ୍ଦୁ ୧୯୫୬ ପୂର୍ବରୁ ମୃତ୍ୟୁବରଣ କରନ୍ତି, ତାଙ୍କର ସମ୍ପତ୍ତି ସମ୍ପୂର୍ଣ୍ଣ ଭାବରେ ତାଙ୍କ ପୁଅଙ୍କର ହେବ। ଜଣେ କନ୍ୟା ସନ୍ତାନ କେବଳ ଜଣେ ପୁରୁଷ ସନ୍ତାନର ଅନୁପସ୍ଥିତିରେ ଏପରି ସମ୍ପତ୍ତିରେ ଅଧିକାର ଦାବି କରିପାରିବେ। କୋର୍ଟ ଏହି ସିଦ୍ଧାନ୍ତରେ ପହଞ୍ଚିଲେ ଯେହେତୁ ସୁଧୀନଙ୍କର ଏକ ପୁଅ ଥିଲା, ତେଣୁ ରାଗମାନିଆ ସମ୍ପତ୍ତିରେ ଅଂଶ ପାଇବା ପାଇଁ ହକଦାର ନଥିଲେ। ନିମ୍ନ ଅଦାଲତଗୁଡ଼ିକ ଦ୍ୱାରା ମିତାକ୍ଷର ଆଇନର ଆବେଦନକୁ ନିଶ୍ଚିତ କରି ଆପିଲକୁ ଖାରଜ କରାଯାଇଥିଲା। ଆହୁରି ପଢ଼ନ୍ତୁ: Preparations for a coup in America!: ଆମେରିକାରେ ବିଦ୍ରୋହ ଆଶଙ୍କା, ଟ୍ରମ୍ପ ପୁଣି ଥରେ ସଟ୍‌ଡାଉନ୍‌ ସମାପ୍ତ କରିବାରେ ବିଫଳ

Odisha Para Shuttlers Pramod Bhagat, Deep Ranjan Bisoyee Excel at Australia Para Badminton International 2025

Odisha continues to make India proud on the global para sports stage as its athletes clinched two gold medals and one bronze at the Australia Para Badminton International Level 2 Tournament 2025, held in Bendigo, Australia, from October 21 to 25, 2025. Showcasing exceptional skill, determination, and resilience, Odisha’s para shuttlers displayed world-class performances, bringing […] The post Odisha Para Shuttlers Pramod Bhagat, Deep Ranjan Bisoyee Excel at Australia Para Badminton International 2025 appeared first on Pragativadi I Latest Odisha News in English I Breaking News .

Cyclone Montha Intensifies Over Bay of Bengal; Odisha and Andhra Coasts on High Alert

The India Meteorological Department (IMD) on Sunday said that Cyclone Montha is rapidly intensifying over the Bay of Bengal, prompting alerts for the Odisha and Andhra Pradesh coasts. According to the IMD’s latest update, the weather system is currently located around 970 km southeast of Gopalpur (Odisha) and 890 km from Kakinada (Andhra Pradesh). It […] The post Cyclone Montha Intensifies Over Bay of Bengal; Odisha and Andhra Coasts on High Alert appeared first on Pragativadi I Latest Odisha News in English I Breaking News .

Molestation of Australian Women Cricketers in Indore Sparks Political Outrage; Accused Arrested, Government Promises Strict Action

A shocking incident in Indore has sparked nationwide outrage after two Australian women cricketers were allegedly stalked and molested while returning to their hotel late Thursday night. The incident occurred ahead of the ICC Women’s Cricket World Cup match at Holkar Stadium, raising concerns about women’s safety and the image of India before the international […] The post Molestation of Australian Women Cricketers in Indore Sparks Political Outrage; Accused Arrested, Government Promises Strict Action appeared first on Pragativadi I Latest Odisha News in English I Breaking News .

No Road, Patient Problem: ରାସ୍ତା ନଥିବାରୁ ଭାର କରି ରୋଗୀଙ୍କୁ ବୋହିନେଲେ ସମ୍ପର୍କୀୟ

ପାରଳାଖେମୁଣ୍ଡି: ଗଜପତି ଜିଲ୍ଲା କାଶୀନଗର ବ୍ଳକରେ ଦେଖିବାକୁ ମିଳିଛି ଅଭାବନୀୟ ଦୃଶ୍ୟ। ରାସ୍ତା ନଥିବାରୁ ଭାର କରି ରୋଗୀ ଙ୍କୁ ବୋହିନେଲେ ସମ୍ପର୍କୀୟ। ଏଭଳି ଘଟଣା ଘଟିଛି କେ ସୀତାପୁର ପଞ୍ଚାୟତର ମିନିଙ୍ଗା ଗୁଡାର ୬୦ ବର୍ଷୀୟ ବୃଦ୍ଧ ଚେନି କାରବୁଲୁଙ୍କୁ ଅସୁସ୍ଥତା କାରଣରୁ ହସ୍ପିଟାଲ ନେବାପାଇଁ ଚେଷ୍ଟା କରିଥିଲେ। ରାସ୍ତା ନଥିବାରୁ ଆମ୍ବୁଲାନ୍ସ ଆସି ପାରିନଥିବା ବେଳେ ଭାରରେ ବୋହି ବୋହି ପ୍ରାୟ ଏକ କିଲୋମିଟର ଆସିବା ପରେ ମୁଖ୍ୟ ରାସ୍ତାରେ ପହଞ୍ଚିଥିଲେ। ଅନ୍ଧାର ରାସ୍ତାରେ ଟର୍ଚ୍ଚ ଆଲୁଅରେ ବହୁ କଷ୍ଟରେ ବୋହି ଆଣିବାକୁ ପଡୁଥିବା କହିଛନ୍ତି ଗ୍ରାମବାସୀ। ରାସ୍ତା ଖଣ୍ଡେ ତିଆରି କରୁନି ପ୍ରଶାସନ ଦିନେ କି ଦୁଇ ଦିନ ନୁହେଁ ବର୍ଷ ବର୍ଷ ଏଭଳି ସମସ୍ୟାର ସମ୍ମୁଖୀନ ହେଉଛନ୍ତି ଗ୍ରାମବାସୀ। ବାରମ୍ବାର ଅଭିଯୋଗ ଆନ୍ଦୋଳନ ପରେ ବି ଗାଁ ପାଇଁ ରାସ୍ତା ଖଣ୍ଡେ ତିଆରି କରୁନି ପ୍ରଶାସନ। ଫଳରେ ସମସ୍ୟାର ସମ୍ମୁଖୀନ ହେଉଛନ୍ତି ଗ୍ରାମବାସୀ। road ଆହୁରି ପଢ଼ନ୍ତୁ: Video Message Maoist Rupesh: ପୁର୍ବତନ ମାଓବାଦୀଙ୍କୁ ବିଶ୍ବାସଘାତକ ଓ ବେଇମାନ ଦର୍ଶାଇଥିବା ପ୍ରସଙ୍ଗ, ମୁହଁ ଖୋଲିଲେ ପୂର୍ବତନ ମାଓନେତା ରୁପେଶ ଆହୁରି ପଢ଼ନ୍ତୁ: ମିଛ ଚାକିରି ନାଁରେ ଠକେଇ ତାତିଲେ ଠକେଇର ଶିକାର ମହିଳା

Video Message Maoist Rupesh: ପୁର୍ବତନ ମାଓବାଦୀଙ୍କୁ ବିଶ୍ବାସଘାତକ ଓ ବେଇମାନ ଦର୍ଶାଇଥିବା ପ୍ରସଙ୍ଗ, ମୁହଁ ଖୋଲିଲେ ପୂର୍ବତନ ମାଓନେତା ରୁପେଶ

ମାଲକାନଗିରି: ଅସ୍ତ୍ର ତ୍ୟାଗ କରି ଆତ୍ମସମର୍ପଣ କରି ଥିବା ପୂର୍ବତନ ମାଓବାଦୀଙ୍କୁ ବିଶ୍ବାସଘାତକ ଓ ବେଇମାନ ଦର୍ଶାଇ ଥିବା ପ୍ରସଙ୍ଗରେ ମୁହଁ ଖୋଲିଲେ ପୂର୍ବତନ ମାଓନେତା ରୁପେଶ। ବନ୍ଧୁକ ତ୍ୟାଗ କରି ରାଜନୈତିକ ଲଢେଇ ଜାରି ରଖିବା ଏହା ତାଙ୍କ ବ୍ୟକ୍ତିଗତ ନୁହଁ ବରଂ ସାମୁହିକ ନିଷ୍ପତ୍ତି କହି ଏକ ବାର୍ତ୍ତା ଜାରି କରିଛନ୍ତି ପୁର୍ବତନ ସିସି ମେମ୍ବର ରୁପେଶ । ମୃତ ମାଓ ସଚିବ ବାସବରାଜୁ ମଧ୍ୟ ଅସ୍ତ୍ରତ୍ୟାଗ ସପକ୍ଷରେ ଥିଲେ, ତାଙ୍କ ମୃତ୍ୟୁ ପରେ ଏହି ପ୍ରସଙ୍ଗଟି ଆଗକୁ ବଢି ପାରି ନ ଥିଲା ବୋଲି ଯୁକ୍ତି ବାଢିଛନ୍ତି ରୁପେଶ। ଭିଡିଓ ବାର୍ତ୍ତା ଜାରି କରିଛନ୍ତି ରୁପେଶ ଗତ ୧୫ ତାରିଖରେ ମାଓବାଦୀଙ୍କ ଶୀର୍ଷ ନେତା ମେଲୋଜୁଲା ବେଣୁଗୋପାଳ ୬୦ ମାଓବାଦୀଙ୍କ ସହ ଅସ୍ତ୍ର ତ୍ୟାଗ ଏବଂ ୧୭ ତାରିଖରେ ରୁପେଶ ୨୧୦ ମାଓବାଦୀଙ୍କ ସହ ଆତ୍ମସମର୍ପଣ ପରେ ତାଙ୍କୁ ବେଇମାନ ପରି କଡା ଭାଷାରେ ନିନ୍ଦା କରି ଥିଲା ମାଓ ସଙ୍ଗଠନ, ଯାହାର ଯବାବ ରଖି ଏହି ଭିଡିଓ ବାର୍ତ୍ତା ଜାରି କରିଛନ୍ତି ରୁପେଶ । ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲାରେ ଗୋଟିଏ ପଟେ ମାଓବାଦୀଙ୍କ ଆତ୍ମସମର୍ପଣ ପର୍ବ ଚାଲିଥିବା ବେଳେ ଅନ୍ୟପଟେ ନକ୍ସଲ ଏବେ ବି ନିଜର ଦବଦବା ରହିଥିବା ନେଇ ପୁଲିସକୁ ଚ୍ୟାଲେଞ୍ଜ କରିଛନ୍ତି। ବିଜାପୁର ଜିଲ୍ଲାର ଅସୁର ଥାନା ଅନ୍ତର୍ଗତ ନେଲାକାଂକେର ଗ୍ରାମର ଦୁଇ ଗ୍ରାମବାସୀଙ୍କୁ ନକ୍ସଲ ଅତି ନିର୍ମମ ଭାବେ ହତ୍ୟା କରିଛନ୍ତି। ଗତକାଲି ବିଳମ୍ବିତ ରାତିରେ ସଶସ୍ତ୍ର ନକ୍ସଲ ନେଲା କାଂକେର ଗ୍ରାମରେ ପହଞ୍ଚିଥିଲେ। ଗ୍ରାମର ରବି କୁଟ୍ଟୁମ ଏବଂ ତିରୁପତି ସୋଡି ନାମକ ଦୁଇ ଗ୍ରାମବାସୀଙ୍କୁ ଖୋଜିଥିଲେ। ଗ୍ରାମବାସୀ ରାତିରେ ନକ୍ସଲଙ୍କୁ ଗାଁରୁ ତଡିବାକୁ ଚେଷ୍ଟା କରି ବିଫଳ ହୋଇଥିଲେ। ନକ୍ସଲ ସମସ୍ତ ଗ୍ରାମବାସୀଙ୍କ ସମ୍ମୁଖରେ ରବୀ ଏବଂ ତିରୁପତିଙ୍କୁ ଘରୁ ଟାଣି ଆଣି ସମସ୍ତଙ୍କ ସାମ୍ନାରେ ହତ୍ୟା କରିଥିଲେ। ଆହୁରି ପଢ଼ନ୍ତୁ: Cyc‌lone Montha: ସ୍ଥଳଭାଗ ଆଡ଼କୁ ଅଗ୍ରସର; ଆନ୍ଧ୍ର ଛୁଇଁବା ଆଶଙ୍କା, ଓଡ଼ିଶାରେ ପ୍ରବଳ ବର୍ଷା ସମ୍ଭାବନା ରବି ଓ ତିରୁପତିଙ୍କୁ ପୁଲିସ ଇନଫର୍ମର ଭାବେ କାମ କରୁଥିବା ନକ୍ସଲ କହିଥିଲେ। ଯେଉଁମାନେ ଏଭଳି କାମ କରିବେ ସେମାନଙ୍କୁ ଏଭଳି ଦଣ୍ଡ ମିଳିବ ବୋଲି ଧମକାଇଥିଲେ। ଆଜି ସକାଳୁ ପୁଲିସ ଗାଁରେ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ଶହ ଶହ ନକ୍ସଲ ସଂଗଠନ ଛାଡ଼ି ମୁଖ୍ୟସ୍ରୋତରେ ସାମିଲ ହେଉଥିବା ବେଳେ କିଛି ଗୋଷ୍ଠୀ ଏବେ ବି ସଂଗଠନରେ ରହି ନିଜର ପତିଆରା ରହିଥିବା ପୁଲିସକୁ ସୂଚାଉଛନ୍ତି। ପୁଲିସ ଏହାକୁ ଗମ୍ଭୀରତାର ସହ ନେଇଛି। ଗତ ଏକ ମାସ ହେବ ଅପରେସନ ବନ୍ଦ ରହିଥିଲେ ମଧ୍ୟ ପୁଲିସ କୌଣସି ମୁହର୍ତ୍ତରେ ମଧ୍ୟ ନକ୍ସଲ ଦମନ ନେଇ ଅପରେସନ ଆରମ୍ଭ କରିପାରେ। ସଂଗଠନରୁ ଲଗାତାର କ୍ୟାଡର ଏବଂ ଶୀର୍ଷ ନେତୃତ୍ବ ମଣ୍ଡଳୀ ହତିଆର ହସ୍ତାନ୍ତର କରି ଆତ୍ମସମର୍ପଣ କରୁଥିବା ବେଳେ ଅନ୍ୟପଟେ ନକ୍ସଲ ନିଜର ସଂଗଠନ ଏବେ ବି ଜୀବିତ ରହିଥିବା ଏହି ହତ୍ୟାକାଣ୍ଡ ଘଟାଇ ସୂଚାଉଛନ୍ତି ବୋଲି କୁହାଯାଇଛି। ଆହୁରି ପଢ଼ନ୍ତୁ: ଲଙ୍ଗଳକଟାରେ ଖୋଲିଲା ସିଆର୍‌ପିଏଫ୍‌ ସ୍ଥାୟୀ କ୍ୟାମ୍ପ ଲାଲଗଡ଼ର ହଟ୍‌ସ୍ପଟ୍‌ରେ ଉଡ଼ିଲା ତ୍ରିରଙ୍ଗା ୩୫୦ ନକ୍ସଲଙ୍କ ଆତ୍ମସମର୍ପଣ ପରେ ପୁଣି ଗୋଟିଏ ବଡ଼ଧରଣର ଆତ୍ମସମର୍ପଣ ହେବାକୁ ଯାଉଛି। ଉନ୍ଦତି ଏରିଆ କମିଟି ସଚିବ ସୁନୀଲଙ୍କ ଚିଠିରୁ ଏହି ସୂଚନା ମିଳିଛି। ଯାହା ସଂକେତ ମିଳୁଛି, ଗରିଆବନ୍ଧରେ ଏହି ଆତ୍ମସମର୍ପଣ ହେବ। ସୁନୀଲ ସଂଗଠନର ସାଥୀଙ୍କ ଉଦ୍ଦେଶ୍ୟରେ ପତ୍ର ଲେଖିଛନ୍ତି। ସେଥିରେ ଗତ ୧୬ ତାରିଖରେ ସୋନୁ ଦାଦା ମହାରାଷ୍ଟ୍ରର ଗଡଚିରୋଲିରେ ୬୧ଜଣ ସାଥୀଙ୍କ ସହ ସରକାରଙ୍କ ନିକଟରେ ଆତ୍ମସମର୍ପଣ କରିଥିବା ଉଲ୍ଲେଖ ହୋଇଛି। ସେହିପରି ୧୭ତାରିଖରେ ବସ୍ତର ରେ ରୂପେଶ ଓରଫ ସତୀଶ ଦାଦା ସଶସ୍ତ୍ର ଆନ୍ଦୋଳନ ବନ୍ଦ କରିଛନ୍ତି। ରୂପେଶଙ୍କ ସହ ୨୧୦ଜଣ କମ୍ରେଡ ଆତ୍ମସମର୍ପଣ କରିଥିବା ସୂଚନା ଦେଇଛନ୍ତି। maoists

powder mining: ପାଉଡର୍‌ ଖଣିର ପାପ!

କେନ୍ଦୁଝର ଜିଲ୍ଲା ସଦର ମହକୁମାଠାରୁ ମାତ୍ର ୨୫ କିଲୋମିଟର ଦୂରକୁ ଗଲେ ପଡ଼େ ମଦରଙ୍ଗାଯୋଡ଼ି- ବଣପାହାଡ଼ ଘେରା ଛୋଟ ଗାଁଟିଏ। ଏହି ଅଖ୍ୟାତ ପଲ୍ଲୀ ଏବେ ସାଉଁଟିଛି କୁଖ୍ୟାତି। ଏକଦା ଏଠାରେ ଥିବା ପାଉଡର୍‌ ଖଣିରେ କାମ କରୁଥିବା ଶ୍ରମିକ ଦୁରାରୋଗ୍ୟ ବ୍ୟାଧି ସିଲିକୋସିସ୍‌ର କବଳିତ ହୋଇଥିଲେ। ଖଣିର ପାପ ୪୦ଜଣଙ୍କ ଜୀବନ ନେବାପରେ ମଧ୍ୟ ନା ସରକାର ନା ପ୍ରଶାସନ କିମ୍ବା ସ୍ବାସ୍ଥ୍ୟ ବିଶେଷଜ୍ଞଙ୍କର ଦୃଷ୍ଟି ଏଠାରେ ପଡ଼ିନାହିଁ । ଗ୍ରାଉଣ୍ଡ୍‌ ଜିରୋରୁ ଗାର୍ଗୀ ଶତପଥୀଙ୍କ ରିପୋର୍ଟ ସେଦିନ ଆମେ ମଦରଙ୍ଗାଯୋଡ଼ିରେ ପହଞ୍ଚିବା ବେଳକୁ ଅପରାହ୍‌ଣ ୪ଟା। ଅଧିକାଂଶ ଘରେ ମହିଳାମାନେ ହିଁ ଥିଲେ। ଗାଁରେ ପୁରୁଷଙ୍କ ସଂଖ୍ୟା ଅପେକ୍ଷାକୃତ କମ୍‌ ମନେହେଲା। ପୁଣି ୩୫ ବର୍ଷରୁ ଊର୍ଦ୍ଧ୍ବ ବୟସର କୌଣସି ପୁରୁଷ ଆମ ନଜରରେ ପଡ଼ିଲେ ନାହିଁ। ଗାଁର ମହିଳା ଦଶମୀ, କଇଁଫୁଲ ଓ ବିଳାସଙ୍କ ଚେହେରା ହିଁ ଦର୍ଶାଉଥିଲା ସେମାନଙ୍କ ଜୀବନର ଦୁଃଖ, ଦୁର୍ଦ୍ଦଶା ଓ ଦୁଃସ୍ଥିତିର କହାଣୀ। ୩୮ବର୍ଷରେ ବିଧବା ହୋଇଥିବା ଦଶମୀ ବାରିକଙ୍କ ବୟସ ଏବେ ୪୫। ସିଲିକୋସିସ୍‌ରେ ସ୍ବାମୀଙ୍କ ମୃତ୍ୟୁ ପରେ ପରିବାର ବୋଝ ଏବେ ଦଶମୀଙ୍କ କାନ୍ଧରେ। ଦଶମୀ କହନ୍ତି, ‘‘ଆମ ଘରେ ଜମି ଅଳ୍ପ। ଚାଷ କରିବା ସମ୍ଭବ ନଥିବାରୁ ୧୯ବର୍ଷରେ ସ୍ବାମୀ ଠିକା ଶ୍ରମିକ ଭାବରେ ପାଉଡର୍‌ (ପାଇରୋଫେଲାଇଟ୍‌କୁ ସ୍ଥାନୀୟ ଲୋକେ ପାଉଡର୍‌ ବୋଲି କହନ୍ତି) ଖଣିରେ କାର୍ଯ୍ୟକଲେ। ଖୁବ୍ କମ୍‌ ମଜୁରି ମିଳୁଥିଲା। ଟୋପି, ମାସ୍କ ମଧ୍ୟ ସବୁଦିନ ମିଳୁ ନଥିଲା। ତାଙ୍କର ଯେତେବେଳେ ବି କଫ ପଡୁଥିଲା ସେଥିରେ ଚିକ୍‌ ଚିକ୍‌ କରୁଥିବା ଜିନିଷ ବାହାରୁଥିଲା। ଦେହ କେବେଠାରୁ ଖରାପ ହେଲା ଜଣାନାହିଁ। କିନ୍ତୁ ୨୦୧୨ ମସିହା ବେଳକୁ କଷ୍ଟ ଅସହ୍ୟ ହେଲା। ନିଃଶ୍ବାସ ନେବା ବେଳକୁ କଷ୍ଟ ହେଉଥିଲା। ପ୍ରଥମେ କଟକ ବଡ଼ ଡାକ୍ତରଖାନାରେ ଦେଖାଇଲୁ। ତା’ପରେ ଭୁବନେଶ୍ବରର ଅନେକ ଘରୋଇ ଡାକ୍ତରଖାନାରେ ଚିକିତ୍ସା କଲୁ। ପ୍ରାୟ ୫ ଲକ୍ଷରୁ ଅଧିକ ଟଙ୍କା ଖର୍ଚ୍ଚ ହୋଇଗଲା। ଏତେ ପଇସା ନଥିଲା। ତେଣୁ ପ୍ରଥମେ ମୋର ଗହଣା ସବୁ ବିକିଲି। ତା’ପରେ ଏକରେ ଜମି ବିକ୍ରିକରି ଭୂମିହୀନ ହୋଇଗଲୁ। ସ୍ବାମୀ ବଞ୍ଚିଯିବେ ବୋଲି ଆଶାକରି ଏସ୍‌ଏଚ୍‌ଜିରୁ ଋଣ ବି କରିଥିଲି। କିନ୍ତୁ, କିଛି ହେଲାନାହିଁ। ୨୦୧୮ ମସିହାରେ ସେ ଆମକୁ ଛାଡ଼ି ଚାଲିଗଲେ। ଜମି, ସୁନା ଫେରି ପାଇବା ଦୂରର କଥା, ଆଜି ପର୍ଯ୍ୟନ୍ତ ଋଣ ବି ପରିଶୋଧ ହୋଇ ପାରିନାହିଁ। ଜୀବନ ଏତେ ଭାରାକ୍ରାନ୍ତ ହେଲା ଯେ ପୁଅ ଅଧାରୁ ପାଠ ଛାଡ଼ି ମଜୁରି ଖଟୁଛି। ଝିଅର ବି ପାଠପଢ଼ା ବନ୍ଦହେଲା। ସେ ବଞ୍ଚିଥିଲେ ଯାହା କେବେ ହୋଇ ନଥାଆନ୍ତା, ଆଜି ତାହା ହେଲା।’’ ଦଶମୀଙ୍କ ଦୁଃଖ କାହାଣୀ ଶୁଣିବା ପରେ ଆମ ମୁହଁରେ ତାଙ୍କୁ ପ୍ରବୋଧନା ଦେବା ପାଇଁ ଭାଷା ନଥିଲା। ୫୦ ବର୍ଷୀୟା ଦ୍ରୌପଦୀଙ୍କ କାହାଣୀ ବି ସେମିତି ହୃଦୟ ବିଦାରକ। ‘‘ମୋ କଥା ଯଦି କହିବି ତେବେ ତମେ ସହି ପାରିବ ନାହିଁ।’’ ଦ୍ରୌପଦୀଙ୍କର ଏ କଥା ପଦକରେ ତାଙ୍କ ଜୀବନଯନ୍ତ୍ରଣାକୁ ବୁଝି ହେଉଥିଲା। ସ୍ବାମୀ ୧୮ବର୍ଷ ଖଣିରେ କାମକଲେ ଏବଂ ମାତ୍ର ୪୦ ବର୍ଷ ବୟସରେ ସିଲିକୋସିସ୍‌ରେ ଚାଲିଗଲେ। ଛାଡ଼ି ଦେଇଗଲେ ୫ ଝିଅ ଓ ଗୋଟିଏ ପୁଅ। ଏବେ ସାତପ୍ରାଣୀ କୁଟୁମ୍ବ ବୋଝ ସମ୍ଭାଳି ଦୁର୍ବିଷହ ଜୀବନ ବିତାଉଛନ୍ତି ସେ। ଦ୍ରୌପଦୀଙ୍କ ସ୍ବାମୀଙ୍କ ମୃତ୍ୟୁ ବେଳକୁ ମଦରଙ୍ଗାଯୋଡ଼ିର ମୁଣ୍ଡାସାହି‌େର ଅନେକଙ୍କ ମୃତ୍ୟୁ ହୋଇଥିଲା। କିନ୍ତୁ, ତାହା ସିଲିକୋସିସ୍‌ଜନିତ ମୃତ୍ୟୁ ବୋଲି ଜଣା ନଥିଲା। ଗୌଡ଼ସାହିରେ ରୋଗ ଚିହ୍ନଟ ହେବା ପରେ ତାହା ଜଣାପଡ଼ିଲା। ଭିନ୍ନକ୍ଷମ ପୁଅକୁ ଧରି କୋହଗ୍ରସ୍ତ ହୋଇ ପଡ଼ିଥିଲେ ଝରଣା ଖୁଣ୍ଟିଆ। ବିବାହର ୮ବର୍ଷ ପରେ ସ୍ବାମୀଙ୍କର ମୃତ୍ୟୁ ହୋଇଗଲା। ଶ୍ବଶୁର ଡମା ଖୁଣ୍ଟିଆଙ୍କ ଭରସାରେ ପରିବାର ଚାଲୁଥିଲା। ସେ ମଧ୍ୟ କିଛିବର୍ଷ ପରେ ଚାଲିଗଲେ। ପରିବାରର ବୋଝବୋହି ଜୀବନ ଜିଉଛନ୍ତି ଝରଣା। ମଦରଙ୍ଗାଯୋଡ଼ିରେ ପ୍ରାୟ ପ୍ରତି ଘରୁ ଶୁଣିବାକୁ ମିଳେ ଏଭଳି ଦୁଃଖଦ କାହାଣୀ। ଗାଁର ମହିଳାମାନଙ୍କ କହିବା ଅନୁସାରେ, ପ୍ରକୃତରେ ସିଲିକୋସିସ୍‌ କେବେଠାରୁ ଆରମ୍ଭ ହେଲା ଜଣାନାହିଁ। କିନ୍ତୁ ୨୦୦୦ ମସିହା ପରଠାରୁ ଅବସ୍ଥା ଜଟିଳ ହୋଇପଡ଼ିଲା। ସିଲିକୋସିସ୍‌ ରୋଗ ଏଠାରେ ମହାମାରୀ ଭଳି ସ୍ଥିତି କଲା ଯେ ମଦରଙ୍ଗାଯୋଡ଼ି ଗାଁରେ ଦିନକୁ ୨ରୁ ୩ ଜଣଙ୍କ ଶବ ଉଠିଲା। ଫଳରେ ଜନ ଅସନ୍ତୋଷ ‌ଏତେ ତୀବ୍ର ହେଲା ଯେ ମାଲିକ ଖଣି ବନ୍ଦ କରିବାକୁ ବାଧ୍ୟହେଲେ। କିନ୍ତୁ ସେତେବେଳକୁ ଅପୂରଣୀୟ କ୍ଷତି ହୋଇସାରିଥିଲା। ୧୯୮୨ ମସିହାରେ ଝାଡ଼ଖଣ୍ଡର ପାଇରୋଫେଲାଇଟ୍‌ ଖଣିକୁ ମଦରଙ୍ଗାଯୋଡ଼ି ଗାଁରେ ଖଣି ଖନନ ଲାଗି ଅନୁମତି ମିଳିଥିଲା। ଏଥିରୁ ରୋଜଗାର ପାଇ ସ୍ଥାନୀୟ ଗ୍ରାମବାସୀ ମଧ୍ୟ ଖୁବ୍‌ ଉତ୍ସାହିତ ଥିଲେ। କିନ୍ତୁ ସମୟକ୍ରମେ ସିଲିକୋସିସ୍‌ରେ ପୀଡ଼ିତହୋଇ ସେମାନଙ୍କର ମୃତ୍ୟୁ ହେବା ଯୋଗୁଁ ୨୦୦୮ ମସିହାରୁ ଖଣି ବନ୍ଦ ହୋଇଗଲା। କିନ୍ତୁ, ଆଜି ବି ଦୁଇଜଣ ଶ୍ରମିକ ସିଲିକୋସିସ୍‌ରେ ପୀଡ଼ିତ ହୋଇ ଶଯ୍ୟାଶାୟୀ ଅଛନ୍ତି। ଅତି ଆଶ୍ଚର୍ଯ୍ୟ କଥା, ଏତେ ଲୋକଙ୍କ ମୃତ୍ୟୁର କାରଣ ସାଜିଥିବା ପାଇରୋଫେଲାଇଟ୍‌ ଖଣି ବିରୋଧରେ ଉଭୟ ରାଜ୍ୟ ଓ କେନ୍ଦ୍ର ସରକାର କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହାନ୍ତି। ଆଜି ବି ସମସ୍ତ ମୃତକ ଖଣି ଶ୍ରମିକଙ୍କ ପରିବାରକୁ ଚିକିତ୍ସା ସହାୟତା ରାଶି ମିଳିନାହିଁ। ଜୀବନର ଏତେ ବଡ଼ ଦୁଃଖ ବୋହି ଚାଲିଥିବା ଶ୍ରମିକମାନଙ୍କ ପତ୍ନୀ ଏବଂ ପରିବାର ଆଖିରୁ ଲୁହ ଶୁଖିନାହିଁ। ୧୪ ବର୍ଷରୁ ଊର୍ଦ୍ଧ୍ବ ଶ୍ରମିକ ଭାବରେ କାର୍ଯ୍ୟ କରୁଥିଲେ ରମାକାନ୍ତ ଖୁଣ୍ଟିଆ। ଧୀରେ ଧୀରେ ସେ ରୋଗଗ୍ରସ୍ତ ହେଲେ। ୨୦୧୯ ମସିହାରୁ ତାଙ୍କ ସ୍ବାସ୍ଥ୍ୟାବସ୍ଥା ଜଟିଳ ହେଲା। ଛାତିରେ କଷ୍ଟହେଲା ଓ କାଶି କାଶି ସେ ଅଣନିଃଶ୍ବାସୀ ହୋଇପଡ଼ିଲେ। ପରୀକ୍ଷା ପୂର୍ବରୁ ପରିବାର ଲୋକ ଜାଣିଗଲେ ଯେ ସେ ସିଲିକୋସିସ୍‌ କବଳିତ ହୋଇଛନ୍ତି। ରମାକାନ୍ତଙ୍କ ବଡ଼ଭାଇ ଝାଡ଼େଶ୍ବରୀ ଖୁଣ୍ଟିଆଙ୍କ ଜୀବନ ବି ସିଲିକୋସିସ୍‌ରେ ଯାଇଥିଲା। ତେଣୁ ଆଗକୁ ବଡ଼ ବିପଦ ମାଡ଼ିଆସୁଥିବା କଥା ସ୍ପଷ୍ଟ ଜଣାପଡୁଥିଲା। ଏଭଳି ଅବସ୍ଥାକୁ ଅଙ୍ଗେ ନିଭାଇଥିବା ରମାକାନ୍ତଙ୍କ ପତ୍ନୀ ମିନାକ୍ଷୀ ଖୁଣ୍ଟିଆ କହନ୍ତି, ‘‘ସ୍ବାମୀଙ୍କୁ କେନ୍ଦୁଝର ଡାକ୍ତରଖାନାରୁ ଏସ୍‌ସିବିକୁ ଆଣିବାପରେ ସିଲିକୋସିସ୍‌ ବୋଲି ଜଣାପଡ଼ିଲା। ଏହାପରେ ଜୀବନ ବଞ୍ଚାଇବା ଆଶା ନେଇ ତାଙ୍କୁ ଭୁବନେଶ୍ବର ଏମ୍‌ସ୍‌କୁ ଆଣିଲୁ। କିନ୍ତୁ, ସେତେବେଳକୁ କୋଭିଡ୍‌ ଆସିଯାଇଥିଲା। ସ୍ଥିତି ଆହୁରି ଭୟଙ୍କର ହୋଇଗଲା। ସ୍ବାମୀ ଯେତେବେଳେ ଅଣନିଃଶ୍ବାସୀ ହୁଅନ୍ତି, ଅକ୍ସିଜେନ୍‌ ପାଇଁ ବିକଳ ହୋଇପଡ଼ନ୍ତି। କୋଭିଡ୍‌ ସମୟରେ ଅକ୍ସିଜେନ୍‌ ଅଭାବ ବେଳେ ଜଣେ ଖଣି କର୍ମଚାରୀଙ୍କ ଗୋଡ଼ ଧରି ପକାଇଥିଲି। ଡାକ୍ତରଖାନାରେ ସ୍ବାମୀଙ୍କ ଛାତି ସଫା କରିବା ବେଳକୁ ଖାଲି ସିଲିକା ଗୁଣ୍ଡ ବାହାରୁଥିଲା। ସ୍ବାମୀଙ୍କୁ ବଞ୍ଚାଇବା ପାଇଁ ଲକ୍ଷାଧିକ ଟଙ୍କା ଖର୍ଚ୍ଚ କରିଛୁ। ସୁନାଗହଣା, ଜମିବାଡ଼ି ସବୁ ବିକ୍ରି ହୋଇଗଲା। କିନ୍ତୁ ସେ ବଞ୍ଚିଲେ ନାହିଁ। ମୋର ଛୋଟ ଦୁଇପୁଅ ସମେତ ଆମ ସମସ୍ତଙ୍କୁ ଅସହାୟ କରି ସେ ଚାଲିଗଲେ। ସରକାରୀ ନିୟମ ଅନୁଯାୟୀ, ସ୍ବାମୀ କାର୍ଯ୍ୟ କରୁଥିବା ସଂସ୍ଥା ତାଙ୍କ ଚିକିତ୍ସା ଖର୍ଚ୍ଚ ବହନ କରିବା କଥା। ଏଥିପାଇଁ ଗ୍ରାମବାସୀ ମିଳିତ ଭାବରେ ଖଣି କର୍ତ୍ତୃପକ୍ଷଙ୍କ ପାଖରେ ବାରମ୍ବାର ଦାବି କରିଛନ୍ତି। ପ୍ଲାଣ୍ଟ୍‌ ସହାୟତା ତ ଦେଲାନାହିଁ ବରଂ କହିଲା, ତାଙ୍କ ଅବସ୍ଥା ଆମଠାରୁ ବେଶି ଖରାପ।’’ ପାଇରୋଫେଲାଇଟ୍‌ ଖଣିରେ ରମାକାନ୍ତଙ୍କ ମଜୁରି ଥିଲା ସପ୍ତାହକୁ ମାତ୍ର ୩୨୨ ଟଙ୍କା। ୧୪ ବର୍ଷର ଶ୍ରମ ଜୀବନରେ କଠିନ ପରିଶ୍ରମକରି ସେ ଯେତେ ଆୟ କରି ନଥିଲେ, ୩ ବର୍ଷର ରୋଗଗ୍ରସ୍ତ ଜୀବନ ତା’ଠାରୁ କାହିଁରେ କେତେ ଅଧିକ ଶୋ‌ଷି ନେଇ ପଳାଇଗଲା। ଖଣିରେ କାମ ଛାଡ଼ିବା ୧୭ ବର୍ଷ ପରେ ବି ସିଲିକୋସିସ୍‌ରେ ଆକ୍ରାନ୍ତ ହେଉଛନ୍ତି ଗ୍ରାମବାସୀ। ମଦରଙ୍ଗାଯୋଡ଼ି ମୁଣ୍ଡାସାହିର ୫୦ ବର୍ଷୀୟ ରସାଇ ମୁଣ୍ଡା କହନ୍ତି, ‘‘ଆମ ଘରକୁ ଲାଗିକି ପାଉଡର୍‌ ଖଣି। ତେଣୁ ପଡ଼ାର ପ୍ରାୟ ସମସ୍ତେ ସେଠାରେ କାର୍ଯ୍ୟ କରୁଥିଲେ। ସେଥିରେ ଅନେକ ମହିଳା ଶ୍ରମିକ ବି ଥିଲେ। ଖଣି କାର୍ଯ୍ୟରେ ବିପଦ ଓ ରୋଗ ହେବାର ଆଶଙ୍କା ଅଛି ବୋଲି ସେତେବେଳେ କାହାକୁ ଜଣା ନଥିଲା। କିନ୍ତୁ, କାର୍ଯ୍ୟ କରିବାବେଳୁ ହିଁ ନାକ ଜାମ୍‌, ଛାତି ରୁନ୍ଧିହେବା ଭଳି ଲାଗୁଥିଲା। ରୁମ ବି ଧଳା ହୋଇଯାଉଥିଲା। ଖଣି ପକ୍ଷରୁ କେବେ ବି ମାସ୍କ ଦିଆଯାଉ ନଥିଲା କି, ସ୍ବାସ୍ଥ୍ୟ ପରୀକ୍ଷା ହେଉନଥିଲା। କେବଳ କାହାର ଦେହ ଖରାପ ହେଲେ ଏକ ଘରୋଇ କ୍ଲିନିକ୍‌କୁ ପଠାଇ ଦେଉଥିଲେ। କିନ୍ତୁ କାର୍ଯ୍ୟରତ କୌଣସି ଶ୍ରମିକ କିମ୍ବା ଗ୍ରାମବାସୀ ଏହାକୁ ଗୁରୁତ୍ବ ଦେଇ ନଥିଲେ। ଏହାର ଫଳାଫଳ ଆଜି ଭୋଗ କରିବାକୁ ପଡୁଛି। ଆଣ୍ଠୁବ୍ୟଥା, ଛାତିବ୍ୟଥାରୁ ଯେଉଁ ସ୍ବାସ୍ଥ୍ୟଗତ କଷ୍ଟ ଆରମ୍ଭ ହୋଇଥିଲା ତାହା ଆଜି ଗୁରୁତର ସ୍ଥିତିରେ ପହଞ୍ଚିସାରିଛି। ପେଟ ଓ ଛାତିରେ ଏମିତି କଷ୍ଟ ଲାଗୁଛି ଯେ ପ୍ରତି ୧୫ଦିନରେ ଥରେ ଡାକ୍ତରଖାନା ଯିବାକୁ ପଡୁଛି। ମୁଁ ଚିକିତ୍ସା ବାବଦରେ ୫ ବର୍ଷରେ ୨ ଲକ୍ଷ ଟଙ୍କା ଖର୍ଚ୍ଚ କରିସାରିଲିଣି। କିନ୍ତୁ, ସମ୍ବଳ ଅଭାବରୁ ଉନ୍ନତ ଚିକିତ୍ସା କରିପାରୁନାହିଁ।’’ ଏହି ଗାଁର ନିରଞ୍ଜନ ମୁଣ୍ଡାଙ୍କ କହିବା ଅନୁସାରେ, ତାଙ୍କ ବାପା ଘସିଆ ଓ ମା’ ମୁକ୍ତା ଉଭୟ ଖଣି ପାଖରେ କେନ୍ଦୁପତ୍ର ସଂଗ୍ରହ କରୁଥିଲେ। ୨୦୦୧ ମସିହାରେ ବାପା ୨ ବର୍ଷ ଧରି ଯକ୍ଷ୍ମାରେ ପୀଡ଼ିତହୋଇ ଚିକିତ୍ସାଧୀନ ଥିଲେ। ୨୦୦୮ରେ ମା’ଙ୍କ ମୃତ୍ୟୁ ହୋଇଗଲା। ତାଙ୍କୁ ପ୍ରାୟ ୧୫ରୁ ୧୬ ବର୍ଷ ହୋଇଥିବା ବେଳେ ପାଳିକରି ଦୁହେଁ ଚାଲିଗଲେ। ଲୋକେ କହିଲେ ଯକ୍ଷ୍ମା ହୋଇଥିଲା, ମଦ୍ୟପାନ ଅଭ୍ୟାସ ଥିଲା, ତେଣୁ ମୃତ୍ୟୁ ହୋଇଗଲା। ସେତେବେଳକୁ ମୁଣ୍ଡାପଡ଼ାରେ ଅନେକ ଲୋକଙ୍କର ମୃତ୍ୟୁ ହୋଇଥିଲା। କିନ୍ତୁ, ସେ ମୃତ୍ୟୁକୁ ନିଶାଜନିତ କହି କେହି ଗୁରୁତ୍ବ ଦେଉ ନଥିଲେ। ପରେ ଯେତେବେଳେ ଗାଁର ଅନ୍ୟ ସାହିମାନଙ୍କରେ ଶ୍ରମିକମାନଙ୍କ ସମାନ ଲକ୍ଷଣରେ ମୃତ୍ୟୁ ହେଲା ସେତେବେଳେ ସ୍ଥିତି କେତେ ଭୟଙ୍କର ସମସ୍ତେ ଅନୁଭବ କଲେ। ପ୍ରକୃତରେ ମୁଣ୍ଡାପଡ଼ାର କେତେ ଜଣ ସିଲିକୋସିସ୍‌ରେ ଆକ୍ରାନ୍ତ ହୋଇଥିଲେ ଏବଂ ସେମାନଙ୍କ ମୃତ୍ୟୁ ହୋଇଥିଲା ତାହା ଆଜି ପର୍ଯ୍ୟନ୍ତ ଜଣାପଡୁ ନାହିଁ। କୁହାଯାଏ, ସିଲିକୋସିସ୍‌ର କଷ୍ଟ ଏତେ ଭୟଙ୍କର ଥିଲା ଯେ କିଛି ରୋଗୀ ତାହା ସହ୍ୟ କରି ନପାରି ଆତ୍ମହତ୍ୟା କରିଥିଲେ। ସିଲିକୋସିସ୍ ଖଣିରୋଗ ହୋଇଥିବାରୁ ଏହାର ଚିକିତ୍ସା ଖର୍ଚ୍ଚ ଶ୍ରମିକ କାର୍ଯ୍ୟ କରୁଥିବା ଖଣି କରିବା ଉଚିତ। ମଦରଙ୍ଗାଯୋଡ଼ି ଗାଁର ୧୪ଜଣ ଶ୍ରମିକଙ୍କ ପତ୍ନୀ ସହାୟତା ପାଇଁ ୧୦ ବର୍ଷ ଧରି ଶ୍ରମ ଅଦାଲତରେ ଲଢ଼େଇ କରିବା ପରେ ଟଙ୍କା ପାଇଲେ। ବାକିମାନଙ୍କୁ ସେତକ ମଧ୍ୟ ମିଳିଲାନାହିଁ। ୨୦୧୭ ମସିହାରେ ଜାତୀୟ ଜନଜାତି କମିସନ୍‌ ଏହି ଗାଁର ସ୍ଥିତି ଅନୁଧ୍ୟାନ କରିଛି। ଏହାପରେ ବି ସ୍ଥିତିରେ ବିଶେଷ ପରିବର୍ତ୍ତନ ହୋଇନାହିଁ। ଖଣି ବନ୍ଦ ହେବା ପରେ ମଧ୍ୟ ଏହି ଅଞ୍ଚଳରେ ପ୍ରଦୂଷଣ ପ୍ରଭାବ କମିନାହିଁ। ପୂର୍ବରୁ ଅତି ଧଳାପାଣି ଆସୁଥିଲା ଏବେ ଲାଲ୍‌ପାଣି ଆସୁଛି। କାର୍ଯ୍ୟରତ ସ୍ଥାନରେ ଧୂଳିରୁ ରକ୍ଷାପାଇବା ପାଇଁ କ୍ରମାଗତ ପାଣି ସିଞ୍ଚନ ସହିତ ଅନ୍ୟାନ୍ୟ ସୁରକ୍ଷା ପରାମର୍ଶ ଥାଏ। ସମସ୍ତ ଖଣି ପାଇଁ କେନ୍ଦ୍ର ସରକାରଙ୍କ ନିୟମାବଳି ଓ ମାର୍ଗଦର୍ଶିକା ମଧ୍ୟ ରହିଛି। ଖଣି ଅଞ୍ଚଳରେ କାର୍ଯ୍ୟରତ ସଙ୍ଗଠିତ ଶ୍ରମିକମାନଙ୍କ ପାଇଁ ନିୟମ ପାଳନହୁଏ। କିନ୍ତୁ ଆଉଟ୍‌ସୋର୍ସିଂ କର୍ମଚାରୀ ଏବଂ ଅଣସଙ୍ଗଠିତ ଶ୍ରମିକମାନଙ୍କ କ୍ଷେତ୍ରରେ କୌଣସି ନିୟମ ନାହିଁ। ତେଣୁ ସେମାନେ ବେଶୀ ବିପଦରେ ଅଛନ୍ତି। ଖଣିଗୁଡ଼ିକ ନିୟମିତ ବ୍ୟବଧାନରେ ନିଜ ନିଜ କର୍ମଚାରୀଙ୍କ ସ୍ବାସ୍ଥ୍ୟ ପରୀକ୍ଷା କରିବା ଉଚିତ। ପ୍ରତିବର୍ଷ ସରକାରଙ୍କ ପକ୍ଷରୁ ସବୁ ଖଣିକୁ ସେଠାରେ କାର୍ଯ୍ୟରତ ଶ୍ରମିକମାନଙ୍କୁ ସିଲିକୋସିସ୍ ରୋଗ ନେଇ ତଥ୍ୟ ମାଗିଥାଆନ୍ତି। କିନ୍ତୁ ଏହା ସମ୍ପୂର୍ଣ୍ଣ ଠିକ୍‌ ବୋଲି କୁହାଯାଇ ପାରିବନାହିଁ। ଅଧିକାଂଶ ଶ୍ରମିକ ଠିକାରେ ନିଯୁକ୍ତି ହୋଇଥିବାରୁ ଏହାର ପ୍ରକୃତ ଚିତ୍ର ପଦାକୁ ଆସୁନାହିଁ।

ଚଳନ୍ତିକା: ରେଳଧାରଣାରୁ ବିଜୁଳିଶକ୍ତି

‘‘ଏତେ ଲମ୍ବା ଜାଗା ଫାଙ୍କା ପଡୁଛି, ତାକୁ କାମରେ ନ ଲଗାଇବା କାହିଁକି?’’ ବନାରସ୍‌ ଲୋକୋମୋଟିଭ୍‌ ୱାର୍କ୍ସର ଇଞ୍ଜିନିୟରିଙ୍ଗ୍‌ ଟିମ୍‌ର କେତେଜଣ ସଦସ୍ୟଙ୍କ ମନକୁ ଆସିଥିଲା ଏଭଳି ଏକ ପ୍ରଶ୍ନ। ଏହି ପ୍ରଶ୍ନର ଉତ୍ତର ଖୋଜୁ ଖୋଜୁ ଯେଉଁ ସମାଧାନ ମିଳିଲା, ତାହା ଅଭିନବ ଓ ଉତ୍ସାହଜନକ। ଦୁଇ ଲୌହ ରେଳଧାରଣା ମଧ୍ୟସ୍ଥଳ, ଯେଉଁଠି ସାଧାରଣତଃ ମେଟାଲ୍‌ ଓ ଗୋଡ଼ି ବିଛାଯାଇଥାଏ; ସେଠି ଏବେ ସୁନ୍ଦର ଭାବେ ଧାଡ଼ି ଧାଡ଼ି ହୋଇ ଖଞ୍ଜାଯାଇଛି ସୂର୍ଯ୍ୟଫଳକ ବା ସୋଲାର୍‌ ପାନେଲ୍‌। ଖରାରେ ଚକ୍‌ ଚକ୍‌ କରୁଥିବା ସେସବୁ ସୋଲାର୍‌ ପାନେଲ୍‌ ପରୀକ୍ଷାମୂଳକ ଭାବେ ବସାଯାଇଛି। ଛାତ ଉପରେ ଅଥବା ଭୂଇଁରେ ସୋଲାର୍‌ ପାନେଲ୍‌ ବସାଇଲେ ତାହା ବହୁ ଜାଗା ମାଡ଼ିବସୁଛି। ହୁଏ ତ ସେ ସ୍ଥାନରେ ଆଉ କିଛି କରାଯାଇ ପାରନ୍ତା! ତେଣୁ ପରୀକ୍ଷାମୂଳକ ଭାବେ ଗତ ଅଗଷ୍ଟ ମାସରେ ଦେଶରେ ପ୍ରଥମକରି ବାରାଣସୀ ସହରରେ ରେଳ ଧାରଣା ମଝିରେ ସହଜରେ ଖୋଲି ନିଆଯାଇ ପାରିବା ଭଳି ସୋଲାର୍‌ ପାନେଲ୍‌ ବସାଯାଇଛି। ପରୀକ୍ଷାମୂଳକ ଭାବେ ୭୦ ମିଟର ସ୍ଥାନରେ ବସାଯାଇଥିବା ୨୮ଟି ସୋଲାର୍‌ ପାନେଲ୍‌ରୁ ଦୈନିକ ଉତ୍ପାଦିତ ହେଉଛି ୬୭ ୟୁନିଟ୍‌ ବିଜୁଳିଶକ୍ତି। ରବର୍‌ ପ୍ୟାଡ୍‌ରେ ବସାଯାଇ ଇପୋକ୍୍୍ସି ଅଠା ଲଗାଯାଇଥିବା ଏହି ସୋଲାର୍‌ ପାନେଲ୍‌ ସବୁ ରେଳଗାଡ଼ି ଚଳାଚଳଜନିତ ଅବିଶ୍ରାନ୍ତ କମ୍ପନ ସହ୍ୟ କରିପାରିବ ଏବଂ ଖରାପ ହେଲେ ମରାମତି ନିମନ୍ତେ ଅତି ସହଜରେ ଖୋଲି ନିଆଯାଇ ପାରିବ। ଏ ପଦକ୍ଷେପ ବାରାଣସୀ ରେଳଧାରଣାକୁ ଅକ୍ଷୟଶକ୍ତି ଉତ୍ପାଦନ ଉତ୍ସରେ ରୂପାନ୍ତର କରିଛି। ଭାରତୀୟ ରେଳର ପ୍ରତି କିଲୋମିଟର୍‌ ରାସ୍ତା ଖୁବ୍‌ ମୂଲ୍ୟବାନ୍‌ ସତ, କିନ୍ତୁ ରେଳଧାରଣା ମଧ୍ୟସ୍ଥ ସ୍ଥାନ ଅବ୍ୟବହୃତ ହୋଇ ପଡ଼ିରହୁଛି। ହିସାବକରି ଦେଖିଲେ ସମଗ୍ର ଦେଶରେ ଥିବା ୧.୨ ଲକ୍ଷ କିଲୋମିଟର୍‌ ରେଳଧାରଣା ମଧ୍ୟବର୍ତ୍ତୀ ଜାଗାରୁ ବିପୁଳ ସୌରଶକ୍ତି ସଂଗ୍ରହ କରାଯାଇ ପାରିବ। ବାରାଣସୀରେ କରାଯାଇଥିବା ପ୍ରକଳ୍ପଟି ଅତି ଛୋଟ, କିନ୍ତୁ ତା’ର ସମ୍ଭାବ୍ୟ ଉଦ୍ଦେଶ୍ୟ ବେଶ୍‌ ବଡ଼।ଏଠାରେ ବସାଯାଇଥିବା ୨୮ଟି ଉଚ୍ଚ କ୍ଷମତାସମ୍ପନ୍ନ ସୋଲାର୍‌ ପାନେଲ୍‌ ସବୁ ସାଧାରଣ କାଚ ଓ ସିଲିକନ୍‌ ଖଣ୍ଡ ନୁହେଁ। ୨,୨୭୮ ମିଲିମିଟର୍‌ ଲମ୍ବ, ୧,୧୩୩ ମିଲିମିଟର୍‌ ପ୍ରସ୍ଥ ଏବଂ ୩୧.୮୩ କିଲୋ ଓଜନବିଶିଷ୍ଟ ଏହି ସୋଲାର୍‌ ପାନେଲ୍‌ଗୁଡ଼ିକ ୨୧.୩୧ ପ୍ରତିଶତ କାର୍ଯ୍ୟଦକ୍ଷତା ପ୍ରଦର୍ଶନ କରୁଛନ୍ତି। ଅବଶ୍ୟ ଏଥିରେ ଲାଗିଥିବା ‘ହାଫ୍‌-କଟ୍‌-ମନୋ-କ୍ରିଷ୍ଟାଲାଇନ୍‌ ପର୍କ ବାଇଫେସିଆଲ୍‌ ସେଲ୍‌’ ଯୋଗୁଁ ଏହା ସମ୍ଭବ ହୋଇଛି। ସରଳ ଭାବରେ କହିଲେ, ଏହି ସୋଲାର୍‌ ପାନେଲ୍‌ଗୁଡ଼ିକ ଉପର ଓ ତଳ- ଦୁଇ ପାର୍ଶ୍ବରେ ସୂର୍ଯ୍ୟକିରଣ ବିଶୋଷଣ କରିପାରନ୍ତି। ଅର୍ଥାତ୍‌ ଚାରିଆଡ଼େ ବିଛାଡ଼ି ହୋଇ ପଡ଼ିଥିବା ଖରାରୁ ବି ଏହା ଶକ୍ତି ଟାଣିପାରେ। ରବର୍‌ ପ୍ୟାଡ୍‌ ଓ ଇପୋକ୍‌ସି ଅଠା ଯୋଗୁଁ ଏହି ସୋଲାର୍‌ ପାନେଲ୍‌ ଖୁବ୍‌ ମଜଭୁତ ହୋଇପାରିଛି। ପ୍ରାୟ ୨୫ ବର୍ଷ ପର୍ଯ୍ୟନ୍ତ କାର୍ଯ୍ୟକ୍ଷମ ରହି ଏହି ସୋଲାର୍‌ ପାନେଲ୍‌ ସୌରବିଦ୍ୟୁତ୍‌ ଯୋଗାଇଦେବ।ଏଗୁଡ଼ିକର ଗ୍ରୀଷ୍ମ ଉତ୍ତାପ, ବର୍ଷା, ଧୂଳି ଓ ରେଳ ଚଳାଚଳଜନିତ କମ୍ପନ ସହ୍ୟ କରିବାର ଶକ୍ତି ଅଛି। ଏହାଛଡ଼ା, ଆବଶ୍ୟକସ୍ଥଳେ ମରାମତି ପାଇଁ ଅଳ୍ପ ସମୟ ଭିତରେ ମଧ୍ୟ ଏଗୁଡ଼ିକୁ ଖୋଲି ନିଆଯାଇ ପାରିବ। ଇଞ୍ଜିନିୟର୍‌ମାନେ ହିସାବକରି କହିଛନ୍ତି ଯେ ପ୍ରତି ଏକ କିଲୋମିଟର୍‌ ରେଳଧାରଣା ବର୍ଷକୁ ୩.୫ ଲକ୍ଷ ୟୁନିଟ୍‌ ବିଜୁଳି ଶକ୍ତି ଯୋଗାଇଦେବ। ଅର୍ଥାତ୍‌ ପ୍ରତି କିଲୋମିଟର୍‌ ରେଳଧାରଣାରୁ ଦୈନିକ ହାରାହାରି ୮୮୦ ୟୁନିଟ୍‌ ବିଜୁଳି ଶକ୍ତି ମିଳିବ। କିନ୍ତୁ, ସବୁ ପ୍ରାରମ୍ଭିକ ପ୍ରକଳ୍ପ ପରି ବାରାଣସୀରେ ଲାଗିଥିବା ସୋଲାର୍‌ ଟ୍ରାକ୍‌ ପରୀକ୍ଷଣ ବି ବାଧାବିଘ୍ନର ସମ୍ମୁଖୀନ ହେଉଛି। ରେଳଧାରଣା ମଧ୍ୟବର୍ତ୍ତୀ ସ୍ଥାନରେ ସହଜରେ ଧୂଳି ଓ ଆବର୍ଜନା ଜମା ହୋଇଯାଉଥିବାରୁ ସୋଲାର୍‌ ପାନେଲ୍‌ଗୁଡ଼ିକର କାର୍ଯ୍ୟଦକ୍ଷତା ହ୍ରାସପାଉଛି। ତା’ଛଡ଼ା ସ୍ବତନ୍ତ୍ର ଉପାଦାନ ଓ ଉପକରଣରେ ନିର୍ମିତ ହୋଇଥିବାରୁ ଏହି ସୋଲାର୍‌ ପାନେଲ୍‌ ସବୁ ମହଙ୍ଗା। ସେଗୁଡ଼ିକୁ ରେଳଧାରଣା ମଧ୍ୟରେ ବସାଇବା ଖର୍ଚ୍ଚ ବି ଅଧିକ। ସଦାସର୍ବଦା ରେଳଗାଡ଼ି ଚଳାଚଳ କରୁଥିବା ମୁଖ୍ୟ ରେଳଧାରଣାଗୁଡ଼ିକ ଉପରେ ଏହି ବ୍ୟବସ୍ଥା କେତେ ଦିନ ବା ତିଷ୍ଠି ରହିପାରିବ?‌ତେବେ ଭାରତୀୟ ରେଳର ଅଧିକାରୀମାନେ ଆଶାବାଦୀ ଯେ ଏସବୁ ସମସ୍ୟା ସମାଧାନ ହୋଇଯିବ। ସେମାନେ କହନ୍ତି ଯେ ସବୁ ନୂଆ ବୈଷୟିକ ଜ୍ଞାନକୌଶଳ ପ୍ରଚଳନ କରିବା ସମୟରେ ଅସୁବିଧା ଆସିଥାଏ। କିନ୍ତୁ, ଅସୁବିଧା ଅପେକ୍ଷା ଭବିଷ୍ୟତ ପାଇଁ ଏହାର ଉପଯୋଗିତା ଅଧିକ କି, ନୁହେଁ ତାହା ବିଚାର କରିବା ଆବଶ୍ୟକ।

ପ୍ରାଚୁର୍ଯ୍ୟ ଭିତରେ ବିପଦ

ତାଳଚେର: ପ୍ରଦୂଷଣଜନିତ ସମସ୍ୟାରେ ପୀଡ଼ିତ ତାଳଚେରବାସୀଙ୍କ ଲାଗି ଆଉ ଏକ ବିପଦ। ଯେକୌଣସି ମୁହୂର୍ତ୍ତରେ କଳାହୀରାର ଏହି ସହର ଭୁଶୁଡ଼ି ପଡ଼ିବାର ଆଶଙ୍କା ସମସ୍ତଙ୍କୁ ଆନ୍ଦୋଳିତ କରୁଛି। କାରଣ, ତାଳଚେର ଅଞ୍ଚଳର ମାଟିତଳୁ କୋଇଲା କାଢ଼ିନେବା ଫଳରେ ଏବେ ଏହାର ଭୂଗର୍ଭ ଫମ୍ପା ହୋଇଯାଇଛି। ଯାହା ବୁଦ୍ଧିଜୀବୀ ଏବଂ ପରିବେଶବିତ୍‌ଙ୍କୁ ବିଚଳିତ କରିଛି। ଖଣି ଖନନ ପରେ କମ୍ପାନି କର୍ତ୍ତୃପକ୍ଷ ତ୍ବରିତ ପଦକ୍ଷେପ ନେବା ପରିବ‌ର୍ତ୍ତେ ଭୂଗର୍ଭକୁ ବର୍ଷ ବର୍ଷ ଧରି ଫାଙ୍କା ଛାଡ଼ି ଦେଇଥିବା ଅଭିଯୋଗ ହୋଇଛି। ତାଳଚେର, ହାଣ୍ଡିଧୂଆ ଏବଂ ଦେଉଳବେଡ଼ା ଭୂତଳ ଖଣି ପ୍ରକଳ୍ପ କାର୍ଯ୍ୟାଳୟରୁ ମିଳିଥିବା ତଥ୍ୟ ମୁତାବକ, ହାଣ୍ଡିଧୂଆ ଭୂତଳ କୋଇଲା ଖଣି ଅଧୀନରେ ମୋଟ୍‌ ୫ଟି ଜୋନ୍‌ ରହିଛି। ଏହି ଜୋନ୍‌ଗୁଡ଼ିକ ମଧ୍ୟରୁ ମାତ୍ର ୨ଟି ଜୋନ୍‌ରେ ବାଲି ଭର୍ତ୍ତି କରାଯାଉଥିବା ଜଣାପଡ଼ିଛି। ୧୯୯୮ ମସିହାରୁ କୋଇଲା ଉତ୍ତୋଳନ ବନ୍ଦ ହେବା ପରେ ଭୂଗର୍ଭରେ ୫ଲକ୍ଷ ୮୫ ହଜା‌ର ବର୍ଗମିଟର ଅଞ୍ଚଳ ଫମ୍ପା ହୋଇଯାଇଥିଲା। ସେହିଦିନଠାରୁ ଖଣି କର୍ତ୍ତୃପକ୍ଷ ବାଲି ଭର୍ତ୍ତି କାର୍ଯ୍ୟ ଜାରି ରଖିଛନ୍ତି। ଆଜି ପର୍ଯ୍ୟନ୍ତ ମୋଟ ୪ ଲକ୍ଷ ୪୫ ହଜାର ବର୍ଗମିଟର ଅଞ୍ଚଳରେ ବାଲି ଭର୍ତ୍ତି କରାଯାଇଥିବା ସୂଚନା ରହିଛି। ମାତ୍ର ବାଲି ଭର୍ତ୍ତି ପାଇଁ ଆବଶ୍ୟକ ଜମି ମିଳିପାରୁ ନଥିବା ବେଳେ ସ୍ବଳ୍ପ କେତେଜଣଙ୍କ ଦ୍ବାରା ବାଲି ଭର୍ତ୍ତି କାମ କରାଯାଉଛି। ଫଳରେ ୨୭ ବର୍ଷ ମଧ୍ୟରେ ଯେଉଁ ପରିମାଣରେ ବାଲି ଭର୍ତ୍ତି ହେବା କଥା ସେହି ପରିମାଣରେ ହେଉ ନାହିଁ। କାମ ମନ୍ଥର ଗତିରେ ଚାଲିଛି। ଆହୁରି ୧ ଲକ୍ଷ ୩୯ ହଜାର ୬୮୦ ବର୍ଗମିଟର ଅଞ୍ଚଳରେ ବାଲି ଭର୍ତ୍ତି କାମ ବାକି ରହିଛି। ହାଣ୍ଡିଧୂଆର ଭୂତଳ କୋଇଲା ଖଣିର ୫ଟି ଜୋନ୍‌ରେ ବାଲି ଭର୍ତ୍ତି ଚାଲିଛି। ହାଣ୍ଡିଧୂଆର ଗାୟତ୍ରୀ ସ୍କୁଲ୍‌ ପଛ ପାର୍ଶ୍ବରେ ୨ଟି ଜୋନ୍‌ରେ ଭୂଗର୍ଭ ଫମ୍ପା ରହିଥିବାରୁ ସେଠାରେ ଏବେ ବାଲି ଭର୍ତ୍ତି ଚାଲୁ ରହିଛି। ସେହିଭଳି ତାଳଚେରରୁ ଡେରା ଛକ ପର୍ଯ୍ୟନ୍ତ ମୁଖ୍ୟ ରାସ୍ତାକୁ ଜୋନ୍‌ ୩ ନାମରେ ନାମକରଣ କରାଯାଇଛି। କୋଲିୟରୀ ଥାନା ପଛ ପାଖ ଅଞ୍ଚଳ ଜୋନ୍‌ ୪ ରହିଥିବାବେଳେ ଭଗାକଟା ଅଞ୍ଚଳକୁ ଜୋନ୍‌ ୫ ଦର୍ଶା‌ଯାଉଛି। ଏ ନେଇ ତାଳଚେର ଖଣି ଉପନିର୍ଦ୍ଦେଶକ ଶୁଭେନ୍ଦୁ ସାମଲ କହିଛନ୍ତି, ଗତ ଦୁଇବର୍ଷ ମଧ୍ୟରେ ୨ ଲକ୍ଷ ବର୍ଗମିଟର ଅଞ୍ଚଳରେ ବାଲି ଭର୍ତ୍ତି କରାଯାଇଛି। ଏବେ ମଧ୍ୟ ବାଲି ଭର୍ତ୍ତି କାର୍ଯ୍ୟ ଜାରି ରହିଛି। ତେବେ ୨୭ ବର୍ଷରେ ୪ ଲକ୍ଷ ୪୫ ହଜାର ବର୍ଗମିଟର ଅଞ୍ଚଳରେ ବାଲି ଭର୍ତ୍ତି ହୋଇଥିବା ବେଳେ ବାକି ୧ ଲକ୍ଷ ୩୯ ହଜାର ବର୍ଗମିଟର ଅଞ୍ଚଳରେ ବାଲି ଭର୍ତ୍ତି କରିବାକୁ ଆଉ କେତେ ସମୟ ଲାଗିବ, ତା’କୁ ନେଇ ତାଳଚେରବାସୀ ପ୍ରଶ୍ନ କରିଛନ୍ତି।

ଲଙ୍ଗଳକଟାରେ ଖୋଲିଲା ସିଆର୍‌ପିଏଫ୍‌ ସ୍ଥାୟୀ କ୍ୟାମ୍ପ ଲାଲଗଡ଼ର ହଟ୍‌ସ୍ପଟ୍‌ରେ ଉଡ଼ିଲା ତ୍ରିରଙ୍ଗା

କୋଇଡ଼ା: ଲାଲଗଡ଼ କୁହାଯାଉଥିବା ସୁନ୍ଦରଗଡ଼ ଜିଲ୍ଲା କୋଇଡ଼ା ବ୍ଲକ୍ ରେହ୍ଲାତୁ ପଞ୍ଚାୟତର ଲଙ୍ଗଳକଟାରେ ତ୍ରିରଙ୍ଗା ଉଡ଼ିଛି। ଭାରତମାତା କି ଜୟ ଧ୍ବନିରେ ଅଞ୍ଚଳ ପ୍ରକମ୍ପିତ ହୋଇଥିବାବେଳେ ସେଠାରେ ସିଆର୍‌ପିଏଫ୍‌ ୧୯ ‘ଜି’ ବାଟାଲିୟନ୍‌ର କ୍ୟାମ୍ପ ଉଦ୍‌ଘାଟିତ ହୋଇଛି। ସଂପୃକ୍ତ ଅଞ୍ଚଳରେ ମାଓ ଗତିବିଧି ବୃଦ୍ଧି ପାଇବା ପରେ ଲଙ୍ଗଳକଟାରେ ୧୫ ହଜାର ବର୍ଗମିଟର ଜାଗାରେ ସିଆର୍‌ପିଏଫ୍ ୧୯ ବାଟାଲିୟନର ଏକ ସ୍ଥାୟୀ କ୍ୟାମ୍ପ ଓଡ଼ିଶା ପୁଲିସ ହାଉସିଂବୋର୍ଡ ପକ୍ଷରୁ ନିର୍ମାଣ କରାଯାଉଛି। ଏହି ଅବସରରେ ପଶ୍ଚିମାଞ୍ଚଳ ଡିଆଇଜି ବ୍ରିଜେଶ ରାୟଙ୍କ ସମେତ ରାଉରକେଲା ଏସ୍‌ପି ନୀତେଶ ୱାଧୱାନୀ, ସିଆର୍‌ପିଏଫ୍‌ କମାଣ୍ଡାଣ୍ଟ ମହେଶ ବିଶ୍ୱକର୍ମା, ବଣାଇ ଉପଜିଲ୍ଲାପାଳ ଅକ୍ଷୟ ପିଲ୍ଲେ, କୋଇଡ଼ା ତହସିଲଦାର ନିର୍ମଳ ବିଶ୍ବାଳ ଓ ବିଡିଓ ସମରେନ୍ଦ୍ର ସାରା, ଉପଖଣ୍ଡ ପୁଲିସ ଅଧିକାରୀ ରାମଚନ୍ଦ୍ର ବିଶ୍ୱାଳ, ରେହ୍ଲାତୁ ନାଏବ ସରପଞ୍ଚ ହେମ୍ବୋ ଓରାମ ପ୍ରମୁଖ ଉପସ୍ଥିତ ଥିଲେ। ଶହଶହ ଆଦିବାସୀ ପୁରୁଷମହିଳା ନୃତ୍ୟଗୀତ, ବାଦ୍ୟ ସହ ଅତିଥିଙ୍କୁ ସ୍ୱାଗତ କରିଥିଲେ। ପରେ ଲଙ୍ଗଳକଟା କ୍ୟାମ୍ପରେ ଜାତୀୟସଙ୍ଗୀତ ଗାନ ସହ ତ୍ରିରଙ୍ଗା ଉତ୍ତୋଳନ କରାଯାଇଥିଲା। ଜନସମ୍ପର୍କ ଶିବିରରେ ଗ୍ରାମବାସୀଙ୍କୁ ବସ୍ତ୍ର, ଖେଳସାମଗ୍ରୀ ଓ ଛାତ୍ରଛାତ୍ରୀଙ୍କୁ ପାଠ୍ୟୋପକରଣ, ମିଷ୍ଟାନ୍ନ ବଣ୍ଟନ କରାଯାଇଥିଲା। କ୍ୟାମ୍ପ ଖୋଲିବା ଦ୍ୱାରା ପୁଲିସ ଗତିବିଧି ଓ ଅପରେସନ୍‌ ତ୍ବରାନ୍ବିତ ହେବା ସହ ମାଓବାଦୀ ଦମନ ପାଇଁ ସୁବିଧା ହେବ। ଲୋକଙ୍କ ଭୟ କମିବା ସହ ଅଞ୍ଚଳରେ ଶାନ୍ତିଫେରିବ ଓ ବିକାଶର ନୂଆଫର୍ଦ୍ଦ ଯୋଡ଼ିହେବ ବୋଲି ପଶ୍ଚିମାଞ୍ଚଳ ଡିଆଇଜି ଶ୍ରୀ ରାୟ କହିଥିଲେ। ସୂଚନାଯୋଗ୍ୟ, ୨୦୦୯ ମସିହାରେ ସମଗ୍ର ରାଜ୍ୟକୁ ଦୋହଲାଇ ଦେଇଥିବା କୋଇଡ଼ା ଥାନା ଏସ୍‌ଆଇ ଅଜିତ କୁମାର ବର୍ଦ୍ଧନଙ୍କ ହତ୍ୟା ପରେ ଲଙ୍ଗଳକଟା ଓ ଝାରବେଡ଼ା ଜଙ୍ଗଲ ମାଓବାଦୀଙ୍କ ହଟ୍‌ସ୍ପଟ୍‌ ପାଲଟିଥିଲା। ଓଡ଼ିଶା-ଝାଡ଼ଖଣ୍ଡ ସୀମାସଂଲଗ୍ନ ଲଙ୍ଗଳକଟା, ସିଲକୁଟା, ବାଙ୍କୋ, ରେଞ୍ଜଡ଼ା, ଟୋପାଡିହି ଅଞ୍ଚଳରେ ମାଓ ଗତିବିଧି ବୃଦ୍ଧି ପାଇଥିଲା। ଚଳିତବର୍ଷ ମେ’ ୨୭ରେ ସ୍ଥାନୀୟ ବାଙ୍କୋ ପଥରଖଣିରୁ ୫ ହଜାର କେଜି ବିସ୍ଫୋରକ ଲୁଟ୍ ପରେ ପୁଲିସ ଓ ସୁରକ୍ଷାବାହିନୀର ଉଚ୍ଚାଧିକାରୀ ଅଞ୍ଚଳକୁ ବାରମ୍ବାର ଗସ୍ତ କରିଥିଲେ। ଏହାପୂର୍ବରୁ ମାଓବାଦୀଙ୍କର ଆଉ ଏକ ଗଡ଼ ସୋୟମ୍ବା ପଞ୍ଚାୟତର ଟୋପାଡିହିରେ ଚଳିତବର୍ଷ ସେପ୍ଟେମ୍ବର ୧୮ ତାରିଖରେ ସିଆର୍‌ପିଏଫ୍ ୧୯ ‘ଏ’ ବାଟାଲିୟନ୍‌ର ଏକ ସ୍ଥାୟୀ କ୍ୟାମ୍ପ ଖୋଲିଛି।

Friendship with Russia: ଚୀନ୍ ଓ ପାକିସ୍ତାନ ସହ ମୁକାବିଲା ପାଇଁ ରୁଷ୍‌ ସହିତ ବନ୍ଧୁତା ଜରୁରି: ଅଜୟ ପଟ୍ଟନାୟକ

ଜେଏନ୍‌ୟୁର ସେଣ୍ଟର୍‌ ଫର୍‌ ରଷିଆନ୍‌ ଆଣ୍ଡ୍‌ ସେଣ୍ଟ୍ରାଲ୍‌ ଏସିଆନ୍‌ ଷ୍ଟଡିଜ୍‌ର ପ୍ରାକ୍ତନ ନିର୍ଦ୍ଦେଶକ ତଥା ଜଣାଶୁଣା ବୈଦେଶିକ ବ୍ୟାପାର ବିଶେଷଜ୍ଞ ପ୍ରଫେସର୍‌ ଅଜୟ ପଟ୍ଟନାୟକ ନିଜର ଭୂରାଜନୈତିକ ବିଶ୍ଳେଷଣ ଓ ରଣନୈତିକ ସମୀକ୍ଷା ଲାଗି ବେଶ୍‌ ପରିଚିତ। ବାଲେଶ୍ବରର ମୂଳ ବାସିନ୍ଦା ପ୍ରଫେସର୍‌ ପଟ୍ଟନାୟକଙ୍କୁ ତାଙ୍କର ନୂଆଦିଲ୍ଲୀସ୍ଥିତ ବାସଭବନରେ ସାକ୍ଷାତ କରି ସାଂପ୍ରତିକ ପରିସ୍ଥିତିରେ ଆମେରିକାର ଭାରତ ବିରୋଧୀ ଆଭିମୁଖ୍ୟ, ରୁଷ୍‌ରୁ ଭାରତର ତୈଳକିଣା ଓ ଦ୍ବିପାକ୍ଷିକ ସଂପର୍କ, ଦୀପାବଳି ପାଳି ଆମେରିକାର ରାଷ୍ଟ୍ରପତି ଭାରତୀୟଙ୍କୁ ଶୁଭେଚ୍ଛା ଜଣାଇବା ଏବଂ ରୁଷ-ୟୁକ୍ରେନ୍ ଯୁଦ୍ଧର ଭବିଷ୍ୟତ ଆଦି ପ୍ରସଙ୍ଗରେ ଆଲୋଚନା କରିଛନ୍ତି ଆମର ବରିଷ୍ଠ ପ୍ରତିନିଧି ବିଭୂତି ପତି ଖ୍ୟାତିସଂପନ୍ନ ଶିକ୍ଷାବିତ୍‌, ବିଶିଷ୍ଟ ଅନ୍ତର୍ଜାତୀୟ ବ୍ୟାପାର ବିଶେଷଜ୍ଞ ତଥା ରୁଷ୍‌ ଓ କେନ୍ଦ୍ରୀୟ ଏସିଆ ରାଜନୀତିର ଧୁରୀଣ ବିଶ୍ଳେଷକ ପ୍ରଫେସର୍‌ ଅଜୟ କୁମାର ପଟ୍ଟନାୟକଙ୍କ ଜନ୍ମ ବାଲେଶ୍ବର ସହରରେ। ବସ୍ତା ପ୍ରାଥମିକ ବିଦ୍ୟାଳୟ ଓ ବାଲେଶ୍ବର ସରକାରୀ ଉଚ୍ଚ ବିଦ୍ୟାଳୟରୁ ସ୍କୁଲ୍‌ ଶିକ୍ଷା ଶେଷକରି ସେ ଫକୀରମୋହନ କଲେଜ୍‌ରୁ ସ୍ନାତକ କରିଥିଲେ। ଉତ୍କଳ ବିଶ୍ବବିଦ୍ୟାଳୟରୁ ଇତିହାସରେ ସ୍ନାତକୋତ୍ତର କରିବା ପରେ ସେ ନୂଆଦିଲ୍ଲୀସ୍ଥିତ ଜବାହରଲାଲ୍‌ ନେହେରୁ ବିଶ୍ୱବିଦ୍ୟାଳୟରେ ସୋଭିଏତ୍‌ ଆଣ୍ଡ୍‌ ଇଷ୍ଟ୍‌ ୟୁରୋପିଆନ୍ ଷ୍ଟଡିଜ୍‌ରେ ଏମ୍‌ଫିଲ୍ ଓ ପରେ ପିଏଚ୍‌ଡି କରିଥିଲେ। ଦିଲ୍ଲୀ ବିଶ୍ବବିଦ୍ୟାଳୟରେ ଅଧ୍ୟାପକ ଭାବେ ଚାରିବର୍ଷ କାର୍ଯ୍ୟ କରିବା ପରେ ସେ ୧୯୮୯ରେ ଜେଏନ୍‌ୟୁର ସ୍କୁଲ୍‌ ଅଫ୍‌ ଇଣ୍ଟର୍‌ନ୍ୟାସନାଲ୍‌ ଷ୍ଟଡିଜ୍‌ ଅନ୍ତର୍ଗତ ସୋଭିଏତ୍‌ ଷ୍ଟଡିଜ୍‌ରେ ପ୍ରଫେସର୍‌ ଭାବେ ଅଧ୍ୟାପନା ଆରମ୍ଭ କରିଥିଲେ। ଏହାବାଦ୍‌ ସେ କେମ୍ବ୍ରିଜ୍‌ ୟୁନିଭର୍ସିଟି ଓ କାଲିଫର୍ଣ୍ଣିଆ ୟୁନିଭର୍ସିଟିରେ ଭିଜିଟିଂ ପ୍ରଫେସର୍‌ ଭାବେ କାର୍ଯ୍ୟ କରିଛନ୍ତି। ପ୍ରଫେସର୍‌ ପଟ୍ଟନାୟକ କେନ୍ଦ୍ରୀୟ ଏସିଆ ଓ ସୋଭିଏତ୍‌ ରୁଷ୍‌ ସଂପର୍କିତ ତିନିଟି ପୁସ୍ତକ ରଚନା କରିବା ସହ ଅନ୍ତର୍ଜାତୀୟ ଜର୍ଣ୍ଣାଲ୍‌ ‘କଣ୍ଟେମ୍ପରାରି ସେଣ୍ଟ୍ରାଲ୍‌ ଏସିଆ’ର ସଂପାଦନା ମଧ୍ୟ କରିଛନ୍ତି। ମା’ଙ୍କ ପାଇଁ ତିନି ଭାଇ ଜେଏନ୍‌ୟୁରେ ପଢ଼ିଲୁ ଓଡ଼ିଶାରେ କଟିଥିବା ଶୈଶବର ସ୍ମୃତି ଆଜି ବି ତାଙ୍କ ମାନସପଟରେ ସଜୀବ। ପିଲାବେଳ କଥା ମନେପକାଇ ସେ କହନ୍ତି, “ମୋ ବାପା ଅବନୀମୋହନ ପଟ୍ଟନାୟକ ଓ ମା’ ନୟନା ପଟ୍ଟନାୟକ ଆମମାନଙ୍କ ଶିକ୍ଷା ପ୍ରତି ଅତ୍ୟନ୍ତ ଦାୟିତ୍ବବାନ୍‌ ଥିଲେ। ଆମ ଭାଇଭଉଣୀଙ୍କୁ ବସାଇ ବାପା ପାଠ ପଢ଼ାଉଥିଲେ। ମୋ ବାପାଙ୍କୁ ୧୪/୧୫ ବର୍ଷ ହୋଇଥିବା ବେଳେ ଜେଜେ ଆରପାରିକୁ ଚାଲିଯାଇଥିଲେ। ବାପା ସ୍କୁଲ୍‌ ପଢ଼ା ଶେଷକରି ବାଲେଶ୍ୱର ଜିଲ୍ଲାପାଳଙ୍କ ଅଫିସ୍‌ରେ ଚାକିରି କରିଥିଲେ। କିନ୍ତୁ, ପଢ଼ିବା ଆଗ୍ରହ ଥିବାରୁ ନୂଆକରି ଖୋଲିଥିବା ବାଲେଶ୍ବର କଲେଜରୁ ବିଏ ପାସ୍‌ କଲେ। ମା’ ଥିଲେ ସ୍କୁଲ୍‌ ଶିକ୍ଷୟିତ୍ରୀ। ଆମେ ସ୍କୁଲ୍‌ରେ ପଢ଼ିବା ବେଳୁ ସେ ଚାହୁଥିଲେ ଯେ ଆମେ ଯେମିତି ଜେଏନ୍‌ୟୁରେ ପଢୁ। ଆମ ଭଉଣୀ ଜ୍ୟୋତ୍ସ୍ନା ପଟ୍ଟନାୟକଙ୍କୁ ବିଦେଶରେ ପାଠ ପଢ଼ାଇବା ପାଇଁ ବି ସେ ମନବଳାଇଥିଲେ। ତେଣୁ, ଆମେ ତିନିଭାଇ ଜେଏନ୍‌ୟୁରେ ପଢ଼ିଲୁ। ଭଉଣୀ ଜାମିୟା ମିଲିୟା ଇସ୍‌ଲାମିଆରୁ ଏଜୁକେସନ୍‌ ପାଠ୍ୟକ୍ରମ ଶେଷକରି ଆମେରିକାରେ ଉଚ୍ଚତର ଗବେଷଣା କଲା। ବର୍ତ୍ତମାନ ସେ କାଲିଫର୍ଣ୍ଣିଆ ଷ୍ଟେଟ୍ ୟୁନିଭର୍ସିଟିରେ ଅଧ୍ୟାପିକା। କିନ୍ତୁ, ଏତେସବୁ ସଫଳତା ପଛରେ ଆମ ବଡ଼ଭାଇ ଡକ୍ଟର ଅଶୋକ ପଟ୍ଟନାୟକଙ୍କ ସାହାଯ୍ୟ, ସହଯୋଗ ଓ ପ୍ରେରଣା ଅବିସ୍ମରଣୀୟ।’’ ମା’ଙ୍କ ବସ୍‌ କିଣା ଓ ସ୍କୁଲ୍‌ ପ୍ରତିଷ୍ଠା ନନ୍ଦିନୀ ଶତପଥୀ ମୁଖ୍ୟମନ୍ତ୍ରୀ ଥିବା ବେଳେ ଶିକ୍ଷିତ ବେକାର ଯୁବକଯୁବତୀଙ୍କୁ ବ୍ୟବସାୟ ପାଇଁ ୯୦ ପ୍ରତିଶତ ସବ୍‌ସିଡି ଥିବା ଋଣ ଦେଉଥିଲେ। ସେହି ଯୋଜନାରେ ମା’ ଦୁଇଟି ବସ୍ କିଣି ଆଲୋଡ଼ନ ସୃଷ୍ଟି କରିଥିଲେ। ସମ୍ଭବତଃ ସେ ଥିଲେ ଓଡ଼ିଶାର ପ୍ରଥମ ମହିଳା ବସ୍‌ ମାଲିକ। ସେ ବସ୍‌ରେ ବାଲେଶ୍ୱରରୁ ଭୁବନେଶ୍ୱର ଯାତ୍ରା କଥା ମନେପଡ଼ିଲେ ଖୁବ୍‌ ଖୁସି ଲାଗେ। ନିଜ ପ୍ରଚେଷ୍ଟାରେ ମା’ ବାଲେଶ୍ୱରରେ ଗୋଟିଏ ହାଇସ୍କୁଲ୍‌ ବି ସ୍ଥାପନ କରିଥିଲେ। ବିଜୁ ପଟ୍ଟନାୟକଙ୍କ ମୁଖ୍ୟମନ୍ତ୍ରିତ୍ବ କାଳରେ ତାହା ସରକାରଙ୍କ ଅଧୀନକୁ ଯାଇଥିଲା। ଆଜି ବି ସେ ସ୍କୁଲ୍‌ ନୟନା ପଟ୍ଟନାୟକ ସରକାରୀ ହାଇସ୍କୁଲ୍‌ ହୋଇରହିଛି ବୋଲି କହନ୍ତି ପ୍ରଫେସର ପଟ୍ଟନାୟକ। ‘ମେରା ନାମ୍‌ ଜୋକର୍‌’ରୁ ରୁଷ୍‌ ପ୍ରେମ ‘‘ପିଲାଦିନେ ଆମ ଘରକୁ ‘ସୋଭିଏତ୍‌ ଲ୍ୟାଣ୍ଡ୍’ ପତ୍ରିକା ଆସୁଥିଲା। ତାହାକୁ ପଢ଼ି ସୋଭିଏତ୍‌ ରୁଷ୍‌ ଓ ଭାରତର ବନ୍ଧୁତ୍ବ କଥା ଜାଣିଥିଲି। ପୁଣି ରୁଷ୍‌ରେ ‘ମେରା ନାମ୍ ଜୋକର୍’ ଚଳଚ୍ଚିତ୍ର ଯେପରି ଭାବେ ଆଦୃତ ହୋଇଥିଲା ତାହା ଶୁଣି ସୋଭିଏତ୍‌ ରୁଷ୍‌ ବିଷୟରେ ଅଧିକ ଜାଣିବା ଲାଗି ଆଗ୍ରହ ବଢ଼ିଲା। ପରେ ଏହି ଆଗ୍ରହ ମୋତେ ସୋଭିଏତ୍‌ ରୁଷ୍‌ ଉପରେ ଅଧିକ ଅଧ୍ୟୟନ ଓ ଗବେଷଣା କରିବାକୁ ଅନୁପ୍ରାଣିତ କଲା। ରୁଷ୍‌-ୟୁକ୍ରେନ୍ ଯୁଦ୍ଧ ସରିବ କେବେ? ରୁଷ୍‌-ୟୁକ୍ରେନ୍‌ ଯୁଦ୍ଧ ଶେଷ ହେଉନି କାହିଁକି ବୋଲି ଜାଣିବାକୁ ଚାହିଁବାରୁ ପ୍ରଫେସର୍‌ ପଟ୍ଟନାୟକ କହିଲେ,‘‘ବାସ୍ତବରେ ୟୁକ୍ରେନ୍ ଏହି ଯୁଦ୍ଧ ଲଢୁନାହିଁ। ୟୁକ୍ରେନ୍ କେବଳ ମାଧ୍ୟମ। ସାମରିକ ଭାଷାରେ ଏହାକୁ ‘ପ୍ରକ୍ସି ୱାର୍’ କୁହାଯାଏ। ଆମେରିକାର ତତ୍କାଳୀନ ରାଷ୍ଟ୍ରପତି ଜୋ ବାଇଡେନ୍ ଓ ୟୁରୋପୀୟ ସଂଘ ରୁଷ୍‌ ବିରୋଧରେ ଏହି ଯୁଦ୍ଧ ଆରମ୍ଭ କରିଥିଲେ। ଆର୍ଥିକ ସହାୟତାରୁ ନେଇ ସାମରିକ ସହଯୋଗ ପର୍ଯ୍ୟନ୍ତ ସବୁକିଛି ନର୍ଥ ଆଟ୍‌ଲାଣ୍ଟିକ୍‌ ଟ୍ରିଟି ଅର୍ଗାନାଇଜେସନ୍‌ (ନାଟୋ) ୟୁକ୍ରେନ୍‌କୁ ଯୋଗାଇ ଆସୁଛି। ବିଶ୍ବରେ ରୁଷ୍‌ର ପ୍ରଭାବ ହ୍ରାସକରିବାକୁ ନାଟୋ ନିଜର ସାମରିକ ଅଭିଯାନକୁ ବିସ୍ତାରବାଦୀ ନୀତି ମାଧ୍ୟମରେ ଶକ୍ତିଶାଳୀ କରିବାକୁ ଚାହୁଥିଲା। ନାଟୋ ସହଯୋଗୀ ରାଷ୍ଟ୍ର କଳ୍ପନା କରି ନଥିଲେ ଯେ ସମସ୍ତ ଦୃଢ଼ ଆର୍ଥିକ କଟକଣା ଧୂଳିସାତ୍‌କରି ରୁଷ୍‌ ଏକୁଟିଆ ଏତେ ଦିନ ଯୁଦ୍ଧ ଲଢ଼ିପାରିବ। ତେଣୁ ଯୁଦ୍ଧ ଶେଷ ହେବାରେ ବିଳମ୍ବ ହେଉଛି।’’ ଟ୍ରମ୍ପ୍‌ ଜାଣିଛନ୍ତି ସତ କ’ଣ? ‘‘ଆମେରିକା ରାଷ୍ଟ୍ରପତି ଡୋନାଲ୍‌ଡ୍‌ ଟ୍ରମ୍ପ୍‌ ଓ ରୁଷ୍‌ ରାଷ୍ଟ୍ରପତି ପୁଟିନ୍‌ଙ୍କ ମଧ୍ୟରେ ମୁହାଁମୁହିଁ ଆଲୋଚନା ହୋଇଛି। ଟ୍ରମ୍ପ୍‌ ମଧ୍ୟ ଯଥାଶୀଘ୍ର ଯୁଦ୍ଧ ବନ୍ଦ ପାଇଁ ୟୁକ୍ରେନ୍‌କୁ ନିର୍ଦ୍ଦେଶ ଦେଇଛନ୍ତି। ସେ ୟୁକ୍ରେନ୍‌ର ରାଷ୍ଟ୍ରପତି ଜେଲେନ୍‌ସ୍କିଙ୍କୁ ହ୍ବାଇଟ୍ ହାଉସ୍‌କୁ ଡାକି ଯୁଦ୍ଧ ବନ୍ଦ ପାଇଁ ତାଗିଦ୍‌ କରିଥିଲେ। ଟ୍ରମ୍ପ୍‌ ବି କହିଛନ୍ତି, ଯୁଦ୍ଧର ଭୌଗୋଳିକ ସ୍ଥିତିକୁ ମାନିନେଇ ୟୁକ୍ରେନ୍ ଯୁଦ୍ଧ ବନ୍ଦକରୁ। ଟ୍ରମ୍ପ୍‌ ଭଲଭାବେ ବୁଝିଛନ୍ତି ଯେ ରୁଷ୍‌ ଦଖଲ କରିଥିବା ୟୁକ୍ରେନ୍ ଅଞ୍ଚଳରେ ସର୍ବାଧିକ ରୁଷ୍‌ ଭାଷାଭାଷୀ ଲୋକ ଥିବାରୁ ପୁଟିନ୍‌ ସେସବୁ ଅଞ୍ଚଳ ଛାଡ଼ିବେ ନାହିଁ। ତେଣୁ ରୁଷ୍‌-ୟୁକ୍ରେନ୍ ଯୁଦ୍ଧ ସହଜରେ ବନ୍ଦ ହେବନି କି, ଶାନ୍ତି ଫେରିବନି।’’ ୟୁକ୍ରେନ୍ ‘ଟମ୍ ହକ୍’ ପାଇବ? ୟୁକ୍ରେନ୍‌କୁ ଅତ୍ୟାଧୁନିକ ଘାତକ କ୍ଷେପଣାସ୍ତ୍ର ‘ଟମ୍ ହକ୍’ ଯୋଗାଇଦେବାକୁ ଟ୍ରମ୍ପ୍‌ ଘୋଷଣା କରିବା ସଂକ୍ରାନ୍ତରେ ପ୍ରଫେସର୍‌ ପଟ୍ଟନାୟକ କହନ୍ତି, “ଟ୍ରମ୍ପ୍‌ ପ୍ରଶାସନ ‘ଟମ୍ ହକ୍’ କ୍ଷେପଣାସ୍ତ୍ର ଦେବାକୁ ମନା କରିସାରିଲାଣି। ଏହା ଆମେରିକାର ଅନ୍ୟ ଏକ ରଣନୈତିକ ଚାଲ୍। ୧୯୮୦ରୁ ‘ଟମ୍ ହକ୍’ ଉଦ୍ଭାବନକରି ଅଦ୍ୟାବଧି ଆମେରିକା ପ୍ରାୟ ୯୦୦୦ କ୍ଷେପଣାସ୍ତ୍ର ପ୍ରସ୍ତୁତ କରିଛି। ଆଫ୍‌ଗାନିସ୍ତାନ୍, ୟେମେନ୍‌, ଇରାନ୍‌ ଓ ଅନ୍ୟ ସାମରିକ ଅଭିଯାନରେ ଆମେରିକା ସେଥିରୁ କିଛି ବ୍ୟବହାର କରିଛି। ଗଚ୍ଛିତ ଥିବା ‘ଟମ୍‌ ହକ୍‌’ରୁ ଅନେକ ଏବେ ପୁରୁଣା ହୋଇଗଲାଣି। ତେଣୁ ନିଜ ସାମରିକ ଅଭିଯାନ ଓ ସୁରକ୍ଷା ଦୃଷ୍ଟିରୁ ଏବେ ଆମେରିକା କାହାକୁ ‘ଟମ୍ ହକ୍’ ଦେବ ନାହିଁ।’’ ରୁଷ୍‌ରୁ ତୈଳ ଆମଦାନି ବନ୍ଦ ହେବନି ଟ୍ରମ୍ପ୍‌ ପ୍ରଶାସନ ଭାରତ ଉପରେ ଅତ୍ୟଧିକ ଟାରିଫ୍ ଲଦି ନିଜ ଗୋଡ଼ରେ କୁରାଢ଼ି ମାରୁଛି। ଭାରତରୁ ଆମଦାନି ହେଉଥିବା ୯୦ ପ୍ରତିଶତ ସାମଗ୍ରୀ ଉପରେ ନିର୍ଭରକରି ଆମେରିକୀୟମାନେ ଚଳିଥାନ୍ତି। ଟାରିଫ୍ ବୃଦ୍ଧିହେଲେ ସେମାନେ ତା’ର କୁପରିଣାମ ଭୋଗିବେ। ରୁଷ୍‌ରୁ ତୈଳ କିଣାଯିବା କଥାରେ ଟ୍ରମ୍ପ୍‌ଙ୍କ ମନୋଭାବ ଗ୍ରହଣୀୟ ନୁହେଁ। ୟୁରୋପୀୟ ସଂଘ ବିଭିନ୍ନ ଉପାୟରେ ରୁଷ୍‌ରୁ ତୈଳ ଆମଦାନି କରୁଛନ୍ତି। ରୁଷ୍‌ରୁ ତୈଳ ଆମଦାନି ନେଇ ଟ୍ରମ୍ପ୍‌ ଭାରତକୁ ଦେଉଥିବା ଧମକ ବି ପ୍ରଭାବହୀନ ହେବ। ଭାରତ ରୁଷ୍‌ରୁ ତୈଳ ଆମଦାନି କରୁଛି ଓ କରିବ। କାରଣ, ରୁଷ୍‌ ତୈଳ ଭାରତ ପାଇଁ ବିକାଶର ମାର୍ଗ ଉନ୍ମୁକ୍ତ କରିବ। ମୋଦୀ ସରକାର ରୁଷ୍‌ରୁ ତୈଳ କିଣିବେନି ବୋଲି ଟ୍ରମ୍ପ୍‌ କହୁଥିବା କଥାରେ ଆଦୌ ସତ୍ୟତା ନାହିଁ ବୋଲି କହନ୍ତି ପ୍ରଫେସର ପଟ୍ଟନାୟକ। ମୋଦୀଙ୍କ ବିଦେଶ ନୀତି ଓ ଟ୍ରମ୍ପ୍‌ଙ୍କ ଦୀପାବଳି ଭେଟି ମୋଦୀଙ୍କ ବୈଦେଶିକ ନୀତି ଓ ଟ୍ରମ୍ପ୍‌ଙ୍କ ଦୀପାବଳି ପାଳନ କୂଟନୀତି ଉପରେ ଅଜୟ ପଟ୍ଟନାୟକ କହିଛନ୍ତି, ଭାରତକୁ ବାଦ୍ ଦେଇ ଆଜିର ବିଶ୍ବରେ ଆମେରିକା ଅଗ୍ରଗତି କରିପାରିବ ନାହିଁ କି, ଚୀନ୍ ସହିତ ମୁକାବିଲା କରିପାରିବ ନାହିଁ। ଭାରତର କଠୋର ଆଭିମୁଖ୍ୟ ଦେଖି ଟ୍ରମ୍ପ୍‌ ପ୍ରଶାସନ ଦୀପାବଳି ଉତ୍ସବ ପାଳି କୂଟନୈତିକ ସଂପର୍କରେ ଭାରତକୁ ଖୁସି କରିବାକୁ ବନ୍ଧୁତ୍ବର ବାର୍ତ୍ତା ଦେଇଛି। ବର୍ତ୍ତମାନ ନରମିଯାଇ ଟ୍ରମ୍ପ୍‌ ପ୍ରଶାସନ ଟାରିଫ୍‌ କମ୍‌ କରିବାକୁ ପ୍ରସ୍ତାବ ଦେଇଛନ୍ତି। କିନ୍ତୁ, ଭାରତ ପାଇଁ ଆମେରିକା ଭରସାଯୋଗ୍ୟ ନୁହେଁ। ରୁଷ୍‌ର ଦୀର୍ଘସ୍ଥାୟୀ ବନ୍ଧୁତ୍ବ ଓ ନିରନ୍ତର ସାହାଯ୍ୟ ସହଯୋଗକୁ ଭାରତ ଅଧିକ ସୁଦୃଢ଼ କରିବା ଆବଶ୍ୟକ। ଚୀନ୍ ଓ ପାକିସ୍ତାନ ସହିତ ମୁକାବିଲା କରିବା ପାଇଁ ରୁଷ୍‌ ବନ୍ଧୁତ୍ବର ବନ୍ଧନ ଭାରତ ପାଇଁ ଏକାନ୍ତ ଅପରିହାର୍ଯ୍ୟ।

ମିଛ ଚାକିରି ନାଁରେ ଠକେଇ ତାତିଲେ ଠକେଇର ଶିକାର ମହିଳା

ବରଗଡ଼/ଭେଡ଼େନ/ଭଟଲି: ଝାଡୁଦାର ଚାକିରି ଦେବା ନାଁରେ ଗରିବ ଅନୁସୂଚିତ ଜାତି ବର୍ଗର ଲୋକଙ୍କଠୁ ଟଙ୍କା ଠକେଇ ଘଟଣାର ଗୋଟିଏ ପରେ ଗୋଟିଏ ଫର୍ଦ୍ଦ ଖୋଲିବାରେ ଲାଗିଛି। ବର୍ତ୍ତମାନ ସୁଦ୍ଧା ପଶ୍ଚିମ ଓଡ଼ିଶାର ୪ଟି ଜିଲ୍ଲାରେ ଏହି ଠକେଇ ହୋଇଥିବା ଜଣାପଡ଼ିଥିବାବେଳେ ତଦନ୍ତକୁ ତ୍ୱରାନ୍ୱିତ କରିଛି ବରଗଡ଼ ଜିଲ୍ଲା ପୁଲିସ। ବରଗଡ଼ ଜିଲ୍ଲାରେ ଏହି ଠକେଇ ଗାଁଗାଁକୁ ବ୍ୟାପିଛି। ଭେଡ଼େନ ପୁଲିସ ଏହି ମାମଲାରେ ଆଜି ୩ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। ପୂର୍ବରୁ ବୁର୍ଲା ପୁଲିସ ଏହି ମାମଲାର ଅନ୍ୟତମ କାର୍ପଟଦାର ପଦ୍ମାବତୀ ତାଣ୍ଡିଙ୍କୁ ଗିରଫ କରିଥିଲା। ଆଜି ତାଙ୍କ ସ୍ୱାମୀ କଷ୍ଟ ତାଣ୍ଡି, ଭାଇ ମନୋରଞ୍ଜନ ଭଏନା ଏବଂ ଭଉଣୀ ସୁବଳୟା ଭଏନାଙ୍କୁ ଗିରଫ କରିଛି ଭେଡ଼େନ ପୁଲିସ। ସେମାନଙ୍କ ପାଖରୁ ନଗଦ ୫୪ ହଜାର ୨୫୦ ଟଙ୍କା, ଗୋଟିଏ ସ୍କୁଟି, ୨ଟି ମୋବାଇଲ ସହ ସେମାନଙ୍କ ନାମରେ ଥିବା ବ୍ୟାଙ୍କ ଆକାଉଣ୍ଟ ଓ ଅନ୍ୟ କାଗଜପତ୍ର ପୁଲିସ ଜବତ କରିଥିବା ସୂଚନା ମିଳିଛି। ସେହିପରି ଭଟଲି ପୁଲିସ ଏ ସଂକ୍ରାନ୍ତରେ ଅଭିଯୋଗ ପାଇବା ପରେ କିଛି ମଧ୍ୟସ୍ଥଙ୍କୁ ଥାନାକୁ ଡାକି ପଚରାଉଚୁରା କରିଛି। ଶନିବାର ଦିନସାରା ଭେଡ଼େନ ଥାନାରେ ଠକେଇର ଶିକାର ହୋଇଥିବା ମହିଳାଙ୍କ ଭିଡ଼ ଜମିଥିଲା। ୧୩ ହଜାର ଟଙ୍କା ସିକ୍ୟୁରିଟି ଡିପୋଜିଟ୍‌ ବାବଦକୁ ନେଇ କିଭଳି ସେମାନେ ଠକେଇର ଶିକାର ହୋଇଛନ୍ତି ତାହା ପୁଲିସକୁ ଜଣାଇଥିଲେ। ରେମଣ୍ଡା, ବୁଦେଲବାହାଲି, ଛନାପତିଟିକ୍ରା, ଯୁଗୀପାଲି, କଣ୍ଟାପାଲି, ଗୁରୁପାଲି, ସଂକିର୍ଡା, ନାଗପାଲି, ମାନପୁର ଗାଁର ମହିଳାମାନେ ଥାନାକୁ ଆସି ଅଭିଯୋଗ କରିଥିଲେ। ଭେଡ଼େନ ପୁଲିସ ୩ ଅଭିଯୁକ୍ତଙ୍କୁ ଧରିବା ପରେ ମହିଳାମାନେ କିଛି ସମୟ ହୋହାଲ୍ଲା କରି ତାଙ୍କ ହାତରେ ଅଭିଯୁକ୍ତଙ୍କୁ ଛାଡ଼ିଦେବାକୁ ପୁଲିସ ନିକଟରେ ଦାବି କରିଥିଲେ। ଯାହା ଟଙ୍କା ନେଇଛନ୍ତି, ସବୁ ଫେରାଇବାକୁ ସେମାନେ ଅଡ଼ି ବସିଥିଲେ। ଭେଡ଼େନ ଥାନାରେ ଅନ୍ୟ କିଛି ଲୋକଙ୍କ ନାମରେ ମଧ୍ୟ ମହିଳାମାନେ ଅଭିଯୋଗ କରିଛନ୍ତି। ପୁଲିସ ଆଉ କିଛି ବ୍ୟକ୍ତିଙ୍କ ନାମରେ ମାମଲା ରୁଜୁ କରି ତଦନ୍ତ ଜାରି ରଖିଛି। ସେହିପରି ଆଜି ଭଟଲି ଥାନା ଅନ୍ତର୍ଗତ କମଗାଁର ମହିଳାମାନେ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସିଥିଲେ। ସେମାନେ ପୂର୍ବରୁ ଭଟଲି ଥାନାରେ ବାଞ୍ଜିପାଲି ଗାଁର ଶ୍ରବଣ ତାଣ୍ଡି ନାମକ ଜଣେ ଯୁବକଙ୍କ ନାମରେ ଅଭିଯୋଗ କରିଥିଲେ। ଯୁବକ ଜଣକ ଭଟଲିରେ ରାସ୍ତା ଝାଡୁ କରିବା କାମରେ ନିଯୁକ୍ତି ଦେବ ଓ କାମ ବନ୍ଦ ହେଲେ ଟଙ୍କା ଫେରସ୍ତ ହେବ ବୋଲି କହିଥିଲା। ପୁଲିସ ମାମଲା ରୁଜୁ କରିଥିଲେ ବି ଅଭିଯୁକ୍ତ ଧରାପଡ଼ି ନାହିଁ କି ସେମାନେ ତାଙ୍କ ଟଙ୍କା ଫେରି ପାଇନାହାନ୍ତି। ତେଣୁ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି ଅଭିଯୋଗପତ୍ର ଦେଇଛନ୍ତି। ବରଗଡ଼ ଜିଲ୍ଲାରେ ବହୁ ସଂଖ୍ୟାରେ ମହିଳା ଏହି ଠକେଇର ଶିକାର ହୋଇଛନ୍ତି। ଠକେଇର ମୁଖ୍ୟ କୁହାଯାଉଥିବା ପଦ୍ମାବତୀ ତାଣ୍ଡୀଙ୍କ ଭିନ୍ନ ଭିନ୍ନ ଭିଡିଓ ଏବେ ଭାଇରାଲ ହେଉଛି। ବରଗଡ଼ ଏସ୍‌ଡିପିଓ ପଦାରବିନ୍ଦ ତ୍ରିପାଠୀ ଏହି ମାମଲାର ଅଧିକ ତଦନ୍ତ ଜାରି ରହିଥିବା କହିଛନ୍ତି।

କାଠଯୋଡ଼ି ପାଇଁ ମୃତ୍ୟୁର ଘଣ୍ଟି

କଟକ: ରାଜ୍ୟର ଅନ୍ୟତମ ପ୍ରମୁଖ ନଦୀ କାଠଯୋଡ଼ିରେ ଗୋଟିଏ ପଟେ ଜଳ ପ୍ରବାହ ଉଦ୍‌ବେଗଜନକ ଭାବେ ହ୍ରାସ ପାଉଥିବା ବେଳେ ଅନ୍ୟପଟେ ପ୍ରଦୂଷଣ ଜନିତ ସମସ୍ୟା ନଈକୁ ମୃତ୍ୟୁ ଆଡ଼କୁ ଟାଣି ନେଉଛି। କଟକର ଆରମ୍ଭ ଅର୍ଥାତ୍‌ ନରାଜ ନିକଟରେ ମହାନଦୀରୁ ବାହାରି ଥିବା ଏହି ନଦୀରୁ କୁଆଖାଇ, ସିଢୁଆ ଭଳି ନଦୀ ବାହାରିଛନ୍ତି। କଟକ ସହରର ଗୋଟିଏ ପାର୍ଶ୍ବରେ ଏହା ୯ କିଲୋମିଟର ପ୍ରବାହିତ ହୋଇଥିବା ବେଳେ କାଠଯୋଡ଼ିର ମୋଟ ଦୈର୍ଘ୍ୟ ୨୪ କିଲୋମିଟର ରହିଛି। ଉପରମୁଣ୍ଡରୁ ଆସୁଥିବା ମହାନଦୀର ୪୦ ପ୍ରତିଶତ ଜଳ କାଠଯୋଡ଼ିରେ ପ୍ରବାହିତ ହୋଇଥାଏ। କିନ୍ତୁ ମହାନଦୀରେ ଜଳ ପ୍ରବାହ ହ୍ରାସ ପାଉଥିବାରୁ କାଠଯୋଡ଼ିରେ ଗୁରୁତର ପ୍ରଭାବ ଦେଖିବାକୁ ମିଳୁଛି। ଏହାର ପରିବେଶ ଜନିତ ପ୍ରତିକୂଳ ପ୍ରଭାବ କଟକ ସହର ଏବଂ ଏହାର ଉପକଣ୍ଠରେ ଅନୁଭୂତ ହେବା ସହିତ ଭୂତଳ ଜଳ ମଧ୍ୟ ହ୍ରାସ ପାଇ ଚାଲିଛି। ବର୍ତ୍ତମାନ ସମୟରେ ଲଘୁଚାପ ଜନିତ ଅଧିକ ବର୍ଷା ହିଁ କାଠଯୋଡ଼ିକୁ ଜୀବନ ଦେଇପାରୁଛି ବୋଲି ବିଭାଗୀୟ ଅଧିକାରୀମାନେ ସୂଚନା ଦେଇଛନ୍ତି। ୨୦୦୬ରେ ନରାଜ ବ୍ୟାରେଜ୍‌ ନିର୍ମାଣ ହେବା ପରଠୁ କାଠଯୋଡ଼ିରେ ପ୍ରତ୍ୟେକ ବର୍ଷ ସର୍ବାଧିକ ଜଳ ପ୍ରବାହର ରେକର୍ଡ କରାଯାଉଛି। ଏହି ରେକର୍ଡ ଅନୁଯାୟୀ ଯେଉଁଠି ୨୦୦୮ରେ ଏକଦା ସର୍ବାଧିକ ୮ ଲକ୍ଷ ୬୫ ହଜାର ୩୪୪ କ୍ୟୁସେକ ପାଣି ପ୍ରବାହିତ ହେଉଥିଲା; ସେହି ବର୍ଷ ମାନଙ୍କରେ ହାରାହାରି ୬ରୁ ୭ ଲକ୍ଷ କ୍ୟୁସେକ ପାଣି ପ୍ରବାହିତ ହେଉଥିଲା, ତାହା ପରବର୍ତ୍ତୀ ସମୟରେ ହାରାହାରି ଭାବେ ୩ ଲକ୍ଷ କ୍ୟୁସେକ୍‌କୁ ହ୍ରାସ ପାଇ ଚାଲିଛି। ଏମିତିକି୨୦୧୭ରେ ମାତ୍ର ୭୭ ହଜାର ୧୯ କ୍ୟୁସେକ୍‌ ଜଳ ଓ ୨୦୧୬ରେ ୧ ଲକ୍ଷ ୯୦୨ହଜାର ୯୩ କ୍ୟୁସେକ୍‌ ଜଳ ପ୍ରବାହିତ ହେବା ଘଟଣା କାଠଯୋଡ଼ି ପାଇଁ ମୃତ୍ୟୁର ଘଣ୍ଟି ବଜାଇଛି। ବହୁବର୍ଷ ପରେ ଚଳିତ ବର୍ଷ ୪ରୁ ଅଧିକ ଲଘୁଚାପ ଜନିତ ବର୍ଷା ଯୋଗୁଁ କାଠଯୋଡ଼ିରେ ୬ଲକ୍ଷ ୮୫୬୦ କ୍ୟୁସେକ୍‌ ପାଣି ପ୍ରବାହିତ ହୋଇଛି। ଗୋଟିଏ ପଟେ କାଠଯୋଡ଼ି ପାଣି ଅଭାବରୁ ଶୁଖିଲା ପଡୁଥିବା ବେଳେ ଅନ୍ୟପଟେ ଖାନନଗର ନିକଟରେ କଟକ ସହରର ଡ୍ରେନ୍‌ ପାଣିକୁ ସିଧାସଳଖ କାଠଯୋଡ଼ିକୁ ଛାଡ଼ି ଦିଆଯିବା ଫଳରେ ନଈ ପାଣି ଏକ ପ୍ରକାର ବିଷାକ୍ତ ହେବାରେ ଲାଗିଛି। ଯାହାକୁ ନେଇ ପରିବେଶବିତ୍‌ମାନେ ଚିନ୍ତାପ୍ରକଟ କରିଥିଲା ବେଳେ ହାଇକୋର୍ଟ ମଧ୍ୟ ତାଗିଦ୍‌ କରିଛନ୍ତି। କିନ୍ତୁ ଏ ଦିଗରେ ପ୍ରଶାସନ ବେଫିକର ହୋଇ ପଦକ୍ଷେପ ନ ନେଇ ବିଭିନ୍ନ ଆଳରେ ସମୟ ଗଡ଼ାଇ ଚାଲିଛି। ଅସନ୍ତୁଳିତ ବର୍ଷା ଯୋଗୁଁ କାଠଯୋଡ଼ିରେ ବାଲି ଜମା ହୋଇ ଚାଲିଥିବା ବେଳେ ହଠାତ୍‌ ଅଧିକ ପାଣି ଆସିଲେ ବାରଙ୍ଗ ବିଦ୍ୟାଧରପୁର ନିକଟରେ ପାଣି କୂଳ ଖାଉଛି। ତେଣୁ ସେସବୁ ସ୍ଥାନଗୁଡ଼ିକ ଉପରେ ଏବେ ନଜର ରଖାଯାଉଛି ବୋଲି ନରାଜ ଡିଭିଜନ୍‌ କନିଷ୍ଠଯନ୍ତ୍ରୀ ଦେବ ଦାସ କହିଛନ୍ତି।

ଭିମ୍‌ସାରର ସ୍ବାସ୍ଥ୍ୟ ଖରାପ ଚିକିତ୍ସା ସେବାରୁ ବଞ୍ଚିତ ରୋଗୀ

ସମ୍ବଲପୁର: ସରକାର ବଦଳିବା ପରେ ପଶ୍ଚିମ ଓଡ଼ିଶା ସ୍ବାସ୍ଥ୍ୟସେବାର ଜୀବନରେଖା ଭିମ୍‌ସାର‌ ଅବସ୍ଥା ସୁଧୁରିଯିବ ବୋଲି ଲୋକଙ୍କ ମନରେ ଆଶା ରହିଥିଲା। ହେଲେ, ଏହା ମଧ୍ୟରେ ଦେଢ଼ବର୍ଷ ଅତିକ୍ରାନ୍ତ ହେବା ପରେ ବି ସ୍ଥିତି ସୁଧୁରିବା ବଦଳରେ ଅଧିକ ଜଟିଳ ହେବାରେ ଲାଗିଛି। କାଗଜକଲମରେ ସ୍ବୟଂଶାସନ କ୍ଷମତା ସୀମିତ ରହିଛି। କାମଚଳାଙ୍କ ଭରସାରେ ଚାଲିଥିବା ଭିମ୍‌ସାରରେ ସବୁ ଗୁରୁତ୍ବପୂର୍ଣ୍ଣ ପଦ ସହିତ ଡାକ୍ତରଙ୍କ ମଧ୍ୟ ଘୋର ଅଭାବ ପରିଲକ୍ଷିତ ହୋଇଛି। ପ୍ରାୟ ୮ ବର୍ଷ ହେଲା ଡାକ୍ତର ନିଯୁକ୍ତି ପ୍ରକ୍ରିୟା ଅଟକି ରହିଛି। ଅସ୍ଥାୟୀ ନିଯୁକ୍ତି ଜରିଆରେ ଖାଲି ପଦ ପୂରଣ ନିମନ୍ତେ ପ୍ରୟାସ ହୋଇଥିଲେ ମଧ୍ୟ ଚାକିରି ଅନିଶ୍ଚିତତା କାରଣରୁ ଏଥିପ୍ରତି ଡାକ୍ତରମାନଙ୍କ ମଧ୍ୟରେ ଆଗ୍ରହ ଦେଖିବାକୁ ମିଳୁନାହିଁ। ବହୁ ବର୍ଷର ପ୍ରତୀକ୍ଷା ପରେ କିଛି ମାସ ତଳେ ଲୋକାର୍ପିତ ହୋଇଥିବା ସୁପର୍‌ ସ୍ପେସାଲିଟି ହସ୍ପିଟାଲ ପୂର୍ଣ୍ଣ କାର୍ଯ୍ୟକ୍ଷମ ହୋଇ ପାରିନାହିଁ। କେତେକ ବିଭାଗରେ ଜଣେ, ଦୁଇଜଣ ଲେଖାଏଁ ବିଶେଷଜ୍ଞ ଡାକ୍ତର ଥିବା ବେଳେ ଆଉ କେତେକ ବିଭାଗ ପୂରା ଡାକ୍ତରଶୂନ୍ୟ। ଏଣ୍ଡୋକ୍ରାଇନୋଲଜି, ଗେଷ୍ଟ୍ରୋଏଣ୍ଟ୍ରୋଲଜି ଓ କ୍ଲିନିକାଲ୍‌ ହେମାଟୋଲଜି ବିଭାଗରେ ଡାକ୍ତର ନିଯୁକ୍ତି ହୋଇ ପାରିନଥିବାରୁ ପଶ୍ଚିମ ଓଡ଼ିଶା ଓ ଏହା ଉପରେ ନିର୍ଭରଶୀଳ ସୀମାନ୍ତ ଛତିଶଗଡ଼ ଏବଂ ଝାଡ଼ଖଣ୍ଡର ଗରିବ ରୋଗୀମାନେ ଏସବୁ ବିଭାଗର ଚିକିତ୍ସା ସେବା ପାଇବାରୁ ବଞ୍ଚିତ ହେଉଛନ୍ତି। ସ୍ଥାୟୀ ନିର୍ଦ୍ଦେଶକ ଏବଂ ଭିମ୍‌ସାର କାର୍ଯ୍ୟନିର୍ବାହୀ ପରିଷଦ ନଥିବାରୁ ସ୍ଥାୟୀ ନିଯୁକ୍ତି ସମ୍ଭବ ହେଉନାହିଁ। ୨୦୨୩ ଫେବ୍ରୁଆରିରେ ପ୍ରଫେସର ଲଳିତ ମେହେରଙ୍କ ଅବସର ପରେ କେତେକ ସ୍ଥାନୀୟ ପ୍ରଫେସର ନିର୍ଦ୍ଦେଶକ ଭାବେ କିଛି ମାସ କାମ ଚଳାଇବା ପରେ ପ୍ରାୟ ଏକ ବର୍ଷ ହେଲା ଡିଏମ୍‌ଇଟି ଏହାର ଅତିରିକ୍ତ ଦାୟିତ୍ବରେ ରହିଛନ୍ତି। ଏପଟେ ସ୍ବୟଂଶାସନ କ୍ଷମତା ମିଳିବା ଦିନଠାରୁ ପ୍ରାୟତଃ ମେଡିକାଲ କଲେଜର ଡିନ୍‌ ତଥା ଅଧ୍ୟକ୍ଷ ଏବଂ ଡାକ୍ତରଖାନାର ଅଧୀକ୍ଷକ ଭଳି ଗୁରୁତ୍ବପୂର୍ଣ୍ଣ ପଦ ଖାଲିପଡ଼ିଛି। ୧୧ ଅକ୍ଟୋବର ୨୦୨୩ରୁ ଭିମ୍‌ସାର କାର୍ଯ୍ୟନିର୍ବାହୀ ପରିଷଦର ୩ ବର୍ଷିଆ କାର୍ଯ୍ୟକାଳ ସରିଯାଇଥିଲେ ହେଁ ଏହାର ପୁନର୍ଗଠନ ପାଇଁ ସରକାରଙ୍କ ଆନ୍ତରିକତା ନାହିଁ। ଆଶୁଚିକିତ୍ସା ବିଭାଗ ପାଇଁ କୋଠା ପ୍ରସ୍ତୁତ ଥିବା ସତ୍ତ୍ବେ ତାହା କାର୍ଯ୍ୟକ୍ଷମ ହୋଇ ପାରୁନାହିଁ। ସୁପର ସ୍ପେସାଲିଟି ହସ୍‌ପିଟାଲରେ ଖୋଲିଥିବା ନୂଆ କେନ୍ଦ୍ରୀୟ ଆଇସିୟୁର ୮୦ଟି ଶଯ୍ୟା ମଧ୍ୟରୁ ପ୍ରାୟ ୩୦ଟି କାର୍ଯ୍ୟକ୍ଷମ ରହିଛି। ଏପଟେ ପୁରୁଣା ଆଇସିୟୁ କୋଠାରେ ତାଲା ଝୁଲୁଥିବାରୁ ‌‌ସେଠାକାର ମୂଲ୍ୟବାନ ଯନ୍ତ୍ରପାତି ସବୁ ଖତ ଖାଉଛି। ପର୍ଯ୍ୟାପ୍ତ ଆଇସିୟୁ ଶଯ୍ୟା ଥିବା ସତ୍ତ୍ବେ ଆଇସିୟୁ ସେବାରୁ ବଞ୍ଚିତ ହେଉଛନ୍ତି ରୋଗୀ। ଅନେକ ଜୀବନ ବିକଳରେ ଆଇସିୟୁ ସେବା ପାଇଁ ଘରୋଇ ଡାକ୍ତରଖାନାକୁ ଯାଇ ଖର୍ଚ୍ଚାନ୍ତ ହେଉଛନ୍ତି। ମା’ ଓ ଶିଶୁ ଯତ୍ନ ବିଭାଗ ପାଇଁ ନବନିର୍ମିତ ୯ ମହଲା କୋଠା ଏବେ ପରିତ୍ୟକ୍ତ ଅବସ୍ଥାରେ ରହିଛି। ମା’ ଓ ଶିଶୁ ଯତ୍ନ ବିଭାଗରେ ଶଯ୍ୟା ଅଭାବ ଥିବାରୁ ଅନେକ ସମୟରେ ମା’ ଓ ଶିଶୁମାନେ ଚଟାଣରେ ଶୋଇ ଚିକିତ୍ସିତ ହେଉଛନ୍ତି। ଏତେ ବଡ଼ ଡାକ୍ତରଖାନାରେ ଟ୍ରମା କେୟାର ୟୁନିଟ୍‌ ସ୍ଥାପନ ହୋଇପାରି ନାହିଁ। ପଶ୍ଚିମ ଓଡ଼ିଶାବାସୀଙ୍କ ବହୁବର୍ଷର ଲଢ଼େଇ ପରେ ସ୍ବୟଂଶାସନ କ୍ଷମତା ପାଇଥିବା ଏହି ଡାକ୍ତରଖାନା ତଥା ମେଡିକାଲ କଲେଜ (ଭିମ୍‌ସାର)କୁ ଓଡ଼ିଶା ସ୍ବାସ୍ଥ୍ୟ ବିଶ୍ବବିଦ୍ୟାଳୟରେ ମିଶାଇବା ପାଇଁ ବଡ଼ ‌ଷଡ୍‌ଯନ୍ତ୍ର ଚାଲିଥିବା ଅଭିଯୋଗ ହୋଇଛି। ରାଜ୍ୟ ସ୍ବାସ୍ଥ୍ୟମନ୍ତ୍ରୀ ପଶ୍ଚିମଓଡ଼ିଶାର ହୋଇଥିଲେ ହେଁ ଭିମ୍‌ସାରର ଏଭଳି ଅବସ୍ଥା ପଶ୍ଚିମ ଓଡ଼ିଶାବାସୀଙ୍କୁ ହତାଶ କରିଛି।

ଛାପା ଗଣମାଧ୍ୟମ ବିଜ୍ଞାପନ ଦର ୨୬% ବଢ଼ିପାରେ

ନୂଆଦିଲ୍ଲୀ: ନୂଆ ଗଣମାଧ୍ୟମ ପ୍ଲାଟଫର୍ମ ଦ୍ବାରା ପାରମ୍ପରିକ ଗଣମାଧ୍ୟମ ପ୍ରଭାବିତ ହୋଇଛନ୍ତି। ଏହି ପ୍ରଭାବରୁ କିଭଳି ପାରମ୍ପରିକ ଗଣମାଧ୍ୟମଗୁଡ଼ିକୁ ସୁରକ୍ଷା ଦିଆଯିବ ତାହା ଉପରେ ସରକାର ବିଚାର କରୁଛନ୍ତି। ଏହାର ଅଂଶ ସ୍ବରୂପ ଛାପା ଗଣମାଧ୍ୟମର ବିଜ୍ଞାପନ ଦରରେ ସରକାର ୨୬ ପ୍ରତିଶତ ବଢ଼ାଇବା ନେଇ ଯୋଜନା କରୁଛନ୍ତି। ଏ ସଂକ୍ରାନ୍ତ ବିଜ୍ଞପ୍ତି ନଭେମ୍ବର ୧୫ ପରେ ପ୍ରକାଶ ପାଇବା ନେଇ ଆଶା କରାଯାଉଛି ବୋଲି ନ୍ୟୁଜ୍‌ ଏଜେନ୍ସି ଏଏନ୍‌ଆଇ ରିପୋର୍ଟ କରିଛି। ସୂତ୍ରରୁ ଜଣାଯାଇଛି ଯେ ସରକାର ବିଭିନ୍ନ ସ୍ତରରେ ସଂସ୍କାର ପାଇଁ ଉଦ୍ୟମ ଚଳାଇଛନ୍ତି। ଛାପା ଗଣମାଧ୍ୟମଗୁଡ଼ିକ ଡିଜିଟାଲ ଫର୍ମାଟକୁ ଯିବା ଫଳରେ ଲୋକଙ୍କ ଜୀବିକା ପ୍ରଭାବିତ ହୋଇଛି। ବି‌ଶେଷ କରି ଛାପା ଗଣମାଧ୍ୟମରେ ମାଧ୍ୟମରେ କାର୍ଯ୍ୟ କରୁଥିବା କର୍ମଚାରୀମାନେ କ୍ଷତିଗ୍ରସ୍ତ ହୋଇଛନ୍ତି। ଛାପା ଗଣମାଧ୍ୟମରେ ରାଜସ୍ବର ଏକ ପ୍ରମୁଖ ଉତ୍ସ ହେଉଛି ବିଜ୍ଞାପନ। କିନ୍ତୁ ଅନଲାଇନ୍‌ ମିଡିଆର ବିକାଶ ଫଳରେ ଛାପା ଗଣମାଧ୍ୟମର ବିଜ୍ଞାପନ କମିଯାଇଛି। ରେଡିଓର କିଭଳି ବିକାଶ ହେବ ସେ ନେଇ କର୍ତ୍ତୃପକ୍ଷ ଚିନ୍ତା କରୁଛନ୍ତି। ବର୍ତ୍ତମାନ ରେଡିଓର ବିକାଶରେ ବାଧା ସୃଷ୍ଟି କରୁଥିବା ନିୟାମକ ବ୍ୟବସ୍ଥାଗୁଡ଼ିକୁ ହଟାଇବା ସଂପର୍କରେ ଚିନ୍ତା କରାଯାଉଛି। ଟିଭି ଚ୍ୟାନେଲଗୁଡ଼ିକ ମୂଲ୍ୟାଙ୍କନ ବା ରେଟିଂ ବ୍ୟବସ୍ଥାରେ ବିକୃତିର ସମ୍ମୁଖୀନ ହେଉଛନ୍ତି। ଏହି ବ୍ୟବସ୍ଥାରେ ଉନ୍ନତି ଆଣିବା ଲାଗି କାର୍ଯ୍ୟ କରାଯାଉଛି। ସମସ୍ତଙ୍କ ପାଇଁ ସମାନ ସୁଯୋଗକୁ ନିଶ୍ଚିତ କରାଯିବା ନେଇ ଯୋଜନା ରହିଛି।‌ ସେହିଭଳି ଡିଟିଏଚ୍‌ କ୍ଷେତ୍ରରେ ମଧ୍ୟ ସଂସ୍କାର ଆଣିବା ଲାଗି ଯୋଜନା ଥିବା ଜଣାଯାଇଛି। ପାରମ୍ପରିକ ଗଣମାଧ୍ୟମଗୁଡ଼ିକର ବ୍ୟବସାୟ ସ୍ଥିତିରେ ଉନ୍ନତି ଆଣିବା ଏବଂ ନୂତନ ଭାବେ ମୁଣ୍ଡ ଟେକୁଥିବା ଡିଜିଟାଲ୍‌ ପ୍ଲାଟଫର୍ମ ସହିତ ପ୍ରତିଯୋଗିତା କରିପାରିବେ ସେ ନେଇ ସରକାର ଲକ୍ଷ୍ୟ ରଖିଛନ୍ତି।

ସାର୍ କ୍ରିକ୍ ନିକଟରେ ଭାରତର ସମରାଭ୍ୟାସ ପ୍ରସ୍ତୁତି ବାୟୁସୀମା କଟକଣା ଲଗାଇଲା ପାକିସ୍ତାନ

ନୂଆଦିଲ୍ଲୀ: ସୀମାରେ ଭାରତ ତିନିସେନାର ସମରାଭ୍ୟାସ ପାଇଁ ପ୍ରସ୍ତୁତ ହେଉଥିବା ବେଳେ ପାକିସ୍ତାନ ଏହାର କେନ୍ଦ୍ରୀୟ ଓ ଦକ୍ଷିଣ ବାୟୁସୀମାରେ ଏକାଧିକ ବିମାନ ଚଳାଚଳ ମାର୍ଗ ଉପରେ ପ୍ରତିବନ୍ଧକ ଲଗାଇ ଏକ ବିଜ୍ଞପ୍ତି ଜାରି କରିଛି। ଅକ୍ଟୋବର ୨୮-୨୯ ପାଇଁ ନୋଟାମ୍ (ଏୟାର୍‌ମେନ୍‌ଙ୍କୁ ନୋଟିସ୍) ଜାରି କରିଥିବା ପାକିସ୍ତାନ ଏ ବାବଦ କୌଣସି କାରଣ ଦର୍ଶାଇ ନାହିଁ। ବିଶ୍ଳେଷକମାନେ କହିଛନ୍ତି ଯେ, ଭାରତର ସାମରିକ ଅଭ୍ୟାସ କିମ୍ବା ସମ୍ଭାବ୍ୟ ଅସ୍ତ୍ରଶସ୍ତ୍ର ପରୀକ୍ଷଣରେ ବିଚଳିତ ହୋଇ ପାକିସ୍ତାନ ଏଭଳି ପଦକ୍ଷେପ ନେଇଛି। ଅକ୍ଟୋବର ୩୦ରୁ ନଭେମ୍ବର ୧୦ ତାରିଖ ମଧ୍ୟରେ ପାକିସ୍ତାନ ସୀମାରେ ଥିବା ସାର୍ କ୍ରିକ୍ ନିକଟରେ ତିନିସେନାର ଏକ ବଡ଼ ଧରଣର ସମରାଭ୍ୟାସ ପାଇଁ ଭାରତ ଆଲର୍ଟ ଜାରି କରିବା ପରେ ଇସଲାମାବାଦ ଏହି ପଦକ୍ଷେପ ନେଇଛି। ବିଶ୍ଳେଷକ ଡାମିଏନ୍ ସାଇମନଙ୍କ ଦ୍ୱାରା ଜାରି ହୋଇଥିବା ଉପଗ୍ରହ ଚିତ୍ରରୁ ଜଣାପଡିଛି ଯେ, ତ୍ରିଶୂଳ ଅଭ୍ୟାସ ପାଇଁ ସଂରକ୍ଷିତ ବାୟୁସୀମା ୨୮,୦୦୦ ଫୁଟ ପର୍ଯ୍ୟନ୍ତ ବ୍ୟାପିଛି। ସାଇମନ୍ ଟ୍ୱିଟ୍ କରିଛନ୍ତି ଯେ ମନୋନୀତ ଅଞ୍ଚଳ ଓ ଅପରେସନର ପରିସର ଅସ୍ବାଭାବିକ ଭାବେ ବ୍ୟାପକ। ପ୍ରତିରକ୍ଷା ମନ୍ତ୍ରାଳୟ କହିଛି ଯେ, ସ୍ଥଳସେନା, ନୌସେନା ଓ ବାୟୁସେନା ସହିତ ଜଡିତ ଏହି ସମରାଭ୍ୟାସରେ ମିଳିତ କ୍ଷମତା, ଆତ୍ମନିର୍ଭରଶୀଳତା ଓ ବାହିନୀର ନୂତନତ୍ୱ ପ୍ରଦର୍ଶନ କରିବାକୁ ଲକ୍ଷ୍ୟ ରଖାଯାଇଛି। ଏହିପରି ଅଭ୍ୟାସ ନିୟମିତ ପ୍ରସ୍ତୁତି ହୋଇଥିବା ବେଳେ, ନୋଟାମ୍ ଜାରି କରିବାକୁ ପାକିସ୍ତାନର ପଦକ୍ଷେପ ସୂଚାଉଛି ଯେ, ଅପରେସନ ସିନ୍ଦୂର ପରେ ଭାରତର ସୀମା ଯୁଦ୍ଧ କୌଶଳ ଉପରେ ଏହା ତୀକ୍ଷ୍ଣ ନଜର ରଖିଛି। କୌତୂହଳର ବିଷୟ ହେଉଛି, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଇସଲାମାବାଦକୁ ସାର୍ କ୍ରିକ୍ ଅଞ୍ଚଳରେ କୌଣସି ଦୁଃସାହସିକ କାର୍ଯ୍ୟ ନ କରିବାକୁ ଚେତାବନୀ ଦେବାର କିଛି ଦିନ ପରେ ଭାରତ ସାର୍‌କ୍ରିକ୍‌-ସିନ୍ଧ୍-କରାଚୀ ଅକ୍ଷ ନିକଟରେ ଏହି ସମରାଭ୍ୟାସ କରୁଛି। ରାଜନାଥ ସିଂହ କହିଥିଲେ, ଯଦି ପାକିସ୍ତାନ ସାର୍ କ୍ରିକ୍ ସେକ୍ଟରରେ କିଛି ଦୁଃସାହସ ପଦକ୍ଷେପ ନିଏ, ତେବେ ଏହାର ଜବାବ ଏତେ ଦୃଢ଼ ହେବ ଯେ ପାକିସ୍ତାନର ଇତିହାସ ଓ ଭୂଗୋଳ ବଦଳିଯିବ। ସାର୍ କ୍ରିକ୍ ହେଉଛି ଗୁଜରାଟ ଓ ସିନ୍ଧ ମଧ୍ୟରେ ଥିବା ଏକ ଜନଶୂନ୍ୟ ସନ୍ତସନ୍ତିଆ ଅଞ୍ଚଳ। ଏହି ୯୬ କିଲୋମିଟର ମୁହାଣ ଉପରେ ନିୟନ୍ତ୍ରଣ ପ୍ରମୁଖ ସମୁଦ୍ର ମାର୍ଗକୁ ପ୍ରବେଶ କରିବାକୁ ଅନୁମତି ଦିଏ, ଯାହା ସାର୍ କ୍ରିକ୍‌କୁ ସୁରକ୍ଷା ଓ ସାମରିକ ଯୋଜନା ପାଇଁ ରଣନୀତିକ ଭାବରେ ଗୁରୁତ୍ୱପୂର୍ଣ୍ଣ କରିଥାଏ। ପାକିସ୍ତାନ ଏହି ଅଞ୍ଚଳରେ ଏହାର ସାମରିକ ଭିତ୍ତିଭୂମି ନିର୍ମାଣକୁ ଜୋରଦାର କରିଥିବା ଗୁଇନ୍ଦା ରିପୋର୍ଟ ପରେ ପ୍ରତିରକ୍ଷା ମନ୍ତ୍ରୀ ଏହି ଚେତାବନୀ ଦେଇଥିଲେ। ତେଣୁ ଏହି ପୃଷ୍ଠଭୂମିରେ ପାକିସ୍ତାନ ସୀମା ନିକଟରେ ଭାରତର ଏହି ବିଶାଳ ଅଭ୍ୟାସ ବହୁତ ଗୁରୁତ୍ୱ ବହନ କରେ।

ମହାରାଷ୍ଟ୍ର ଡାକ୍ତର ଆତ୍ମହତ୍ୟା ମାମଲା ମେଡିକାଲ୍‌ ରିପୋର୍ଟ ବଦଳାଇବାକୁ ଜଣେ ସାଂସଦ ଚାପ ପକାଉଥିଲେ

ମୁମ୍ବାଇ : ମହାରାଷ୍ଟ୍ରର ସତାରା ଜିଲ୍ଲାର ଜଣେ ମହିଳା ଡାକ୍ତରଙ୍କ ଆତ୍ମହତ୍ୟା ମାମଲାରେ ନୂଆ ତଥ୍ୟ ସାମନାକୁ ଆସିଛି। ଉକ୍ତ ମହିଳା ଡାକ୍ତର ‌କେବଳ ପୁଲିସ ଦ୍ବାରା ମ‌ାନସିକ ଓ ଯୌନ ନିର୍ଯାତନାର ଶିକାର ହୋଇନାହାନ୍ତି, ଜଣେ ସାଂସଦ ମଧ୍ୟ ତାଙ୍କ ଉପରେ ଚାପ ପକାଇଥିଲେ। ଡାକ୍ତରଙ୍କର ଜଣେ ସମ୍ପର୍କୀୟ ପୂର୍ବରୁ ଦାବି କରିଥିଲେ ଯେ ଅସ୍ବାଭାବିକ ମୃତ୍ୟୁ ମାମଲାରେ ଶବ ବ୍ୟବଚ୍ଛେଦ ରିପୋର୍ଟରେ ପରିବର୍ତ୍ତନ ପାଇଁ ଏବଂ ଗିରଫ ବ୍ୟକ୍ତିମାନଙ୍କୁ ଡାକ୍ତରୀ ପରୀକ୍ଷା ପାଇଁ ହସ୍ପିଟାଲ୍‌ ଅଣାଯିବା ସମୟ‌ରେ ସେମାନଙ୍କ ରିପୋର୍ଟ ପରିବର୍ତ୍ତନ ପାଇଁ ପୀଡ଼ିତାଙ୍କ ଉପରେ ଅନେକ ସମୟ‌ରେ ଚାପ ପକାଯାଇଥାଏ। ଇତିମଧ୍ୟରେ ଜାଣିବାକୁ ମିଳିଛି ଯେ ସତାରା ପୁଲିସ ଯଦି କୌଣସି ଅଭିଯୁକ୍ତକୁ ଗିରଫ କରି ମେଡିକାଲ ପରୀକ୍ଷା ପାଇଁ ରାତିରେ ହସ୍ପିଟାଲ୍‌ ଆଣେ ଏବଂ ପୀଡ଼ିତା ଡାକ୍ତର ଯଦି ସେ ସମୟରେ ଡ୍ୟୁଟି‌ରେ ଥାନ୍ତି ତେବେ ସେ ଅଭିଯୁକ୍ତ ସମ୍ପୂର୍ଣ୍ଣ ସୁସ୍ଥ ଥାଇ ସୁଦ୍ଧା ତାଙ୍କୁ ଅସୁସ୍ଥ ଘୋଷଣା କରିବାକୁ ବାଧ୍ୟ ହୋଇଥାନ୍ତି ଏବଂ ହସ୍ପିଟାଲରେ ଭର୍ତ୍ତି କରାନ୍ତି। ସୂଚନାନୁଯାୟୀ ୩ରୁ ୪ ଥର ଏମିତି ଘଟିଥିଲା। ଯାହାପରେ ପୁଲିସ ଜିଲ୍ଲା ମେଡିକାଲ ପରିଷଦରେ ଏନେଇ ଅଭିଯୋଗ କରିବାପରେ ପରିଷଦ ପକ୍ଷରୁ ଡାକ୍ତରଙ୍କଠାରୁ ଜବାବ ମଗାଯାଇଥିଲା। ୪ ପୃଷ୍ଠାର ଲିଖିତ ଜବାବରେ ଡାକ୍ତର କହିଥିଲେ ଯେ ସେ ଜଣେ ସାଂସଦଙ୍କଠାରୁ ଫୋନ୍‌ ପାଇଥିଲେ ଯିଏ ତାଙ୍କୁ ମେଡିକାଲ ରିପୋର୍ଟ ବଦଳାଇବା ପାଇଁ ଚାପ ପକାଉଥିଲେ। ତେବେ ଏହି ଜବାବରେ ସେ ସାଂସଦଙ୍କ ନାଁ ଲେଖିନଥିଲେ। ଡାକ୍ତର ଦର୍ଶାଇଥିଲେ ଯେ ସାଂସଦଙ୍କର ୨ ସହଯୋଗୀ ହସ୍ପିଟାଲ ଆସି ତାଙ୍କୁ ଭୁଲ୍‌ ରିପୋର୍ଟ ଦେବାପାଇଁ କହୁଥିଲେ। ଉଲ୍ଲେଖଯୋଗ୍ୟ, ଆତ୍ମହତ୍ୟା କରିଥିବା ୨୮ ବର୍ଷୀୟା ଡାକ୍ତର ହେଉଛନ୍ତି ବିଡ୍‌ ଜିଲ୍ଲାର। ଫଲଟନର ଏକ ସରକାରୀ ହସ୍ପିଟାଲରେ ତାଙ୍କର ପୋଷ୍ଟିଂ ହୋଇଥିଲା। ବାରମ୍ବାର ନିର୍ଯାତନାର ଶିକାର ହେବାପରେ ସେ ଆତ୍ମହତ୍ୟା କରିଛନ୍ତି। ଏହା ପୂର୍ବରୁ ସେ ତାଙ୍କ ହାତ ପାପୁଲିରେ ଏକ ସୁଇସାଇଡ ନୋଟ୍‌ ଲେଖିଯାଇଥିଲେ।

Scrub typhus scare: ଜୁଲାଇରୁ ଅକ୍ଟୋବର ସ୍କ୍ରବ୍‌ ଟାଇଫସ୍ ଭୟ: ଟିଙ୍କଜାତୀୟ ଚିଗର ପୋକରୁ ବ୍ୟାପେ ସଂକ୍ରମଣ

ସୁନ୍ଦରଗଡ଼: ପ୍ରତିବର୍ଷ ଜୁଲାଇରୁ ଅକ୍ଟୋବର ମଧ୍ୟରେ ସୁନ୍ଦରଗଡ଼କୁ ଘାରିଥାଏ ସ୍କ୍ରବ୍‌ ଟାଇଫସ୍ ସଂକ୍ରମଣ ଭୟ। ଠିକ୍‌ ବର୍ଷା ପଡ଼ୁପଡ଼ୁ ମାଡ଼ିଆସେ ସଂକ୍ରମଣ। ଏହି ୪ ମାସ ମୂଷାଦେହରେ ଥିବା ଟିଙ୍କଜାତୀୟ ଚିଗର ପୋକ କାମୁଡ଼ାରେ ଅଧିକ ଲୋକ ଆକ୍ରାନ୍ତ ହୋଇଥାନ୍ତି। ସାଧାରଣତଃ ଏହି ପୋକ ବୁଦୁବୁଦୁକିଆ ସ୍ଥାନ, ଜଙ୍ଗଲ, ବିଲରେ ରହିଥାଏ। ଆଉ ବର୍ଷାଦିନରୁ ଆରମ୍ଭ କରି ଥଣ୍ଡା ବଢ଼ିବା ପର୍ଯ୍ୟନ୍ତ ଏହି ସବୁ ସ୍ଥାନରେ ସେମାନେ ମୂଷାଦେହରେ ରହିଥାନ୍ତି। ଏହି ସମୟରେ ଚାଷୀମାନେ କ୍ଷେତ, ଜଙ୍ଗଲକୁ ବେଶି ଯିବାଆସିବା କରୁଥିବାରୁ ପୋକ କାମୁଡ଼ା ଦ୍ୱାରା ସ୍କ୍ରବ୍‌ ଟାଇଫସ୍‌ରେ ଆକ୍ରାନ୍ତ ହୋଇଥାନ୍ତି। ୩ ବର୍ଷର ରିପୋର୍ଟକୁ ଦେଖିଲେ ବର୍ଷା ଓ ଥଣ୍ଡା ସମୟରେ ଏହି ସଂକ୍ରମଣ ବ୍ୟାପୁଥିବା ସ୍ପଷ୍ଟ। ସ୍ବାସ୍ଥ୍ୟବିଭାଗର ତଥ୍ୟ ଅନୁସାରେ, ୨୦୨୨ରେ ୫୭୧ ଜଣଙ୍କ ନମୁନା ପରୀକ୍ଷା କରାଯାଇଥିବାବେଳେ ୨୩୧ ସଂକ୍ରମିତ ଚିହ୍ନଟ ହୋଇଥିଲେ। ସେହିପରି ୨୦୨୩ରେ ୪୦୫୧ ଜଣଙ୍କ ପରୀକ୍ଷା କରାଯାଇଥିଲା। ସେଥିମଧ୍ୟରେ ୭୪୬ ସଂକ୍ରମିତ ଥିବା ଜଣାପଡ଼ିଥିଲା। ୨୦୨୪ରେ ୮୬୫୭ ଜଣଙ୍କ ପରୀକ୍ଷା କରାଯାଇଥିବାବେଳେ ସଂକ୍ରମିତ ଥିଲେ ୨୦୫୨। ଚଳିତବର୍ଷ ଅକ୍ଟୋବର ୨୨ ତାରିଖ ସୁଦ୍ଧା ୭୩୫୮ଟି ନମୁନା ପରୀକ୍ଷା କରାଯାଇଥିବା ଓ ସେଥିରୁ ୧୫୪୬ ଆକ୍ରାନ୍ତ ହୋଇଥିବାବେଳେ ଦୁଇଜଣଙ୍କର ଜୀବନ ଯାଇଥିବା ଜଣାପଡ଼ିଛି। ଏ ତଥ୍ୟକୁ ନେଇ ଗ୍ରାମାଞ୍ଚଳର ଲୋକେ ଭୟଭୀତ ଥିବାବେଳେ ସ୍ୱାସ୍ଥ୍ୟ ବିଭାଗ କହୁଛି ଡରିବାର କୌଣସି କାରଣ ନାହିଁ। ପରୀକ୍ଷା ହେଉଛି ଓ ଔଷଧ ମହଜୁଦ ରହିଛି। ଠିକ୍‌ ସମୟରେ ଚିକିତ୍ସିତ ହେଲେ ରୋଗୀ ଭଲ ହେଉଛନ୍ତି। ପ୍ରଶାସନ ଓ ସ୍ୱାସ୍ଥ୍ୟବିଭାଗ ଲୋକଙ୍କୁ ସଚେତନ କରିବା ସହ ଚିଗର ପୋକକୁ କିଭଳି ଦମନ କରାଯାଇପାରିବ ସେ ନେଇ ଯୋଜନା କରିବାକୁ ଦାବି ହେଉଛି। ଏ ସମ୍ପର୍କରେ ଜିଲ୍ଲା ମୁଖ୍ୟଚିକିତ୍ସା ଓ ଜନସ୍ବାସ୍ଥ୍ୟ ଅଧିକାରୀ ଡା.ସୁରେଶ ଚନ୍ଦ୍ର ମହାନ୍ତି କହିଥିଲେ ଯେ ସ୍କ୍ରବ୍‌ ଟାଇଫସ୍‌ରେ ଅନ୍ୟବର୍ଷ ତୁଳନାରେ ଚଳିତବର୍ଷ ପଜିଟିଭ୍‌ ଓ ମୃତ୍ୟୁହାର କମ୍‌ ରହିଛି। କେବଳ ଅବହେଳା ପାଇଁ ଜୀବନ ଯାଉଛି।

ନିଅଁାକୁ ତୀବ୍ର କରିଥିଲା ୨୩୪ଟି ସ୍ମାର୍ଟଫୋନ୍‌ ବିସ୍ଫୋରଣ

ହାଇଦ୍ରାବାଦ: ଆନ୍ଧ୍ର ପ୍ରଦେଶରେ କୁର୍ଣ୍ଣୁଲ ବସ୍ ଅଗ୍ନିକାଣ୍ଡ ଘଟଣାର ତଦନ୍ତ ଜାରି ରହିଥିବା ବେଳେ ଏକ ନୂଆ ତଥ୍ୟ ସାମ୍ନାକୁ ଆସିଛି। ଶୁକ୍ରବାର ସକାଳେ ଦୁର୍ଘଟଣା ଘଟିବା ପରେ ବସ୍ ଭିତରେ ୨୩୪ଟି ସ୍ମାର୍ଟଫୋନ୍‌ ଥିବା ଏକ ପ୍ୟାକେଟ୍‌ ବିସ୍ଫୋରିତ ହୋଇଥିଲା। ଫୋରେନସିକ୍ ବିଶେଷଜ୍ଞମାନେ ମତ ଦେଇଛନ୍ତି ଯେ, ଏହି ଫୋନ୍‌ଗୁଡ଼ିକର ବ୍ୟାଟେରି ବିସ୍ଫୋରଣ ଯୋଗୁଁ ବସ୍‌ରେ ଲାଗିଥିବା ନିଆଁର ତୀବ୍ରତା ବୃଦ୍ଧି ପାଇଥିଲା, ଯେଉଁଥିରେ ୨୦ ଜଣ ଯାତ୍ରୀଙ୍କର ମୃତ୍ୟୁ ଘଟିଥିଲା। ୨୩୪ଟି ସ୍ମାର୍ଟଫୋନର ମୂଲ୍ୟ ୪୬ ଲକ୍ଷ ଟଙ୍କା ଥିଲା। ହାଇଦ୍ରାବାଦର ମଙ୍ଗନାଥ ନାମକ ଜଣେ ବ୍ୟବସାୟୀ ସେଗୁଡ଼ିକୁ ପାର୍ସଲ ଭାବେ ପଠାଉଥିଲେ। ଏହି ସାମଗ୍ରୀ ବେଙ୍ଗାଲୁରୁର ଇ-କମର୍ସ କମ୍ପାନି ପାଇଁ ଉଦ୍ଦିଷ୍ଟ ଥିଲା। ପ୍ରତ୍ୟକ୍ଷଦର୍ଶୀମାନେ ଫୋନ୍‌ ପ୍ୟାକେଟ୍‌ରେ ନିଆଁ ଲାଗିବା ପରେ ବ୍ୟାଟେରି ବିସ୍ଫୋରଣ ହେବା ଶୁଣିଥିବା ସୂଚନା ଦେଇଛନ୍ତି। ଆନ୍ଧ୍ରପ୍ରଦେଶ ଅଗ୍ନିଶମ ସେବା ବିଭାଗର ମହାନିର୍ଦ୍ଦେଶକ ପି ଭେଙ୍କଟରମଣ କହିଛନ୍ତି ଯେ, ସ୍ମାର୍ଟଫୋନ୍ ବିସ୍ଫୋରଣ ବ୍ୟତୀତ ବସ୍‌ର ଶୀତତାପ ନିୟନ୍ତ୍ରିତ ବ୍ୟବସ୍ଥା ପାଇଁ ବ୍ୟବହୃତ ବୈଦ୍ୟୁତିକ ବ୍ୟାଟେରି ମଧ୍ୟ ବିସ୍ଫୋରଣ ହୋଇଛି। ଗରମ ଏତେ ଭୟଙ୍କର ଥିଲା ଯେ ବସ୍ ଚଟାଣରେ ଥିବା ଆଲୁମିନିୟମ୍ ସିଟ୍ ତରଳି ଯାଇଥିଲା ବୋଲି ଭେଙ୍କଟରମଣ କହିଛନ୍ତି। ସେ ଆହୁରି କହିଛନ୍ତି ଯେ, ଦୁର୍ଘଟଣା ପରେ ଇନ୍ଧନ ଲିକ୍ ହେତୁ ଗାଡ଼ିର ଆଗ ପଟେ ପ୍ରଥମେ ନିଆଁ ଲାଗିଥିଲା। ଏକ ବାଇକ୍ ବସ୍ ତଳେ ଚାପି ହୋଇଯାଇଥିଲା। ଫଳସ୍ୱରୂପ ପେଟ୍ରୋଲ୍ ଟାଙ୍କି ଫାଟି ନିଆଁ ଲାଗିଥିଲା, ଯାହା ଶୀଘ୍ର ସମଗ୍ର ଗାଡିକୁ ଗ୍ରାସ କରିଥିଲା। ବସ୍ ନିର୍ମାଣରେ ଏକ ଗଠନମୂଳକ ତ୍ରୁଟି ମଧ୍ୟ ସେ ଦର୍ଶାଇଛନ୍ତି। ଲୁହା ବଦଳରେ ହାଲୁକା ଆଲୁମିନିୟମର ବ୍ୟବହାର ସାଧାରଣତଃ ଯାନର ଓଜନ ହ୍ରାସ କରିବା ଓ ଗତି ବୃଦ୍ଧି ପାଇଁ ଉଦ୍ଦିଷ୍ଟ। ଶେଷରେ ଜରୁରିକାଳୀନ ସମୟରେ ଏହା କ୍ଷତିକାରକ ପ୍ରମାଣିତ ହୋଇଥିଲା, ଯାହା ଦୁର୍ଘଟଣାର ଗମ୍ଭୀରତାକୁ ତୀବ୍ର କରିଥିଲା।

Half-century-old Godeshwar marcket: ଅର୍ଦ୍ଧ ଶତାବ୍ଦୀର ଗଡ଼େଶ୍ୱର ହାଟ: ୬୨ଲକ୍ଷ ଟଙ୍କା ନେଇ ସ୍ବୀକୃତିପତ୍ର ଦେଉନି ବିଏମ୍‌ସି, ଅଘଟଣ ଆଶଙ୍କାରେ ବ୍ୟବସାୟୀ

ଭୁବନେଶ୍ୱର: ରାଜଧାନୀର କଳେବର ବଢ଼ୁଥିବା ବେଳେ ସହରର ପୁରାତନ ହାଟଗୁଡ଼ିକର ସ୍ଥିତି ସୁଧୁରି ପାରୁନି। ଲୋକଙ୍କ ଚାହିଦା ମୁତାବକ ହାଟଗୁଡ଼ିକୁ ବ୍ୟବସ୍ଥିତ କରିବା ପାଇଁ ହେଉଥିବା ଯୋଜନାଗୁଡ଼ିକ ନୀଳ ନକ୍ସା ତଳେ ପଡ଼ିରହିଛି। ରାଜଧାନୀର ଅଧିକାଂଶ ହାଟରେ ଅଗ୍ନି ନିରାପତ୍ତା ବ୍ୟବସ୍ଥା ଦୂରରେ ଥାଉ, ମୌଳିକ ସୁବିଧା ମଧ୍ୟ ମିଳୁନାହିଁ। ଏକ ନମ୍ୱର ହାଟ ଭଳି ହଠାତ୍ କିଛି ଘଟିଲେ ନିମିଷକ ମଧ୍ୟରେ କୋଟିକୋଟି ଟଙ୍କା ଧ୍ୱଂସ ପାଇବାର ଆଶଙ୍କା ଉପୁଜିଛି। ସେହିଭଳି ଏକ ହାଟ ହେଉଛି ଭିଏସ୍‌ଏସ୍‌ନଗରର ୪୭ ବର୍ଷ ପୁରୁଣା ଗଡ଼େଶ୍ୱର ହାଟ। ସାଢ଼େ ତିନି ଏକର ପରିବ୍ୟାପ୍ତ ଏହି ହାଟରେ ୬୨୫ ଜଣ ବ୍ୟବସାୟୀ ଅଛନ୍ତି। ପୁଣି ପ୍ରତି ହାଟ ପାଳିରେ ଆଖାପାଖ ଅଞ୍ଚଳରୁ ମଧ୍ୟ ବହୁ ଉଠାବ୍ୟବସାୟୀ ବେପାର କରିବାକୁ ଆସନ୍ତି। ଏହି ହାଟ ଉପରେ ୧୦ଟି ମୌଜାର ଲୋକେ ନିର୍ଭର କରନ୍ତି। ପୁରୁଣା ହାଟ ହୋଇଥିଲେ ମଧ୍ୟ ବିଏମ୍‌ସି ପକ୍ଷରୁ ଏହାକୁ ସ୍ୱୀକୃତପତ୍ର ଦେବା ତ ଦୂରର କଥା, ଏଯାବତ୍ ବିକାଶ ପାଇଁ ଇଟା ଖଣ୍ଡିଏ ପଡ଼ିପାରି ନାହିଁ। ହାଟର ପ୍ରମୁଖ ଅସୁବିଧା ପାଲଟିଛି ପାର୍କିଂ। ପାର୍କିଂ ସୁବିଧା ନଥିବାରୁ ଲୋକେ ମନଇଚ୍ଛା ଗାଡ଼ି ପାର୍କ କରୁଛନ୍ତି। ଫଳରେ ହାଟର ରାସ୍ତା ସଙ୍କୁଚିତ ହୋଇ ଲୋକେ ଯା’ଆସ କରିବାରେ ହଇରାଣ ହେଉଛନ୍ତି। ହାଟପାଳି ଦିନ ଚାଷୀମାନେ ପରିବା ଆଣିବା ପାଇଁ ନାନା ସମସ୍ୟରେ ପଡ଼ୁଛନ୍ତି। ଦୂର‌ରେ ଗାଡ଼ି ରଖି ପିଣ୍ଡି ନିକଟକୁ ପରିବା ବୋହିବାକୁ ପଡ଼ୁଛି। ପୁଣି ଭିଏସ୍‌ଏସ୍‌ନଗର ଓଭର୍‌ବ୍ରିଜ୍‌ କାମ ଚାଲିଥିବାରୁ ସମସ୍ୟା ଆହୁରି ବଢ଼ିଯାଇଛି। ହାଟରେ ଲାଇଟ୍, ପାଣି, ଶୌଚାଳୟ ସୁବିଧା ମଧ୍ୟ ନାହିଁ। ହାଟ ନିକଟରେ ଯେଉଁ ଗୋଟିଏ ଶୌଚାଳୟ ଅଛି ରାତି ୧୦ଟା ପରେ ଶୌଚାଳୟ ବନ୍ଦ ହୋଇଯାଉଥିବାରୁ ବ୍ୟବସାୟୀ ଓ ଗ୍ରାହକ ହଇରାଣ ହେଉଛନ୍ତି। ହାଟରେ ସ୍ୱଚ୍ଛତା ରହୁ ନଥିବା ନେଇ ଗ୍ରାହକମାନେ ଉଦ୍‌ବେଗ ପ୍ରକାଶ କରିଛନ୍ତି। ଏନେଇ ଗଡ଼େଶ୍ୱର ହାଟ ବଣିକ ସଂଘର ସଭାପତି ଲକ୍ଷ୍ମଣ ସାହୁଙ୍କ କହିବା ଅନୁଯାୟୀ, ବର୍ଷବର୍ଷ ଧରି ଉଭୟ ଲିଖିତ ଓ ମୌଖିକ ଭାବରେ ଅଭିଯୋଗ କରିବା ପରେ ଗତ ବର୍ଷ ଜୁଲାଇ ମାସରେ ହାଟକୁ ବିଏମ୍‌ସି ସ୍ୱୀକୃତି ଦେବା ସହିତ ବିକାଶ ପାଇଁ କାର୍ଯ୍ୟ ହେବ ବୋଲି କହିଥିଲା। ସେଥିପାଇଁ ବ୍ୟବସାୟୀମାନେ ମଧ୍ୟ ମିଳିତ ଭାବରେ ବିଏମ୍‌ସିରେ ୬୨ ଲକ୍ଷ ଦଶ ହଜାର ଟଙ୍କା ପଇଠ କରିଥିଲେ। ପାଖାପାଖି ଦେଢ଼ ବର୍ଷ ବିତିଥିଲେ ସୁଦ୍ଧା ସ୍ୱୀକୃତିପତ୍ର ପ୍ରଦାନ ଦୂରର କଥା, ବିକାଶ ପାଇଁ ଇଟା ଖଣ୍ଡିଏ ପଡ଼ିନାହିଁ ବୋଲି ସେ କହିଛନ୍ତି। ନିକଟ ଅତୀତରେ ବ୍ୟବସାୟୀ ସଂଘ ଡେପୁଟି କମିସନରଙ୍କୁ ସାକ୍ଷାତ କରି ଆଲୋଚନା କରିଥିବା ସୂଚନା ମିଳିଛି। ସ୍ଥାନୀୟ କର୍ପୋରେଟର ପ୍ରଭାସିନୀ ମହାନ୍ତିଙ୍କ କହିବା ଅନୁଯାୟୀ ସେ ଏନେଇ ବାରମ୍ୱାର କର୍ପୋରେସନ୍‌ ବୈଠକରେ ମେୟର୍‌, କମିସନର୍‌ଙ୍କୁ ମଧ୍ୟ ଅବଗତ କରିଥିଲେ ମଧ୍ୟ ସୁଫଳ ମିଳିପାରୁନାହିଁ ବୋଲି କହିଛନ୍ତି।

ନୂଆପଡ଼ାରେ ପୁଲିସ ମହାନିର୍ଦ୍ଦେଶକ: ଉପନିର୍ବାଚନ ପରିଚାଳନା ଓ ମାଓ ସ୍ଥିତି ଉପରେ ସମୀକ୍ଷା

ନୂଆପଡ଼ା: ନୂଆପଡ଼ା ଉପନିର୍ବାଚନ ପାଇଁ ଓଡ଼ିଶା ପୁଲିସ ମହାନିର୍ଦ୍ଦେଶକ ଯୋଗେଶ ବାହାଦୁର ଖୁରାନିଆ ଶନିବାର ନୂଆପଡ଼ା ଗସ୍ତରେ ଆସିଛନ୍ତି। ଡିଜିପି ଶ୍ରୀ ଖୁରାନିଆ ପ୍ରଥମେ ଓଡ଼ିଶା-ଛତିଶଗଡ଼ ସୀମାରେ ଥିବା ସୁନାବେଡ଼ା ଓ ଦାତୁନାମା ସିଆର୍‌ପିଏଫ୍‌ କ୍ୟାମ୍ପ ଓ ପରେ ଜାମଗାଁରେ ଅବସ୍ଥିତ ଆଇଆର ବାଟାଲିୟନ୍‌ କ୍ୟାମ୍ପ ପରିଦର୍ଶନ କରିଥିଲେ। ସେଠାରେ ମୁତୟନ ଥିବା ଅର୍ଦ୍ଧସାମରିକ ବଳ, ଓଡ଼ିଶା ପୁଲିସର ବରିଷ୍ଠ ଅଧିକାରୀ ଓ ଯବାନମାନଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ। ପରେ ଜିଲ୍ଲା ପୁଲିସ କାର୍ଯ୍ୟାଳୟରେ ବରିଷ୍ଠ ପୁଲିସ ଅଧିକାରୀମାନଙ୍କ ସହିତ ଏକ ଉଚ୍ଚସ୍ତରୀୟ ବୈଠକରେ ଯୋଗ ଦେଇଥିଲେ। ଉପନିର୍ବାଚନ ପରିପ୍ରେକ୍ଷୀରେ ନୂଆପଡ଼ାରେ ଶାନ୍ତିଶୃଙ୍ଖଳା ବଜାୟ ରଖିବା ସାଙ୍ଗକୁ ମାଓବାଦୀଙ୍କ ମୁକାବିଲା ପାଇଁ ସଜାଗ ରହିବାକୁ ଡିଜି ନିର୍ଦ୍ଦେଶ ଦେଇଥିଲେ। ସେହିପରି ଦୁର୍ଗମ ଓ ମାଓପ୍ରବଣ ଅଞ୍ଚଳରେ ପୋଲିଂ ପାର୍ଟିମାନଙ୍କୁ ବୁଥ୍‌ରେ କିପରି ସୁରକ୍ଷା ଦିଆଯିବ ସେ ନେଇ ପୁଲିସ ଅଧିକାରୀମାନଙ୍କ ସହ ଆଲୋଚନା କରିଥିଲେ। ନୂଆପଡ଼ା ଜିଲ୍ଲା ଛତିଶଗଡ଼ ସୀମାରେ ଲାଗିରହିଥିବାରୁ ସମସ୍ତ ସୀମାକୁ ସିଲ୍‌ କରାଯିବା ସହ ବିଭିନ୍ନ ସ୍ଥାନରେ ଚେକ୍‌ପୋଷ୍ଟ ଖୋଲାଯାଇଛି। ଉପନିର୍ବାଚନ ସମୟରେ ମାଓବାଦୀମାନେ ଯେପରି କୌଣସି ଅଘଟଣ ନଘଟାଇବେ ସେଥିପାଇଁ ଓଡ଼ିଶା - ଛତିଶଗଡ଼ ପୁଲିସ ଦ୍ବାରା ଅପରେସନ୍‌କୁ ଜୋରଦାର କରାଯାଇଛି। ଉପନିର୍ବାଚନ ପାଇଁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରିବା ସହ ପୁଲିସ ଫୋର୍ସ ଯୋଗାଇ ଦିଆଯାଇଛି ବୋଲି ଶ୍ରୀ ଖୁରାନିଆ ସୂଚନା ଦେଇଥିଲେ। ବୈଠକରେ ନୂଆପଡ଼ା ଏସ୍‌ପି ଅମୃତପାଲ ସିଂ, ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ (ନକ୍ସଲ ବିରୋଧୀ ଅପରେସନ୍‌) ସଞ୍ଜୀବ ପଣ୍ଡା, ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ (ଆଇନଶୃଙ୍ଖଳା) ସଞ୍ଜୟ କୁମାର, ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ ରାଜେଶ କୁମାର, ଆଇଜିପି ଉତ୍ତରାଞ୍ଚଳ ହିମାଂଶୁ ଲାଲ, ଡିଆଇଜି ଅପରେସନ୍‌ ଅଖିଳେଶ୍ୱର ସିଂହ, ଡିଆଇଜି ଦକ୍ଷିଣାଞ୍ଚଳ ଡ. କେ. ଭି. ସିଂହ, କଳାହାଣ୍ଡି ଆରକ୍ଷୀ ଅଧୀକ୍ଷକ ନାଗରାଜ ଦେବରକୋଣ୍ଡା, ବଲାଙ୍ଗୀର ଆରକ୍ଷୀ ଅଧୀକ୍ଷକ ଅଭିଳାଷ ଜି.ଙ୍କ ସମେତ ଅନ୍ୟାନ୍ୟ ବରିଷ୍ଠ ପୁଲିସ ଅଧିକାରୀ ଉପସ୍ଥିତ ଥିଲେ।

ପୂର୍ବତନ ସିଆଇଏ ଅଧିକାରୀଙ୍କ ବିସ୍ଫୋରକ ବୟାନ ପାକ୍ ପରମାଣୁ ଅସ୍ତ୍ରର ନିୟନ୍ତ୍ରଣ ଆମେରିକାକୁ ସମର୍ପିଥିଲେ ମୁସାରଫ୍‌

ନୂଆଦିଲ୍ଲୀ: ପାକିସ୍ତାନରେ ଆତଙ୍କବାଦ ନିରୋଧୀ ଅଭିଯାନର ମୁଖ୍ୟ ଭାବରେ ସେଣ୍ଟ୍ରାଲ ଇଣ୍ଟେଲିଜେନ୍ସ ଏଜେନ୍ସି (ସିଆଇଏ)ରେ ୧୫ ବର୍ଷ ବିତାଇଥିବା ଜନ୍ କିରିଆକୋ ପାକିସ୍ତାନ ସହିତ ଆମେରିକାର କାରବାର ଏବଂ ଆଣବିକ କୂଟନୀତିରେ ସାଉଦି ଆରବର ପ୍ରଭାବ ବିଷୟରେ ବିସ୍ଫୋରକ ବୟାନ ଦେଇଛନ୍ତି। ଏଏନ୍‌ଆଇକୁ ଦେଇଥିବା ଏକ ସାକ୍ଷାତ୍‌କାରରେ କିରିଆକୋ କହିଛନ୍ତି ଯେ, ୱାସିଂଟନ ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ ମୁସାରଫ୍‌ଙ୍କୁ ଲକ୍ଷ ଲକ୍ଷ ଡଲାରର ସହାୟତା ରାଶି ଦେଇ କିଣିନେଇଥିଲା। ସେ ଦାବି କରିଛନ୍ତି ଯେ, ଆମେରିକା ଏକଦା ପାକିସ୍ତାନର ଆଣବିକ ଅସ୍ତ୍ରଶସ୍ତ୍ରକୁ ନିୟନ୍ତ୍ରଣ କରୁଥିଲା। ବୈଦେଶିକ ନୀତିରେ ଆମେରିକାର ଚୟନାତ୍ମକ ନୈତିକତାକୁ ମଧ୍ୟ ସମାଲୋଚନା କରି କିରିଆକୋ ୱାସିଂଟନ ଏକଚ୍ଛତ୍ରବାଦୀଙ୍କ ସହ ଆରାମରେ କାର୍ଯ୍ୟ କରୁଥିବା ଏବଂ ଗଣତାନ୍ତ୍ରିକ ଆଦର୍ଶ ଅପେକ୍ଷା ସ୍ୱାର୍ଥକୁ ପ୍ରାଥମିକତା ଦେଉଥିବା ଅଭିଯୋଗ କରିଛନ୍ତି। କିରିଆକୋ କହିଛନ୍ତି ଯେ, ପରଭେଜ ମୁସାରଫ୍‌ ପାକିସ୍ତାନର ଆଣବିକ ଅସ୍ତ୍ରଶସ୍ତ୍ରର ନିୟନ୍ତ୍ରଣ ଆମେରିକାକୁ ହସ୍ତାନ୍ତର କରିଥିଲେ। ମୁସାରଫ୍‌ଙ୍କ ଅଧୀନରେ ୱାସିଂଟନ ପାକିସ୍ତାନର ସୁରକ୍ଷା ଓ ସାମରିକ କାର୍ଯ୍ୟରେ ପ୍ରାୟ ଅନିୟନ୍ତ୍ରିତ ପ୍ରବେଶ ଉପଭୋଗ କରିଥିଲା। ଆମେ ସାମରିକ ସହାୟତା ଓ ଲକ୍ଷ ଲକ୍ଷ ଡଲାରର ଅର୍ଥନୈତିକ ସହାୟତା ଦେଇଥିଲୁ ଏବଂ ଆମେ ଯାହା ଚାହୁଥିଲୁ ତାହା ମୁସାରଫ୍‌ ଆମକୁ କରିବାକୁ ଦେଇଥିଲେ। ପୂର୍ବତନ ସିଆଇଏ ଅଧିକାରୀ ଆହୁରି କହିଛନ୍ତି ଯେ, ମୁସାରଫ୍‌ ଏକ ଡବଲ୍ ଗେମ୍ ଖେଳିଥିଲେ। ସେ ସର୍ବସାଧାରଣରେ ଆତଙ୍କବାଦ ନିରୋଧୀ ପ୍ରସଙ୍ଗରେ ଆମେରିକାର ପକ୍ଷ ନେଇଥିଲେ ଏବଂ ପାକିସ୍ତାନର ସୈନ୍ୟ ଓ ଉଗ୍ରବାଦୀମାନଙ୍କୁ ଭାରତ ବିରୋଧରେ ଆତଙ୍କବାଦୀ କାର୍ଯ୍ୟକଳାପ ଜାରି ରଖିବାକୁ ଗୁପ୍ତରେ ଅନୁମତି ଦେଇଥିଲେ। କିରିଆକୋ ଏହା ମଧ୍ୟ ପ୍ରକାଶ କରିଛନ୍ତି ଯେ, ସାଉଦି ଆରବର ପ୍ରତ୍ୟକ୍ଷ ହସ୍ତକ୍ଷେପ ପରେ ଆମେରିକା ପାକିସ୍ତାନର ଆଣବିକ ବୈଜ୍ଞାନିକ ଅବଦୁଲ କାଦିର ଖାନଙ୍କୁ ହତ୍ୟା କରିବା ଯୋଜନାକୁ ପରିତ୍ୟାଗ କରିଥିଲା, ଯାହା ପାକିସ୍ତାନର ପରମାଣୁ ବୋମାର ଜନକଙ୍କୁ ଆମେରିକାର କାର୍ଯ୍ୟାନୁଷ୍ଠାନରୁ ରକ୍ଷା କରିଥିଲା। ସେ ଏହାକୁ ଏକ ପ୍ରମୁଖ ନୀତିଗତ ଭୁଲ୍ ବୋଲି କହି କହିଛନ୍ତି ଯେ, ସାଉଦିର ଅନୁରୋଧ ପରେ ହ୍ୱାଇଟ୍ ହାଉସ୍ ଉଭୟ ସିଆଇଏ ଓ ଆଇଏଇଏକୁ ଖାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ନକରିବାକୁ ନିର୍ଦ୍ଦେଶ ଦେଇଥିଲା। କିରିଆକୋ ଆମେରିକାର ବୈଦେଶିକ ନୀତିର କପଟତାକୁ ଅଙ୍ଗୁଳି ଦେଖାଇ କହିଛନ୍ତି ଯେ, ୱାସିଂଟନ ଏକଚ୍ଛତ୍ରବାଦୀଙ୍କ ସହ ଆରାମରେ କାର୍ଯ୍ୟ କରୁଥିବାବେଳେ ଗଣତନ୍ତ୍ରକୁ ପ୍ରୋତ୍ସାହନ ଦେଉଥିବାର ଡିଣ୍ଡିମ ପିଟେ। ଆମେ ଗଣତନ୍ତ୍ର ଓ ମାନବିକ ଅଧିକାରର ଏକ ଆଲୋକବର୍ତ୍ତିକା ବୋଲି ଛଳନା କରିବାକୁ ପସନ୍ଦ କରୁ। କିନ୍ତୁ ଏହା ସତ୍ୟ ନୁହେଁ - ଆମେ ନିଜ ସ୍ବାର୍ଥରେ କାମ କରୁ। ସେ କହିଛନ୍ତି ଯେ, ଆମେରିକା-ସାଉଦି ସମ୍ପର୍କ କେବଳ କାରବାର ଉପରେ ରହିଛି। ଆମେ ସେମାନଙ୍କ ତେଲ କିଣୁ ଏବଂ ସେମାନେ ଆମର ଅସ୍ତ୍ରଶସ୍ତ୍ର କିଣନ୍ତି। କିରିଆକୋ କହିଛନ୍ତି ଯେ, ଏବେ ସାଉଦି ଆରବ, ଚୀନ୍ ଓ ଭାରତ ସେମାନଙ୍କ ରଣନୀତିକ ଭୂମିକାକୁ ପୁନଃ ବ୍ୟାଖ୍ୟା କରୁଥିବାରୁ ବୈଶ୍ବିକ ସମୀକରଣ ବଦଲୁଛି।

ପୁଞ୍ଜିନିବେଶ ଦୁର୍ନୀତି ୩୦ ହଜାର ଲୋକଙ୍କଠାରୁ ୧,୫୦୦ କୋଟି ଠକେଇ

ବେଙ୍ଗାଲୁରୁ: ଗୃହ ମନ୍ତ୍ରାଳୟର ସାଇବର ଶାଖାର ଏକ ରିପୋର୍ଟ ଅନୁଯାୟୀ, ଗତ ୬ ମାସ ମଧ୍ୟରେ ପ୍ରମୁଖ ସହରଗୁଡ଼ିକରେ ୩୦,୦୦୦ରୁ ଅଧିକ ଲୋକ ‘ପୁଞ୍ଜିନିବେଶ ଦୁର୍ନୀତି’ର ଶିକାର ହୋଇଛନ୍ତି, ଯାହାଫଳରେ ୧,୫୦୦ କୋଟିରୁ ଅଧିକ ଟଙ୍କାର ଆର୍ଥିକ କ୍ଷତି ହୋଇଛି। ଟାର୍ଗେଟ୍‌ କରାଯାଇଥିବା ଅଧିକାଂଶ ବ୍ୟକ୍ତିଙ୍କ ବୟସ ୩୦ରୁ ୬୦ ବର୍ଷ ମଧ୍ୟରେ ଥିବା ବେଳେ ବେଙ୍ଗାଲୁରୁ, ଦିଲ୍ଲୀ-ଏନ୍‌ସିଆର୍‌ ଓ ହାଇଦ୍ରାବାଦରେ ପ୍ରାୟ ୬୫ ପ୍ରତିଶତ ମାମଲା ରହିଛି। ଇଣ୍ଡିଆନ୍ ସାଇବର କ୍ରାଇମ୍ ସମନ୍ବୟ ସେଣ୍ଟର (ଆଇ୪ସି) ଦ୍ୱାରା ପ୍ରକାଶିତ ରିପୋର୍ଟରେ ବେଙ୍ଗାଲୁରୁକୁ ସର୍ବାଧିକ ଆର୍ଥିକ କ୍ଷତି ହୋଇଥିବା ସହର ଭାବରେ ଚିହ୍ନଟ କରାଯାଇଛି, ଯାହା ସମୁଦାୟ କ୍ଷତିର ପ୍ରାୟ ଏକ ଚତୁର୍ଥାଂଶ (୨୬.୩୮ ପ୍ରତିଶତ)କୁ ପ୍ରତିନିଧିତ୍ୱ କରୁଛି। ପ୍ରଭାବିତ ହୋଇଥିବା ଲୋକଙ୍କ ମଧ୍ୟରୁ ଅଧିକାଂଶ (୭୬%ରୁ ଅଧିକ)କାର୍ଯ୍ୟରତ ବୟସର (୩୦ ରୁ ୬୦) ହୋଇଥିବା ବେଳେ ବରିଷ୍ଠ ନାଗରିକମାନଙ୍କୁ ମଧ୍ୟ ଟାର୍ଗେଟ୍ କରାଯାଇଛି। ୬୦ ବର୍ଷରୁ ଅଧିକ ବୟସର ପ୍ରାୟ ୨,୮୨୯ ଜଣ (୮.୬୨ ପ୍ରତିଶତ) ଲୋକ ଅଛନ୍ତି। ପ୍ରତି ପୀଡିତଙ୍କ ହାରାହାରି କ୍ଷତି ପ୍ରାୟ ୫.୩୮ ଲକ୍ଷ ଟଙ୍କା। ବିଶେଷ କରି ଦିଲ୍ଲୀରେ ମୁଣ୍ଡପିଛା ସର୍ବାଧିକ କ୍ଷତି ଘଟିଛି, ଯେଉଁଥିରେ ପୀଡିତମାନେ ହାରାହାରି ୮ ଲକ୍ଷ ଟଙ୍କା କ୍ଷତି ସହିଛନ୍ତି। ସାଇବର ଅପରାଧୀମାନେ ଏହି ସ୍କାମ୍‌ କରିବା ପାଇଁ ବିଭିନ୍ନ ଡିଜିଟାଲ୍ ଚ୍ୟାନେଲ ବ୍ୟବହାର କରନ୍ତି, ଯେଉଁଥିରେ ମେସେଜିଂ ଆପ୍ ଓ ସୋସିଆଲ ମିଡିଆ ପ୍ଲାଟଫର୍ମ ଏକ ପ୍ରମୁଖ ଭୂମିକା ଗ୍ରହଣ କରିଥାଏ। ରିପୋର୍ଟରେ ଦର୍ଶାଯାଇଛି ଯେ ଟେଲିଗ୍ରାମ୍ ଓ ହ୍ୱାଟ୍ସଆପ୍ ପରି ମେସେଜିଂ ଆପ୍ ମିଳିତ ଭାବରେ ସମସ୍ତ ମାମଲାର ପ୍ରାୟ ୨୦ ପ୍ରତିଶତ ଅଟେ। କିନ୍ତୁ ଲିଙ୍କଡ୍‌ଇନ୍ ଓ ଟ୍ୱିଟର ପରି ଆନୁଷ୍ଠାନିକ ବୃତ୍ତିଗତ ନେଟ୍‌ୱର୍କଗୁଡିକ କ୍ୱଚିତ୍ ବ୍ୟବହୃତ ହୁଏ, ଯାହା ମାତ୍ର ୦.୩୧ ପ୍ରତିଶତ ଘଟଣା ପାଇଁ ଦାୟୀ। ଏହା ପରିବର୍ତ୍ତେ, ଅପରାଧୀମାନେ ସେମାନଙ୍କ କାର୍ଯ୍ୟ ପାଇଁ ଅନୌପଚାରିକ ଓ ପ୍ରତ୍ୟକ୍ଷ ମେସେଜିଂ ଚ୍ୟାନେଲକୁ ପସନ୍ଦ କରନ୍ତି।

ଏୟାର୍ ହୋଷ୍ଟେସ୍‌ଙ୍କ ସହ ଲଭ୍ ସେକ୍ସ୍ ଧୋକା ଗିରଫ ହେଲେ ଭୁବନେଶ୍ବର ଏୟାରପୋର୍ଟ ଡିଜିଏମ୍

ଭୁବନେଶ୍ବ: ଘରୋଇ ଏୟାରଲାଇନ୍ସ୍ ଜଣେ ଏୟାର୍ ହୋଷ୍ଟସ୍‌ଙ୍କୁ ପ୍ରେମରେ ଫସାଇ ଶାରୀରିକ ସମ୍ପର୍କ ରଖିବା ପରେ ଧୋକା ଦେବା ଅଭିଯୋଗରେ ଏୟାରପୋର୍ଟ ଥ‌ାନା ପୁଲିସ ଭୁବନେଶ୍ବର ବିମାନବନ୍ଦରର ଡେପୁଟି ଜେନେରାଲ ମ୍ୟାନେଜର(ଡିଜିଏମ୍) ଉମାକାନ୍ତ ପଟେଲକୁ ଗିରଫ କରିଛି। ମିଛ କଥା କହି ଏୟାର ହୋଷ୍ଟେସଙ୍କ ସହ ଅବୈଧ ସମ୍ପର୍କ ରଖିଥିବା ଅଭିଯୋଗ ହୋଇଛି। ଏପରିକି ଏୟାର ହୋଷ୍ଟେସଙ୍କ ଗର୍ଭପାତ କରାଇଥିବା ଭଳି ସାଂଘାତିକ ଅଭିଯୋଗ ମଧ୍ୟ ଆସିଛି। ସେ ବିବାହିତ ହୋଇ ବି ଏୟାର ହୋଷ୍ଟେସ୍‌ଙ୍କୁ ମିଛ କହି ତାଙ୍କ ସହିତ ସମ୍ପର୍କ ରଖିଥିଲେ। ଅଭିଯୋଗ ଅନୁସାରେ ଦିଲ୍ଲୀ ବିମାନବନ୍ଦରରେ କାମ କରିବା ପରେ ପ୍ରାୟ ଚାରି ମାସ ପୂର୍ବରୁ ଉମାକାନ୍ତଙ୍କର ଭୁବନେଶ୍ୱର ବିମାନବନ୍ଦରକୁ ବଦଳି ହୋଇଥିଲା। ଦିଲ୍ଲୀରେ ତାଙ୍କ କାର୍ଯ୍ୟ କରୁଥିବା ବେଳେ ତାଙ୍କ ଏକ ଘରୋଇ ଏୟାରଲାଇନ୍ସର ଜଣେ ଏୟାର ହୋଷ୍ଟେସଙ୍କ ସହ ପ୍ରେମ ସମ୍ପର୍କ ଗଢ଼ି ଉଠିଥିଲା। ନିଜକୁ ଅବିବାହିତ ଓ ବିବାହର ପ୍ରଲୋଭନ ଦେଖାଇ ସେ ତାଙ୍କ ସହିତ ଶାରୀରିକ ସମ୍ପର୍କ ସ୍ଥାପନ କରିଥିଲେ। ପରବର୍ତ୍ତୀ ସମୟରେ, ଯେତେବେଳେ ମହିଳାଜଣକ ଗର୍ଭବତୀ ହେଲେ, ଉମାକାନ୍ତ ତାଙ୍କୁ ଧମକ ଦେବା ସହିତ ତାଙ୍କୁ ଗର୍ଭପାତ କରିବାକୁ ବାଧ୍ୟ କରିଥିଲେ ବୋଲି ଅଭିଯୋଗ ହୋଇଛି। ପରେ ଏୟାର ହୋଷ୍ଟେସ ଜଣକ ଭୁବନେଶ୍ୱର ବଦଳି ହୋଇ ଆସିଥିଲେ। ଉମାକାନ୍ତ ମଧ୍ୟ ପରେ ଭୁବନେଶ୍ୱର ଥିବାରୁ ଏୟାର୍ ହୋଷ୍ଟସ୍‌ଙ୍କ ସହିତ ସମ୍ପର୍କ ଜାରି ରଖିଥିଲେ। ଦୀପାବଳି ଦିନ ଏୟାର୍ ହୋଷ୍ଟସ୍‌ ଜାଣିବାକୁ ପାଇଥିଲେ ଯେ ଉମାକାନ୍ତ ପୂର୍ବରୁ ବିବାହିତ ଏବଂ ତାଙ୍କର ଏକ ସନ୍ତାନ ଅଛି। ଏନେଇ ସେ ଏୟ‌ାରପୋର୍ଟ ଥାନାରେ ଅଭିଯୋଗ କରିଥିଲେ। ପୁଲିସ କେସ୍‌ ନମ୍ବର ୩୭୦/୨୫ରେ ମାମଲା ରୁଜୁ କରି ତଦନ୍ତ କରି ଆଜି ଅଭିଯୁକ୍ତକୁ କୋର୍ଟ ଚାଲାଣ କରିଛି।

ଆବର୍ଜନା ଉଠାଇବାରେ ଅବହେଳା କରୁଥିଲେ ଝାଡ଼ିଝୁଡ଼ି ହୋଇ ଉଠିଲା ବିଏମ୍‌ସି

ଭୁବନେଶ୍ୱର: ଡୋର୍ ଟୁ ଡୋର ବର୍ଜ୍ୟ ସଂଗ୍ରହ ସହ ରାସ୍ତାଘାଟ ସଫେଇରେ ଠିକାସଂସ୍ଥାମାନେ ବାରମ୍ବାର ଅବହେଳା କରିବା ପରେ ଶେଷରେ ଭୁବନେଶ୍ବର ମହାନଗର ନିଗମର ନିଦ ଭାଙ୍ଗିଛି। ଆବର୍ଜନା ଉଠାଇବାରେ ନିୟୋଜିତ ଅମାନିଆ ଠିକାସଂସ୍ଥାଙ୍କୁ ଜଗିବା ପାଇଁ ପୂର୍ବରୁ ଅଚଳ ଅବସ୍ଥାରେ ଥିବା ବ୍ୟବସ୍ଥାକୁ ସଚଳ କରିବା ସହ ଉତ୍ସର୍ଗୀକୃତ ଦଳଙ୍କୁ ନିୟୋଜିତ କରିଛି। ବିଏମ୍‌ସି କର୍ତ୍ତୃପକ୍ଷ କହିଛନ୍ତି, ଜଣେ ନାଗରିକ ୧୯୨୯ରେ ଅଭିଯୋଗ କଲେ, ଏହି କଲ୍‌ର ଅନଲାଇନ୍ ସ୍ଥାନାନ୍ତର ନିୟୋଜିତ ଉତ୍ସର୍ଗୀକୃତ ଦଳ ଦ୍ୱାରା କରାଯିବ। ଅଭିଯୋଗ ପାଇବା ପରେ, ୧୯୨୯ ନିୟନ୍ତ୍ରଣ କକ୍ଷରେ ଡ୍ୟାସ୍ ବୋର୍ଡ ସମ୍ମୁଖରେ ଉପସ୍ଥିତ ଏହି ଦଳ ନିର୍ଦ୍ଦିଷ୍ଟ ‘ସଫେଇ ଗାଡ଼ି’ର ଗତିବିଧି ଟ୍ରାକ୍ କରିବେ। ଏହା ପରେ ନିର୍ଦ୍ଦିଷ୍ଟ ଅଭିଯୋଗ ଡ୍ୟାସ୍ ବୋର୍ଡରେ ଅପଲୋଡ୍ ହେବ। ଯେଉଁଠାରୁ ସମ୍ପୃକ୍ତ ଅଞ୍ଚଳର ସାନିଟାରି ଇନ୍ସପେକ୍ଟର ଅଭିଯୋଗକୁ ଡିକୋଡ୍ କରିବା ସହ ସମସ୍ୟାର ସମାଧାନ ପାଇଁ କ୍ଷେତ୍ର କର୍ମଚାରୀ ଓ ନିର୍ଦ୍ଦିଷ୍ଟ ‘ସଫେଇ ଗାଡ଼ି’ଙ୍କୁ ନିର୍ଦ୍ଦେଶ ଦେବେ। ଅଭିଯୋଗର ସମାଧାନ ହେବା ମାତ୍ରେ, ଏହାକୁ ଡ୍ୟାସ୍ ବୋର୍ଡରେ ଅପଲୋଡ୍ କରାଯିବ। ମନିଟରିଂ ଟିମ୍ ସେହି ଅନୁଯାୟୀ ମାମଲାର ସମାଧାନ ହେଲା କି ନାହିଁ, ଜଣାଇବେ। ଯଦି ଅବହେଳା ହୋଇଥାଏ, କାର୍ଯ୍ୟାନୁଷ୍ଠାନ ହେବ। ଏହି ଦଳ ସକାଳ ୫ଟାରୁ ରାତି ୧୦ଟା ପର୍ଯ୍ୟନ୍ତ କାମ କରିବେ। ଏଥିପାଇଁ ଦୁଇଟି ଦଳ ନିୟୋଜିତ ହୋଇଛନ୍ତି। ପ୍ରତ୍ୟେକ ଦଳରେ ତିନି ଜଣ ଅଛନ୍ତି। ଗତ ୧୫ ଦିନ ହେଲାଣି, ଏହାର ପରୀକ୍ଷାମୂଳକ ପରୀକ୍ଷଣ ଚାଲିଥିଲା ଓ ଏହା ଫଳପ୍ରଦ ହୋଇଛି ବୋଲି ବିଏମ୍‌ସି ପକ୍ଷରୁ କୁହାଯାଇଛି। ବିଏମ୍‌ସି ସୀମା ମଧ୍ୟରେ ଘରକୁ ଘର ଆବର୍ଜନା ସଂଗ୍ରହ ଓ ରାସ୍ତା ସଫା କରିବା ବିଷୟରେ ନାଗରିକଙ୍କଠାରୁ ଅଭିଯୋଗ ଗ୍ରହଣ କରିବା ପାଇଁ ଏହି ଉତ୍ସର୍ଗୀକୃତ ଦଳ ନିୟୋଜନ କରାଯାଇଛି। ଏହାଦ୍ବାରା ବର୍ଜ୍ୟ ସଂଗ୍ରହ ପୂର୍ବାପେକ୍ଷା ସହଜ ହେବ ଓ ଗୋଷ୍ଠୀର ସଦସ୍ୟମାନେ ବର୍ତ୍ତମାନ ଗୋଟିଏ କଲ୍‌ରେ ଶୀଘ୍ର ସେବା ପାଇପାରିବେ ବୋଲି ବିଏମ୍‌ସି କହିଛି। ସୂଚନାଯୋଗ୍ୟ, ଗତ କିଛି ମାସ ହେଲାଣି ଭୁବନେଶ୍ବର ମହାନଗର ନିଗମ ଅଞ୍ଚଳରେ ସଫେଇରେ ବ୍ୟାପକ ଅବହେଳା ଦେଖାଯାଉଛି। ଠିକାସଂସ୍ଥାମାନେ ନିୟମିତ ରାସ୍ତାଘାଟ ସଫା କରୁନାହାନ୍ତି କି ଘରକୁ ଘର ବୁଲି ଅଳିଆ ସଂଗ୍ରହ କରୁନାହାନ୍ତି। ସେପଟେ ସଫେଇ କର୍ମଚାରୀମାନେ ଦରମା ନ ପାଇବାରୁ ଏକାଧିକ ଥର କାମ ବନ୍ଦ କଲେଣି। ଏହାର ଆଳରେ ଠିକାସଂସ୍ଥାମାନେ ବି ଠକି ଚାଲିଛନ୍ତି। ଏହାର ପ୍ରତିଫଳନ ସ୍ବରୂପ ଦୁର୍ଗାପୂଜା ଓ କାଳୀପୂଜାରେ ରାଜଧାନୀ ଆବର୍ଜନାମୟ ହୋଇଥିଲା। ୪/୫ ଦିନ ଧରି ସହରର ବହୁ ୱାର୍ଡରୁ ଆବର୍ଜନା ଉଠିନଥିଲା। ଏହାକୁ ନେଇ ବଦନାମର ବୋଝ ମୁଣ୍ଡାଇବା ପରେ ଠିକାସଂସ୍ଥାଙ୍କ ଉପରେ ନଜର ରଖିବାକୁ ବିଏମ୍‌ସି ଏଭଳି ଉଦ୍ୟମ ଆରମ୍ଭ କରିଛି।

ରାଜଧାନୀ ସିଗ୍‌ନାଲ୍‌ ଫେଲ୍‌

ଭୁବନେଶ୍ୱର: ରାଜଧାନୀ ଭୁବନେଶ୍ବର ସ୍ମାର୍ଟ ରୂପ ଦେବାକୁ ଯେଉଁ ସବୁ ବ୍ୟବସ୍ଥା ତଥା ଭିତ୍ତିଭୂମି ପ୍ରସ୍ତୁତ ହୋଇଥିଲା, ତାହା ଉଜୁଡ଼ିବାରେ ଲାଗିଲାଣି। ଏହାର ଜ୍ବଳନ୍ତ ଉଦାହରଣ ରାଜଧାନୀର ଟ୍ରାଫିକ୍ ବ୍ୟବସ୍ଥା। ସ୍ମାର୍ଟସିଟି ମାନ୍ୟତା ପାଇବା ପରେ ସ୍ବୟଂଚାଳିତ ଟ୍ରାଫିକ୍ ବ୍ୟବସ୍ଥା ରାଜଧାନୀର ପ୍ରଥମ ସ୍ମାର୍ଟ ପ୍ରକଳ୍ପ। କିନ୍ତୁ ଏହି ପ୍ରକଳ୍ପ ଅଚଳ ହୋଇଗଲାଣି। ଏଣୁ ସ୍ବୟଂଚାଳିତ ଏହି ବ୍ୟବସ୍ଥା ଏବେ ମାନବଚାଳିତ ହୋଇଗଲାଣି। ସବୁଜ, ନାଲି ରଙ୍ଗ ଲାଇଟ୍ ଧରି ଟ୍ରାଫିକ୍ ପୁଲିସମାନେ ଟ୍ରାଫିକ୍ ସିଗ୍ନାଲ୍ ଦେଉଛନ୍ତି ଓ ଟ୍ରାଫିକ୍ ନିୟନ୍ତ୍ରଣ କରୁଛନ୍ତି। ୨୦୧୬ ମସିହାରେ ଭୁବନେଶ୍ବର ସ୍ମାର୍ଟ ସହରର ମାନ୍ୟତା ପାଇଥିଲା। ସେହି ଅନୁସାରେ ସ୍ମାର୍ଟ ସିଟି ମିସନ୍ କାର୍ଯ୍ୟକ୍ରମରେ ରାଜଧାନୀ ବିକାଶର ପରିକଳ୍ପନା କରାଗଲା। ଏହି ବିକାଶ କାର୍ଯ୍ୟକୁ ତ୍ବରାନ୍ବିତ କରିବା ପାଇଁ ସ୍ବତନ୍ତ୍ର ଭାବେ ୨୦୧୬ ଫେବ୍ରୁଆରି ୨୩ରେ ଭୁବନେଶ୍ବର ସ୍ମାର୍ଟ ସିଟି ଲିମିଟେଡ୍ ଗଠନ କରାଗଲା। ଯାହାର ପରିଚାଳନା ନିର୍ଦ୍ଦେଶକ ଜଣେ ବରିଷ୍ଠ ଆଇଏଏସ୍‌ହେଲେ। ବିଡିଏ ଉପାଧ୍ୟକ୍ଷଙ୍କୁ ସ୍ଥାୟୀ ପରିଚାଳନା ନିର୍ଦ୍ଦେଶକ ନିଯୁକ୍ତ କରାଗଲା। ଏଥିସହ ବହୁ ଓଏଏସ୍, ଓଏଫ୍ଏସ୍‌ଙ୍କୁ ବି ସ୍ବତନ୍ତ୍ର ଭାବେ ଭୁବନେଶ୍ବର ସ୍ମାର୍ଟ ସିଟି ଲିମିଟେଡ୍‌ର ଗୁରୁଦାୟିତ୍ବ ବଣ୍ଟନ ହେଲା। ସହରର ବିକାଶର ନୋଡାଲ୍‌ଏଜେନ୍ସି ଭାବେ ସ୍ମାର୍ଟ ସିଟି ଲିମିଟେଡ୍‌କାମ କଲା। ସେତେବେଳେ ସ୍ମାର୍ଟ ସିଟିର ପ୍ରଥମ ପ୍ରକଳ୍ପ ଥିଲା, ରାଜଧାନୀର ସବୁ ଟ୍ରାଫିକ୍‌ପୋଷ୍ଟକୁ ଅତ୍ୟାଧୁନିକ ରୂପ ଦେବା। ଏଣୁ ବାହାର କମ୍ପାନିଙ୍କୁ ଆଣି ଟ୍ରାଫିକ୍‌ପୋଷ୍ଟକୁ ସ୍ବୟଂଚାଳିତ କରାଗଲା। ଆଉ ଟ୍ରାଫିକ୍‌ପୁଲିସଙ୍କୁ ଲୋକଙ୍କୁ ଅଟକାଇବାକୁ ପଡ଼ିଲାନି କି ଘଣ୍ଟା ଘଣ୍ଟା ଖରାରେ ଛିଡ଼ା ହେବାକୁ ପଡ଼ିଲାନି। କୁହାଗଲା, ଏହା ମାନବସମ୍ବଳ ଭାର ବି କମାଇଲା। କିନ୍ତୁ କେଇ ବର୍ଷର ବ୍ୟବଧାନରେ ଏହି ସ୍ମାର୍ଟ ଟ୍ରାଫିକ୍‌ପୋଷ୍ଟ ସବୁ ଅଚଳ ହୋଇଗଲାଣି। କଳ୍ପନା ଛକ, ରାଜମହଲ ଛକ, ଜାଗମରା ଛକ, ବାଣୀବିହାର ଛକ, ଜୟଦେବବିହାର ଛକ, ରବି ଟକିଜ୍ ଛକ ଆଦି ପ୍ରମୁଖ ଛକରେ ଏବେ ସ୍ବୟଂଚାଳିତ ଟ୍ରାଫିକ୍‌ପୋଷ୍ଟ ସବୁ କାମ କରୁ ନଥିବାରୁ ଟ୍ରାଫିକ୍‌ପୁଲିସମାନଙ୍କୁ ଲାଲ୍‌, ସବୁଜ ଲାଇଟ୍‌ଧରି ଠିଆକରି ଦିଆଯାଇଛି। ରାତିରେ ଏହି ଲାଇଟ୍‌ଦେଖାଯାଉଛି, କିନ୍ତୁ ଦିନରେ ଏହି ଲାଇଟ୍ ଦେଖାଯାଉ ନଥିବାରୁ ଲୋକେ ବି ଟ୍ରାଫିକ୍‌ନିୟନ୍ତ୍ରଣକୁ ନେଇ ଦ୍ବନ୍ଦ୍ବରେ ପଡ଼ୁଛନ୍ତି। ପୂର୍ବଭଳି ଏବେ ଅନେକ ଟ୍ରାଫିକ୍‌ପୋଷ୍ଟରେ ଟ୍ରାଫିକ୍‌ପୁଲିସ ଠିଆ ହୋଇ ହାତରେ ଟ୍ରାଫିକ୍‌ନିୟନ୍ତ୍ରଣ କରୁଛନ୍ତି। ସେପଟେ ପୂର୍ବରୁ ଟ୍ରାଫିକ୍ ପୋଷ୍ଟରେ କେଉଁ ପାର୍ଶ୍ବ ଟ୍ରାଫିକ୍‌କେତେ ସମୟରେ ଛାଡ଼ିବ ସମୟ ଉଲ୍ଲେଖ କରାଯାଉଥିଲା। କିନ୍ତୁ ଏବେ ଆଉ କୌଣସି ଟ୍ରାଫିକ୍‌ପୋଷ୍ଟରେ ଅପେକ୍ଷା ସମୟ ଉଲ୍ଲେଖ କରାଯାଉନି। କେଉଁ ପାର୍ଶ୍ବ ଟ୍ରାଫିକ୍‌କେତେ ସମୟରେ ଛାଡ଼ିବ ଲୋକେ ଜାଣି ପାରୁନାହାନ୍ତି। ଏଣୁ ଲୋକେ ବିଭ୍ରାନ୍ତିରେ ପଡ଼ି ଟ୍ରାଫିକ୍‌ପୋଷ୍ଟ ଆଡ଼କୁ ମାଡ଼ି ଯାଉଛନ୍ତି। ଫଳରେ ଟ୍ରାଫିକ୍‌ସମସ୍ୟା ସୃଷ୍ଟି ହେଉଛି ଏବଂ ଅଯଥା ଲୋକଙ୍କୁ ପେଟ୍ରୋଲ୍‌ପୋଡ଼ିବାକୁ ବାଧ୍ୟ କରାଯାଉଛି। ବିଭାଗୀୟ କର୍ତ୍ତୃପକ୍ଷଙ୍କ ଭୁଲ୍‌ପାଇଁ ଅନେକ ସମୟରେ ଚାଳକଙ୍କୁ ତଣ୍ଡ ଗଣିବାକୁ ପଡ଼ୁଛି।

ନାଗଚତୁର୍ଥୀରେ ହୁଙ୍କାପୂଜା

ଜଟଣୀ: ହିନ୍ଦୁ ପରମ୍ପରାରେ ପ୍ରକୃତି ପୂଜାର ଗୁରୁତ୍ବ ରହିଆସିଛି। ହିନ୍ଦୁମାନେ ପ୍ରକୃତିରେ ଈଶ୍ବରଙ୍କୁ ଦେଖନ୍ତି। ତେଣୁ ବୃକ୍ଷଠାରୁ ଆରମ୍ଭ କରି ବିଭିନ୍ନ ଜୀବଜନ୍ତୁଙ୍କୁ ପୂଜା କରିବା ଭାରତୀୟ ସଂସ୍କୃତିରେ ବହୁ ପ୍ରାଚୀନ ପ୍ରଥା। ସେମିତି ଏକ ପରମ୍ପରା ହେଉଛି ନାଗଦେବତା ପୂଜା। କାର୍ତ୍ତିକ ମାସ ଶୁକ୍ଳପକ୍ଷ ଚତୁର୍ଥୀ ତିଥିକୁ ‘ନାଗ ଚତୁର୍ଥୀ’ କୁହାଯାଏ। ଏହି ତିଥିରେ ନାଗଦେବତାଙ୍କ ଉପାସନା କରିବା ବିଧି ରହିଛି। ବିବାହିତା ମହିଳାମାନେ ଏହି ବ୍ରତ ପାଳନ କରନ୍ତି। ସନ୍ତାନଙ୍କ ସମୃଦ୍ଧି କାମନା କରିବା ସହ ସର୍ପଦୋଷ ଖଣ୍ଡନ କରିବାକୁ ମହିଳାମାନେ ଏହି ବ୍ରତ କରନ୍ତି। ବିଶେଷକରି ଆନ୍ଧ୍ରପ୍ରଦେଶ ଓ କର୍ଣ୍ଣାଟକରେ ନାଗ ଚତୁର୍ଥୀ ଉପାସନା ଦେଖିବାକୁ ମିଳେ। ତେଲଗୁ ସମ୍ପ୍ରଦାୟର ମହିଳାମାନେ ଏହି ଉପାସନା କରନ୍ତି। ଭାରତର ଯେଉଁ ଯେଉଁ ଜାଗାରେ ତେଲଗୁ ସମ୍ପ୍ରଦାୟ ଲୋକେ ବାସ କରନ୍ତି, ସେଠାରେ ଏହି ବ୍ରତ ବା ଉପାସନାର ଚିତ୍ର ଦେଖିବାକୁ ମିଳେ। ବଡ଼ କଥା ହେଉଛି କାର୍ତ୍ତିକ ମାସ ଏକ ଧର୍ମ ମାସ ବୋଲି କେବଳ ଓଡ଼ିଶାରେ ନୁହେଁ, ଦକ୍ଷିଣ ଭାରତରେ ମଧ୍ୟ ବିଶ୍ବାସ କରାଯାଏ। ସେଥିପାଇଁ କାର୍ତ୍ତିକ ମାସରେ ହିଁ ନାଗଦେବତା ଉପାସନା କରାଯାଏ। ଆଜି ନାଗ ଚତୁର୍ଥୀ ଅବସରରେ ଜଟଣୀରେ ଏହି ଉପାସନା ଦେଖିବାକୁ ମିଳିଥିଲା। ଏଠାରେ ବର୍ଷବର୍ଷ ଧରି ରହିଆସୁଥିବା ତେଲଗୁ ସମ୍ପ୍ରଦାୟର ମହିଳାମାନେ ଏହି ବ୍ରତ ପାଳନ କରିଆସୁଛନ୍ତି। ବିଧିବିଧାନ ଅନୁସାରେ ଆଜି ମହିଳାମାନେ ଜଟଣୀ ଶନିଶ୍ଚର ମନ୍ଦିର ନିକଟସ୍ଥ ଏକ ଉଇ ହୁଙ୍କା ନିକଟରେ ଏକତ୍ର ହୋଇଥିଲେ। ସାଧାରଣତଃ ଉଇ ହୁଙ୍କାରେ ନାଗ ସାପ ରହୁଥିବାରୁ ମହିଳାମାନେ ସେଠାରେ ପୂଜାର୍ଚ୍ଚନା କରନ୍ତି। ପ୍ରଥମେ ହୁଙ୍କା ଚାରିକଡ଼କୁ ସଫାସୁତୁରା କରାଯାଏ। ହୁଙ୍କାରେ ଶୁଦ୍ଧ ଜଳସିଞ୍ଚନ କରିବା ସହ ହଳଦୀ ପାଣି ଓ ଖିର ଢାଳି ଶୁଦ୍ଧ କରାଯାଏ। ହୁଙ୍କା ଉପରେ ନୂଆ ବସ୍ତ୍ର ରଖିବା ପରେ ଧୂପକାଠି କିମ୍ବା ଘୃତ ସଳିତା ଜାଳି ଦିଆଯାଏ। ଏହାପରେ କଦଳୀ ପତ୍ରରେ ଫୁଲ, ଚନ୍ଦନ, ଅରୁଆ ଚାଉଳ, ଦୂବ, ବରକୋଳି ପତ୍ର ସହିତ ବିଭିନ୍ନ ଫଳମୂଳ ରଖି ଅର୍ପଣ କରାଯାଏ। ରୋଚକ କଥା ହେଉଛି ନାଗଦେବତାଙ୍କ ପାଇଁ କୁକୁଡ଼ା ଅଣ୍ଡା ମଧ୍ୟ ଭୋଗ ଲାଗି ପାଇଁ ଅର୍ପଣ କରାଯାଏ। ବ୍ରତଧାରୀମାନଙ୍କ କହିବା କଥା ନାଗ ସାପ ଦେବତା ବୋଲି ପୁରାଣରେ ବର୍ଣ୍ଣନା କରାଯାଇଛି। ଭଗବାନ ସପ୍ତଫେଣି ନାଗ ଉପରେ ଅନନ୍ତ ଶୟନ କରିଛନ୍ତି। ବାସୁକୀ ନାଗ ଯୋଗୁ ସାଗର ମନ୍ଥନ ହୋଇପାରିଥିଲା। ଦେବଦେବ ମହାଦେବ ଶିବଙ୍କ ଗଳାରେ ନାଗ ସାପ ଶୋଭା ପାଉଛି। ମହାଭାରତରେ ଭୀମ ଓ ଅର୍ଜୁନଙ୍କ ସହ ନାଗବଂଶର ସମ୍ପର୍କ ବର୍ଣ୍ଣନା କରାଯାଇଛି। ନାଗକନ୍ୟା ବେଲାବଳୀଙ୍କୁ ଭୀମ ଓ ନାଗକନ୍ୟା ଉଲ୍ଲୁପିଙ୍କୁ ଅର୍ଜୁନ ବିବାହ କରିଥିଲେ। ତେଣୁ ନାଗ ପୂଜା କରିବା ଦ୍ବାରା ମାନସିକ ପୂରଣ ହୁଏ ବୋଲି କୁହାଯାଏ।

ରାଜଧାନୀ ଚର୍ଚ୍ଚା ବୁନୁବାବୁ କୁଲୁକୁଲୁ

ଆମ ମଧ୍ୟ-ଭୁବନେଶ୍ବରିଆ ବିଧାୟକ ବୁନୁବାବୁ ଏବେ ଭାରି କୁଲୁକୁଲୁ। ବାବୁଙ୍କ ରାଜନୀତିଆ କଣ୍ଟାଟା ଆପେ ହଟିଯାଉଛି ତ। ଏଇ କଥା ଭାବି ଭାବି କୁଆଡ଼େ ବାବୁଙ୍କୁ ଏବେ ନିଦ ନାହିଁ ବୋଲି ଲୋକେ ଟୁପୁରୁଟାପୁରୁ ହେଉଛନ୍ତି। କଥ‌ା କ’ଣ କି, କର୍ପୋରେଟର ଅମରେଶ ଜେନା ହାଲ୍‌ରେ ଜେଲ୍‌ରୁ ବାହାରିଛନ୍ତି। ନାବାଳିକା ଯୌନ ନିର୍ଯ୍ୟାତନା ଅଭିଯୋଗରେ ଜେଲ୍‌ ତ’ କଲେ, ସିଆଡ଼େ ପୁଣି ଶଙ୍ଖପତି ତାଙ୍କୁ ଝଣ୍ଡା ତଳୁ କାଢ଼ି ଫୋପାଡ଼ି ବି ଦେଲେ। ଭାଗ୍ୟ ଭଲ, ଜେଲ୍‌ରୁ ବାହାରୁ ବାହାରୁ ଜେନାବାକୁଙ୍କୁ ପଦ୍ମଦଳିଆ ପ୍ରଧାନେ ଆଜ୍ଞା ଫୁଲମାଳ ଦେଇ ପାଛୋଟିଥିଲେ। ଏବେ ପ୍ରଧାନେ ଖୋଲାଖୋଲି କହିଲେଣି ଜେନାବାବୁ ଯଦି ପଦ୍ମପୋଖରୀରେ ବୁଡ଼ ପକାଇବେ, ତେବେ ସେ କଥାକୁ ବି ସେ ହଜମି ଯିବେ। ଏ କଥା ଶୁଣି ତ ବୁନୁବାବୁଙ୍କର କଚେ ପୁଅ ବାର ଆଉ। କଥା କ’ଣ କି, ପ୍ରଧାନେ ହେଉଛନ୍ତି ବୁନୁବାବୁଙ୍କର ରାଜନୈତିକ ଶତ୍ରୁ। ଦୁଇ ଜଣଯାକ ଗୋଟିଏ ଦଳରୁ ଓ ଗୋଟିଏ ଆସନରୁ ବିଧାୟକ ପାଇଁ ଲଢ଼ିବାକୁ ଚାହୁଛନ୍ତି। ପ୍ରଥମେ ମେୟର ଲଡ଼ୁ ପାଇଁ ଉଭୟଙ୍କ ମଧ୍ୟରେ ଟଣାଓଟରା ଥିଲା। ପୁଣି ଏବେ ବିଧାୟକ ମୁଆଁ ପାଇଁ ଉଭୟଙ୍କ ଭିତରେ ସାତ ବଇରୀ। ବୁନୁବାବୁଙ୍କ ଭୋଟ୍‌ କଟିବାରେ ବି କୁଆଡ଼େ ଜେନାବାବୁଙ୍କ ହାତ ଥିଲା ବୋଲି ସେ ଭାବନ୍ତି। ଏଥିପାଇଁ ପରା ଜେନାବାବୁ ପଦ୍ମପୋଖରୀ ବୁଡ଼ର ସମ୍ଭାବନାକୁ ନେଇ ବୁନୁବାବୁ ବେଶ୍‌ ଖୁସ୍‌। ସେପଟେ ପୁଣି ଏକାମ୍ର ବିଧାୟକ ବାବୁ ସିଂ ଆଜ୍ଞା ବି ଜେନାବାବୁଙ୍କୁ ସାନ ଭାଇ ବୋଲି ଆଗରୁ କହିସାରିଛନ୍ତି। ଯଦି ପ୍ରଧାନେ ଆଉ ସିଂ ଆଜ୍ଞା ମିଳିମିଶି ଆମ ଜେନାବାବୁଙ୍କୁ ଗେରୁଆ ରଙ୍ଗରେ ରଙ୍ଗେଇ ଦିଅନ୍ତି, ତା’ ହେଲେ ତ ବୁନୁବାବୁଙ୍କ ସବୁ ଚିନ୍ତା ଗଲା ବୋଲି ଜାଣ। ଏ କଥା ଭାବି ଭାବି ବୁନୁବାବୁ କୁତୁକୁତୁ ହେଉଛନ୍ତି ବୋଲି ଖଟିରେ ଜୋର୍‌ ଚର୍ଚ୍ଚା।

ଆଗକୁ ବଡ଼ଦିନ, ଏବେଠୁ କେକ୍‌ ମିକ୍ସିଂ ସେରିମନି

ଭୁବନେଶ୍ବର: ଆଗକୁ ଆସୁଛି ବଡ଼ଦିନ ଓ ନୂଆବର୍ଷ। ଏସବୁ ଉତ୍ସବ ଆଉ କୌଣସି ନିର୍ଦ୍ଦି‌ଷ୍ଟ ସଂପ୍ରଦାୟ ଭିତରେ ସୀମିତ ରହିନାହିଁ। ଏବେ ସବୁ ଧର୍ମ ଓ ସବୁବର୍ଗର ଲୋକେ ଏହାକୁ ଧୂମ୍‌ଧାମ୍‌ରେ ପାଳନ କରୁଛନ୍ତି। ଖ୍ରୀଷ୍ଟମାସରେ କେକ୍‌ର ଚାହିଦା ଅପେକ୍ଷାକୃତ ଅଧିକ ରହିଥାଏ। ଏହାକୁ ଦୃଷ୍ଟିରେ ରଖି ହୋଟେଲ୍‌ ଲାଇଫ୍‌ ପକ୍ଷରୁ ଆରମ୍ଭ ହୋଇଛି ‘କେକ୍‌ ମିକ୍ସିଂ ସେରିମନି’। ଆଜି ଅପରାହ୍ଣରେ ଆୟୋଜିତ ଏହି ଉତ୍ସବରେ ହୋଟେଲ୍‌ର କର୍ମଚାରୀମାନେ ଏକାଠି ହୋଇ ପେଷ୍ଟ୍ରି ସେଫ୍‌ ସ୍ବଦେଶ ମହାନ୍ତି ଓ ଏକ୍‌ଜିକ୍ୟୁଟିଭ୍‌ ସେଫ୍‌ ଶୈଳେଶ ଶେଖରଙ୍କ ତତ୍ତ୍ବ‌ାବଧାନରେ କେକ୍‌ ମିକ୍ସିଂ କରିଥିଲେ। ଏହି ମିଶ୍ରଣକୁ ନିବୁଜ ଡ୍ରମ୍‌ରେ ଦୁଇମାସ ପାଇଁ ସଂରକ୍ଷିତ ରଖାଯିବ। ଦୁଇମାସ ପରେ ଏଥିରୁ ବାହାରିଥିବା ମିଶ୍ରଣକୁ ନେଇ କେକ୍‌ ପ୍ରସ୍ତୁତ କରାଯିବ। ଏକ ବିଶାଳକାୟ ଟେବୁଲ୍‌ରେ ରହିଥିବା ବିଭିନ୍ନ ପ୍ରକାର କଟା ଡ୍ରାଏଫ୍ରୁଟ୍‌, ଫଳ ଉପରେ ଆଲ୍‌କୋହଲ୍‌, ଫଳରସ, ୱାଇନ୍‌, କମଳା ଓ କ୍ରାନ୍‌ବେରି ଜୁସ୍‌ ଢଳାଯାଇଥିଲା। ଏହି ଉତ୍ସବ ଦେଖିବାକୁ ବହୁ ଆଗ୍ରହୀ ଯୁବବର୍ଗ ଏକାଠି ହୋଇଥିଲେ। ଏକ କ୍ବିଣ୍ଟାଲ୍‌ରୁ ଅଧିକ ଓଜନର ଡ୍ରାଏଫ୍ରୁଟ୍‌ ମଧ୍ୟରେ କାଜୁ, ଆଲ୍‌ମଣ୍ଡ୍‌, ରେଜିନ୍‌, ପିସ୍ତା, ଟୁଟିଫ୍ରୁଟି, ୱାଲ୍‌ନଟ୍‌, ଚେରି, ଜିଞ୍ଜର୍‌ କ୍ୟାଣ୍ଡି, ମୁରବ୍ବା ଆଦି ରହିଥିଲା। ସେହିପରି ମସଲାରେ ଶୁଖିଲା ଅଦା ପାଉଡର୍‌, ଡାଲଚିନି, ନଟ୍‌ମେଗ୍‌, ଡ୍ରାଏ କ୍ରାନ୍‌ବେରି ଆଦି ସୁସଜ୍ଜିତ ହୋଇରହିଥିଲା। ହୋଟେଲ୍‌ର ସେଫ୍‌ ଓ କର୍ମଚାରୀମାନେ ଏଥିରେ ବିଭିନ୍ନ ପ୍ରକାର ଫଳରସ, ଆଲ୍‌କୋହଲ୍‌, ଜୁସ୍‌ ଢାଳିଥିଲେ। ପରେ ଏହାକୁ ଅତ୍ୟନ୍ତ ସ୍ବଚ୍ଛ ଭାବେ ମିଶ୍ରଣ କରିଥିଲେ। କେକ୍‌ ପ୍ରସ୍ତୁତି ସମୟରେ ଏହାକୁ ମିଶାଇବା ଦ୍ବାରା ଭିନ୍ନ ଏକ ମନମତାଣିଆ ସ୍ବାଦ ଆଣିବ ବୋଲି ସେଫ୍‌ କହିଛନ୍ତି। ଆସନ୍ତା ଡିସେମ୍ୱରରେ ଲାଇଫ୍‌ ହୋଟେଲ୍‌ ପକ୍ଷରୁ ଖ୍ରୀଷ୍ଟମାସ ସମୟରେ ବିଭିନ୍ନ ଉତ୍ସବରେ ଏହାର ବ୍ୟବହାର କରାଯିବ। ଏଥିରେ ଘରୋଇ ସଂସ୍ଥା ଓ ବ୍ୟକ୍ତିଗତ ବ୍ୟବହାର ଲାଗି ବିକ୍ରୟ କରାଯିବ। କେକ୍‌ ମିକ୍ସିଂ ସେରିମନି କେବଳ ନିର୍ଦ୍ଦିଷ୍ଟ ଧର୍ମରେ ସୀମିତ ରହିନାହିଁ। ସମୟ କ୍ରମେ ଏହାକୁ ବଡ଼ ଆକାରରେ ପାଳନ କରାଯାଉଥିବା ବେଳେ ବିଭିନ୍ନ ସମ୍ପ୍ରଦାୟର ଲୋକେ ଏଥିରେ ଯୋଡ଼ିହେଉଛନ୍ତି। ଛୋଟ ପିଲାମାନେ ମଧ୍ୟ କେକ୍‌ ଖାଇବାକୁ ଭଲ ପାଆନ୍ତି। ଏହି କେକ୍‌ର ସ୍ବାଦ ନିଶ୍ଚୟ ବିଭିନ୍ନ ବର୍ଗର ଲୋକଙ୍କ ମନକୁ ଛୁଇଁବ ବୋଲି ସେଫ୍‌ କହିଛନ୍ତି।

‘ଶ୍ରୀଜଗନ୍ନାଥ ଉପାସନାରେ ଦାରୁ ଦେବତା ଶାବର ସଂସ୍କୃତି’ ଶୀର୍ଷକ ଆଲୋଚନାଚକ୍ର

ଭୁବନେଶ୍ବର: ଶ୍ରୀଜଗନ୍ନାଥ ମହାପ୍ରଭୁଙ୍କ ସବୁ କିଛି ଆମ ପାଇଁ ଗ୍ରହଣୀୟ, କରଣୀୟ ଓ ସ୍ମରଣୀୟ। ଏଣୁ ମହାପ୍ରଭୁ ଜଗନ୍ନାଥଙ୍କ ସମ୍ପର୍କରେ ଅଧିକ ଆଲୋଚନା, ତର୍କ ଓ ବିତର୍କର ଅବକାଶ ଆଉ ନାହିଁ। ଯଦି କିଛି ଅଛି, ତାହା ହେଉଛି ଆମ ଉତ୍ତରପିଢ଼ି ଶ୍ରୀଜଗନ୍ନାଥଙ୍କ ସମ୍ପର୍କରେ ଅଧିକରୁ ଅଧିକ ଜାଣିବାର ଆବଶ୍ୟକତା। ଏଥିପାଇଁ ଶ୍ରୀଜଗନ୍ନାଥଙ୍କୁ ନେଇ ଆଲୋଚନାଚକ୍ରଗୁଡ଼ିକର ଆବଶ୍ୟକତା ଥାଇପାରେ ବୋଲି କହିଛନ୍ତି ଇଷ୍ଟର୍ଣ୍ଣ ମିଡିଆ ଲି‌ମିଟେଡ୍‌ର ଅଧ୍ୟକ୍ଷ ସୌମ୍ୟରଂଜନ ପଟ୍ଟନାୟକ। ‘ନୀଳାଦ୍ରି ଆଧ୍ୟାତ୍ମିକ ଟ୍ରଷ୍ଟ୍‌’ ଆନୁକୂଲ୍ୟରେ ଆଜି ବୁଦ୍ଧମନ୍ଦିର ସମ୍ମିଳନୀ କକ୍ଷରେ ଆୟୋଜିତ ଆଲୋଚନାଚକ୍ରକୁ ଉଦ୍‌ଘାଟନ କରି ଶ୍ରୀ ପଟ୍ଟନାୟକ ଆହୁରି କହିଛନ୍ତି, ଆଜିକାଲି ଅନ୍ଧଭକ୍ତମାନଙ୍କର ସଂଖ୍ୟା ବଢ଼ି ବଢ଼ି ଚାଲିଛି। ଆଖି ଖୋଲି ଭଗବାନଙ୍କୁ ଭକ୍ତି କରିବା ଓ ଆଖି ବୁଜି ଭକ୍ତି କରିବା ଭିତରେ ବହୁ ଅନ୍ତର ରହିଛି। ଚକାଆଖି, ଆଖି ଖୋଲି ସବୁ ଦେଖୁଛନ୍ତି। ତାଙ୍କଠାରୁ ଆମେ ଶିକ୍ଷାଲାଭ କରି ଆଖି ବନ୍ଦ କରି ଭକ୍ତ ହେବା ପରମ୍ପରାରୁ ଦୂରେଇ ଯିବା ଉଚିତ। ଆଖି ଖୋଲି ସବୁ ଜାଣି, ଅନୁଭବ କରି ଏଭଳି ଏକ ଭକ୍ତମଣ୍ଡଳୀ ଗଠନ କରିବା ଉଚିତ, ଯାହା ଆମ ଗଣତନ୍ତ୍ର ଓ ଅସ୍ମିତା ପାଇଁ ଅଧିକ ଅନୁକୂଳ ହେବ ବୋଲି ଶ୍ରୀ ପଟ୍ଟନାୟକ ସତର୍କ କରାଇ ଦେଇଛନ୍ତି। ଏହି ଅବସରରେ ‘ଶ୍ରୀଜଗନ୍ନାଥ ଉପାସନାରେ ଦାରୁ ଦେବତା ଶାବର ସଂସ୍କୃତି’ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ଯୋଗ ଦେଇ ଉତ୍କଳ ସଂସ୍କୃତି ବିଶ୍ବବିଦ୍ୟାଳୟର କୁଳପତି ପ୍ରଫେସର ପ୍ରସନ୍ନ କୁମାର ସ୍ବାଇଁ କହିଥିଲେ, ବିଶ୍ବର ସର୍ବପ୍ରାଚୀନ ରହସ୍ୟମୟ ‌ଦେବତା ହେଉଛନ୍ତି ଦାରୁବ୍ରହ୍ମ ଶ୍ରୀଜଗନ୍ନାଥ। ଉତ୍କଳର ଆଦିମ ଅଧିବାସୀ, ଦ୍ରାବିଡ଼ ତଥା ଆର୍ଯ୍ୟ ସଭ୍ୟତାର ମହାମିଳନରେ ଶ୍ରୀଜଗନ୍ନାଥ ଚେତନାର ପ୍ରବହମାନ ଧାରା ଓ ବିକାଶରେ ଅପୂର୍ବ ସମନ୍ବୟ ପରିଲକ୍ଷିତ ହୋଇଛି। ଏହି ଧାରା ମଧ୍ୟରୁ ପ୍ରାଚୀନ ଶାବର ପରମ୍ପରା ଅନ୍ୟତମ। ଶାବର ସଂସ୍କୃତିରେ ବୃକ୍ଷ ପୂଜା ପରମ୍ପରା ରହିଥିବା ବେଳେ ବୃକ୍ଷରୂପୀ ଦେବତାଙ୍କୁ ସେମାନେ ଜଗନ୍ତ ବୋଲି ସମ୍ବୋଧନ କରୁଥିଲେ। ଗବେଷକମାନେ ଜଗନ୍ତ ଅର୍ଥ ଜଗତର ଦେବତା ବୋଲି ଅଭିହିତ କରନ୍ତି। ଏଥିରୁ ହିଁ ଜଗନ୍ନାଥ ଶବ୍ଦ ଆସିଥାଇପାରେ ବୋଲି ଅନୁମାନ କରାଯାଉଥିବା ଶ୍ରୀ ସ୍ବାଇଁ କହିଛନ୍ତି। କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ପୂର୍ବତନ କୁଳପତି ପ୍ରଫେସର ପ୍ରଫୁଲ୍ଲ କୁମାର ମିଶ୍ର ଯୋଗ ଦେଇ ଶ୍ରୀଜଗନ୍ନାଥ ଉପାସନାରେ ଶାବରୀୟ ପ୍ରଭାବ ଉପରେ ବକ୍ତବ୍ୟ ରଖିଥିଲେ। ଟ୍ରଷ୍ଟ୍‌ର ସଭାପତି ଦଇତାପତି ରାମଚନ୍ଦ୍ର ଦାସ ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ଉଦ୍‌ଘାଟନୀ ପର୍ବରେ ସାଧାରଣ ସମ୍ପାଦକ ନନ୍ଦକିଶୋର ଜେନା ଅତିଥି ପରିଚୟ ପ୍ରଦାନ କରିଥିଲେ। ଟ୍ରଷ୍ଟ୍‌ର କାର୍ଯ୍ୟକାରୀ ସଭାପତି ଭାସ୍କର ମିଶ୍ର କାର୍ଯ୍ୟକ୍ରମର ଲକ୍ଷ୍ୟ ଓ ଆଭିମୁଖ୍ୟ ସମ୍ପର୍କରେ ଆଲୋଚନା କରିଥିଲେ। ଏହାପରେ ଆୟୋଜିତ ଏକ ଅଧିବେଶନରେ ବରିଷ୍ଠ ଗବେଷକ ମଥୁରେନ୍ଦ୍ର ପୃଷ୍ଟି, ପୂର୍ଣ୍ଣେନ୍ଦୁ କୁମାର ନନ୍ଦ, ଗୁରୁପ୍ରସାଦ ମହାପାତ୍ର, ଶରତ ଚନ୍ଦ୍ର ପରିଡ଼ା, ହେନେରିତା ମିଶ୍ର, ଜନ୍ମେଜୟ ଚୌଧୁରୀ ଓ ଶ୍ରଦ୍ଧାଞ୍ଜଳି କାନୁନ୍‌ଗୋ ପ୍ରମୁଖ ସନ୍ଦର୍ଭ ଉପସ୍ଥାପନା କରିଥିଲେ।

ସୁଟିଂ ଚାଲିଛି ‘ବାଲିଯାତ୍ରା’

ଭୁବନେଶ୍ବର: ପ୍ରାଚୀନ କଳିଙ୍ଗର ସୁପ୍ରସିଦ୍ଧ ‘ନୌବାଣିଜ୍ୟ’ ପରମ୍ପରା ଓ ସାଧବମାନଙ୍କର ସ୍ୱର୍ଣ୍ଣିଳ ଇତିହାସକୁ ଆଧାର କରି ସୁଟିଂ ଚାଲିଛି ଟେଲି ଫିଲ୍ମ ‘ବାଲିଯାତ୍ରା’। ଗୁରୁଜୀ ଚନ୍ଦ୍ରଭାନୁ ଶତପଥୀଙ୍କ କାବ୍ୟାତ୍ମକ ଅନୁସୃଜନ ଉପରେ ଆଧାରିତ ଏକ ଗୌରବୋଜ୍ବଳ ନାଟ୍ୟ ରୂପାନ୍ତରଣ ହେଉଛି ଏହି ଟେଲି ଫିଲ୍ମ। ଏହାର ପରିକଳ୍ପନା ଓ ଗୀତ ରଚନା ସାଙ୍ଗକୁ ସଙ୍ଗୀତ ନିର୍ଦ୍ଦେଶନାର ଗୁରୁ ଦାୟିତ୍ୱ ବହନ କରିଛନ୍ତି ନିଜେ ଗୁରୁଜୀ ଚନ୍ଦ୍ରଭାନୁ ଶତପଥୀ। ନିର୍ଦ୍ଦେଶନା ଦେଉଛନ୍ତି ବିନି ସାମଲ। ‘ସାଇଶ୍ରଦ୍ଧା ପ୍ରଡକ୍ସନ’ ଦ୍ୱାରା ପ୍ରସ୍ତୁତ ହେଉଥିବା ଏହି ନାଟ୍ୟାୟନଟିକୁ ଦେଶବିଦେଶରେ ପହଞ୍ଚାଇବା ତଥା ଅତୀତର ଗୌରବ ଗାଥାକୁ ପୁନର୍ଜୀବିତ କରିବା ଲାଗି ଏହି ଅନନ୍ୟ ପ୍ରୟାସ ବୋଲି ନିର୍ମାତାମାନେ କହିଛନ୍ତି। ଏଥିରେ ପ୍ରମୁଖ ଭୂମିକାରେ ଅଛନ୍ତି ଅଶ୍ରୁ୍ମୋଚନ ମହାନ୍ତି, ଶ୍ରୀତମ ଦାସ, ସୁକାନ୍ତ ରଥ, ଅଖିଳ ପଟ୍ଟନାୟକ, ସାହେବ ସିଂ, ସୋହମ, ଶୁଭାଶିଷ, ଶକ୍ତି ବରାଳ, ଶମ୍ଭୁ ଖୁଣ୍ଟିଆ, ମିଲୁ, ହିତୈଶା ବାଗ, ଲଭରିନ ଖାନ, ସୌମ୍ୟା ସୁଚରିତା ସାହୁ, ସୁଶ୍ରୀ ସଙ୍ଗୀତା ବେହେରା, ମାମାଲି ସାହୁ, ଲିପ୍ସା ମହାରଣା ଓ ପ୍ରିୟଙ୍କା ସାହୁ। କୋରିଓଗ୍ରାଫିରେ ଅଛନ୍ତି ବବି ଇସଲାମ। ପାରିକୁଦ ଓ ଭିଙ୍ଗାରପୁରଠାରେ ଏହାର ସୁଟିଂ ଚାଲିଛି। ଆସନ୍ତା ୫ ରିଖରେ ଉତ୍କଳ ମଣ୍ଡପରେ ଏହା ରାଜ୍ୟପାଳଙ୍କ ହାତରେ ଲୋକାର୍ପିତ ହେବ। ଗୁରୁ ଚନ୍ଦ୍ରଭାନୁ ଶତପଥୀଙ୍କ ମାର୍ଗଦର୍ଶନ ଓ ବିନି ସାମଲଙ୍କ ପ୍ରଚେଷ୍ଟାରେ ‘ଜଗନ୍ନାଥଙ୍କ ନବକଳେବର’ର ସଫଳତା ପରେ ‘ବାଲିଯାତ୍ରା’ର ନାଟ୍ୟାଭିନୟ ସଫଳ ହେବ ବୋଲି ନିର୍ମାତା ଆଶା ରଖିଛନ୍ତି

ଏ ବର୍ଷ ପଞ୍ଚୁକ ଚାରିଦିନ

ହରିବାବୁ ପ୍ରାତଃଭ୍ରମଣ ସାରି ନରି ଚା ଖଟିରେ ବସିଛନ୍ତି। ଆଉ ଚାରିପାଞ୍ଚଜଣ ବରିଷ୍ଠ ନାଗରିକ ବି ଅଛନ୍ତି। ପ୍ରାତଃଭ୍ରମଣ ପରେ ଏଇଠି ସେମାନଙ୍କର ଖଟି ଜମେ। ଏହି ସମୟରେ ମାଗୁଣି ପଣ୍ଡିତେ ପହଞ୍ଚିଲେ। ହରିବାବୁ ଚା ଦୋକାନୀକୁ କହିଲେ- ଆରେ ନରି, ପଣ୍ଡିତଙ୍କ ପାଇଁ ଓ ଆମ ପାଇଁ କଡ଼ା ଅଦା-ଗୁଜୁରାତିଦିଆ ଚା ବନା। ଚିନି ପଡ଼ିବ ନାହିଁ। କାରଣ ଆମେ ସବୁ ଡାଇବେଟିସ୍‌ବାଲା। ନରି ଚା ବସାଇଲା। ତେଣେ ଚା ଫୁଟୁଥିବା ବେଳେ ଏପଟେ ବାବୁମାନଙ୍କର ବିଭିନ୍ନ ପ୍ରସଙ୍ଗରେ ଆଲୋଚନା ଚାଲିଥାଏ। ପୂର୍ବର ଦୀପାବଳି ଦ୍ବନ୍ଦ୍ବକୁ ନେଇ ସୁଶା କହିଲା, ସରକାର ଏଥର ଦ୍ବନ୍ଦ୍ବର ସମାଧାନ ନ ପାଇ ଦୁଇଦିନ ଛୁଟି କରିଦେଲେ- ଯିଏ ଯୋଉଦିନ ପାଳୁଛି ପାଳୁ। କିନ୍ତୁ ମୁଁ ଶୁଣୁଚି, ଏଥର କୁଆଡ଼େ ପଞ୍ଚୁକ ୪ଦିନ ପଡୁଛି- ପାଞ୍ଚଦିନିଆ ବ୍ରତ ହୋଇଥିବାରୁ ତା’ ନାଁ ପଞ୍ଚୁକ, ପୁଣି ଚାରିଦିନ କେମିତି ହେଲା? ହରିବାବୁ- ପଣ୍ଡିତେ ଭଲକରି ବୁଝେଇ ଦିଅନ୍ତୁ। ମୁଁ ଜାଣିବାରେ ପଞ୍ଚୁକ ସବୁବର୍ଷ ୫ଦିନ ପଡ଼େନା। କେଉଁବର୍ଷ ୪ଦିନ ହୋଇପାରେ, ପୁଣି କେଉଁବର୍ଷ ୬ଦିନ ବି ହୋଇପାରେ। ଆମେ ଏହା ଆବହମାନ କାଳରୁ ଦେଖିଆସୁଛୁ। କିନ୍ତୁ ସବୁବର୍ଷ ସମାନ ଭାବେ ପଡୁ ନ ଥିବାରୁ ଲୋକେ ଭୁଲିଯାଆନ୍ତି, ପଞ୍ଚୁକ କାହିଁକି ୪ଦିନ ବା ୬ଦିନ ହେଲା ବୋଲି ପ୍ରଶ୍ନ କରନ୍ତି। ଗୋଟିଏ ବର୍ଷ ଛଅଦିନିଆ ପଞ୍ଚୁକରେ ଜଗନ୍ନାଥ ମନ୍ଦିରରେ ଦଳାଚକଟା ହୋଇ ନ ଥିଲା? ମାଗୁଣି ପଣ୍ଡିତ- ହଁ, ହରିବାବୁ ଠିକ୍ ମନେରଖିଛନ୍ତି। ୧୯୯୩ ମସିହାରେ ଶ୍ରୀମନ୍ଦିରରେ ମହାପ୍ରଭୁଙ୍କ ନାଗାର୍ଜୁନ ବେଶ ଦେଖିବା ପାଇଁ ପ୍ରବଳ ଭିଡ଼ ଯୋଗୁଁ ଦଳାଚକଟା ହୋଇଥିଲା ଓ ବହୁଲୋକ ମୃତାହତ ହୋଇଥିଲେ। ତେବେ ଶୁଣନ୍ତୁ- ପଞ୍ଚୁକ ମାନେ ୫ଦିନ ନୁହେଁ, ୫ଟା ତିଥି- ତାହା କାର୍ତ୍ତିକ ଶୁକ୍ଳ ହରି ଉତ୍ଥାପନୀ ବଡ଼ ଏକାଦଶୀଠାରୁ ରାସପୂର୍ଣ୍ଣିମା ପର୍ଯ୍ୟନ୍ତ। ଯଦି ଏକାଦଶୀଠାରୁ ଚତୁର୍ଦ୍ଦଶୀ ପର୍ଯ୍ୟନ୍ତ କୌଣସି ଗୋଟିଏ ଦିନ କ୍ଷୟା ତିଥି ପଡ଼େ, ତେବେ ସେ ବର୍ଷ ପଞ୍ଚୁକ ଚାରିଦିନିଆ ହୋଇଯାଏ। ଏ ବର୍ଷ ସେଇଆ ହୋଇଛି। ଏ ବର୍ଷ ଉତ୍ଥାପନୀ ଏକାଦଶୀ ପରଦିନ ତ୍ରୟୋଦଶୀ ପଡୁଛି। ନଭେମ୍ବର ୨ ତାରିଖ ରବିବାର ଗୋଟିଏ ଦିନରେ ଏକାଦଶୀ, ଦ୍ବାଦଶୀ ଓ ତ୍ରୟୋଦଶୀ ସ୍ପର୍ଶ ହେଉଛି ବା ତ୍ର୍ୟହସ୍ପର୍ଶ ହେଉଛି। ଦ୍ବାଦଶୀ କ୍ଷୟ ହେଉଥିବାରୁ ଏହାକୁ କ୍ଷୟା ତିଥି ବା ଅବମ ତିଥି ବି କୁହାଯାଏ। ବୈଷ୍ଣବମାନେ ଏହାକୁ ତ୍ରିସ୍ପୃଶା ଏକାଦଶୀ ଭାବେ ପାଳନ୍ତି। ତେଣୁ ଏକାଦଶୀରୁ ପୂର୍ଣ୍ଣିମା ଭିତରେ ଗୋଟିଏ ତିଥି କ୍ଷୟ ହେବାରୁ ଏ ବର୍ଷ ପଞ୍ଚୁକ ଚାରିଦିନ ପଡୁଛି। ଆସନ୍ତାବର୍ଷ ବି ଚାରିଦିନିଆ ପଞ୍ଚୁକ ପଡ଼ିବ। ସୁଶା ପଚାରିଲା- ତା’ ହେଲେ ଏ ଛଅଦିନିଆ ପଞ୍ଚୁକ ଓ ନାଗାର୍ଜୁନ ବେଶ ପୁଣି କେବେ ପଡ଼ିବ? ପଣ୍ଡିତ- ଯେଉଁବର୍ଷ କାର୍ତ୍ତିକ ଶୁକ୍ଳ ଦ୍ବାଦଶୀରୁ ଚତୁର୍ଦ୍ଦଶୀ ଭିତରେ ଗୋଟିଏ ତିଥି ବୃଦ୍ଧିହୁଏ ବା ପୂର୍ବଦିନ ୬୦ ଦଣ୍ଡ ଭୋଗ ହେବାପରେ ପରଦିନ ସୂର୍ଯ୍ୟୋଦୟ ପରେ କିଛି ସମୟ ଥାଏ, ଯାହାକୁ ମଳ ତିଥି କହନ୍ତି, ସେ ବର୍ଷ ପଞ୍ଚୁକ ଛଅଦିନ ପଡ଼େ। ଏକାଦଶୀରୁ ପୂର୍ଣ୍ଣିମା ପର୍ଯ୍ୟନ୍ତ ପାଞ୍ଚଦିନ ମହାପ୍ରଭୁଙ୍କର ବିଭିନ୍ନ ପ୍ରକାର ବେଶ ହୁଏ ଓ ପୂର୍ଣ୍ଣିମା ଦିନ ସୁନାବେଶ ହୁଏ। ଯଦି ପଞ୍ଚୁକ ଛଅଦିନ ପଡ଼େ ତେବେ ମଳତିଥି ଦିନ ମହାପ୍ରଭୁଙ୍କର ନାଗାର୍ଜୁନ ବେଶ ବା ନାଗାର୍ଜୁନାନ୍ତକ ବେଶ ହୁଏ। ଏହାକୁ ପର୍ଶୁରାମ ବେଶ ବି କୁହାଯାଏ। ମହାଶକ୍ତିଶାଳୀ ତଥା ଦୁରାଚାରୀ ଓ ପ୍ରଜାପୀଡ଼କ ରାଜା ସହସ୍ରାର୍ଜୁନକୁ ପର୍ଶୁରାମ ବଧ କରିବାର ସ୍ମୃତିରେ ଏହା ପାଳନ କରାଯାଏ। ଅତୀତରେ ୧୯୯୩ ନଭେମ୍ବର ୨୬ ତାରିଖରେ ଏହି ଦୁର୍ଲଭ ବେଶ ଦେଖିବା ପାଇଁ ହୋଇଥିବା ଭିଡ଼ର ସୁପରିଚାଳନା କରାଯାଇ ନ ପାରିବାରୁ ଦଳାଚକଟା ହୋଇଥିଲା। ତା’ ପରେ ଏହି ବେଶ ୧୯୯୪ ମସିହାରେ ଏବଂ ପୂର୍ବରୁ ୧୯୬୮, ୧୯୬୭ ଓ ୧୯୬୬ ମସିହାରେ ହୋଇଥିଲା। ଶେଷଥର ପାଇଁ ୨୦୨୦ ନଭେମ୍ବର ୨୭ ତାରିଖରେ ଏହି ବେଶ ହୋଇଥିଲା। ହରିବାବୁ- ଏହାପରେ କେବେ ପଡ଼ିବ କହନ୍ତୁ? ୨୦୨୦ରେ ତ କୋଭିଡ୍‌ ଯୋଗୁଁ ଯାଇ ହେଲାନି। ଏଥର ନିଶ୍ଚୟ ଯିବା। ପଣ୍ଡିତ- ଏସବୁ ଭବିଷ୍ୟତ ଗଣନାର କଥା। ତେବେ ମୋ ଗଣନା ଅନୁସାରେ ଏହା ଆସନ୍ତା ୨୦୨୯ ମସିହାରେ ପଡ଼ିବ। ୨୦୨୯ ନଭେମ୍ବର ୨୦ ତାରିଖରେ ମଳ ଚତୁର୍ଦ୍ଦଶୀ ଦିନ ନାଗାର୍ଜୁନ ବେଶ ହେବ। ତା’ପରେ ୨୦୩୦ରେ ବି ଛଅଦିନିଆ ପଞ୍ଚୁକ ପଡୁଛି। ତାହା ୨୦୩୦ ‌ନଭେମ୍ବର ୯ ତାରିଖରେ ପଡ଼ିବ। ପୁଣି ୬ବର୍ଷ ପରେ ୨୦୩୬ ନଭେମ୍ବର ୨ ତାରିଖରେ ବି ନାଗାର୍ଜୁନ ବେଶ ଅଛି। ଜ୍ୟୋତିର୍ବିଦ୍, ମୋ-୭୦୦୮୯୬୦୫୦୨

ଖରିଆର ଜମିଦାରୀରୁ ନୂଆପଡ଼ା ଜିଲ୍ଲା

ସମ୍ବଲପୁରର ଶେଷ ରାଜା ଅପୁତ୍ରକ ହୋଇ ପ୍ରାଣତ୍ୟାଗ କରିବା ପରେ ରାଜସ୍ବତ୍ବ ଲୋପ ନୀତିରେ ସମ୍ବଲପୁର ୧୮୪୯ରେ ଇଂରେଜଙ୍କ ଅଧୀନକୁ ଗଲା। ୧୮୫୦ ଜାନୁଆରି ପହିଲାରେ ସ୍ବତନ୍ତ୍ର ଜିଲ୍ଲା ହୋଇ ବ୍ରିଟିସ୍‌ ସରକାରଙ୍କ ପ୍ରତ୍ୟକ୍ଷ ଶାସନକୁ ଆସିଲା। ଫଳରେ ମଧ୍ୟପ୍ରଦେଶର ଚିଫ୍ କମିସନର୍‌ ଏହାର ଶାସନ ଭାର ସମ୍ଭାଳିଲେ। ସେତେବେଳକୁ ଖରିଆର ଜମିଦାରୀ (ବର୍ତ୍ତମାନର ନୂଆପଡ଼ା ଜିଲ୍ଲା) ସମ୍ବଲପୁର ଜିଲ୍ଲାରେ ଥିଲା। ଏହାପରେ ୧୮୬୦ରେ ସମ୍ବଲପୁର ଜିଲ୍ଲା ମଧ୍ୟପ୍ରଦେଶରୁ ଆସି ଓଡ଼ିଶା ଡିଭିଜନ୍‌ ଅନ୍ତର୍ଗତ ବଙ୍ଗପ୍ରଦେଶରେ ମିଶିଲା। ପୁଣି ୧୮୬୨ରେ ମଧ୍ୟପ୍ରଦେଶର ଛତିଶଗଡ଼ ଡିଭିଜନ୍‌କୁ ଫେରିଗଲା ଏବଂ ୧୯୦୫ ଅକ୍‌ଟୋବର ୧୬ରେ ଖଣ୍ଡବିଖଣ୍ଡିତ ହୋଇ ଓଡ଼ିଶା ଡିଭିଜନ୍‌ରେ ପୁନଃ ସାମିଲ ହେଲା। ଏହି ମିଶ୍ରଣ‌ ବେଳେ ଖରିଆର ଜମିଦାରୀ ଓଡ଼ିଶାକୁ ନ ଆସି ମଧ୍ୟପ୍ରଦେଶର ରାୟପୁର ଜିଲ୍ଲାରେ ରହିଯାଇଥିଲା, ଯଦିଓ ସେଠାକାର ଭାଷା, ସଂସ୍କୃତି, ପ୍ରଜା, ଶାସକ ଓଡ଼ିଆ ଥିଲେ। ସ୍ବତନ୍ତ୍ର ଭାଷାଭିତ୍ତିକ ପ୍ରଦେଶ ଗଠନ ପାଇଁ ସୀମା ନିର୍ଦ୍ଧାରଣ କରିବାକୁ ୧୯୩୧ ସେପ୍‌ଟେମ୍ବର ୧୮ ତାରିଖରେ ଓଡୋନେଲ୍‌ କମିଟି ଗଠିତ ହେଲା। ଏହାପରେ କମିଟି ରାୟପୁରରେ ସାକ୍ଷ୍ୟ ଗ୍ରହଣକରି ମଧ୍ୟପ୍ରଦେଶର କୌଣସି ଅଂଶ ଓଡ଼ିଶାରେ ନମିଶାଇବାକୁ ନିଷ୍ପତ୍ତି କଲେ। ଖରିଆର ଜମିଦାରୀର ରାଜା ଥିଲେ ଆର୍ତ୍ତତ୍ରାଣ ସିଂହଦେଓ (୧୯୦୦-୧୯୪୬)। ବାଲ୍ୟକାଳରେ ପିତାଙ୍କୁ ହରାଇଥିବାରୁ ଖରିଆର ‘କୋର୍ଟ ଅଫ୍ ୱାର୍ଡସ୍’ (ବ୍ରିଟିସ୍‌ ପରିଚାଳନା)କୁ ଚାଲିଗଲା। ରାୟପୁରର ତତ୍‌କାଳୀନ ଜିଲ୍ଲାପାଳ ସାର୍ ଚିନ୍ତାମନ ଦ୍ବାରକାନାଥ ଦେଶମୁଖଙ୍କ ତତ୍ତ୍ବାବଧାନରେ ଆର୍ତ୍ତତ୍ରାଣଙ୍କ ଶିକ୍ଷା ବ୍ୟବସ୍ଥା କରାଗଲା। ଆର୍ତ୍ତତ୍ରାଣ ୧୯୨୧ରେ ସାବାଳକ ହେବାପରେ ଶାସନ ଭାର ହାତକୁ ନେଇଥିଲେ। ସେ ସମୟର ଜଣେ ନାମଜାଦା ଫୌଜଦାରୀ ଓକିଲ ତଥା ବ୍ୟବସ୍ଥାପକ ସଭାର ଆଇନ ସଭ୍ୟ ସାର୍ ହୀରା ଦାସ ଗୌରଙ୍କ ସହ ଆର୍ତ୍ତତ୍ରାଣଙ୍କ ପରିଚୟ ଥିଲା, କାରଣ ତାଙ୍କ ପିତା ରାଜା ବ୍ରଜରାଜ ସିଂହଦେଓ ଗୌରଙ୍କୁ ଉଚ୍ଚଶିକ୍ଷା ଲାଭରେ ସାହାଯ୍ୟ କରିଥିଲେ। ଓଡ଼ିଶା ପ୍ରଦେଶରେ ନ ମିଶିବାକୁ ରାଜା ଆର୍ତ୍ତତ୍ରାଣଙ୍କୁ ଉଭୟ ଗୌର ଓ ଦେଶମୁଖ ପ୍ରବର୍ତ୍ତାଇ ଥିଲେ। ସେମାନଙ୍କ ଦ୍ବାରା ପ୍ରଭାବିତ ହୋଇ ରାଜା ଓଡୋନେଲ୍‌ କମିଟିକୁ ଜଣାଇଦେଲେ ଯେ ଖରିଆର ଓଡ଼ିଶାରେ ମିଶିବ ନାହିଁ। ଏହାପରେ କମିସନ୍‌ ସାକ୍ଷ୍ୟ ଗ୍ରହଣ ଲାଗି ସମ୍ବଲପୁର ଆସିଲେ ଏବଂ ତତ୍‌କାଳୀନ ଡେପୁଟି କମିସନର୍‌ ନୀଳମଣି ସେନାପତିଙ୍କ ସରକାରୀ ବାସଭବନରେ ଅବସ୍ଥାନ କଲେ। ସେ ସମୟରେ ମଧ୍ୟପ୍ରଦେଶର ଡେପୁଟି କମିସନର ଥିବା ରବୀନ୍ଦ୍ରନାଥ ବେନାର୍ଜୀ ସମ୍ବଲପୁରର ଛାତ୍ର ଥିଲେ ଏବଂ ରାୟପୁର ଡେପୁଟି କମିସନର୍‌ ଥିବା ସମୟରେ ସେ ଅନୁଧ୍ୟାନ କରି ଜାଣିଥିଲେ ଯେ ବହୁ ଓଡ଼ିଆ ଭାଷାଭାଷୀ ଅଞ୍ଚଳ ମଧ୍ୟପ୍ରଦେଶରେ ରହିଛି। ଏ ସଂପର୍କରେ ସେ ସରକାରଙ୍କୁ ଅବଗତ କରାଇଥିଲେ। ଓଡୋନେଲ୍‌ କମିଟିକୁ ବେନାର୍ଜୀଙ୍କ ଏହି ରିପୋର୍ଟ ପ୍ରଦାନ କରାଗଲା। ତେବେ କମିଟି ଗମନାଗମନ ସୁବିଧା ନାହିଁ ଏବଂ ଜମିଦାରମାନେ ଓଡ଼ିଶା ସହ ମିଶିବାକୁ ରାଜି ନୁହନ୍ତି ବୋଲି ମତ‌ ରଖିଲେ। ପୁଣି ସଂପୃକ୍ତ ଅଞ୍ଚଳର ଭୂ-ବନ୍ଦୋବସ୍ତର ରେକର୍ଡ ହିନ୍ଦୀ ଭାଷାରେ ଅଛି ବୋଲି ଦର୍ଶାଇଲେ। ତେବେ ସ୍ଥାନୀୟ ଅଧିବାସୀ ସାକ୍ଷ୍ୟ ପ୍ରଦାନକରି ଜଣାଇଦେଲେ ଯେ ଜମିବାଡ଼ି କାଗଜାତ୍‌ ରୟତମାନଙ୍କୁ ଓଡ଼ିଆରେ ଦିଆଯାଇଥାଏ। ତା’ପରେ ହିନ୍ଦୀଭାଷୀ ଅଧିକାରୀଙ୍କ ସୁବିଧା ନିମନ୍ତେ ହିନ୍ଦୀରେ ପ୍ରସ୍ତୁତ ନକଲ କେବଳ ସରକାରୀ ରେକର୍ଡ ରୁମ୍‌ରେ ରଖାଯାଇଥାଏ। ସମ୍ବଲପୁରର ମହମ୍ମଦ୍‌ ସାଲିଆଙ୍କର ଖରିଆରରେ ପେଟ୍ରୋଲ ପମ୍ପ୍‌ ଥିଲା। ରାତିରେ ତାଙ୍କର ଫୋର୍ଡ ଗାଡ଼ି ଧରି ସମ୍ବଲପୁରରୁ ଖରିଆର ଯାଇ ପୁଣି ଫେରି ଆସିବାକୁ ଡେପୁଟି କମିସନର୍‌ ସେନାପତି ନିର୍ଦ୍ଦେଶ ଦେଲେ। ଏ କାର୍ଯ୍ୟସାରି ସାଲିଆ କମିଟି ଆଗରେ ପ୍ରାମାଣିକ ତଥ୍ୟ ସହ ସାକ୍ଷ୍ୟ ଦେଲେ ଯେ ଗମନାଗମନର କୌଣସି ଅସୁବିଧା ନାହିଁ। ଫଳରେ ଖରିଆର ଓଡ଼ିଶାରେ ମିଶିବା ଲାଗି ଉଠୁଥିବା ଆପତ୍ତିଗୁଡ଼ିକ କାଟ ଖାଇଗଲା। ଏହାପରେ ନୀଳମଣି ସେନାପତି ରାଜା ଆର୍ତ୍ତତ୍ରାଣ ସିଂହଦେଓଙ୍କ ସହିତ ବିସ୍ତୃତ ଆଲୋଚନା କରି ତାଙ୍କୁ ଓଡ଼ିଶାରେ ମିଶିବାକୁ ରାଜି କରାଇଲେ। ଶେଷରେ ୧୯୩୬ ଏପ୍ରିଲ୍‌ ପହିଲାରେ ସ୍ବତନ୍ତ୍ର ଓଡ଼ିଶା ପ୍ରଦେଶ ଗଠନ ବେଳେ ଖରିଆର ଜମିଦାରୀ ଓଡ଼ିଶାରେ ମିଶିଲା। ରେଳ ଷ୍ଟେସନ୍‌ଠାରୁ ଖରିଆର ବହୁ ଦୂରରେ ଥିବା ଯୋଗୁଁ ନୂତନ ଗ୍ରାମ ‘ଟନ୍‌ୱାନ୍ ନୂଆପଡ଼ା’ ସ୍ଥାପନ କରାଯାଇ ଏହାକୁ ଏକ ସବ୍‌ଡିଭିଜନ୍‌ ଭାବେ ଘୋଷଣା କରାଯାଇ ସମ୍ବଲପୁର ଜିଲ୍ଲାରେ ରଖାଯାଇଥିଲା। ନୂତନ ସବ୍‌ଡିଭିଜନ୍ ନୂଆପଡ଼ାଠାରୁ ବରଗଡ଼ର ସୋହେଲା ପର୍ଯ୍ୟନ୍ତ ରାସ୍ତା ନିର୍ମାଣ ଲାଗି ମାଗଣାରେ ନିଜ ଜମି ଦାନ କରି ରାଜା ଆର୍ତ୍ତତ୍ରାଣ ପ୍ରଶଂସାର ପାତ୍ର ହୋଇଥିଲେ। ୧୯୫୦ରେ କଳହାଣ୍ଡି ଜିଲ୍ଲା ଗଠନ ବେଳେ ସମ୍ବଲପୁର ଜିଲ୍ଲାରୁ ଯାଇ ନୂଆପଡ଼ା ସବ୍‌ଡିଭିଜନ୍‌ ସେଥିରେ ସାମିଲ ହୋଇଥିଲା। ଏହାପରେ ୧୯୯୦ରେ ନୂଆପଡ଼ା ସ୍ବତନ୍ତ୍ର ଜିଲ୍ଲା ‌ହୋଇଥିଲା।

ପୁରୁଷଙ୍କୁ ସ୍ତନ କର୍କଟ ବିରଳ ହେଲେ ବି ମାରାତ୍ମକ

ସ୍ତନ କର୍କଟ କହି‌େଲ ଆ‌ମ ମନକୁ ସାଧାରଣତଃ ମହିଳାମାନଙ୍କ କଥା ଆସିଥାଏ। ହେଲେ ଏବେ ପୁରୁଷ ମଧ୍ୟ ସ୍ତନ କର୍କଟ ଆକ୍ରାନ୍ତ ହେଲେଣି। ପୁରୁଷଙ୍କ ଠାରେ ସ୍ତନ କର୍କଟ ବିରଳ ହେଲେ ମଧ୍ୟ ଏହା ମହିଳାଙ୍କ ତୁଳନାରେ ଅଧିକ ମାରାତ୍ମକ। ମୋଟ ସ୍ତନ କର୍କଟ ମାମଲାର ପ୍ରାୟ ୧ରୁ ୨ ପ୍ରତିଶତ ପୁରୁଷଙ୍କ କ୍ଷେତ୍ରରେ ଦେଖାଯାଏ। ପୁରୁଷମାନଙ୍କର ସ୍ତନ ଟିସୁ ମହିଳାଙ୍କ ପରି ବୃଦ୍ଧି ପାଏନାହିଁ, କିନ୍ତୁ ସେମାନଙ୍କର ସ୍ତନ ନଳୀ ଥାଏ। ଏହି କାରଣରୁ ସେମାନଙ୍କୁ ମଧ୍ୟ ସ୍ତନ କର୍କଟ ହେବାର ଆଶଙ୍କା ଥାଏ। ପୁରୁଷମାନେ ଦୁଇ ପ୍ରକାରର ସ୍ତନ କର୍କଟରେ ଆକ୍ରାନ୍ତ ହୁଅନ୍ତି। ପ୍ରଥମଟି ହେଉଛି ‘ଡକ୍ଟଲ୍ କାର୍ସିନୋମା’ ଓ ଦ୍ୱିତୀୟଟି ‘ଲୋବୁଲାର୍‌ କାର୍ସିନୋମା’। ସ୍ତନ କର୍କଟ ବିଷୟରେ ସଚେତନତା ଅଭାବ ହେତୁ ପୁରୁଷମାନେ ପ୍ରାୟତଃ ଏହାର ଲକ୍ଷଣଗୁଡ଼ିକୁ ଅଣଦେଖା କରନ୍ତି। ଫଳରେ ଚିକିତ୍ସା ବିଳମ୍ବିତ ହୋଇଯାଏ। ପୁରୁଷମାନଙ୍କଠାରେ ସ୍ତନ କର୍କଟର ସମ୍ଭାବ୍ୟ କାରଣ ମଧ୍ୟରେ ରହିଛି ପାରିବାରିକ ଇତିହାସ, ଇଷ୍ଟ୍ରୋଜେନ୍ ହର୍‌ମୋନ୍‌ ବୃଦ୍ଧି ଓ ଅତ୍ୟଧିକ ମଦ୍ୟପାନ। ବିଶ୍ୱ ସ୍ୱାସ୍ଥ୍ୟ ସଂଗଠନ ୨୦୨୧ ମସିହାରେ ଆରମ୍ଭ କରିଥିବା ଗ୍ଲୋବାଲ୍ ବ୍ରେଷ୍ଟ୍ କ୍ୟାନ୍‌ସର୍‌ ଇନିସିଏଟିଭ୍ (ଜିବିସିଆଇ) ପ୍ରତିବର୍ଷ ୨.୫ ପ୍ରତିଶତ ସ୍ତନ କର୍କଟ ହ୍ରାସ କରିବା ଲକ୍ଷ୍ୟରେ କାର୍ଯ୍ୟ କରୁଛି। ୨୦୪୦ ମସିହା ବେଳକୁ ଏହି କାର୍ଯ୍ୟକ୍ରମ ୨.୫ ନିୟୁତ ଆକ୍ରାନ୍ତଙ୍କ ଜୀବନ ବଞ୍ଚାଇପାରିବ ବୋଲି ଆକଳନ କରାଯାଇଛି। ଏହି ଲକ୍ଷ୍ୟ ହାସଲ କରିବା ପାଇଁ ଜିବିସିଆଇ ତିନୋଟି ବିନ୍ଦୁ ଉପରେ ଗୁରୁତ୍ବ ଦେଉଛି- (୧) ପ୍ରାରମ୍ଭିକ ଅବସ୍ଥାରେ ଚିହ୍ନଟ, (୨)ସମୟାନୁସାରେ ରୋଗ ନିର୍ଣ୍ଣୟ ଓ (୩) ଉପଯୁକ୍ତ ଚିକିତ୍ସା।

Abandoned bus occupies the road: ରାସ୍ତା ମାଡ଼ିବସିଛି ପରିତ୍ୟକ୍ତ ବସ୍‌: ପୌରପାଳିକା ନୋଟିସ୍‌କୁ ଫୁ

ଜଟଣୀ: ଜଟଣୀ ପୌରପାଳିକା କର୍ତ୍ତୃପକ୍ଷଙ୍କ ନୋଟିସକୁ ବେଖାତିର କରି ଜଣେ ବସ୍‌ ମାଲିକ ୪ଟି ପୁରୁଣା ପରିତ୍ୟକ୍ତ ବସ୍‌ଗୁଡ଼ିକୁ ରାସ୍ତା କଡ଼ରେ ରଖିଛନ୍ତି। ଫଳରେ ରାସ୍ତା ସଂକୁଚିତ ହୋଇଯାଇଛି ଏବଂ ଅନ୍ୟାନ୍ୟ ସମସ୍ୟା ଉପୁଜିଛି। ବଡ଼ କଥା ହେଉଛି ପୌରପାଳିକା ଉକ୍ତ ଜାଗାରେ ପାଦଚଲା ରାସ୍ତା କରିବାକୁ ଯୋଜନା କରିଥିଲେ ହେଁ ବସ୍‌ଗୁଡ଼ିକ ଥିବାରୁ ତାହା ହୋଇପାରୁନାହିଁ। ଏଥିପାଇଁ ସ୍ଥାନୀୟ ଅଞ୍ଚଳର ଅଧିବାସୀଙ୍କ ଭିତରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ପୌରପାଳିକା କର୍ତ୍ତୃପକ୍ଷ ତୁରନ୍ତ ସେହି ବସ୍‌ଗୁଡ଼ିକୁ ରାସ୍ତା କଡ଼ରୁ ହଟାଇବାକୁ ବିହିତ ପଦକ୍ଷେପ ଗ୍ରହଣ କରିବାକୁ ଲୋକେ ଦାବି କରିଛନ୍ତି। ସମସ୍ୟାଟି ୮ନମ୍ବର ୱାର୍ଡର। ପୌରପାଳିକା କାର୍ଯ୍ୟାଳୟଠାରୁ ମାତ୍ର ୨୦୦ ମିଟର ଦୂରରେ ଏହି ସମସ୍ୟା ମୁଣ୍ଡ ଟେକି ଠିଆହୋଇଛି ଏବଂ କର୍ତ୍ତୃପକ୍ଷଙ୍କୁ ଚ୍ୟାଲେଞ୍ଜ୍ ଦେବା ଭଳି ସ୍ଥିତି। ରସ୍ତା ଦଖଲ ଯେତିକି ବଡ଼ ସମସ୍ୟା, ତା’ଠାରୁ ବଡ଼ ହେଉଛି ଆବର୍ଜନା ଓ ପ୍ରଦୂଷିତ ପରିବେଶ ସୃଷ୍ଟି। ବସ୍‌ଗୁଡ଼ିକ ଥିବା ଜାଗାରୁ ଅଳିଆ ସଫା ହୋଇପାରୁନି। ତେଣୁ ଜାଗାଟି ଜଙ୍ଗଲିଆ ହୋଇଗଲାଣି ଏବଂ ବିଷଧର ଜନ୍ତୁଜୁନ୍ତାଙ୍କ ବାସସ୍ଥଳୀ ପାଲଟିଛି। ତେଣୁ ସେହି ବାଟ ଦେଇ ଯାତାୟାତ କରିବା ବିପଦପୂର୍ଣ୍ଣ ବୋଲି ଲୋକେ ଅଭିଯୋଗ କରିଛନ୍ତି। ସେହିଭଳି ଦିନ ହେଉ କି ରାତି ହେଉ, ସେଠି ନିଶାଡ଼ିମାନଙ୍କ ଆଡ଼ା ଜମୁଛି। ଚଳିତ ବର୍ଷ ମାର୍ଚ୍ଚ ୯ତାରିଖ ମଧ୍ୟାହ୍ନରେ ହଠାତ୍ ଗୋଟିଏ ବସ୍ ରେ ନିଆଁ ଲାଗି ଯାଇଥିଲା। ଚାହୁଁଚାହୁଁ ନିଆଁ ଅନ୍ୟ ଏକ ବସ୍‌କୁ ଡେଇଁଥିଲା। ‌ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଥିଲା। ଆଉ ଟିକିଏ ବିଳମ୍ବ ହୋଇଥିଲେ ଅଗ୍ନିକାଣ୍ଡରେ ନିକଟସ୍ଥ ଦୋକାନ ବଜାର ପୋଡ଼ି ଯାଇଥାଆନ୍ତା ବୋଲି ସେତେବେଳେ ତୀବ୍ର ଉତ୍ତେଜନା ପ୍ରକାଶ ପାଇଥିଲା। ସେବେଠୁ ପୌରପାଳିକା କର୍ତ୍ତୃପକ୍ଷ, ବସ୍‌ମାଲିକଙ୍କୁ ବସ୍‌ଗୁଡ଼ିକ ସ୍ଥାନାନ୍ତର କରିବାକୁ ନୋଟିସ୍‌ କରିଚାଲିଛନ୍ତି। କିନ୍ତୁ ବସ୍‌ମାଲିକ ସେସବୁକୁ ଫୁ କରିଦେଇଛନ୍ତି। ଏନେଇ କାଉନ୍‌ସିଲର୍‌ ଇତିଶ୍ରୀ ଦାସ କହିଛନ୍ତି ଯେ ବାରମ୍ବାର ନୋଟିସ୍ ପରେ ବି ବସ୍‌ମାଲିକ ବେଖାତିର କରୁଛନ୍ତି। ତେଣୁ ଆଗକୁ ନିୟମ ଅନୁସାରେ ପଦକ୍ଷେପ ନିଆଯିବ। ସେହି ଜାଗାରୁ ବସ ହଟିଲେ, ସର୍ବସାଧାରଣ ପାଇଁ ପାଦଚଲା ରାସ୍ତା ନିର୍ମାଣ କରାଯିବାର ଲକ୍ଷ୍ୟ ରହିଛି। ଆଗାମୀ କାଉନ୍‌ସିଲର ବୈଠକରେ ଏହି ପ୍ରସଙ୍ଗ ପୁଣି ଉଠାଇବେ ବୋଲି ସେ କହିଛନ୍ତି।

ଆସ ଭୂତ ହେଇ ବୁଲିବା!

ପ୍ରତିବର୍ଷ ଅକ୍‌ଟୋବର ୩୧ ତାରିଖରେ ପୃଥିବୀର ବିଭିନ୍ନ ଦେଶରେ ପାଳନ କରାଯାଏ ଏକ ନିଆରା ପର୍ବ- ହାଲୋୱିନ୍‌। କ’ଣ ଏହି ଶବ୍ଦର ଅର୍ଥ? ସ୍କଟିସ୍‌ ଭାଷାରେ ହାଲୋୱିନ୍‌ ଶବ୍ଦର ଅର୍ଥ ହେଉଛି ସନ୍ଥମାନଙ୍କର ସଂଧ୍ୟା। ଦିବଂଗତ ପିତୃପୁରୁଷଙ୍କ ଉଦ୍ଦେଶ୍ୟରେ ପାଳନ କରାଯାଉଥିବା ଏହି ପର୍ବ ଖ୍ରୀଷ୍ଟ ଧର୍ମାବଲମ୍ବୀ ଆରମ୍ଭ କରିଥିଲେ ବୋଲି ବିଶ୍ବାସ କରାଯାଏ। ଇତିହାସ କହେ, ଏହି ପର୍ବ ପ୍ରଥମେ ଆୟର୍‌ଲାଣ୍ଡ୍ ଓ ସ୍କଟ୍‌ଲାଣ୍ଡ୍‌ରେ ପାଳନ ହେଉଥିଲା। କ୍ରମେ ଏହା ଅନ୍ୟ ଦେଶକୁ ପ୍ରସାରିତ ହେଲା। ୧୯୦୦ ମସିହାରେ ଏଥିରେ ଯୋଡ଼ିହେଲା ହାଲୋୱିନ୍‌ କଷ୍ଟ୍ୟୁମ୍‌। ଯେହେତୁ ନିଜର ପୂର୍ବପୁରୁଷଙ୍କୁ ସ୍ମରଣ କରିବା ଉଦ୍ଦେଶ୍ୟରେ ଏହି ପର୍ବ ପାଳିତ ହୁଏ, ତେଣୁ ଭୂତ ଭଳି ବେଶ ହୋଇ ପିଲାମାନେ ପଦାକୁ ବାହାରନ୍ତି। ପ୍ରଥମେ ପ୍ରଥମେ ପ୍ରେତାତ୍ମା, ଡାହାଣୀ, ଚିରୁଗୁଣି ଓ କଙ୍କାଳ ବନି ସେମାନେ ପର୍ବ ପାଳୁଥିଲେ। ଏବେ ସମୟ ଅନୁସାରେ ପୋଷାକ ଓ ସାଜସଜ୍ଜା ବଦଳିବାରେ ଲାଗିଛି। ବର୍ତ୍ତମାନ ଫିଲ୍ମ ଓ ଟିଭି ସିରିଜ୍‌ରେ ପ୍ରଦର୍ଶିତ ଚରିତ୍ର ଅନୁଯାୟୀ ପୋଷାକ ପିନ୍ଧାଯାଉଛି। ହାଲୋୱିନ୍‌ ଦିନ ଛୋଟ ଛୋଟ ପିଲାମାନେ ଭୌତିକ ପୋଷାକ ପିନ୍ଧି ଘରକୁ ଘର ବୁଲି ଚକୋଲେଟ୍‌ ମାଗିବା ପରମ୍ପରା ରହିଛି। ହାଲୋୱିନ୍‌‌େର ଖେଳାଯାଉଥିବା ଲୋକପ୍ରିୟ ଖେଳ ହେଉଛି ‘ଟ୍ରିକ୍‌ ଅର୍‌ ଟ୍ରିଟ୍‌’। ଛୋଟପିଲାମାନେ ଭୂତ ବେଶପକାଇ ଘରକୁ ଘର ଯାଆନ୍ତି ଓ ଗୃହକର୍ତ୍ତାଙ୍କୁ ପ୍ରଶ୍ନ କରନ୍ତି- ଟିକ୍‌ ନା ଟ୍ରିଟ୍‌? ଯଦି ଗୃହକର୍ତ୍ତା ଟ୍ରିଟ୍‌ ଚୟନ କରନ୍ତି ତେବେ ତାଙ୍କୁ ଚକୋଲେଟ୍‌ ଦେବାକୁ ହୁଏ। କିନ୍ତୁ, ଟ୍ରିକ୍‌ ଚୟନ କଲେ ପିଲାମାନେ ତାଙ୍କ ସହିତ ମଜାଳିଆ ଦୁଷ୍ଟାମି କରିଥାଆନ୍ତି। ହାଲୋୱିନ୍ ଦିନଟି ଭୂତପ୍ରେତମାନଙ୍କ ସ୍ବାଧୀନ ବିଚରଣ ଲାଗି ଉଦ୍ଦିଷ୍ଟ। ତେଣୁ ସେମାନଙ୍କ ରୂପରେ ସଜ୍ଜିତ ଶିଶୁମାନେ ଏହିପରି ଭାବେ ପର୍ବଟିକୁ ଉପଭୋଗ କରିଥାଆନ୍ତି। ହାଲୋୱିନ୍‌ ସହ ଜଡ଼ିତ ଆଉ ଏକ କୌତୁହଳପ୍ରଦ ପରମ୍ପରା ହେଉଛି ଜ୍ୟାକ୍‌ ଓ ଲାଣ୍ଟର୍ନ। ଆଲୁଅ ଦେଖାଇ ଦୁଷ୍ଟ ଆତ୍ମାଙ୍କୁ ଘଉଡ଼ାଇବା ପାଇଁ ବ୍ୟବହୃତ ଲଣ୍ଠନ ଏହି ପର୍ବରେ ପ୍ରସ୍ତୁତ କରାଯାଏ। ଗୋଟିଏ ବଡ଼ କଖାରୁକୁ କାଟି ଭିନ୍ନ ଭିନ୍ନ ଆକାରର ଲଣ୍ଠନ ତିଆରି କରାଯାଇଥାଏ। ତା’ପରେ ସେଥିରେ ଲାଇଟ୍‌ ଖଞ୍ଜାଯାଏ ଓ କଖାରୁ ଲଣ୍ଠନରୁ ଆଲୋକ ବିଚ୍ଛୁରିତ ହୁଏ। ପ୍ରଥମରୁ ଆୟର୍‌ଲାଣ୍ଡ୍, ସ୍କଟ୍‌ଲାଣ୍ଡ୍‌ ଓ ନର୍ଥ ଇଂଲଣ୍ଡ୍‌ରେ ଟ୍ରୁନିପ୍‌ ନାମକ ଏକ ଫଳକୁ କାଟି ଏହାକୁ ପ୍ରସ୍ତୁତ କରାଯାଉଥିଲା। ଏହା ପରେ ଆମେରିକୀୟମାନେ କଖାରୁକୁ ଏଥିପାଇଁ ବ୍ୟବହାର କରିଥିଲେ।

ବିଶେଷ କଥନ: ଭାରତ ଭୁଲିଯାଇଥିବା କାହାଣୀ, ରକ୍ଷିତା ମୋହରୁ ରାଜଗାଦି ଗଲା

୧୯୨୫ ମସିହା ଜାନୁଆରି ୧୨ ତାରିଖ। କାର୍‌ରେ ବମ୍ବେ ନଗରୀ ଉପକଣ୍ଠଗାମୀ ଧନିକ ଦମ୍ପତିଙ୍କ ଉପରେ ଅତର୍କିତ ଆକ୍ରମଣ ହେଲା। ସ୍ବାମୀଙ୍କୁ ଗୁଳିମାରି ଦୁର୍ବୃତ୍ତମାନେ ସ୍ତ୍ରୀଙ୍କୁ ଅପହରଣ କରିବାକୁ ଚେଷ୍ଟାକଲେ। କିନ୍ତୁ, ବ୍ରିଟିସ୍‌ ସୈନିକଙ୍କ ତତ୍ପରତା ହେତୁ ଜଣେ ଦୁର୍ବୃତ୍ତ ଧରାପଡ଼ିଗଲା ଓ ଆହତ ମହିଳା ପୁଲିସ ହେପାଜତରେ ରହିଲେ। ମାମୁଲି ହତ୍ୟାକାଣ୍ଡ ପରି ମନେହେଉଥିଲେ ବି ଏହା ଅନ୍ତରାଳେ ଥିଲା ବିରାଟ ଷଡ୍‌ଯନ୍ତ୍ର। ଏ ହତ୍ୟାକାଣ୍ଡ ବ୍ରିଟିସ୍‌ ଅମଳର ସବୁଠୁ ଭୟାବହ ଅପରାଧ ବୋଲି ତତ୍‌କାଳୀନ ସମ୍ବାଦପତ୍ର ଓ ପତ୍ରିକା ସବୁ ପ୍ରକ‌ାଶ କରିଥିଲେ। ଗଣିକା ଉଦ୍ଧାର ପାଇଁ ଗୁଳି ଅସଲରେ ଆକ୍ରମଣ ଶିକାର ପୁରୁଷ ଓ ନାରୀ ଦମ୍ପତି ନଥିଲେ। ଗୁଳିମାଡ଼ରେ ନିହତ ଯୁବକ ଥିଲେ ବମ୍ବେର ପ୍ରଭାବଶାଳୀ କପଡ଼ା ବ୍ୟବସାୟୀ ତଥା ନଗରୀର ସର୍ବକନିଷ୍ଠ ପୌରପାଳିକା ଅଧିକାରୀ ୨୫ ବର୍ଷୀୟ ଅବ୍‌ଦୁଲ୍‌ କାଦିର୍‌ ବାୱଲା। ତାଙ୍କ ସହଯାତ୍ରିଣୀ ଥିଲେ ମମ୍‌ତାଜ୍‌ ବେଗମ୍‌ ନାମ୍ନୀ ଜଣେ ୨୨ ବର୍ଷୀୟା ଯୁବତୀ। ମମ୍‌ତାଜ୍‌ ଥିଲେ ଇନ୍ଦୋର୍‌ର ପ୍ରଖ୍ୟାତ ଗଣିକା। ଇନ୍ଦୋର୍‌ ରାଜାଙ୍କ ମହଲରୁ ପଳାଇଆସି ଅଳ୍ପ କେଇମାସ ହେବ ସେ ବାୱଲାଙ୍କ ସହିତ ରହୁଥିଲେ। ସିନେମା ଶୈଳୀରେ ହତ୍ୟା ସେଦିନ ସନ୍ଧ୍ୟାରେ ମାଲାବାର୍‌ ହିଲ୍‌ସ୍‌ ଅଞ୍ଚଳରେ କାର୍‌ରେ ଯାଉଥିଲେ ବାୱଲା, ମମ୍‌ତା‌ଜ୍‌ ବେଗମ୍‌ ଓ ଆଉ ତିନିଜଣ। ହଠାତ୍‌ ଆଉ ଗୋଟାଏ କାର୍‌ ସେମାନଙ୍କ ‌କାର୍‌କୁ ଧକ୍କାଦେଲା। ଗାଡ଼ି ଅଟକିବା ମାତ୍ରେ ସେଥିରୁ ଦୁର୍ବୃତ୍ତମାନେ ବାହାରିଆସି ଚିତ୍କାର କଲେ, ‘‘ସେ ମହିଳାକୁ ଛାଡ଼ିଦିଅ।’’ ତା’ପରେ ସେମାନେ ବାୱଲାଙ୍କୁ ଗୁଳିକରି ମାରିଦେଲେ। ବ୍ରିଟିସ୍‌ ସୈନିକଙ୍କ ସହ ସଂଘର୍ଷ ଯୋଗକୁ ଗଲ୍‌ଫ୍‌ ଖେଳିସାରି ସେବାଟେ ଆସୁଥିବା ଦଳେ ବ୍ରିଟିସ୍‌ ସୈନିକ ଗୁଳିଫୁଟା ଶବ୍ଦଶୁଣି ଘଟଣାସ୍ଥଳକୁ ଧାଇଁଗଲେ। ଦୁର୍ବୃତ୍ତମାନେ ସେମାନଙ୍କ ଉପ‌ରକୁ ବି ଗୁଳି ଚଳାଇଲେ। ଗୁଳିମାଡ଼ରେ ଜଣେ ବ୍ରିଟିସ୍‌ ସୈନିକ ଆହତହେଲେ। ସେଠାରୁ ଖସିପଳାଇବା ଆଗରୁ ଦୁର୍ବୃତ୍ତ ମାନେ ବ୍ରିଟିସ୍‌ ସୈନିକଙ୍କଠାରୁ ଆହତ ମମ୍‌ତାଜ୍‌ଙ୍କୁ ଛଡ଼ାଇ ଆଣିବାକୁ ଉଦ୍ୟମକରି ବିଫଳହେଲେ। ଆକ୍ରମଣକାରୀଙ୍କ ମଧ୍ୟରୁ ସୈନିକମାନେ ଜଣଙ୍କୁ ଧରିପକାଇଲେ। ଇନ୍ଦୋର୍‌ରେ ଷଡ୍‌ଯନ୍ତ୍ର ଧରାପଡ଼ିଥିବା ଆକ୍ରମଣକାରୀ ଶାଫି ଅହମଦ୍‌ଠାରୁ ସୂଚନା ଆଦାୟକରି ବମ୍ବେ ପୁଲିସ ଇନ୍ଦୋର୍‌ରୁ ଆଉ ସାତଜଣଙ୍କୁ ଗିରଫକଲା। ଗିରଫ ହୋଇଥିବା ଅଧିକାଂଶ ଆକ୍ରମଣକାରୀ ପ୍ରାଦେଶିକ ରାଜ୍ୟ ଇନ୍ଦୋରରେ ଚାକିରି କରୁଥିଲେ। ଛୁଟି ଆବେଦନକରି ‌ସେମାନେ ବମ୍ବେ ଆସିଥିଲେ। ହତ୍ୟାକାଣ୍ଡ ବମ୍ବେରେ ଘଟିଥିଲେ ବି ଯୋଜନା ବ୍ରିଟିସ୍‌ ସରକାରଙ୍କ ସହିତ ନିବିଡ଼ ସମ୍ପର୍କ ଥିବା ଇନ୍ଦୋର୍‌ରେ ହୋଇଥିଲା ବୋଲି ତଦନ୍ତରୁ ଜଣାପଡ଼ିଲା। ଘଟଣା ବ୍ରିଟିସ୍‌ ସରକାରଙ୍କୁ ବଡ଼ ଅଡୁଆରେ ପକାଇଦେଲା। ବ୍ରିଟିସ୍‌ ରାଜ୍‌ର ଶକ୍ତିଶାଳୀ କରଦ ରାଜ୍ୟ ହୋଇଥିବାରୁ ଇନ୍ଦୋର୍‌ ରାଜାଙ୍କୁ ବିତାଡ଼ିତ କରିବା ଦୁରୂହ ବ୍ୟାପାର ଥିଲା। ତେଣୁ, ହତ୍ୟାକାଣ୍ଡରେ ଇନ୍ଦୋର୍‌ର ରାଜା ସଂଶ୍ଳିଷ୍ଟ ବୋଲି ହଠାତ୍‌ ବ୍ରିଟିସ୍‌ ସରକାର ଜଣାଇଲେ ନାହିଁ। କିନ୍ତୁ, ଅନୌପଚାରିକ ଭାବେ ଏକଥା ସର୍ବସାଧାରଣ ଅବଗ‌ତ ହେଲେ। ମମ୍‌ତାଜ୍‌ଙ୍କ ମାୟାରେ ମହାରାଜା ମୁସଲ୍‌ମାନ ହୋଇଥିଲେ ବି ମମ୍‌ତାଜ୍‌ ରହୁଥିଲେ ଇନ୍ଦୋର୍‌ର ହିନ୍ଦୁ ମହାରାଜା ତୃତୀୟ ତୁକୋଜୀ ରାଓ ହୋଲ୍‌କର୍‌ଙ୍କ ମହଲରେ। ଅସାମାନ୍ୟା ସୁନ୍ଦରୀ ମମ୍‌ତାଜ୍‌ଙ୍କ ସୌନ୍ଦର୍ଯ୍ୟର ତୁଳନା ନ ଥିଲା। ସେଥିପାଇଁ ମହାରାଜା ସବୁବେଳେ ତାଙ୍କୁ ନିଜ ପାଖାପାଖି ରଖୁଥିଲେ। ମମ୍‌ତାଜ୍‌ଙ୍କୁ କେବଳ ତାଙ୍କ ପରିବାର ଓ ସମ୍ପର୍କୀୟଙ୍କ ସହିତ ଦେଖା କରିବାକୁ ଅନୁମତି ଥିଲା। ସେତେବେଳେ ବି ମମ୍‌ତାଜ୍‌ଙ୍କ ନିକଟରେ ମହାରାଜାଙ୍କର କେହି ନା କେହି ଜଣେ ରହୁଥିଲେ। ନଜରବନ୍ଦୀ ରହିବା ଯୋଗୁଁ ମମ୍‌ତାଜ୍‌ ଖୁବ୍‌ କ୍ଷୁବ୍ଧ ହେଉଥିଲେ। କ୍ରମେ ମହାରାଜା ଓ ମମ୍‌ତାଜ୍‌ଙ୍କ ମଧ୍ୟରେ ସମ୍ପର୍କ ତିକ୍ତ ହୋଇଗଲା। ଇନ୍ଦୋର୍‌, ଅମୃତସର ଓ ବମ୍ବେ ଇନ୍ଦୋର୍‌ରେ ମମ୍‌ତାଜ୍‌ ଝିଅଟିଏ ଜନ୍ମଦେଲେ, କିନ୍ତୁ ଜନ୍ମ ହେବ‌ାକ୍ଷଣି ସେ ମରିଗଲା। ମମ୍‌ତାଜ୍‌ ରାଜାଙ୍କ ପାଖେ ଅଭିଯୋଗ କଲେ ଯେ ଜନ୍ମିତ ଶିଶୁଟି ଝିଅ ହୋଇଥିବାରୁ ନର୍ସମାନେ ତାକୁ ମାରିଦେଲେ। ତେଣୁ ତାଙ୍କର ଆଉ ଇନ୍ଦୋର୍‌ରେ ରହିବାକୁ ଇଚ୍ଛାନାହିଁ। ଅଳ୍ପକିଛି ମାସ ଭିତରେ ମମ୍‌ତାଜ୍‌ ଅନ୍ତଃପୁରରୁ ଖସି ତାଙ୍କ ମାଆଙ୍କ ଜନ୍ମସ୍ଥାନ ଅମୃତସର ଚାଲିଗଲେ। କିନ୍ତୁ, ସେଠାରେ ବି ପହଞ୍ଚିଗଲେ ମହାରାଜା। ମମ୍‌ତାଜ୍‌ଙ୍କୁ ଫେରିଯିବାକୁ ନିବେଦନ କଲେ। କିନ୍ତୁ, ମମ୍‌ତାଜ୍‌ ବମ୍ବେ ପଳାଇ ଆସିଲେ। ମମ୍‌ତାଜ୍‌ ଅପହରଣ ପାଇଁ ଯୋଜନା ବମ୍ବେ ପୋଲିସ୍‌ କମିସନର୍‌ ପ୍ୟାଟ୍ରିକ୍‌ କେଲି ବ୍ରିଟିସ୍‌ ସରକାରଙ୍କୁ ଜଣାଇଲେ ଯେ ଇନ୍ଦୋର୍‌ ରାଜା ଦୁର୍ବୃତ୍ତମାନଙ୍କୁ ଲଗାଇ ମମ୍‌ତାଜ୍‌ଙ୍କୁ ଅପହରଣ କରି ଆଣିବା ପାଇଁ ହିଁ ଯୋଜନା କରିଥିଲେ। ବିଭିନ୍ନ ଆଡୁ ସରକାର ଚାପଗ୍ରସ୍ତ ହେଲେ। ଅପରାଧୀକୁ ଧରିବାକୁ ବାୱଲାଙ୍କ ଧନବାନ୍‌ ମେମୋନ୍‌ ସମ୍ପ୍ରଦାୟ ସରକାରଙ୍କ ଉପରେ ଚାପ ପକାଇଲେ। ସହଯୋଗୀ ପୌର ଅଧିକାରୀମାନେ ବି ଚିନ୍ତାପ୍ରକଟ କଲେ। ଭାରତୀୟ ସାଂସଦମାନେ ବ୍ରିଟିସ୍‌ ଇଣ୍ଡିଆ ଉଚ୍ଚସଦନରେ ଉତ୍ତର ଦାବିକଲେ। ବ୍ରିଟିସ୍‌ ହାଉସ୍‌ ଅଫ୍‌ କମନ୍‌ସ୍‌ରେ ଏ ପ୍ରସଙ୍ଗ ଆଲୋଚିତ ହେଲା। ହାଇକୋର୍ଟରେ ଫଏସଲା ହେଲା ଶେଷରେ ବିଚାର ନିମନ୍ତେ ମାମଲା ବମ୍ବେ ହାଇକୋର୍ଟରେ ଆଗତ କରାଗଲା। ଅଦାଲତ ଏହି ମାମଲାରେ ତିନିଜଣଙ୍କୁ ମୃତ୍ୟୁଦଣ୍ଡ ଓ ତିନିଜଣଙ୍କୁ ଆଜୀବନ କାରାଦଣ୍ଡାଦେଶ ଦେଲେ। ଏହି ମାମଲାରେ ଅଦାଲତ ମହାରାଜାଙ୍କୁ କୌଣସି ପ୍ରକାର ଦାୟୀ କଲେନାହିଁ। କିନ୍ତୁ, ବିଚାରପତି ଏଲ୍‌ସି କ୍ରମ୍ପ୍‌ କହିଲେ, ‘‘ଆତତାୟୀଙ୍କୁ ମୁତୟନ କରିଥିବା ଲୋକଙ୍କୁ ଠିକ୍‌ ଭାବେ ଚିହ୍ନଟ କରାଯାଇ ପାରୁନାହିଁ। କିନ୍ତୁ, ଇନ୍ଦୋର ମହାରାଜାଙ୍କ ପାଖରେ ୧୦ ବର୍ଷ ରକ୍ଷିତା ଥିବା ଜଣେ ରମଣୀଙ୍କୁ ଅପହରଣ କରିବା ଲାଗି ଉଦ୍ୟମ କରାଯାଇଥିଲା। ତେଣୁ ସେଠାରୁ ଆକ୍ରମଣ ମସୁଧା କରାଯାଇଥିବା କଥା ଏଡ଼ାଇ ଦିଆଯାଇ ନ ପାରେ।’’ ଅବିଳମ୍ବେ ବ୍ରିଟିସ୍‌ ସରକାର ମହାରାଜାଙ୍କ ବିପକ୍ଷରେ କାର୍ଯ୍ୟାନୁଷ୍ଠାନ ଗ୍ରହଣ କରି ଦୁଇଟି ବିକଳ୍ପ ଦେଲେ- ତଦନ୍ତ ପାଇଁ କମିସନ୍‌ଙ୍କ ଆଗରେ ହାଜର ହୁଅ ନଚେତ୍‌ ରାଜପଦ ଛାଡ଼। ମହାରାଜା ରାଜପଦ ପରିତ୍ୟାଗ କଲେ।

Farming has provided employment: ଚାଷ ଦେଇଛି କବିତାଙ୍କୁ ରୋଜଗାର: ବାର୍ଷିକ ଆୟ ୨୦ ଲକ୍ଷ, ୧୦ରୁ ଅଧିକ ମହିଳାଙ୍କୁ ଦେଇଛନ୍ତି କାମ

ଅନୁଗୁଳ: ଦୃଢ଼ ଇଚ୍ଛାଶକ୍ତି ଓ ଉଦ୍ୟମ ଥିଲେ ଉପାୟ ଆପେ ଆପେ ଆସେ। ଅନୁଗୁଳ ବ୍ଲକ୍‌ ପୋକତୁଙ୍ଗା ଗାଁର କବିତା ଦେହୁରୀ ଏହାର ଜ୍ବଳନ୍ତ ଦୃଷ୍ଟାନ୍ତ। କଠିନ ପରିଶ୍ରମ ଏବଂ ନିଜ ଉଦ୍ୟମରେ ଚାଷ କରି ଏବେ ସେ ଲକ୍ଷପତି। ପୋକତୁଙ୍ଗା ଗାଁର କବିତା ୧୫ ବର୍ଷ ତଳୁ ଚାଷ ପାଇଁ ଉଦ୍ୟମ କରିଥିଲେ। ପ୍ରଥମେ ୩ ଏକର ଜାଗାରେ ଚାଷ ଆରମ୍ଭ କରିଥିବା ବେଳେ ଏବେ ୧୧ ଏକର ଜମିରେ ସୁନାର ଫସଲ ଫଳାଉଛନ୍ତି। ସେଥିମଧ୍ୟରୁ ୨ ଏକର ଜମିରେ କେବଳ କଦଳୀ ଚାଷ କରିଛନ୍ତି। ଏହାସହିତ ସେ ଅଦା, ହଳଦୀ, ପିଆଜ ଓ ରସୁଣ ଚାଷ କରି ବେଶ୍‌ ଲାଭବାନ ହେଉଛନ୍ତି। ଖାଲି ସେତିକି ନୁହେଁ ପୋଟଳ, ଝୁଡ଼ଙ୍ଗ, କଖାରୁ ଭଳି ପରିବା ମଧ୍ୟ ତାଙ୍କ ଜମିରୁ ବହୁଳ ଭାବେ ଉତ୍ପାଦନ ହେଉଛି। ତାଙ୍କ ପରିବା ନେବାକୁ କଟକ, ଭୁବନେଶ୍ବର ଅଞ୍ଚଳର ବ୍ୟବସାୟୀଙ୍କ ମଧ୍ୟରେ ପ୍ରତିଯୋଗିତା ଲାଗେ। ଅନୁଗୁଳ ଜିଲ୍ଲାର ବିଭିନ୍ନ ହାଟକୁ ମଧ୍ୟ ତାଙ୍କ ଜମିରୁ ଉତ୍ପାଦିତ ପରିବା ଯାଉଛି। ଏଥିରୁ ବାର୍ଷିକ ସେ ପ୍ରାୟ ୨୦ ଲକ୍ଷ ଟଙ୍କା ଆୟ କରୁଥିବା କବିତା କହିଛନ୍ତି। ସେହି ଟଙ୍କାରୁ ଚାଷରେ ବ୍ୟବହୃତ ହେଉଥିବା ସାର, ବିହନ ସେ କ୍ରୟ କରୁଛନ୍ତି। ସେହିପରି ଟ୍ରାକ୍ଟର, ବିଦ୍ୟୁତ୍‌ ବିଲ୍‌, ଶ୍ରମିକଙ୍କୁ ମଧ୍ୟ ସେ ପ୍ରାପ୍ୟ ଦେଉଛନ୍ତି। ଚାଷକାର୍ଯ୍ୟରେ ପ୍ରତିଦିନ ପୋକତୁଙ୍ଗା ଅଞ୍ଚଳର ୧୦ରୁ ଅଧିକ ମହିଳା ତାଙ୍କ କ୍ଷେତରେ କାମ କରି ରୋଜଗାର ପାଉଛନ୍ତି। ଚାଷରେ ସମସ୍ତ ଖର୍ଚ୍ଚ ପରେ ତାଙ୍କର ବାର୍ଷିକ ୧୦ ଲକ୍ଷ ଲାଭ ହେଉଛି। କବିତା ନିଜେ ଆତ୍ମନିର୍ଭରଶୀଳ ହେବା ସହିତ ଅନ୍ୟମାନଙ୍କୁ କାମ ଯୋଗାଇ ଆତ୍ମସନ୍ତୋଷ ଲାଭ କରୁଥିବା କହିଛନ୍ତି।

Gajapati faces 'montha' danger: ଗଜପତିକୁ ବିପଦ ‘ମୋନ୍ଥା’: ଭୂସ୍ଖଳନପ୍ରବଣ ଅଞ୍ଚଳରେ ସତର୍କ ସୂଚନା ଜାରି

ପାରଳାଖେମୁଣ୍ଡି: ଚଳିତ ବର୍ଷ ଅକ୍ଟୋବର ୨ ଲଗାଣ ବର୍ଷାରେ ଗଜପତି ଜିଲ୍ଲାରେ ଭୂସ୍ଖଳନ ସହ ମାଟିଅତଡ଼ା ଖସି ସହସ୍ରାଧିକ ଲୋକଙ୍କ ଜୀବନଜୀବିକା ଉଜୁଡ଼ିଗଲା। ୪ରୁ ଅଧିକ ଜୀବନ ଯାଇଥିଲା। ୩୨୫୭ ହେକ୍ଟର ଜମିରେ ଫସଲ ଉଜୁଡ଼ିଗଲା। ରାସ୍ତା ଓ ଘରଦ୍ବାର ନଷ୍ଟ ହୋଇଯାଇଥିଲା। ଜିଲ୍ଲାରେ ପାଖାପାଖି ଶହେ କୋଟି ଟଙ୍କାର କ୍ଷୟକ୍ଷତି ହୋଇଥିଲା। ରାୟଗଡ଼ ବ୍ଲକ୍‌ ପେକେଟ ଗାଁର ବାପପୁଅ ନିଖୋଜ ହୋଇଯାଇଥିବା ବେଳେ ଆଜିଯାଏଁ ସେମାନଙ୍କ ପତ୍ତା ମିଳିପାରିନି। ଏଯାବତ୍‌ ସେହି ବିପର୍ଯ୍ୟୟର କ୍ଷତିଭରଣା ହୋଇ ନଥିବା ବେଳେ ପୁଣି ସମ୍ଭାବ୍ୟ ବାତ୍ୟା ‘ମୋନ୍ଥା’କୁ ନେଇ ଜିଲ୍ଲାବାସୀ ଆତଙ୍କିତ। ‘ମୋନ୍ଥା’ ସୀମାନ୍ତ ଆନ୍ଧ୍ରର ଶ୍ରୀକାକୁଲାମ ଉପକୂଳରେ ସ୍ଥଳଭାଗକୁ ଛୁଇଁବ ବୋଲି ପାଣିପାଗ ବିଭାଗ ଆକଳନ କରୁଛି। ଫଳରେ ଗଜପତି ଜିଲ୍ଲା ଉପରେ ଏହାର ଯଥେଷ୍ଟ ପ୍ରଭାବ ପଡ଼ିବାର ସମ୍ଭାବନା ରହିଛି। ଭୂସ୍ଖଳନପ୍ରବଣ ଅଞ୍ଚଳରେ ସତର୍କ ସୂଚନା ଜାରି ପୂର୍ବ ବିପର୍ଯ୍ୟୟର କ୍ଷତି ଭରଣା ହୋଇନି ୨୫୪ ଅସ୍ଥାୟୀ, ୬ ସ୍ଥାୟୀ ବାତ୍ୟା ଆଶ୍ରୟସ୍ଥଳୀ ପ୍ରସ୍ତୁତ ଜିଲ୍ଲା ପାଇଁ ସ୍ବତନ୍ତ୍ର ସହାୟତା ରାଶି ଘୋଷଣା ହୋଇନି: ବିଧାୟକ ବାତ୍ୟା ମୁକାବିଲା ପାଇଁ ଜିଲ୍ଲା ପ୍ରଶାସନ ସମସ୍ତ ୭ଟି ବ୍ଲକ୍‌ରେ ବରିଷ୍ଠ ଅଧିକାରୀମାନଙ୍କୁ ନୋଡାଲ୍‌ ଅଧିକାରୀ ଭାବେ ନିୟୋଜିତ କରିଛି। ସମସ୍ତ ଅଧିକାରୀ ଓ କର୍ମଚାରୀଙ୍କ ଛୁଟି ବାତିଲ ସହ ମୁଖ୍ୟାଳୟ ନଛାଡ଼ିବାକୁ ନିର୍ଦ୍ଦେଶ ଦିଆଯାଇଛି। ଜିଲ୍ଲାରେ ୨୫୪ ଅସ୍ଥାୟୀ ଓ ୬ଟି ସ୍ଥାୟୀ ବାତ୍ୟା ଆଶ୍ରୟସ୍ଥଳୀ ପ୍ରସ୍ତୁତ ସହ ଆବଶ୍ୟକ ସାମଗ୍ରୀ ମହଜୁଦ ରଖିବାକୁ ନିର୍ଦ୍ଦେଶ ଦିଆଯାଇଥିବା ଅତିରିକ୍ତ ଜିଲ୍ଲାପାଳ ମୁନୀନ୍ଦ୍ର ହୋନନାଗା କହିଛନ୍ତି। ସେହିଭଳି ଜିଲ୍ଲାର ସମସ୍ତ ଭୂସ୍ଖଳନପ୍ରବଣ ଅଞ୍ଚଳ ଓ ସମ୍ଭାବ୍ୟ ଭୂସ୍ଖଳନସ୍ଥଳ ନିକଟରେ ରହୁଥିବା ଲୋକଙ୍କୁ ସତର୍କ ରହିବାକୁ ମାଇକ୍‌ ଜରିଆରେ ପରାମର୍ଶ ଦିଆଯାଇଛି। ଜିଲ୍ଲାପାଳ ମଧୁମିତାଙ୍କ ଅଧ୍ୟକ୍ଷତାରେ ପ୍ରସ୍ତୁତି ବୈଠକରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ଏବଂ ସ୍ବତନ୍ତ୍ର ରିଲିଫ କମିସନର ଭିସି ଯୋଗେ ସମୀକ୍ଷା କରିଛନ୍ତି। ମୋଟାମୋଟି ଭାବେ ବାତ୍ୟା ମୁକାବିଲା ପାଇଁ ପ୍ରଶାସନ ପ୍ରସ୍ତୁତ ରହିଥିବା ଶ୍ରୀ ହୋନନାଗା ସୂଚନା ଦେଇଛନ୍ତି। ଜିଲ୍ଲା ପ୍ରଶାସନର ଖାମଖିଆଲି ଯୋଗୁ ଗତ ୨ ତାରିଖ ଭୂସ୍ଖଳନ କ୍ଷୟକ୍ଷତିର ତଥ୍ୟ ରାଜ୍ୟ ସରକାରଙ୍କ ପାଖରେ ଉପସ୍ଥାପନ ହୋଇପାରିନି। ପ୍ରାକୃତିକ ବିପର୍ଯ୍ୟୟପ୍ରବଣ ଏହି ଜିଲ୍ଲା ପ୍ରତି ସରକାର ଅଣଦେଖା କରୁଛନ୍ତି ବୋଲି ବିଧାୟକ ରୂପେଶ କୁମାର ପାଣିଗ୍ରାହୀ ଅଭିଯୋଗ କରିଛନ୍ତି। କୌଣସି ମନ୍ତ୍ରୀ କିମ୍ବା ସଚିବ କ୍ଷୟକ୍ଷତି ଅନୁଧ୍ୟାନ ପାଇଁ ଆସିଲେନି। ସ୍ବତନ୍ତ୍ର ସହାୟତା ରାଶି ଘୋଷଣା ନହେବା ପରିତାପର ବିଷୟ ବୋଲି ସେ କହିଛନ୍ତି।

ବୁଲାବୁଲି: ନଦୀଦ୍ବୀପ ମାଜୁଲୀ

ପର୍ଯ୍ୟଟକମାନଙ୍କ ପାଇଁ ମାଜୁଲୀ ଭଳି ସୁନ୍ଦର ତଥା ସମ୍ମୋହନ କଲାଭଳି ସ୍ଥାନ ଦେଶରେ କ୍ବଚିତ୍‌ ଅଛି। ଏଠାକାର ପ୍ରାକୃତିକ ସୌନ୍ଦର୍ଯ୍ୟ, ଶାନ୍ତ ଗ୍ରାମୀଣ ଜୀବନ ଏବଂ ନାନାଜାତି ଉଦ୍ଭିଦ ଓ ପକ୍ଷୀଙ୍କ ଉପସ୍ଥିତି ପର୍ଯ୍ୟଟକମାନଙ୍କୁ ଖୁବ୍‌ ଆକୃଷ୍ଟ କରେ। ଆସାମର ଆତ୍ମା ରୂପେ ବିଦିତ ବିଶ୍ବର ବୃହତ୍ତମ ନଦୀଦ୍ବୀପ ମାଜୁଲୀ। ୪୨୧ ବର୍ଗ କିଲୋମିଟର୍‌ ପରିବ୍ୟାପ୍ତ ଏହି ଦ୍ବୀପାଞ୍ଚଳର ଦକ୍ଷିଣ ଓ ପୂର୍ବ ପ୍ରାନ୍ତରେ ବ୍ରହ୍ମପୁତ୍ର ନଦୀ, ପଶ୍ଚିମ ପ୍ରାନ୍ତରେ ସୁବନଶିରୀ ନଦୀ ପ୍ରବାହିତ ଏବଂ ଉତ୍ତର ପ୍ରାନ୍ତରେ ବ୍ରହ୍ମପୁତ୍ର ନଦୀରୁ ଶାଖା ସ୍ରୋତଟିଏ ବାହାରି କିଛିବାଟ ଯାଇ ପୁନଶ୍ଚ ବ୍ରହ୍ମପୁତ୍ର ସହିତ ମିଳିତ ହେଉଛି। ମାଜୁଲୀ ନ ଗଲେ ଆସାମ ଭ୍ରମଣ ଅପୂର୍ଣ୍ଣ ବୋଲି କହିଲେ ଅତ୍ୟୁକ୍ତି ହେବନାହିଁ। ମଧ୍ୟ-ନଭେମ୍ବର ସର୍ବୋତ୍ତମ ବର୍ଷକ ବାରମାସ ଏ ଦ୍ବୀପ ପର୍ଯ୍ୟଟନ କରିହେଉଥିଲେ ବି ସର୍ବୋତ୍ତମ ପରିଭ୍ରମଣ ସମୟ ହେଉଛି ନଭେମ୍ବର ମଧ୍ୟଭାଗ। ସେତେବେଳେ ଏଠାକାର ମୁଖ୍ୟ ପର୍ବ ଭଗବାନ ଶ୍ରୀକୃଷ୍ଣଙ୍କ ଲୀଳା ଉପରେ ଆଧାରିତ ରାସ ଉତ୍ସବ ଚାଲିଥାଏ। ମାଜୁଲୀର ପ୍ରାକୃତିକ ବିସ୍ମୟ ଅନ୍ବେଷଣ କରିବା ଏବଂ ପ୍ରମୁଖ ଦର୍ଶନୀୟ ସ୍ଥାନ ସବୁ ବୁଲି ଦେଖିବାକୁ ଦୁଇରୁ ତିନିଦିନ ଆବଶ୍ୟକ। ଏଠାରେ ଥିବା ବିଶେଷ ଦର୍ଶନୀୟ ସ୍ଥାନଗୁଡ଼ିକ ହେଉଛି ଆଉନୀଆଟୀ ସତ୍ର, ଦକ୍ଷିଣପାଟ ସତ୍ର, ଉତ୍ତର କମଳାବାଡ଼ି ସତ୍ର, ନତୂନ କମଳାବାଡ଼ି ସତ୍ର, ବେଙ୍ଗେନଟୀ ସତ୍ର, ସାମଗୁରୀ ସତ୍ର, ଭୋଗପୁର ସତ୍ର, ଆଦି ଅଲେଙ୍ଗୀ ସତ୍ର, ଅଲେଙ୍ଗୀ ସତ୍ର ଓ ସାଲ୍‌ମରା ମାଟିପାତ୍ର ଗ୍ରାମ। ସତ୍ର କ’ଣ? ଅାସାମର ନବ ବୈଷ୍ଣବବାଦ ନାଭିଚକ୍ର ଭାବେ ପ୍ରସିଦ୍ଧ ମାଜୁଲୀ ଦ୍ବୀପରେ ପ୍ରାୟ ୨୨ଟି ସତ୍ର ବା ମଠ ରହିଛି। ଷୋଡ଼ଶ ଶତାବ୍ଦୀରେ ମହାନ୍‌ ଆସାମୀୟ ସନ୍ଥ ତଥା ସଂସ୍କାରକ ଶ୍ରୀମନ୍ତ ଶଙ୍କରଦେବ ଓ ତାଙ୍କ ଶିଷ୍ୟ ମାଧବଦେବ ରାଜ୍ୟରେ ନବ ବୈଷ୍ଣବବାଦ ପ୍ରବର୍ତ୍ତନ କରିଥିଲେ। ସେମାନେ ହିଁ ସତ୍ର ପ୍ରତିଷ୍ଠା ଅୟମାରମ୍ଭ କରିଥିଲେ। ଏଗୁଡ଼ିକ ଆଧ୍ୟାତ୍ମ, ସାହିତ୍ୟ, ନୃତ୍ୟ ଓ ସଂଗୀତର ପୀଠ ଥିଲା। ଯୁଗ ଯୁଗ ଧରି ଏ ଦ୍ବୀପ ନବ ବୈଷ୍ଣବବାଦ ଦର୍ଶନ, ନୃତ୍ୟ, ସଂଗୀତ, ଚିତ୍ରକଳା, ଭାସ୍କର୍ଯ୍ୟ ଓ ଧାର୍ମିକ ନାଟକ ନିମନ୍ତେ ପ୍ରସିଦ୍ଧି ଅର୍ଜନ କରିଛି। ସବୁଠୁ ବଡ଼ ପର୍ବ ରାସ ମହୋତ୍ସବ ମାଜୁଲୀ ଦ୍ବୀପର ସବୁଠୁ ବଡ଼ ଆକର୍ଷଣୀୟ ପର୍ବ ହେଉଛି ରାସ ମହୋତ୍ସବ। ପ୍ରତିବର୍ଷ ନଭେମ୍ବର ମାସରେ ପାଳିତ ଏହି ଉତ୍ସବରେ ପ୍ରସିଦ୍ଧ ଭାଓନା ନାଟକ ସମେତ ଅନ୍ୟାନ୍ୟ ବହୁ ସାଂସ୍କୃତିକ କର୍ଯ୍ୟକ୍ରମ ପରିବେଷଣ କରାଯାଏ। ସତ୍ତ୍ରୀୟ ନୃତ୍ୟର ରହସ୍ୟମୟ ମୁଦ୍ରା ସ୍ବଚକ୍ଷୁରେ ଦେଖିବା ସହିତ ପରିବ୍ରାଜକମାନେ ସତ୍ତ୍ରୀୟ ନୃତ୍ୟ ତାଳେ ତାଳେ ଝୁମିପାରିବେ। ସମଗ୍ର ଭାରତ ଓ ବିଦେଶରୁ ଭକ୍ତ ଓ ପର୍ଯ୍ୟଟକଙ୍କ ଆଗମନ ଯୋଗୁଁ ଏହି ମହୋତ୍ସବ ବେଳେ ସମଗ୍ର ମାଜୁଲୀ ଦ୍ବୀପ ଚଳଚଞ୍ଚଳ ହୋଇଉଠେ। ପକ୍ଷୀପ୍ରେମୀଙ୍କ ଅମରାବତୀ ମାଜୁଲୀ ଦ୍ବୀପ ବିଦେଶାଗତ ପକ୍ଷୀମାନଙ୍କ ପାଇଁ ନିରାପଦ ରହଣି ସ୍ଥାନ। ତା’ଛଡ଼ା କେତେକ ବିଲୟମୁଖୀ ଓ ଦୁର୍ଲଭ ପକ୍ଷୀ ବାସ କରୁଥିବାରୁ ଏହା ପକ୍ଷୀ ପର୍ଯ୍ୟବେକ୍ଷକ ଓ ପ୍ରକୃତିପ୍ରେମୀଙ୍କ ଅମରାବତୀ ହୋଇପାରିଛି। ଏ ଦ୍ବୀପର ଜଳାଭୂମିକୁ ସାଇବେରିଆ ଓ ୟୁରୋପ୍‌ ଆଦି ସୁଦୂର ସ୍ଥାନରୁ ପକ୍ଷୀମାନେ ଆସନ୍ତି। ବିଶେଷକରି ଶୀତଋତୁରେ ବିଦେଶାଗତ ପକ୍ଷୀକୁଳ ମାଜୁଲୀକୁ ସେମାନଙ୍କ ଅସ୍ଥାୟୀ ନିବାସ କରିପକାଇଥାଆନ୍ତି। ତେଣୁ ପକ୍ଷୀପ୍ରେମୀ ଏଠାରେ ଅନେକ ପ୍ରକାର ପକ୍ଷୀ ଦେଖିପାରନ୍ତି। ନୌକାବିହାର ଓ ଗ୍ରାମ୍ୟଜୀବନ ଏଠାରେ ଭ୍ରମଣକରି ଗ୍ରାମୀଣ ଜନଜାତି ତଥା ଆଦିନିବାସୀଙ୍କ ଜୀବନଚର୍ଯ୍ୟା ଓ ବେଉସା ଅତି ନିକଟରୁ ଉପଲବ୍ଧି କରିହେବ। ବିସ୍ତୀର୍ଣ୍ଣ ଧାନବିଲ, ବାଉଁଶବଣ, କଦଳୀବଣ ଓ ଆଖୁକିଆରି ନିମନ୍ତେ ବି ଏ ଦ୍ବୀପ ଖୁବ୍‌ ପ୍ରସିଦ୍ଧ। ମାଜୁଲୀ ଦ୍ବୀପବାସୀଙ୍କ ମୂଳ ବେଉସା ହେଉଛି ଧାନଚାଷ। ଏହାଛଡ଼ା, ଦ୍ବୀପବାସିନ୍ଦା ମାଛମାରିବାରେ ପ୍ରବୀଣ। ଇଚ୍ଛାକଲେ ପର୍ଯ୍ୟଟକମାନେ ସ୍ଥାନୀୟ ଲୋକଙ୍କ ସହିତ ମିଶି ମାଛମାରି ପାରିବେ ନତୁବା ମତ୍ସ୍ୟଜୀବୀମାନେ ଜାଲ ଫିଙ୍ଗି ମାଛ ମାରୁଥିବା ଦେଖିପାର‌ିବେ। କିଛି ନ ହେଲେ ନୌକାରେ ବସି ନଦୀରେ ବୁଲି ମାଜୁଲୀ ଦ୍ବୀପର ଶାନ୍ତ ସୌନ୍ଦର୍ଯ୍ୟ ଉପଭୋଗ କରିପାରିବେ। ହସ୍ତତନ୍ତ ଓ ହସ୍ତକଳା ତନ୍ତରେ ବସ୍ତ୍ର ବୁଣିବାରେ ବି ମାଜୁଲୀବାସୀ ପ୍ରବୀଣ। ସୂକ୍ଷ୍ମ କାରୁକାର୍ଯ୍ୟଭରା ପାରମ୍ପରିକ ଆସାମୀୟ ବସ୍ତ୍ର ହେଉଛି ସ୍ଥାନୀୟ ଅଞ୍ଚଳର ବିଶେଷତ୍ବ। ସ୍ଥାନୀୟ ଗାଁ’ରେ ମିସିଙ୍ଗ୍‌ ଜନଜାତି ଅତି ସୂକ୍ଷ୍ମକାରୁକାର୍ଯ୍ୟ ଥିବା ବସ୍ତ୍ର ବୁଣନ୍ତି। ସେଠାକାର ସୁନ୍ଦର ହାତବୁଣା ଗାମୁଛା ଓ ମେଖଳା ଚାଦର ବି ଖରିଦ କରିପାରିବେ। ସେହିପରି ମାଜୁଲୀ ଦ୍ବୀପ ପୌରାଣିକ ଚରିତ୍ରମାନଙ୍କ ମୁଖା ଓ ମାଟିପାତ୍ର ନିର୍ମାଣ ପାଇଁ ବି ପ୍ରସିଦ୍ଧ। ଚାହିଲେ ପର୍ଯ୍ୟଟକମାନେ ସେଗୁଡ଼ିକୁ କ୍ରୟକରି ଆଣିପାରିବେ। ଆଦିବାସୀ ବ୍ୟଞ୍ଜନ ଖାଦ୍ୟରସିକମାନେ ବି ଏଠାରେ ଅନେକ ପ୍ରକାର ଆଦିବାସୀ ଆମିଷ ବ୍ୟଞ୍ଜନ ଖାଇପାରିବେ। ଆଳୁ-ମାଛ ପତ୍ରବମ୍ଫା, ବାଉଁଶକାଠିରେ ଫୋଡ଼ା କୁକୁଡ଼ାମାଂସ ପୋଡ଼ା, କଦଳୀପତ୍ରରେ ଗୁଡ଼ାଇ ପୋଡ଼ାଯାଇଥିବା କୁକୁଡ଼ାମାଂସ ଅଥବା ମାଛ ଓ ଶୁଖୁଆ ଚଟଣି ଭଳି ସୁସ୍ବାଦୁ ବ୍ୟଞ୍ଜନ ଏଠାକାର ପ୍ରସିଦ୍ଧ ତଥା ପାରମ୍ପରିକ ଆଦିବାସୀ ରନ୍ଧନ। ଗମନାଗମନ ଜୋର୍‌ହାଟ୍‌ସ୍ଥିତ ନିମତି ଘାଟରୁ ମାଜୁଲୀ ଦ୍ବୀପକୁ ନିୟମିତ ଡଙ୍ଗା ଆତଯାତ କରେ। ସେଥିରେ ଏଠାକୁ ଆସିହେବ। ମାଜୁଲୀ ଦ୍ବୀପ ନିକଟବର୍ତ୍ତୀ ସହର ହେଉଛି ଜୋର୍‌ହାଟ୍‌। ସେ ସହରକୁ ଦେଶର ଅନ୍ୟାନ୍ୟ ପ୍ରାନ୍ତରୁ ବିମାନ ଗମନାଗମନ କରେ। ଗୌହାଟୀରୁ ଟ୍ରେନ୍‌ ଯୋଗେ ବି ମାଜୁଲୀ ଯାଇହେବ। କିଛି ନ ହେଲେ, ଜୋର୍‌ହାଟ୍‌ରୁ ଟ୍ୟାକ୍ସି ନେଇ ମାଜୁଲୀ ଯାଇଆସିହେବ।ରହଣିପର୍ଯ୍ୟଟକମାନଙ୍କ ସୁବିଧା ନିମନ୍ତେ ମାଜୁଲୀରେ ଅନେକ ପ୍ରକାର ରହଣି ବ୍ୟବସ୍ଥା ରହିଛି। ବାଉଁଶ କୁଟୀର ଓ ହୋମ୍‌ଷ୍ଟେ ଠାରୁ ନେଇ ସତ୍ରରେ ବି ପର୍ଯ୍ୟଟକମାନେ ରହିପାରିବେ। ଅବଶ୍ୟ ଭକ୍ତ ଓ ସେ ଜାତୀୟ ପରିବ୍ରାଜକଙ୍କ ନିମନ୍ତେ ସତ୍ରଗୁଡ଼ିକରେ ଭଲ ସୁବିଧା ରହିଛି।

ରଣଜୀ ଟ୍ରଫି: ଓଡ଼ିଶା ୨୪୩ ରନ୍‌ରେ ଆଉଟ୍‌

ଭୁବନେଶ୍ବର: ରଣଜୀ ଟ୍ରଫିର କ୍ରମାଗତ ମ୍ୟାଚ୍‌ରେ ଓଡ଼ିଶା ପ୍ରଭାବୀ ବ୍ୟାଟିଂ କରିବାରେ ବିଫଳ ହୋଇଛି। ବାରବାଟୀରେ ବରୋଦା ନିକଟରୁ ହାରି କାନପୁର ଯାଇଥିବା ଶୁଭ୍ରାଂଶୁ‌ ସେନାପତିଙ୍କ ଦଳ ଉତ୍ତରପ୍ରଦେଶ ବିପକ୍ଷ ପ୍ରଥମ ପାଳିରେ ୨୪୩ ରନ୍‌ କରି ସମସ୍ତ ୱିକେଟ୍ ହରାଇଛି। ଶୀର୍ଷକ୍ରମ ବ୍ୟାଟରଙ୍କ ବିଫଳତା କାରଣରୁ ୩୬/୩ରେ ସଂଘର୍ଷ କରିଥିବା ଓଡ଼ିଶାକୁ ସନ୍ଦୀପ ପଟ୍ଟନାୟକ (୫୩ ରନ୍‌, ୧୩୮ ବଲ୍‌, ୮ ଚୌକା) ଏବଂ ଗୋବିନ୍ଦ ପୋଦ୍ଦାର (୬୪ ରନ୍, ୧୦୯ ବଲ୍‌, ୭ ଚୌକା) ବିପଦରୁ ବାହାର କରିଥିଲେ। ଉଭୟ ଚତୁର୍ଥ ୱିକେଟ୍ ପାଇଁ ୯୨ ରନ୍ ଯୋଡ଼ିଥିଲେ। ଅପରାହ୍ଣରେ ଉଭୟ କ୍ରିଜ୍‌ରୁ ବିଦାୟ ନେବା ପରେ ଓଡ଼ିଶା ପୁଣି ୧୩୧/୬ରେ ସଂଘର୍ଷ କରିଥିଲା। ପ୍ରଥମ ପଦାର୍ପଣ କରିଥିବା ସମ୍ବିତ ବରାଳ (୯୦ ବଲରୁ ୫୯* ରନ୍‌, ୭ ଚୌକା, ୩ ଛକା) ଶେ‌ଷ ପର୍ଯ୍ୟନ୍ତ ଲଢ଼ିଥିଲେ। ପ୍ରଥମ ପଦାର୍ପଣରେ ଅର୍ଦ୍ଧଶତକ ହାସଲ କରିଥିବା ସମ୍ବିତ ବରାଳଙ୍କୁ ରଣଜୀ କ୍ୟାପ୍‌ ପ୍ରଦାନ କରୁଛନ୍ତି ପ୍ରବନ୍ଧକ ସଂଗ୍ରାମ କେଶରୀ ଗୁମାନସିଂହ ରାଜେଶ ମହାନ୍ତି (୫୭ ବଲ୍‌ରୁ ୪୮ ରନ୍, ୫ ଚୌକା, ୩ ଛକା)ଙ୍କ ସହ ସେ ୯୪ ରନ୍ ଭାଗୀଦାର ଗଢ଼ିଥିଲେ ମଧ୍ୟ ଓଡ଼ିଶା ଶେଷ ୫ ୱିକେଟ୍ ମାତ୍ର ୧୨ ରନ୍ ଭିତରେ ହରାଇ ସୁଯୋଗ ହାତଛଡ଼ା କରିଥିଲା। ରାଜେଶ ମାତ୍ର ୨ ରନ୍ ପାଇଁ ତାଙ୍କ ଦ୍ବିତୀୟ ଅର୍ଦ୍ଧଶତକରୁ ବଞ୍ଚିତ ରହିଥିଲେ। ତେବେ ୪ ପ୍ରମୁଖ ବ୍ୟାଟର୍‌ ସ୍ବସ୍ତିକ ସାମଲ (୪), ଆଶୀର୍ବାଦ ସ୍ବାଇଁ (୪), ଶୁଭ୍ରାଂଶୁ ସେନାପତି (୩), ରାଜେଶ ଧୂପର (୦) ବିଫଳ ହେବା ଓଡ଼ିଶାକୁ ଅଡୁଆରେ ପକାଇଛି। ଜବାବରେ ପ୍ରଥମ ଦିନ ଶେଷ ସୁଦ୍ଧା ଘରୋଇ ଉତ୍ତରପ୍ରଦେଶ କୌଣସି ୱିକେଟ୍ ନହରାଇ ୧୭ ରନ୍ ସଂଗ୍ରହ କରି ନେଇଛି। ସଂକ୍ଷିପ୍ତ ସ୍କୋର: ଓଡ଼ିଶା ପ୍ରଥମ ପାଳି: ୭୭.୧ ଓଭରରେ ୨୪୩/୧୦ ( ଗୋବିନ୍ଦ ପୋଦ୍ଦାର-୬୪, ସମ୍ବିତ ବରାଳ-୫୯*, ସନ୍ଦୀପ ପଟ୍ଟନାୟକ-୫୩, ରାଜେଶ ମହାନ୍ତି-୪୮, ଶିବମ ଶର୍ମା-୩/୬୫, ଶିବମ ମାଭି-୨/୪୬, ପ୍ରଶାନ୍ତ ବୀର-୨/୧, ବିପ୍ରଜ ନିଗମ-୨/୩୯, କୁନାଲ ତ୍ୟାଗୀ-୧/୨୯)। ଉତ୍ତରପ୍ରଦେଶ ପ୍ରଥମ ପାଳି: ୭ ଓଭରରେ ୧୭/୦ (ମାଧବ କୌଶିକ-୯*, ଅଭିଷେକ‌ ଗୋସ୍ବାମୀ-୬*)।

ୱାସିଂଟନ ପୋଷ୍ଟ ଖବରକୁ ଏଲ୍‌ଆଇସିର ଖଣ୍ଡନ

ନୂଆଦିଲ୍ଲୀ: ଆଦାନୀ ଗ୍ରୁପ୍‌ରେ ନିବେଶ କରିବା ପାଇଁ ଭାରତୀୟ ଜୀବନ ବୀମା ନିଗମ (ଏଲ୍‌ଆଇସି) ଉପରେ ସରକାରୀ ଚାପ ପଡ଼ିଥିଲା। ଆମେରିକାର ୱାସିଂଟନ ପୋଷ୍ଟ୍‌ରେ ଏ ନେଇ ରିପୋର୍ଟ ପ୍ରକାଶ ପାଇବା ପରେ ଏଲ୍‌ଆଇସି ଏହାକୁ ଖଣ୍ଡନ କରିଛି। ୱାସିଂଟନ ପୋଷ୍ଟର ରିପୋର୍ଟରେ କରାଯାଇଥିବା ଅଭିଯୋଗ ମିଥ୍ୟା ଏବଂ ଭିତ୍ତିହୀନ ବୋଲି କୁହାଯାଇଛି। ଏକ ବିବୃତିରେ ଏଲ୍‌ଆଇସି ସ୍ପଷ୍ଟ କରିଛି ଯେ ଏହାର ନିବେଶ ନିଷ୍ପତ୍ତି ସ୍ବାଧୀନ ଭାବେ ନିଆଯାଇଥିଲା। ବୋର୍ଡ ଦ୍ବାରା ସ୍ଥାପିତ ନୀତି ‌ଅନୁସାରେ ହୋଇଥାଏ। କେନ୍ଦ୍ର ଅର୍ଥ ମନ୍ତ୍ରାଳୟର ଆର୍ଥିକ ସେବା ବ୍ୟାପାର ବିଭାଗ କିମ୍ବା ଅନ୍ୟ କୌଣସି ସଂସ୍ଥାର ନିବେଶ ନି‌ଷ୍ପତ୍ତିରେ କୌଣସି ଭୂମିକା ନଥାଏ ବୋଲି ଏକ୍ସରେ ଏକ ପୋଷ୍ଟ୍‌ କରି ଏଲ୍‌ଆଇସି କହିଛି। ଏଥିସହିତ ନିବେଶ ନିଷ୍ପତ୍ତି ନିୟାମକ ବ୍ୟବସ୍ଥା ଅନୁସାରେ ଏବଂ ଅଂଶଧାରୀମାନଙ୍କ ସର୍ବୋତ୍କୃଷ୍ଟ ସ୍ବାର୍ଥକୁ ଦୃଷ୍ଟିରେ ରଖି କରାଯାଇଥାଏ। ଆଦାନୀ ଗ୍ରୁପ୍‌ କମ୍ପାନିରେ ଏଲ୍‌ଆଇସିର ପ୍ରାୟ ୩.୯ ବିଲିଅନ ଡଲାର (ପ୍ରାୟ ୩୨ ହଜାର କୋଟି ଟଙ୍କା) ନିବେଶ ପାଇଁ ଅଧିକାରୀମାନେ ଚିଠା ପ୍ରସ୍ତାବ ପ୍ରସ୍ତୁତ କରିଥିବା ରିପୋର୍ଟକୁ ନିଗମ ଖଣ୍ଡନ କରିଛି। ଏଭଳି କୌଣସି ଚିଠା କିମ୍ବା ଯୋଜନା ହୋଇନାହିଁ ବୋଲି ଏଲ୍‌ଆଇସି କହିଛି। ୨୦୨୫ ମେ ମାସରେ ଆଦାନୀ ପୋର୍ଟସ୍‌ ଏବଂ ଏସ୍‌ଇଜେଡ୍‌ରେ ଏଲ୍‌ଆଇସିର ୫୭୦ ନିୟୁତ ଡଲାର ନିବେଶ ପ୍ରସଙ୍ଗକୁ ୱାସିଂଟନ ପୋଷ୍ଟରେ ଉଠାଯାଇଛି।

ସମ୍ଭାବ୍ୟ ବାତ୍ୟା ମୁକାବିଲା ପ୍ରସ୍ତୁତିର ସମୀକ୍ଷା କଲେ ରାଜସ୍ବ ମନ୍ତ୍ରୀ: ଆତଙ୍କିତ ହୁଅନ୍ତୁ ନାହିଁ, ସଜାଗ ରୁହନ୍ତୁ

ଭୁବନେଶ୍ୱର: ସମ୍ଭାବ୍ୟ ବାତ୍ୟାର ମୁକାବିଲା ନେଇ ଆଜି ରାଜ୍ୟ ସରକାରଙ୍କ ପକ୍ଷରୁ ପ୍ରସ୍ତୁତି ‌ବୈଠକ ଅନୁଷ୍ଠିତ ହୋଇଯାଇଛି। ଭୁବନେଶ୍ବର ପାଣିପାଗ କେନ୍ଦ୍ରର ସୂଚନା ଅନୁଯାୟୀ, ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଏବେ ଗଭୀର ଅବପାତରେ ପରିଣତ ହୋଇଥିବାବେଳେ ଏହା ଖୁବ୍‌ଶୀଘ୍ର ବାତ୍ୟାର ରୂପ ନେବ। ବର୍ତ୍ତମାନ ସୁଦ୍ଧା ଏହାର ଗତିପଥ ସ୍ପଷ୍ଟ ହୋଇନଥିଲେ ହେଁ ଏହାର ତୀବ୍ରତା ବୃଦ୍ଧି ପାଉଛି। ତେଣୁ ବର୍ତ୍ତମାନର ସ୍ଥିତିକୁ ଦେଖି ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାର ଆଜି ପ୍ରସ୍ତୁତିର ସମୀକ୍ଷା କରିଛନ୍ତି। ଏହି ବୈଠକରେ ମନ୍ତ୍ରୀ ଶ୍ରୀ ପୂଜାରୀ ଏବଂ ସ୍ବତନ୍ତ୍ର ରିଲିଫ କମିସନର ଦେଓରଂଜନ କୁମାର ସିଂହ ସମ୍ଭାବ୍ୟ ବାତ୍ୟାରେ ପ୍ରଭାବିତ ହେବାକୁ ଥିବା ଜିଲ୍ଲାଗୁଡ଼ିକର ଜିଲ୍ଲାପାଳଙ୍କ ସହ ଆଭାସୀ ମାଧ୍ୟମରେ ଆଲୋଚନା କରିଥିଲେ। ବାତ୍ୟା ପାଇଁ କ’ଣ ପ୍ରସ୍ତୁତି ହୋଇଛି ସେନେଇ ସ୍ଥିତି ସମୀକ୍ଷା କରିଥିଲେ। ସମ୍ଭାବ୍ୟ ବାତ୍ୟା ମୁକାବିଲା ପ୍ରସ୍ତୁତିର ସମୀକ୍ଷା କଲେ ରାଜସ୍ବ ମନ୍ତ୍ରୀ ୧୫ଜିଲ୍ଲାକୁ ବାତ୍ୟା ଭୟ ଏହାପରେ ମନ୍ତ୍ରୀ ଶ୍ରୀ ପୂଜାରୀ କହିଛନ୍ତି ଯେ ବର୍ତ୍ତମାନ ସୁଦ୍ଧା ପାଣିପାଗ ବିଭାଗର ଆକଳନ ଅନୁଯାୟୀ, ଅକ୍ଟୋବର ୨୭ରୁ ୨୯ ପର୍ଯ୍ୟନ୍ତ ଦକ୍ଷିଣ ଓଡ଼ିଶା ଓ ଉପକୂଳ ଓଡ଼ିଶାରେ ପ୍ରବଳ ବର୍ଷା ହୋଇପାରେ। ଏଥିରେ ରାଜ୍ୟର ୧୫ଟି ଜିଲ୍ଲା ପ୍ରଭାବିତ ହେବାର ଆଶଙ୍କା ରହିଛି। ତେଣୁ ଅତୀତର ଅନୁଭବ ଓ ବର୍ତ୍ତମାନର ସ୍ଥିତିକୁ ଦୃଷ୍ଟିରେ ରଖି ସରକାର ସମସ୍ତ ସତର୍କତାମୂଳକ ପଦକ୍ଷେପ ଗ୍ରହଣ କରିଛନ୍ତି। ଏନ୍‌ଡିଆର୍‌ଏଫ୍‌, ଓଡ୍ରାଫ୍‌ ଓ ଅଗ୍ନିଶମ ବାହିନୀକୁ ସଜାଗ ରଖାଯାଇଛି। ସରକାର କୃଷି, ଜଳସମ୍ପଦ, ଶକ୍ତି, ପଞ୍ଚାୟତିରାଜ, ସ୍ୱାସ୍ଥ୍ୟ, ସମବାୟ, ଗ୍ରାମ୍ୟ ଉନ୍ନୟନ, ପ୍ରାଣୀସମ୍ପଦ ବିଭାଗ ସହ ସମନ୍ୱୟ ରକ୍ଷା କରି ପ୍ରସ୍ତୁତି ଜାରି ରଖିଛନ୍ତି। ପ୍ରବଳ ବର୍ଷା ହେଲେ ଜଳବନ୍ଦୀ ସମସ୍ୟା ଉପୁଜିବାର ଆଶଙ୍କା ଥିବାରୁ ରାଜ୍ୟର ତଳିଆ ଓ ଜଳମଗ୍ନ ଅଞ୍ଚଳଗୁଡ଼ିକୁ ଚିହ୍ନଟ କରାଯାଇଛି। ବାତ୍ୟା ପ୍ରଭାବ ଓଡ଼ିଶା ଉପରେ ଅଧିକ ପଡ଼ିବ ବୋଲି ଜଣାପଡ଼ିଲେ ଲୋକଙ୍କୁ ଆବଶ୍ୟକସ୍ଥଳେ ବାତ୍ୟା ଆଶ୍ରୟସ୍ଥଳକୁ ସ୍ଥାନାନ୍ତର କରାଯିବ। ଏଥିପାଇଁ ବାତ୍ୟା ଆଶ୍ରୟସ୍ଥଳଗୁଡ଼ିକୁ ପ୍ରସ୍ତୁତ ରଖାଯାଇଛି। ସେଠାରେ ଖାଦ୍ୟପଦାର୍ଥ, ପାନୀୟ ଜଳ, ଗୋଖାଦ୍ୟ, ଆବଶ୍ୟକୀୟ ଔଷଧ ଇତ୍ୟାଦିର ବ୍ୟବସ୍ଥା କରାଯାଇଛି। ଏହାସହ ସେ କହିଛନ୍ତି ଯେ ସରକାର ଧନଜୀବନ ରକ୍ଷା ସହ ସମ୍ପତ୍ତିର ସୁରକ୍ଷା ପ୍ରତି ସ୍ୱତନ୍ତ୍ର ଭାବେ ଧ୍ୟାନ ଦେଉଛନ୍ତି। ଏବେ ଭୂସ୍ଖଳନ ଓ ସହରୀ ବନ୍ୟା ଉପରେ ମଧ୍ୟ ସତର୍କ ଦୃଷ୍ଟି ରଖାଯାଇଛି। ଲୋକମାନେ ବାତ୍ୟାକୁ ନେଇ ଆତଙ୍କିତ ହୁଅନ୍ତୁନି। ସରକାର ବାତ୍ୟା ସମ୍ପର୍କିତ ଯେଉଁ ସୂଚନା ଦେଉଛନ୍ତି ତାକୁ ଲୋକମାନେ ଗୁରୁତ୍ବ ଦିଅନ୍ତୁ ଏବଂ ସଜାଗ ରୁହନ୍ତୁ।

ସାମ୍ୱାଦିକତା ହେଉଛି କଷ୍ଟସାଧ୍ୟ ଓ ଆହ୍ୱାନପୂର୍ଣ୍ଣ ବୃତ୍ତି

ଭୁବନେଶ୍ୱର: ସାମ୍ୱାଦିକତା ହେଉଛି କଷ୍ଟସାଧ୍ୟ ଓ ଆହ୍ୱାନପୂର୍ଣ୍ଣ ବୃତ୍ତି। ଏଥିରେ ସଫଳ ହେବାକୁ ହେଲେ ସାଧୁତା, କଠିନ ପରିଶ୍ରମ ସହିତ ଦୃଢ଼ ମନୋବଳ ରହିବା ଆବଶ୍ୟକ। ସମ୍ୱାଦ ସ୍କୁଲ ଅଫ୍ ମିଡିଆ ଆଣ୍ଡ କଲଚର(ସୋମାକ୍) ପକ୍ଷରୁ ଆୟୋଜିତ ନବାଗତ ଛାତ୍ରଛାତ୍ରୀ ସମ୍ୱର୍ଦ୍ଧନା ଉତ୍ସବ ‘ଅନ୍ୱେଷଣ’ରେ ମୁଖ୍ୟ ଅତିଥି ଭାବେ ଯୋଗଦେଇ ଏଭଳି କହିଛନ୍ତି ‘ସମ୍ୱାଦ’ ଓ ‘କନକ ନ୍ୟୁଜ୍’ର ସମ୍ପାଦକ ତଥା ଅନୁଷ୍ଠାନର ନିର୍ଦ୍ଦେଶିକା ତନୟା ପଟ୍ଟନାୟକ। ସେ ଛାତ୍ରଛାତ୍ରୀମାନଙ୍କୁ ପ୍ରଶ୍ନ ପଚାରିବା ସହିତ ମୂଲ୍ୟବୋଧ ଭିତ୍ତିକ ସାମ୍ୱାଦିକତା କରିବାକୁ ଉପଦେଶ ଦେଇଥିଲେ। ଛାତ୍ରଛାତ୍ରୀମାନେ ‘ସମ୍ୱାଦ’, ‘କନକ ନ୍ୟୁଜ୍’, ‘ରେଡିଓ ଚକଲେଟ୍’ ଆଦିରେ ଯାଇ କାମ ଶିଖିବା ପାଇଁ ସେ କହିଥିଲେ। ସମ୍ମାନିତ ଅତିଥି ଭାବେ ବିଶିଷ୍ଟ ସ୍ତମ୍ଭକାର ଅଧ୍ୟାପକ ବିଶ୍ୱରଞ୍ଜନ ଯୋଗ ଦେଇ ଶିକ୍ଷକ କେବଳ ଶିଖାଏ ନାହିଁ ବରଂ ଶିଖିବାର ବାସନା ମଧ୍ୟ ରଖିଥାଏ ବୋଲି କହିଥିଲେ। ‘ସୋମାକ୍’ ତାଙ୍କ ପାଇଁ ଏକ ଅବିସ୍ମରଣୀୟ ଅଧ୍ୟାୟ। ସାମ୍ୱାଦିକତା ହେଉଛି ଏକ ସ୍ୱତନ୍ତ୍ର ଯାତ୍ରା, ଏହା ସମାଜ ସହ ସମ୍ପର୍କ ସ୍ଥାପନ କରେ ବୋଲି ସେ କହିଥିଲେ। ଅନ୍ୟତମ ଅତିଥି ଭାବେ ଅନୁଷ୍ଠାନର ଅଧ୍ୟକ୍ଷ ଧ୍ରୁତିକାମ ମହାନ୍ତି ଯୋଗଦେଇ ପାଠ୍ୟକ୍ରମ ବ୍ୟତୀତ ଅଧିକ ଜ୍ଞାନ ଆହରଣ କରିବାକୁ ପଡ଼ିବ ବୋଲି କହିଥିଲେ। ଡିଜିଟାଲ ସାମ୍ୱାଦିକତାକୁ ଗୁରୁତ୍ୱ ଦେଇ ଏଆଇ ମାଧ୍ୟମରେ ଆମେ କିଭଳି ଭଲ ଓ ଠିକ୍‌ ତଥ୍ୟ ଉପସ୍ଥାପନା କରିପାରିବା ସେଥିପାଇଁ ଗୁରୁତ୍ୱ ଦେବା ବୋଲି କହିଥିଲେ। ଅନ୍ୟତମ ଅତିଥି ଭାବେ ଇଷ୍ଟର୍ଣ୍ଣ ମିଡିଆ ଲିମିଟେଡର ନିର୍ଦ୍ଦେଶିକା ମୋନିକା ନୈୟର ପଟ୍ଟନାୟକ ଯୋଗଦେଇ ପୁରାତନ ଛାତ୍ରଛାତ୍ରୀମାନଙ୍କୁ ଇଣ୍ଟର୍ଣ୍ଣସିପ୍‌ ସାର୍ଟିଫିକେଟ୍‌ ପ୍ରଦାନ କରିଥିଲେ। କାର୍ଯ୍ୟକ୍ରମରେ ଅନୁଷ୍ଠାନର ଅଧ୍ୟାପିକା ଅମ୍ରିତା କୁଣ୍ଡୁ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ଅଦିତି ମହାନ୍ତି, ହରିହର ପଣ୍ଡା ସଂଯୋଜନା କରିଥିଲେ। କାର୍ଯ୍ୟକ୍ରମରେ ଛାତ୍ରଛାତ୍ରୀମାନଙ୍କ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଅନ୍ୟମାନଙ୍କ ମଧ୍ୟରେ ‘ସମ୍ବାଦ’ ଓ ‘କନକ ନ୍ୟୁଜ’ ବାର୍ତ୍ତା ସଂପାଦକ ଭବାନୀ ଶଙ୍କର ତ୍ରିପାଠୀ, ‘ସମ୍ବାଦ’ ବ୍ୟୁରୋ ଚିଫ୍ ଚୌଧୁରୀ ଅମିତାଭ ଦାସ, ‘ସମ୍ବାଦ’ ଇଂରାଜୀର ମୁଖ୍ୟ ଅୟସକାନ୍ତ ଦାସ ପ୍ରମୁଖ ଉପସ୍ଥିତ ଥିଲେ।

Mohan Sarkar completes 500 days: ମୋହନ ସରକାରଙ୍କୁ ୫୦୦ ଦିନ ପୂରିଲା: ୩୩ ପ୍ରକଳ୍ପରେ ନିବେଶ ହେବ ୧.୪୬ ଲକ୍ଷ କୋଟି

ଭୁବନେଶ୍ବର: ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନେତୃତ୍ବରେ ଓଡ଼ିଶା ସରକାରଙ୍କ କାର୍ଯ୍ୟକାଳକୁ ଆଜି ୫୦୦ ଦିନ ପୂରଣ ହୋଇଛି। ୫୦୦ ଦିନ କାର୍ଯ୍ୟକାଳ ପୂରଣ ଅବସରରେ ସରକାର ଆଜି ବିଭିନ୍ନ କ୍ଷେତ୍ରରେ ୩୩ଟି ଶିଳ୍ପ ପ୍ରକଳ୍ପକୁ ମଞ୍ଜୁର କରିଛନ୍ତି। ଏଥିରେ ୧.୪୬ ଲକ୍ଷ କୋଟି ଟଙ୍କା ନିବେଶ ହେବା ସହିତ ୬୬ ହଜାର ଲୋକଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହେବ। ବିକଶିତ ଓଡ଼ିଶା ୨୦୩୬ ହାସଲ ଦିଗରେ ଏହା ଏକ ଗୁରୁତ୍ବପୂର୍ଣ୍ଣ ପଦକ୍ଷେପ। ଏହି ମାଇଲଖୁଣ୍ଟ ହାସଲ ସଂପର୍କରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି ଯେ ଗତ ୫୦୦ ଦିନ ଏକ ନିର୍ଭରଯୋଗ୍ୟ, ପ୍ରଗତିଶୀଳ ଏବଂ ନିବେଶ ଅନୁକୂଳ ଓଡ଼ିଶାକୁ ପ୍ରତିଫଳିତ କରୁଛି। ଦେଶବିଦେଶର ନିବେଶକମାନେ ଓଡ଼ିଶା ଉପରେ ଯେଉଁ ଆସ୍ଥା ପ୍ରକଟ କରିଛନ୍ତି ସେଥିରୁ ଆମ ନୀତିର ସୁଦୃଢ଼ତ‌ା ସହିତ ଆତ୍ମନିର୍ଭରଶୀଳ ଏବଂ ବିକଶିତ ଓଡ଼ିଶା ପାଇଁ ଲକ୍ଷ୍ୟ ପ୍ରତିଫଳିତ ହେଉଛି। ଆଜି ଦୁଇଟି ଯାକ କମିଟିରେ ମଞ୍ଜୁରି ଲାଭ କରିଥିବା ପ୍ରକଳ୍ପଗୁଡ଼ିକ ମୁଖ୍ୟତଃ ଆଇଟି ଓ ଇଏସ୍‌ଡିଏମ୍‌, ଏରୋସ୍ପେସ୍‌ ଓ ପ୍ରତିରକ୍ଷା, ବୟନ ଓ ପୋଷାକ, ଖାଦ୍ୟ ପ୍ରକ୍ରିୟାକରଣ, ପର୍ଯ୍ୟଟନ, ସବୁଜ ଶକ୍ତି ଉପକରଣ, ଆଇଟି ଓ ଆଇଟିଇଏସ୍‌, ଡାଟା ସେଣ୍ଟର, ସ୍ବତନ୍ତ୍ର ଇସ୍ପାତ, ଆଲୁମିନିୟମ, ଶକ୍ତି ଓ ଅକ୍ଷୟ ଶକ୍ତି, ଗ୍ରିନ୍‌ ହାଇଡ୍ରୋଜେନ୍‌ ଓ ଆମୋନିଆ, ରସାୟନ, ସେମିକଣ୍ଡକ୍ଟର ଏବଂ ରେୟାର ଆର୍ଥ ମ୍ୟାଟେରିଆଲ୍ସ କ୍ଷେତ୍ରରେ ଅନ୍ତର୍ଭୁକ୍ତ। ଏହି ନିବେଶଗୁଡ଼ିକ ରାଜ୍ୟର ୧୪ଟି ପ୍ରମୁଖ ଜିଲ୍ଲାରେ ପରିବ୍ୟାପ୍ତ। ସେହି ଜିଲ୍ଲାଗୁଡ଼ିକ ହେଲା ଅନୁଗୁଳ, ବଲାଙ୍ଗୀର, କଟକ, ଢେଙ୍କାନାଳ, ଗଞ୍ଜାମ, ଜଗତସିଂହପୁର, ଯାଜପୁର, ଝାରସୁଗୁଡ଼ା, କନ୍ଧମାଳ, କେନ୍ଦ୍ରାପଡ଼ା, ଖୋର୍ଦ୍ଧା, ପୁରୀ, ସମ୍ବଲପୁର ଏବଂ ସୁନ୍ଦରଗଡ଼। ନିର୍ଭରଯୋଗ୍ୟ, ପ୍ରଗତିଶୀଳ, ନିବେଶ ଅନୁକୂଳ ଓଡ଼ିଶାର ପ୍ରତିଫଳନ: ମୁଖ୍ୟମନ୍ତ୍ରୀ ନୂଆ ସରକାର ୭.୭ ଲକ୍ଷ କୋଟିର ୩୩୦ ପ୍ରକଳ୍ପକୁ ଦେଲେଣି ମଞ୍ଜୁରି ସ୍ବତନ୍ତ୍ର ସିଙ୍ଗଲ୍‌ ୱିଣ୍ଡୋ, ଉଚ୍ଚସ୍ତରୀୟ ମଞ୍ଜୁରି କର୍ତ୍ତୃପକ୍ଷ ବୈଠକ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ‌୪୨ତମ ଉଚ୍ଚସ୍ତରୀୟ ମଞ୍ଜୁରି କମିଟି ବୈଠକରେ ୧,୪୧,୯୯୩.୫୪ କୋଟି ଟଙ୍କା ମୂଲ୍ୟର ୧୨ଟି ନିବେଶ ପ୍ରସ୍ତାବକୁ ମଞ୍ଜୁରି ମିଳିଛି। ଏହି ନିବେଶ ଫଳରେ ୪୯,୭୪୫ ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହେବ। ଏଥିରେ ଅନେକ ନୂଆ ଯୁଗର ନିବେଶ ଅଗ୍ରାଧିକାର ପାଇଛି। ସେଗୁଡ଼ିକ ମଧ୍ୟରେ ସିଇଏସ୍‌ସି ଗ୍ରିନ୍‌ ପାୱାର ଲିମିଟେଡ୍‌ ପକ୍ଷରୁ ଇଏସ୍‌ଡିଏମ୍‌ (ଇଲେକ୍ଟ୍ରୋନିକ୍ସ ସିଷ୍ଟମ ଡିଜାଇନ୍‌ ଆଣ୍ଡ୍ ମ୍ୟାନୁଫାକ୍‌ଚରିଂ) କ୍ଷେତ୍ରର ନିବେଶ ରହିଛି। ଏସିଏମ୍‌ଇ ଅକ୍ଷୟ ଏନର୍ଜି ପ୍ରାଇଭେଟ୍‌ ଲିମିଟେଡ୍‌ର ଗ୍ରିନ୍‌ ହାଇଡ୍ରୋଜେନ୍ ଏବଂ ଗ୍ରିନ୍‌ ଆମୋନିଆ କ୍ଷେତ୍ରରେ ନିବେଶ ରହିଛି। ଜିନ୍ଦଲ ଇଣ୍ଡିଆ ପାୱାର ଲିମିଟେଡ୍‌ର ଶକ୍ତି ଏବଂ ଅକ୍ଷୟ ଶକ୍ତି କ୍ଷେତ୍ରର ନିବେଶ ଅଛି। ବୈଠକ ପୂର୍ବରୁ ମୁଖ୍ୟ ଶାସନ ସଚିବ ମନୋଜ ଆହୁଜାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସିଙ୍ଗଲ ୱିଣ୍ଡୋ କମିଟିର ୧୪୧ତମ ବୈଠକରେ ୪୦୧୯.୫୩ କୋଟି ଟଙ୍କାର ନିବେଶକୁ ମଞ୍ଜୁରି ମିଳିଛି। ଏଥିରେ ମୋଟ ୨୧ଟି ପ୍ରକଳ୍ପକୁ ଅନୁ‌ମୋଦନ ଦିଆଯାଇଛି। ଏହି ନିବେଶ ଫଳରେ ୧୬,୫୯୦ ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହେବ। ଗତ ୫୦୦ ଦିନ ମଧ୍ୟରେ ଓଡ଼ିଶା ସରକାର ‘ଡବଲ ଇଞ୍ଜିନ-ୱାନ୍‌ ଭିଜନ୍‌, ଡବଲ ଇମ୍ପାକ୍ଟ’ ଅଧୀନରେ ନୂଆ ମାନଦଣ୍ଡ ସ୍ଥାପନ କରିଛି। ଉକ୍ତ ଅବଧିରେ ୧୨ଟି ସିଙ୍ଗଲ୍‌ ୱିଣ୍ଡୋ କ୍ଲିୟରାନ୍ସ ବୈଠକ ଏବଂ ୭ଟି ଏଚ୍‌ଏଲ୍‌ସିଏ ବୈଠକ ଅନୁଷ୍ଠିତ ହୋଇଛି। ଏଗୁଡ଼ିକରେ ମୋଟ ୭.୭ ଲକ୍ଷ କୋଟି ଟଙ୍କା ମୂଲ୍ୟର ମୋଟ ୩୩୦ଟି ପ୍ରକଳ୍ପକୁ ମଞ୍ଜୁରି ମିଳିଛି। ଏହି ନିବେଶ ଫଳରେ ୪.୭ ଲକ୍ଷ ନିଯୁକ୍ତି ସୁଯୋଗ ସୃଷ୍ଟି ହୋଇଛି। ଏଥିସହିତ ୭୬ଟି ପ୍ରକଳ୍ପକୁ ତ୍ବରାନ୍ବିତ କରାଯାଇ କାର୍ଯ୍ୟ ଆରମ୍ଭ ହୋଇଛି। ୮ଟି ପ୍ରକଳ୍ପର ଉଦ୍‌ଘାଟନ ହୋଇଛି। ଏଗୁଡ଼ିକରେ ମୋଟ ୨.୦୪ ଲକ୍ଷ କୋଟି ଟଙ୍କାର ନିବେଶ କରାଯାଇ ୧.୬୩ ଲକ୍ଷ ପ୍ରତ୍ୟକ୍ଷ ନିଯୁକ୍ତି ସୁଯୋଗ ସୃଷ୍ଟି କରାଯାଇଛି। ୪୨ତମ ଉଚ୍ଚସ୍ତରୀୟ ମଞ୍ଜୁରି କର୍ତ୍ତୃପକ୍ଷ ବୈଠକ ମଞ୍ଜୁରି ଲାଭ କରିଥିବା ପ୍ରକଳ୍ପ କ୍ର.ନଂ. କମ୍ପାନି ପ୍ରକଳ୍ପ ମୂଲ୍ୟ(କୋଟିରେ) ନିଯୁକ୍ତି ସୁଯୋଗ କ୍ଷେତ୍ର ସ୍ଥାନ ୧. ଆଦାନୀ ଏଣ୍ଟରପ୍ରାଇଜେସ୍‌ ଲିଃ. ୮୪,୦୦୦ ୩୬,୦୦୦ ରସାୟନ ସୁନ୍ଦରଗଡ଼ ୨. ଜିନ୍ଦଲ ଇଣ୍ଡିଆ ପାୱାର ୧୪,୮୦୦ ୧୦୬୦ ଶକ୍ତି ଓ ଅକ୍ଷୟ ଶକ୍ତି ଅନୁଗୁଳ ୩. ହିଣ୍ଡାଲକୋ ୧୦,୫୧୭ ୧୧୬୯ ଆଲୁମିନିୟମ ସମ୍ବଲପୁର ୪. ଏସିଏମ୍‌ଇ ଅକ୍ଷୟ ଏନର୍ଜି ୧୨,୪୨୨ ୧୧୩୬ ଗ୍ରିନ୍‌ ଡାଇଡ୍ରୋଜେନ୍ ଆଣ୍ଡ୍ ଗ୍ରିନ ଆମୋନିଆ କେନ୍ଦ୍ରାପଡ଼ା ୫. ଏସିଏମ୍‌ଇ ଅକ୍ଷୟ ଏନର୍ଜି ୨୩୪୪.୫୦ ୧୫୨ ଗ୍ରିନ୍‌ ଡାଇଡ୍ରୋଜେନ୍ ଆଣ୍ଡ୍ ଗ୍ରିନ ଆମୋନିଆ କେନ୍ଦ୍ରାପଡ଼ା ୬. ସିଇଏସ୍‌ସି ଗ୍ରିନ୍‌ ପାୱାର ୪୫୦୫.୧୪ ୧୭୮୩ ଇଏସ୍‌ଡିଏମ୍‌ ଢେଙ୍କାନାଳ ୭. ୟୁପିଏଲ୍‌ ଲିମିଟେଡ ୪୦୦୦ ୨୫୦୦ ରସାୟନ ଓ ରସାୟନିକ ଉତ୍ପାଦ ଜଗତସିଂହପୁର ୮. ହିମାଦ୍ରୀ ଆଡଭାନ୍ସ ନ୍ୟୁ ଏନର୍ଜି ମ୍ୟାଟେରିଆଲ ୨୬୦୦ ୧୬୫୦ ରସାୟନ ଢେଙ୍କାନାଳ ୯. ସାରଲୋହା ଆଡଭାନ୍ସଡ ମ୍ୟାଟେରିଆଲ୍‌ସ ୨୪୯୯.୯୦ ୫୦୦ ଇସ୍ପାତ ଢେଙ୍କାନାଳ ୧୦. ପରିକ ଇନୋଭେଟିଭ ସଲ୍ୟୁସନ୍ସ ୨୧୦୦ ୨୨୫୦ ରେୟାର ଆର୍ଥ ଗଞ୍ଜାମ ୧୧. ଏୟାର ଲିକ୍ବିଡ ‌ଇଣ୍ଡିଆ ହୋଲଡିଂ ୧୨୦୦ ୪୫ ରସାୟନ ଯାଜପୁର ୧୨. ଟପଟ୍ରାକ୍‌ ହାଇଟେକ ପିସିବି ୧୦୦୫ ୧୫୦୦ ଇଏସ୍‌ଡିଏମ୍‌ ଖୋର୍ଦ୍ଧା ମୋଟ ୧,୪୧,୯୯୩.୫୪ ୪୯,୭୪୫ -------------------------------------- ୧୪୧ତମ ସିଙ୍ଗଲ ୱିଣ୍ଡୋ କମିଟି ବୈଠକ ମଞ୍ଜୁରି ଲାଭ କରିଥିବା ପ୍ରକଳ୍ପ କ୍ର.ନଂ. କମ୍ପାନି ପ୍ରକଳ୍ପ ମୂଲ୍ୟ(କୋଟିରେ) ନିଯୁକ୍ତି ସୁଯୋଗ କ୍ଷେତ୍ର ସ୍ଥାନ ୧. ଏନ୍‌ଏଲ୍‌ସି ଇଣ୍ଡିଆ ୭୦ ୨୯୦ ଆଇଟି ଓ ଇଏସ୍‌ଡିଏମ୍‌ ଖୋର୍ଦ୍ଧା ୨. ଟିଭିଏସ୍‌-ଏବିଆଇ ସୋୱାଟେକ୍‌ ୨୦୦ ୩୦୦ ଏରେସ୍ପେସ ଓ ପ୍ରତିରକ୍ଷା ଖୋର୍ଦ୍ଧା ୩. ଟୋରେ ମାସ୍‌ ଆପାରେଲ୍‌ ୩୯୨ ୨୧୭୪ ବୟନ ଓ ପୋଷାକ ଖୋର୍ଦ୍ଧା ୪. ଶ୍ରୀ ଅମ୍ବିକା କଟସ୍ପିନ୍‌ ୧୨୪ ୪୨୫ ବୟନ ଓ ପୋଷାକ ବଲାଙ୍ଗୀର ୫. ବୋନି ଏନକ୍ଲେଭ ୭୦ ୩୬୭୫ ବୟନ ଓ ପୋଷାକ ପୁରୀ ୬. ଇରିସ୍‌ କ୍ଲଥିଂସ ଲିଃ. ୬୬ ୨୦୦୦ ବୟନ ଓ ପୋଷାକ ‌ଖୋର୍ଦ୍ଧା ୭. କରତାର୍‌ ଫେସନ୍ସ ପ୍ରା. ଲିଃ. ୫୧ ୧୧୭୦ ବୟନ ଓ ପୋଷାକ କଟକ ୮. ରିଲାଏନ୍ସ କଞ୍ଜ୍ୟୁମର ୯୩୮ ୬୦୦ ଖାଦ୍ୟ ଓ ପାନୀୟ ଖୋର୍ଦ୍ଧା ୯. ଆଶୀର୍ବାଦ ଫୁଡ୍‌ ୫୮.୬୧ ୬୦୭ ଖାଦ୍ୟ ଓ ପାନୀୟ ଖୋର୍ଦ୍ଧା ୧୦. ଲାଇଫ୍‌ ହୋଟେଲ ୧୫୦ ୨୨୫ ପର୍ଯ୍ୟଟନ କଟକ ୧୧. ହୋଟେଲ ପାଲ ରିଜେନ୍ସି ୧୪୮ ୫୨୫ ପର୍ଯ୍ୟଟନ ଖୋର୍ଦ୍ଧା ୧୨. ଉଡ୍ରା କନଷ୍ଟ୍ରକସନ୍ସ ୧୧୩ ୨୦୦ ପର୍ଯ୍ୟଟନ ସମ୍ବଲପୁର ୧୩. ମେସମେରିଜିନ୍‌ ପାରାଡୋର୍‌ ୬୭ ୬୪ ପର୍ଯ୍ୟଟନ କନ୍ଧମାଳ ୧୪. ଆଇକନ ସୋଲାର ୭୫୦ ୫୧୫ ସବୁଜ ଶକ୍ତି ଉପକରଣ ଗଞ୍ଜାମ ୧୫. ଉମଙ୍ଗ ଆସୋସିଏଟ୍‌ସ ୧୮୦ ୧୭୦ ସ୍ବତନ୍ତ୍ର ଇସ୍ପାତ ଯାଜପୁର ୧୬. ଏସ୍‌ସିଏସ୍‌ କନଷ୍ଟ୍ରକସନ୍ସ ଇଣ୍ଡିଆ ୧୫୦ ୮୦୦ ଆଲୁମିନିୟମ ଅନୁଗୁଳ ୧୭. ଇନଲ୍ୟାଣ୍ଡ୍‌ ୱାର୍ଲଡ ଲଜିଷ୍ଟିକ୍ସ ୯୯.୩୧ ୮୫୦ ଇସ୍ପାତ ଓ ଫେରୋ ଆଲୟ ଯାଜପୁର ୧୮. ଓରିଅମ୍‌ ରିଫ୍ରାକ୍ଟୋରିଜ୍‌ ୯୨.୭୦ ୧୦୦୦ ଧାତବ ଝାରସୁଗୁଡ଼ା ୧୯. ଶ୍ରୀ ଏମ୍‌କେ ଷ୍ଟିଲ୍‌ ୬୨.୯୧ ୩୬୦ ଇସ୍ପାତ ଓ ଫେରୋ ଆଲୟ ଯାଜପୁର ୨୦. ଶ୍ରୀ ମହାବୀର ଫେରୋ ଆଲଏଜ୍‌ ୧୫୦ ୩୦୦ ପରିବହନ ଓ ଗୋଦାମ କଟକ ୨୧. ଫୁଏଲକୋ ପାୱାର ୮୭ ୩୪୦ କୋଇଲା ଝାରସୁଗୁଡ଼ା ମୋଟ ୪୦୧୯.୫୩ ୧୬୫୯୦

'Montha': ଭୀଷଣ ରୂପ ନେବ ‘ମୋନ୍ଥା’: ଆନ୍ଧ୍ରରେ ପବନ, ଓଡ଼ିଶାରେ ବର୍ଷା

ଭୁବନେଶ୍ୱର: ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଆଜି ଦକ୍ଷିଣ-ପୂର୍ବ ବଙ୍ଗୋପସାଗରରେ ଅବପାତର ରୂପ ନେଇଛି। ଏହା କ୍ରମଶଃ ପଶ୍ଚିମ-ଉତ୍ତରପଶ୍ଚିମ ଆଡ଼କୁ ଗତି କରିବା ସହ ଅଧିକ ଘନୀଭୂତ ହୋଇ ରବିବାର ସୁଦ୍ଧା ଗଭୀର ଅବପାତରେ ପରିଣତ ହେବ। ସୋମବାର ସକାଳେ ଏହା ଆହୁରି ଘନୀଭୂତ ହୋଇ ଦକ୍ଷିଣ-ପଶ୍ଚିମ ଓ ସଂଲଗ୍ନ ପଶ୍ଚିମକେନ୍ଦ୍ରୀୟ ବଙ୍ଗୋପସାଗରରେ ସାମୁଦ୍ରିକ ଝଡ଼ବାତ୍ୟା (ମୋନ୍ଥା)ର ରୂପ ନେବ ଏବଂ କ୍ରମଶଃ ଉତ୍ତର-ପଶ୍ଚିମ ଆଡ଼କୁ ଗତି କରି ଅଧିକ ବଳ ଗୋଟାଇବ। ୨୮ ତାରିଖ ସୁଦ୍ଧା ‘ଭୀଷଣ ବାତ୍ୟା’ର ରୂପ ନେବ। ପରେ ଏହା ଉତ୍ତରପଶ୍ଚିମ ଆଡ଼କୁ ଗତି ଜାରି ରଖି ୨୮ ତାରିଖ ସନ୍ଧ୍ୟା ବା ରାତି ସୁଦ୍ଧା ଆନ୍ଧ୍ର ଉପକୂଳର ମଛଲିପଟନମ୍‌-କଳିଙ୍ଗପାଟନମ୍‌ ନିକଟସ୍ଥ କାକିନାଡ଼ା ପାଖାପାଖି ସ୍ଥଳଭାଗ ଅତିକ୍ରମ କରିବ ବୋଲି ଭାରତୀୟ ପାଣିପାଗ ବିଭାଗ (ଆଇଏମ୍‌ଡି) ପକ୍ଷରୁ କୁହାଯାଇଛି। ଅନ୍ୟପକ୍ଷରେ ସମ୍ଭାବ୍ୟ ବାତ୍ୟା ଓଡ଼ିଶାରେ ମାଡ଼ ନ ହେଲେ ବି ଏହାଦ୍ବାରା ଦକ୍ଷିଣ ଓଡ଼ିଶାର ଜିଲ୍ଲାଗୁଡ଼ିକରେ ପ୍ରବଳରୁ ଅତିପ୍ରବଳ ବର୍ଷା ହେବାର ପୂର୍ବାନୁମାନ କରାଯାଇଛି। ତଥ୍ୟ ଅନୁସାରେ, ବାତ୍ୟା ପ୍ରଭାବରେ ୨୭ ତାରିଖ ଦିନ ମାଲକାନଗିରି, କୋରାପୁଟ, ନବରଙ୍ଗପୁର, କଳାହାଣ୍ଡି, ରାୟଗଡ଼ା, ଗଜପତି, ଗଞ୍ଜାମ, କନ୍ଧମାଳ ଆଦି ଜିଲ୍ଲାରେ ପ୍ରବଳରୁ ଅତିପ୍ରବଳ ଅର୍ଥାତ୍‌ ୭୦ରୁ ୨୦୦ ମିମି ପର୍ଯ୍ୟନ୍ତ ବର୍ଷା ହେବ। ଏଣୁ ଏହି ୮ ଜିଲ୍ଲା ପାଇଁ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି। ବଳ ଗୋଟାଉଛି ବାତ୍ୟା/କାକିନାଡ଼ା ପାଖରେ ସ୍ଥଳଭାଗ ଛୁଇଁବ ସେହିଭଳି ନୂଆପଡ଼ା, ବଲାଙ୍ଗୀର, ବୌଦ୍ଧ, ନୟାଗଡ଼, ଖୋର୍ଦ୍ଧା, ପୁରୀ, କଟକ, କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲାର କିଛି କିଛି ସ୍ଥାନରେ ୭୦ରୁ ୧୧୦ ମିମି ଯାଏଁ ବର୍ଷା ହୋଇପାରେ। ଏହି ସବୁ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ତେବେ ଏହି ଦିନ ପବନର ବେଗ ଘଣ୍ଟାପ୍ରତି ୮୫ରୁ ୯୫ କିମି ପର୍ଯ୍ୟନ୍ତ ରହିପାରେ। ସ୍ଥଳବିଶେଷରେ ୧୦୫ କିମି ବେଗରେ ଝଟକା ମଧ୍ୟ ଅନୁଭୂତ ହୋଇପାରେ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି। ୨୮ ତାରିଖ ଦିନ ରାଜ୍ୟରେ ବର୍ଷା ସହ ପବନର ପ୍ରକୋପ ବଢ଼ିବ। ବିଶେଷ କରି ମାଲକାନଗିରି, କୋରାପୁଟ, ରାୟଗଡ଼ା, ଗଜପତି ଓ ଗଞ୍ଜାମ ଜିଲ୍ଲାରେ ବିସ୍ତୃତ ବର୍ଷା ହେବ। କିଛି କିଛି ସ୍ଥାନରେ ଅତିରୁ ଅତିପ୍ରବଳ ବର୍ଷିବ। ପାଖାପାଖି ୭୦ରୁ ୨୦୦ ମିମି ପର୍ଯ୍ୟନ୍ତ ବର୍ଷା ହେବ। ଏଣୁ ଏହି ୫ ଜିଲ୍ଲା ପାଇଁ ପାଣିପାଗ କେନ୍ଦ୍ର ‌ରେଡ୍‌ ୱାର୍ଣ୍ଣିଂ ଜାରି କରିଛି। ସେହିଭଳି ନରବଙ୍ଗପୁର, କଳାହାଣ୍ଡି, କନ୍ଧମାଳ, ନୟାଗଡ଼, ଖୋର୍ଦ୍ଧା ଓ ପୁରୀ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ହେବ। ଏହି ଜିଲ୍ଲାଗୁଡ଼ିକରେ ‌ଅରେଞ୍ଜ ୱାର୍ଣ୍ଣିଂ ଏବଂ ନୂଆପଡ଼ା, ବଲାଙ୍ଗୀର, ସୁବର୍ଣ୍ଣପୁର, ବୌଦ୍ଧ, ଅନୁଗୁଳ, ଢେଙ୍କାନାଳ, କଟକ, ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, କେନ୍ଦୁଝର, ଭଦ୍ରକ, ବାଲେଶ୍ବର ଓ ମୟୂରଭଞ୍ଜ ଜିଲ୍ଲାର କେତେକାଂଶରେ ପ୍ରବଳ ବର୍ଷାକୁ ନେଇ ୟେଲୋ ୱାର୍ଣ୍ଣିଂ ଜାରି ହୋଇଛି। ଉପକୂଳବର୍ତ୍ତୀ ଦକ୍ଷିଣ ଓଡ଼ିଶାରେ ଘଣ୍ଟାପ୍ରତି ୯୦ରୁ ୧୦୦ କିମି ବେଗରେ ପବନ ବହିବା ସହ ୧୧୦ କିମି ବେଗରେ ପବନର ଝଟକା ଅନୁଭୂତ ହେବ। ୨୯ ତାରିଖରେ ମଧ୍ୟ ମାଲକାନଗିରି, କୋରାପୁଟ, ନବରଙ୍ଗପୁର, କଳାହାଣ୍ଡି ଓ ରାୟଗଡ଼ାରେ ପ୍ରବଳରୁ ଅତିପ୍ରବଳ ବର୍ଷା ଆଶଙ୍କା ନେଇ ରେଡ୍‌ ୱାର୍ଣ୍ଣିଂ ଜାରି କରାଯାଇଛି। ଏଥିସହ ଉପକୂଳ, ଦକ୍ଷିଣ ଓ ସଂଲଗ୍ନ ପଶ୍ଚିମ ଓଡ଼ିଶାରେ ବି ବର୍ଷା ସମ୍ଭାବନା ରହିଛି। ଏଣୁ ରାଜ୍ୟର ଅଧିକାଂଶ ଜିଲ୍ଲା ପାଇଁ ପାଣିପାଗ କେନ୍ଦ୍ର ସତର୍କ ୱାର୍ଣ୍ଣିଂ ଜାରି କରିଛି। ୨୯ରେ ପବନର ବେଗ କମିବ ଓ ଘଣ୍ଟାପ୍ରତି ୭୦ରୁ ୮୦ କିମି ବେଗରେ ପବନ ବହିବା ସହ ଝଟକା ପବନର ବେଗ ୯୦ କିମି ପର୍ଯ୍ୟନ୍ତ ରହିବ। ସମ୍ଭାବ୍ୟ ବାତ୍ୟା ଯୋଗୁଁ ଓଡ଼ିଶା ଉପକୂଳ ଦକ୍ଷିଣ-ପଶ୍ଚିମ ଓ ସଂଲଗ୍ନ କେନ୍ଦ୍ରୀୟ ବଙ୍ଗୋପସାଗର ଅଶାନ୍ତ ରହିବାର ଆଶଙ୍କା ରହିଛି। ଆସନ୍ତାକାଲିଠାରୁ ୨୯ ତାରିଖ ପର୍ଯ୍ୟନ୍ତ ମତ୍ସ୍ୟଜୀବୀଙ୍କୁ ସମୁଦ୍ର ବାରଣ କରାଯାଇଛି। ସମୁଦ୍ର ମଧ୍ୟକୁ ଯାଇଥିବା ମତ୍ସ୍ୟଜୀବୀ ଯଥାଶୀଘ୍ର ଉପକୂଳକୁ ଫେରିବାକୁ ନିର୍ଦ୍ଦେଶ ଦିଆଯାଇଛି।

କୋଟାରେ ନିଟ୍‌ ଆଶାୟୀ ଓଡ଼ିଆ ଛାତ୍ରଙ୍କ ଆତ୍ମହତ୍ୟା

କୋଟା: ରାଜସ୍ଥାନର କୋଟାରେ ନିଟ୍‌ ପାଇଁ ପ୍ରସ୍ତୁତି କରୁଥିବା ଓଡ଼ିଶାର ଜଣେ ୨୪ ବର୍ଷୀୟ ଛାତ୍ର ଆତ୍ମହତ୍ୟା କରିଛନ୍ତି। ମୃତ ଛାତ୍ରଙ୍କ ନାମ ରୋଶନ କୁମାର ପାତ୍ର ଏବଂ ତାଙ୍କ ଘର ଗଞ୍ଜାମ ଜିଲ୍ଲାର ଜରଡ଼ା ଥାନା ଅନ୍ତର୍ଗତ ଅଭୟପୁର ଗ୍ରାମରେ। ରୋଶନ ଚାରି ମାସ ପୂର୍ବେ କୋଟାର ଏକ ଜଣାଶୁଣା କୋଚିଂ ଇନ୍‌ଷ୍ଟିଟ୍ୟୁଟ୍‌ରେ ନାମ ଲେଖାଇଥିଲେ ଏବଂ ରାଜୀବ ଗାନ୍ଧୀ ନଗରସ୍ଥିତ ଏକ ହଷ୍ଟେଲରେ ତାଙ୍କ ସଂପର୍କୀୟ ଭାଇଙ୍କ ସହ ରହୁଥିଲେ। ସୂଚନା ଅନୁଯାୟୀ, ରୋଶନ ଆଜି କ୍ଲାସ୍‌ରୁ ଫେରିବା ପରେ ତାଙ୍କ ଭାଇ ଅନ୍ୟ କ୍ଲାସ୍‌ ପାଇଁ ବାହାରି ଯାଇଥିଲେ। ପରେ ତାଙ୍କ ଭାଇ ଆସି ଦେଖିଲାବେଳକୁ କୋଠରି ଭିତରୁ ବନ୍ଦ ଥିଲା, ବାରମ୍ବାର ଡାକିବା ସତ୍ତ୍ୱେ କୌଣସି ଉତ୍ତର ମିଳିନଥିଲା। ହଷ୍ଟେଲ କର୍ତ୍ତୃପକ୍ଷଙ୍କୁ ଖବର ଦିଆଯିବା ପରେ କବାଟ ଭଙ୍ଗାଯାଇଥିଲା ଏବଂ କୋଠରିରେ ରୋଶନଙ୍କ ମୃତଦେହ ଖଟ ଉପରେ ପଡ଼ିଥିବା ଦେଖିବାକୁ ମିଳିଥିଲା। ତେବେ ସେଠାରୁ କୌଣସି ଆତ୍ମହତ୍ୟା ନୋଟ୍ ମିଳିନଥିବା ପୁଲିସ କହିଛି। ଜବାହରନଗର ଥାନାର ଏସ୍‌ଏଚ୍‌ଓ ରାମଲକ୍ଷ୍ମଣ କହିଛନ୍ତି, ପ୍ରାଥମିକ ତଦନ୍ତରୁ ଏହା ଏକ ଆତ୍ମହତ୍ୟା ବୋଲି ଜଣାପଡ଼ୁଛି। ଛାତ୍ରଙ୍କ ଆତ୍ମହତ୍ୟା ସଂପର୍କରେ ତାଙ୍କ ପରିବାରକୁ ଖବର ଦିଆଯାଇଛି ଏବଂ ମୃତଦେହ ପୋଷ୍ଟମର୍ଟମ ପାଇଁ ପଠାଯାଇଛି।ଭାରତର କୋଚିଂ ରାଜଧାନୀ ଭାବେ ପରିଚିତ କୋଟାରେ ନିଟ୍‌ ଭଳି କଡ଼ା ପ୍ରତିଯୋଗିତାମୂଳକ ପରୀକ୍ଷାର ଚାପ ଯୋଗୁ ଛାତ୍ର ଆତ୍ମହତ୍ୟା ସଂଖ୍ୟା ବୃଦ୍ଧି ପାଉଛି। ୨୦୨୫ରେ ରାଜସ୍ଥାନରେ ୨୦ଟି ଛାତ୍ର ଆତ୍ମହତ୍ୟା ମାମଲା ମଧ୍ୟରୁ ୧୮ଟି କୋଟାରେ ଘଟିଛି। ମାନସିକ ସ୍ୱାସ୍ଥ୍ୟ ସମର୍ଥନ ଓ କାଉନ୍‌ସେଲିଂ ପାଇଁ ଉଦ୍ୟମ ସତ୍ତ୍ୱେ ଛାତ୍ର ଆତ୍ମହତ୍ୟା ଥମୁ ନଥିବାରୁ ବିଭିନ୍ନ ମହଲ ଉଦ୍‌ବେଗ ପ୍ରକାଶ କରିଛନ୍ତି।

୫ପ୍ରସ୍ତାବକୁ କ୍ୟାବିନେଟ୍‌ ଅନୁମୋଦନ: ଏଣିକି ଆହାର ଖର୍ଚ୍ଚ ସରକାର ବହନ କରିବେ

ଭୁବନେଶ୍ବର: ରାଜ୍ୟ ସରକାର ଆହାର କାର୍ଯ୍ୟକ୍ରମକୁ ଯୋଜନାରେ ପରିଣତ କରିଛନ୍ତି। ପୂର୍ବରୁ ବିଭିନ୍ନ କର୍ପୋରେଟ୍‌ ସଂସ୍ଥାଙ୍କ ସିଏସ୍ଆର୍‌ ପାଣ୍ଠି, ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ଅର୍ଥ ଖର୍ଚ୍ଚ କରି ଲୋକଙ୍କୁ ୫ ଟଙ୍କାରେ ଭାତ, ଡାଲମା ଦେଉଥିଲେ। ଏବେ ଏହାକୁ ଗୃହନିର୍ମାଣ ଓ ନଗର ଉନ୍ନୟନ ବିଭାଗର ଏକ ଯୋଜନା ଭାବେ ଘୋଷଣା କରାଯାଇଛି। ଏଣିକି ସରକାର ଏହି ଯୋଜନା ପାଇଁ ନିଜ ପାଣ୍ଠିରୁ ଅର୍ଥ ଖର୍ଚ୍ଚ କରିବେ। ଏଥିପାଇଁ ୫ ବର୍ଷରେ ୫୧୨ କୋଟି ଟଙ୍କାର ବ୍ୟୟବରାଦ ହୋଇଛି। ଏହା କେବଳ ସବ୍‌ସିଡି ବାବଦକୁ ଖର୍ଚ୍ଚ ହେବ। ରାଜ୍ୟ ସରକାର ଆହାରକୁ ଯୋଜନା ଭାବେ ଘୋଷଣା କରିଥିଲେ ବି ପୂର୍ବଭଳି ଯେଉଁ ସଂସ୍ଥା ଖାଦ୍ୟ ଯୋଗାଉଥିଲା ସେହି ସଂସ୍ଥା ଯୋଗାଇବ। କିନ୍ତୁ ଏଥିପାଇଁ କୌଣସି ଟେଣ୍ଡର ହୋଇନି। ଆଜି ଏହି ନୂଆ ଯୋଜନା ସମ୍ପର୍କିତ ପ୍ରସ୍ତାବକୁ ରାଜ୍ୟ କ୍ୟାବିନେଟ୍ ଅନୁମୋଦନ କରିଛି। ରାଜ୍ୟ ସରକାର ଏହି ନୂଆ ଯୋଜନା ଆରମ୍ଭ କରିଥିବାବେଳେ ଭାତ, ଡାଲମାର ପ୍ରତି ମିଲ୍‌ ଖର୍ଚ୍ଚ ୪ ଟଙ୍କା ବଢ଼ିଯାଇଛି। ଯଦିଓ ପୂର୍ବଭଳି ଲୋକମାନେ ଆହାର କେନ୍ଦ୍ରରେ ଭାତ, ଡାଲମା ଖାଇଲେ ୫ ଟଙ୍କା ଦେବେ, କିନ୍ତୁ ରାଜ୍ୟ ସରକାର ଏବେ ୨୩ ଟଙ୍କା ବଦଳରେ ୨୭ ଟଙ୍କା ଘରୋଇ ସଂସ୍ଥାକୁ ଦେବେ। ପ୍ରତି ମିଲ୍‌ ପିଛା ସବ୍‌ସିଡି ୧୮ ଟଙ୍କାରୁ ବଢ଼ି ୨୨ ଟଙ୍କାକୁ ବୃଦ୍ଧି କରାଯାଇଛି। ଏହି ଯୋଜନାର ଅବଧି ୨୦୨୫-୨୬ରୁ ୨୦୨୯-୩୦ ପର୍ଯ୍ୟନ୍ତ ରଖାଯାଇଛି। ସେହିପରି କୃଷି ଏବଂ କୃଷକ ସଶକ୍ତୀକରଣ ବିଭାଗର ବୃହତ୍‌ ଉଠାଜଳସେଚନ ପ୍ରକଳ୍ପଗୁଡ଼ିକରେ ‘ଫସଲ ବିବିଧିକରଣ କାର୍ଯ୍ୟକ୍ରମ’ ପାଇଁ ୧୫୨୩.୯୮କୋଟି ଟଙ୍କାର ବ୍ୟୟବରାଦ କରାଯାଇଛି। ଏଥିରେ ୩ ବର୍ଷରେ ୩୦ଟି ଜିଲ୍ଲାରେ ମୋଟ ୧୧.୫୦ଲକ୍ଷ ହେକ୍ଟର ଧାନ ପରବର୍ତ୍ତୀ ପଡ଼ିଆ ଜମିରେ କରାଯିବ। ଏଥିରେ ୧.୯୫ ଲକ୍ଷ ହେକ୍ଟର ଉଚ୍ଚ ଓ ମଧ୍ୟମ ଜମିରେ ଧାନଚାଷକୁ ଅଣଧାନ ଓ ଉଚ୍ଚ ମୂଲ୍ୟଯୁକ୍ତ ଫସଲରେ ପରିବର୍ତ୍ତନ କରାଯିବ। ୧.୯୭ ଲକ୍ଷ ହେକ୍ଟର ନିୟମିତ ଧାନଚାଷ ଅଞ୍ଚଳକୁ ସ୍ବଦେଶୀ ସୁଗନ୍ଧିତ ଧାନଚାଷରେ ପରିବର୍ତ୍ତନ କରାଯିବ। ଏହାବ୍ୟତୀତ ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗର ପ୍ରାଣୀ ସମ୍ପଦ ସମୃଦ୍ଧି ଯୋଜନା ଅନ୍ତର୍ଗତ କ୍ଷୁଦ୍ର ପ୍ରାଣୀ ଉନ୍ନୟନ ଉପଯୋଜନାକୁ ରାଜ୍ୟ କ୍ୟାବିନେଟ୍ ଅନୁମୋଦନ କରିଛି। ଏଥିରେ ୪ ବର୍ଷରେ ମୋଟ ୨୯୪.୩୬ କୋଟି ଟଙ୍କାର ବ୍ୟୟ ଅଟକଳ ରଖାଯାଇଛି। ଏହି ଯୋଜନା ଦ୍ବାରା ପ୍ରାୟ ୨୩୭୩୫ କୃଷକଙ୍କ ସହିତ ମହିଳା ଏସ୍‌ଏଚ୍‌ଜି ଉପକୃତ ହେବେ। ଏଥିରେ ରାଜ୍ୟରେ ଅତିରିକ୍ତ ଭାବେ ବାର୍ଷିକ ୧୨.୨୫ ‌ଟିଏମ୍‌ଟି ମାଂସ ଉତ୍ପାଦନ ହେବ ବୋଲି ଲକ୍ଷ୍ୟ ରଖାଯାଇଛି। ଏହି ଦୁଇଟି ପ୍ରସ୍ତାବକୁ ରାଜ୍ୟ କ୍ୟାବିନେଟ୍ ଅନୁମୋଦନ କରିଛି।

Alert To Gajapati District: ପୂର୍ବ କ୍ଷତି ଭରଣା ହୋଇନି, ସମ୍ଭାବ୍ୟ ବାତ୍ୟା ନେଇ ଗଜପତିବାସୀ ଚିନ୍ତିତ

ପାରଳାଖେମୁଣ୍ଡି (ସୁଜିତ୍‌ ବିଷୋୟୀ): ଜିଲ୍ଲାକୁ ପୁଣି ବାତ୍ୟା ଭୟ। ଏବେଠୁ ଡରାଇଲାଣି ମୋନ୍ଥା। ସମ୍ଭାବ୍ୟ ବାତ୍ୟାକୁ ପ୍ରଶାସନର ପ୍ରସ୍ତୁତି। ପାଣିପାଗ ବିଭାଗର ଆକଳନ ଅନୁସାରେ ବାତ୍ୟା ମୋନ୍ଥା ଆନ୍ଧ୍ରପ୍ରଦେଶ ଶ୍ରୀକାକୁଲମ ଜିଲ୍ଲାର ଉପକୂଳରେ ସ୍ଥଳଭାଗ ଛୁଇଁ ବାକୁ ଥିବା ବେଳେ ଆନ୍ଧ୍ରପ୍ରଦେଶ ସୀମାବର୍ତ୍ତି ଜିଲ୍ଲା ହୋଇଥିବାରୁ ତାର ପ୍ରଭାବ ଗଜପତି ଜିଲ୍ଲା ଉପରେ ପଡିବାର ଆଶଙ୍କା ରହିଛି। ସେଥିପାଇଁ ଗଜପତି ଜିଲ୍ଲା ପ୍ରଶାସନ ମୁକାବିଲା ପାଇଁ ଆଗୁଆ ପଦକ୍ଷେପ ଗ୍ରହଣ କରିଛି। ସମସ୍ତ ସାତୋଟି ବ୍ଳକରେ ବରିଷ୍ଠ ଅଧିକାରୀମାନଙ୍କୁ ନୋଡାଲ ଅଧିକାରୀ ଭାବରେ ନିୟୋଜିତ କରାଯାଇଛି। ସମସ୍ତ ଅଧିକାରୀ ଓ କର୍ମଚାରୀମାନଙ୍କ ଛୁଟି ବାତିଲ କରିବା ସହ ମୁଖ୍ୟାଳୟ ଛାଡ଼ିବାକୁ ବାରଣ କରାଯାଇଛି। ଆବଶ୍ୟକ ସାମଗ୍ରୀ ମହଜୁଦ୍ ରଖିବାକୁ ନିର୍ଦ୍ଦେଶ ସେହିଭଳି ସମସ୍ତ ଅଞ୍ଚଳରେ ବାତ୍ୟା ଆଶ୍ରୟସ୍ଥଳୀ ପ୍ରସ୍ତୁତ ରଖିବା ସହ ଆବଶ୍ୟକ ସାମଗ୍ରୀ ମହଜୁଦ୍ ରଖିବା ପାଇଁ ନିର୍ଦ୍ଦେଶ ଦିଆଯାଇଥିବା ଅତିରିକ୍ତ ଜିଲ୍ଲାପାଳ ମୁନିନ୍ଦ୍ର ହୋନନାଗା କହିଛନ୍ତି। ସେହିଭଳି ଜିଲ୍ଲାର ସମସ୍ତ ଭୁସ୍ଖଳନ ପ୍ରବଣ ଅଞ୍ଚଳ ଓ ସମ୍ଭାବ୍ୟ ଭୁସ୍ଖଳନ ସ୍ଥଳ ଅଞ୍ଚଳ ବାସିନ୍ଦାଙ୍କୁ ସତର୍କ ରହିବାକୁ ମାଇକ ଜରିଆରେ ସୁଚନା ଦିଆଯାଉଛି। ୨୫୪ ଅସ୍ଥାୟୀ ଓ ୬ ଟି ସ୍ଥାୟୀ ବାତ୍ୟା ଆଶ୍ରୟ ସ୍ଥଳୀ ପ୍ରସ୍ତୃତି କାରି ର୍କାହିବାକୁ ନିର୍ଦ୍ଧେଶ ଦିଆଯାଇଛି। ଏନେଇ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିବା ବେଳେ ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ବିଭାଗ ମନ୍ତ୍ରୀସୁରେଶ ପୂଜାରୀ ଓ ସ୍ବତନ୍ତ୍ର ରିଲିଫ କମିଶନର ଭିଡିଓ କନଫ୍ରେନ୍ସେ ମଧ୍ୟମରେ ପ୍ରସ୍ତୁତିର ସମୀକ୍ଷା କରିଛନ୍ତି। ମୋଟାମୋଟି ଭାବେ ବାତ୍ୟା ମୁକାବିଲା ପାଇଁ ସମ୍ପୃର୍ଣ୍ଣ ପ୍ରସ୍ତୁତ ଥିବା କହିଛନ୍ତି ଅତିରିକ୍ତ ଜିଲ୍ଲାପାଳ ମୁନିନ୍ଦ୍ର ହୋନନାଗା। ଗଜପତି ଭୁଲିନି ଭୂସ୍ଖଳନ ଅପରପକ୍ଷରେ ଚଳିତ ମାସ ୨ ତାରିଖରେ ଲଘୁଚାପ ଜନିତ ଲଗାଣ ବର୍ଷାରେ ଅଧିକରୁ ଅଧିକ ପ୍ରଭାବିତ ହୋଇଛି ଗଜପତି ଜିଲ୍ଲା। ଜିଲ୍ଲାର ସମସ୍ତ ଅଞ୍ଚଳରେ ରାସ୍ତା ଘାଟ, ଚାଷ ଜମି, ଫସଲ, ଘରଦ୍ଵାର କ୍ଷତିଗ୍ରସ୍ତ ହୋଇଥିବା ବେଳେ ବିଭିନ୍ନ ସ୍ଥାନରେ ଭୁସ୍ଖଳନ ହେତୁ ୪ରୁ ଊର୍ଦ୍ଧ୍ବ ଜୀବନ ହାନି ଘଟିଛି। ତଦନୁସାରେ ଜିଲ୍ଲା ପ୍ରଶାସନ କ୍ଷୟକ୍ଷତି ଆକଳନ କରି ରାଜ୍ୟ ସରକାରଙ୍କୁ ଅବଗତ କରାଯାଇଥିବା କୁହାଯାଉଛି। କିନ୍ତୁ ଗଜପତି ଜିଲ୍ଲା ଏକ ଆଦିବାସୀ ଅଧ୍ୟୁଷିତ ଜିଲ୍ଲା ସାଙ୍ଗକୁ ବର୍ଷାରେ ବହୁଳ ଭାବରେ ପ୍ରଭାବିତ ହୋଇଥିବା ସତ୍ତ୍ଵେ ଜିଲ୍ଲାର ଗରିବ ହିତାଧିକାରୀଙ୍କୁ ସରକାରଙ୍କ ଏହି ସହାୟତାରୁ ବଞ୍ଚିତ କରିଛନ୍ତି। ସେ ନେଇ ବିଭିନ୍ନ ମହଲରେ ପ୍ରତିକ୍ରିୟା ପ୍ରକାଶ ପାଇଛି । ଜିଲ୍ଲା ପ୍ରଶାସନର ଖାମଖିଆଲ କାର୍ଯ୍ୟକଳାପ ଯୋଗୁଁ ରାଜ୍ୟ ସ୍ତରରେ ଉପଯୁକ୍ତ କ୍ଷୟକ୍ଷତିର ତଥ୍ୟ ଉପସ୍ଥାପନ ହୋଇ ପାରିନାହିଁ ଅଥବା ଜାଣି ଶୁଣି ରାଜ୍ୟ ସରକାର ଗଜପତି ଜିଲ୍ଲାକୁ ଅନାଦେଖା କରୁଛନ୍ତି ସେନେଇ ପ୍ରଶ୍ନ କରିଛନ୍ତି ସ୍ଥାନୀୟ ବିଧାୟକ ଇଂ ରୁପେଶ ପାଣିଗ୍ରାହୀ। ଆହୁରି ପଢ଼ନ୍ତୁ: Cabinet Approves: ରାଜ୍ୟ କ୍ୟାବିନେଟ୍‌ରେ ୪ଟି ବିଭାଗର ୫ଟି ପ୍ରସ୍ତାବକୁ ଅନୁମୋଦନ Landslides in Gajapati in first week of this month. (File photo) Photograph: (sambad.in) ଆର୍ଥିକ ସ୍ଥିତି ଭୁଷୁଡ଼ିଛି ଗତ ଦୁଇ ମାସ ମଧ୍ୟରେ ଲଘୁଚାପ ଜନିତ ଲଗାଣ ବର୍ଷାରେ ଯେଉଁ ପରିମାଣରେ ଗଜପତି ଜିଲ୍ଲାରେ କ୍ଷୟକ୍ଷତି ହୋଇଛି। ଜନସାଧାରଣ ବହୁ ପ୍ରଭାବିତ ହୋଇଛନ୍ତି। ବିଶେଷ କରି ଆଦିବାସୀ ଗ୍ରାମାଞ୍ଚଳରେ ଲୋକଙ୍କ ଆର୍ଥିକ ସ୍ଥିତି ଭୁଷୁଡ଼ି ଯାଇଛି, ଯାହାକୁ ଦୃଷ୍ଟିରେ ରଖି ରାଜ୍ୟ ସରକାର ସହାୟତା ପ୍ରଦାନ କରିବା ଅତ୍ୟନ୍ତ ଜରୁରୀ ହୋଇଥିବା ବେଳେ, ସରକାରୀ ସ୍ତରରେ କୌଣସି ମନ୍ତ୍ରୀ କିମ୍ବା ସଚିବ ସ୍ଥିତିର ଅନୁଧ୍ୟାନ କରିବା ପାଇଁ ଆସିଲେ ନାହିଁ। ଏଯାବତ ଜିଲ୍ଲା ପାଇଁ ସହାୟତା ରାଶି ମଧ୍ୟ ଘୋଷଣା ହୋଇ ପାରିଲା ନାହିଁ ଯାହା ଅନ୍ତ୍ୟତ ପରିତାପର ବିଷୟ ବୋଲି କହିଛନ୍ତି ବିଧାୟକ ଇଂ ରୂପେଶ ପାଣିଗ୍ରାହୀ। ଆହୁରି ପଢ଼ନ୍ତୁ: Investment In Projects: ୩୩ଟି ପ୍ରକଳ୍ପରେ ନିବେଶ ହେବ ୧.୪୬ ଲକ୍ଷ କୋଟି ଟଙ୍କା ୩୨୫୭ ହେକ୍ଟର ଚାଷ ଜମିରେ ଫସଲ କ୍ଷତି ଜିଲ୍ଲାରେ ମୋଟ ୩୨୫୭ ହେକ୍ଟର ଚାଷ ଜମିରେ ଫସଲ କ୍ଷତିହୋଇଥିବା ବେଳେ ରାଷ୍ଟଘାଟ, ଘରଦ୍ଵାର, ପୋଲ ଆଦି ପ୍ରାୟ ଶହେ କୋଟି ଟଙ୍କାର କ୍ଷତି ହୋଇଥିବାର ଆକଳନ କରିଥିଲା ବିଭାଗ ତଥାପି ସରକାର ଏଯାବତ ସହାୟତା ରାସୀ ଘୋଷଣା କରିନଥିବା ବେଳେ ପୁଣି ଏକ ବାତ୍ୟାର ଆକଳନ କରିଛି ପାଣିପାଗ ବିଭାଗ ସେତିକି ବେଳେ କ୍ଷତିଗ୍ରସ୍ତ ହେବା ଆଶଙ୍କାରେ ପାହାଡ ଅଞ୍ଚଳ ବାସିନ୍ଦା ରାଜ୍ୟ ସରକାର ୧୩୯ ଗୋଟି ସମ୍ଭାବ୍ୟ ଭୁସ୍ଖଳନ ଅଞ୍ଚଳ ଚିହ୍ନଟ କରିଥିଲେ ମଧ୍ୟ ତାକୁ ବାଦଦେଇ ଅନେକ ସ୍ଥାନରେ ବାରମ୍ବାର ଭୁସ୍ଖଳନ ହେଉଛି ପୂର୍ବ ବର୍ଷା ସମୟରେ ପେକଟ ଗ୍ରାମରେ ଭୁସ୍ଖଳନ ଘଟି ପାହାଡ଼ ମାଡ଼ି ଆସିବା ଫଳରେ ୨ ଜଣ ବାପ ପୁଅ ନିଖୋଜ ହୋଇଥିଲେ ସେହି ସ୍ଥାନ ମଧ୍ୟ ପ୍ରଶାସନର ସମ୍ଭାବ୍ୟ ଭୁସ୍ଖଳନ ତାଲିକାରେ ନଥିଲା। ସବୁ ବ୍ଲକରେ ନାହିଁ ବାତ୍ୟା ଆଶ୍ରୟସ୍ଥଳୀ ସେପଟେ ସରକାର ପୂର୍ବରୁ ବିପଦପୂର୍ଣ୍ଣ ଭାବେ ପାହାଡ ଉପରେ ବସବାସ କରୁଥିବା ଆଦିବାସୀ ମାନଙ୍କୁ ସମତଳ ଅଞ୍ଚଳକୁ ସ୍ଥାନାନ୍ତର ପାଇଁ ନିସ୍ପତି ନେଇଥିଲେ। କିନ୍ତୁ ଗୋଟିଏ ଦୁଇଟି ସ୍ଥାନକୁ ଛାଡିଦେଲେ ଅନ୍ୟ ଅଞ୍ଚଳରେ ତାହା କାର୍ଯ୍ୟକାରି କରାଯାଇ ନାହିଁ ଫଳରେ ଏଭଳି ପରିସ୍ଥିତି ଆସିଲେ ଭୟଭୀତ ହେବା ସ୍ଵାଭାବିକ ତେଣୁ ସରକାର ଏଥିପ୍ରତି ଦ୍ରୁଷ୍ଟି ଦେବା ଅବଶ୍ୟକ ରହିଛି। ଅନ୍ୟ ପକ୍ଷରେ ସର୍ବଦା ବାତ୍ୟା ହେଉ କି ବର୍ଷା କିଛି ବିପଦ ସଂକେତ ଆସିଲେ ସୁରକ୍ଷିତ ସ୍ଥାନକୁ ଅର୍ଥାତ ଅସ୍ଥାୟୀ ବାତ୍ୟା ଆଶ୍ରୟ ସ୍ଥଳୀକୁ ସ୍ଥାନାନ୍ତର କରାଯାଉଛି। କିନ୍ତୁ ଜିଲ୍ଲାର ମୋଟ ସାତୋଟି ବ୍ଲକ ଅଞ୍ଚଳରେ ମାତ୍ର ୬ଟି ବାତ୍ୟା ଆଶ୍ରୟ ସ୍ଥଳୀ ନିର୍ମାଣ କରାଯାଇଛି। ରାଜ୍ଯର ଏକମାତ୍ର ଭୁସ୍ଖଳନ ପ୍ରବଣ ଜିଲ୍ଲା ଭାବରେ ଗଜପତିକୁ ଚିହ୍ନଟ କରାଯାଇଥିବା ବେଳେ ଏଯାବତ ସମସ୍ତ ଅଞ୍ଚଳରେ ସ୍ଥାୟୀ ଆଶ୍ରୟ ସ୍ଥଳୀ ମଧ୍ୟ ନିର୍ମାଣ ହୋଇପାରି ନାହଁ ଯାହାକୁ ନେଇ କ୍ଷୋବ ପ୍ରକାଶ କରିଛନ୍ତି ଆଦିବାସୀ ନେତା ମରଜେଶ ଦଳ ବେହେରା, ସବୁବେଳେ ଆଦିବାସୀଙ୍କ ନାମରେ ଭୋଟ ବ୍ଯାଙ୍କ ସୃଷ୍ଟି କରୁଛନ୍ତି କିନ୍ତୁ ଆଦିବାସୀଙ୍କ ପାଇଁ ଦରଦ ନାହିଁ ବୋଲି କହିଛନ୍ତି। କଂଗ୍ରେସର ଦାବି ଜିଲ୍ଲାରେ ପ୍ରାୟ ସମସ୍ତ ଅଞ୍ଚଳ ପୁର୍ବ ବର୍ଷାରେ କ୍ଷତିଗ୍ରସ୍ତ ହୋଇଛି ଏଯାବତ ସରକାର ଆକଳନ କରି ସହାୟତା ଯୋଗାଇ ଦେବାରେ ବିଫଳ, ପୁଣି ଥରେ ବର୍ଷା ଏବଂ ବାତ୍ୟାର ସୁଚନା ଆସି ପହଞ୍ଚିଲାଣି, ଜାଣି ଶୁଣି ଅବହେଳା କରୁଛନ୍ତି। ଯଥା ଶୀଘ୍ର କ୍ଷତି ପୂରଣ ପ୍ରଦାନ ନକରନ୍ତି ତାହା ହେଲେ କଂଗ୍ରେସ ଏହାର ପ୍ରତିବାଦ କରିବ ବୋଲି କହିଛନ୍ତି ମୋହନା ବିଧାୟକ ତଥା ଜିଲ୍ଲା କଂଗ୍ରେସ ସଭାପତି ଦାଶରଥି ଗମାଙ୍ଗ।

Open Air Gyms: ଖତ ଖାଉଛି ଲକ୍ଷାଧିକ ଟଙ୍କାର ଓପନ ଜିମ୍

ନବରଙ୍ଗପୁର (ସୁରେଶ ନାଇଡୁ): ଖତ ଖାଇବାକୁ ବସିଲାଣି ଲକ୍ଷାଧିକ ଟଙ୍କାର ଓପନ ଜିମ୍। ଅଧିକାଂଶ ଓପନ୍‌ ଜିମ୍‌ରେ ଯେଉଁ ସବୁ ଭିତ୍ତିଭୂମି ଓ ବ୍ୟାୟମ୍ ସାମଗ୍ରୀ ଲାଗିବା କଥା ସେଥିକି ନ ଲଗାଇ ବାଟମାରଣା କରାଯାଇଛି। ସକାଳେ ଓ ସନ୍ଧ୍ୟାରେ ଛୋଟ ପିଲାଙ୍କ ଠାରୁ ବୃଦ୍ଧ ବ୍ୟକ୍ତିଙ୍କ ସୁସ୍ଥ ଶରୀର ପାଇଁ ଏସବୁ ନିର୍ମାଣ ହୋଇଥିଲା। କିନ୍ତୁ ଉପଯୁକ୍ତ ରକ୍ଷଣାବେକ୍ଷଣ ଦେଖାରଖା ଅଭାବରୁ ଜିମ୍‌ର ପ୍ଲାଷ୍ଟିକ ସାମଗ୍ରୀ ଓ ବିଶ୍ରାମ ଲାଗି ତିଆରି ହୋଇଥିବା ସିମେଣ୍ଟ ଚେୟାର ଭାଙ୍ଗି ନଷ୍ଟ ହେଲାଣି । କିଛି ସାମଗ୍ରୀରେ କଳଙ୍କି ଲାଗିଲାଣି। ଲୋକେ କମ୍ ଯିବା ସ୍ଥାନରେ ଏଭଳି ଓପନ ଜିମ୍ କରାଯିବା ଫଳରେ ଅବ୍ୟବହୃତ ହୋଇ ଲତାବୁଦାରେ ଭର୍ତ୍ତି ହେବା ସହ ବିଷାକ୍ତ କୀଟ ଓ ସାପ ଆଦିଙ୍କ ଘର ପାଲଟିଛି। ହିର୍ଲି ଡଙ୍ଗରରେ ଲୁଚିଗଲାଣି ଜିମ୍‌ ସ୍ଥାନୀୟ ଆରସିଡି ଉଚ୍ଚ ବିଦ୍ୟାଳୟ ପଡ଼ିଆ ଓ ହିର୍ଲି ଡଙ୍ଗରରେ ଥିବା ଓପନଜିମ୍ ଲତାବୁଦାରେ ଭରିଯାଇଛି। ଉଭୟ ଓପନଜିମ୍ ପାର୍ଶ୍ବ ପାଦଚଲା ରାସ୍ତା ଅଧପନ୍ତରିଆ ଅବସ୍ଥାରେ ଛାଡି ଦିଆଯାଇଛି। ଉଭୟ ପରିସରରେ ବିଷାକ୍ତ ପୋକ ଓ ସାପ ଆଦି ବୁଲୁଛନ୍ତି। ଏଥିପ୍ରତି ପୌରପାଳିକା ଦୃଷ୍ଟି ଦେବାକୁ ବୟସ୍କ ବ୍ୟକ୍ତିମାନେ ଦାବି କରିଛନ୍ତି। ବୟସ୍କ ବ୍ୟକ୍ତିମାନେ କହିଛନ୍ତି। ସହରର ବିଭିନ୍ନ ସ୍ଥାନରେ ପୌରପାଳିକା ପକ୍ଷରୁ ଓପନ ନିମର ବ୍ୟବସ୍ଥା ହୋଇଛି। ଏହା ସହ ସେଠାରେ ବସିବା ଲାଗି ସିମେଣ୍ଟ ଚେୟାର ରହିଛି। ପୌରପାଳିକାର ଏହା ଏକ ଉତ୍ତମ ଯୋଜନା। ବୟସ୍କମାନେ ଶରୀରକୁ ସୁସ୍ଥ ରଖିବାକୁ ସହରରେ କୌଣସି ସାମଗ୍ରୀ ବ୍ୟବହାର କରାଯାଇଥିବାରୁ, ଏସବୁ ଭାଙ୍ଗି ଗଲାଣି। ଯାହା ଫଳରେ ବ୍ୟୟମ କରିବାରେ ସମସ୍ୟା ହେଉଛି। ଭାଙ୍ଗିଥିବା ପ୍ଲାଷ୍ଟିକ ସାମଗ୍ରୀ ବଦଳାଇବା କଥା।ସେହିପରି ସିମେଣ୍ଟ ଚେୟାର ଭାଙ୍ଗିଯାଇଥିବାରୁ ବିଶ୍ରାମ ନେବାରେ ଅସୁବିଧା ହେଉଛି। ପୌରପାଳିକା ଏଥିପ୍ରତି ଦୃଷ୍ଟି ଦେଇଥିଲେ ଭଲ ହୁଅନ୍ତା ବୋଲି କହିଛନ୍ତି ଏହି ଅଂଚଳର ବୟସ୍କ ବ୍ୟକ୍ତି। ଆହୁରି ପଢ଼ନ୍ତୁ: Kota student death : କୋଟାରେ ଓଡ଼ିଆ ଛାତ୍ରଙ୍କ ସଂଦେହଜନକ ମୃତ୍ୟୁ ବାଟମାରଣ ଅଭିଯୋଗ ଅପରପକ୍ଷରେ କିଛି ଓପନଜିମରେ ‌ମାର୍ଗଦର୍ଶିକା ଅନୁଯାୟୀ ଯେତିକି ବ୍ୟାୟମସାମଗ୍ରୀ ଲାଗିବା କଥା ସେଥିକି ନ ଲଗାଇ ସେଥିରେ ବି ବାଟ ମାରଣା କରାଯାଇଛି। କେତେ ଟଙ୍କା ଏହି ଓପନଜିମ୍ ପାଇଁ ଅସିଥିଲା, ମାର୍ଗଦର୍ଶିକା ଅନୁଯାୟୀ ବ୍ୟାୟମ ଉପକରଣ ଓ ଅନ୍ୟାନ୍ୟ ସୁବିଧା କରାଯାଇଛି କି ନାହିଁ ଯାଂଚ କରାଯିବାର ଆବଶ୍ୟକତା ରହିଛିବୋଲି ପୂର୍ବତନ କାଉନସିଲର ଲାଲୁ ତ୍ରିପାଠୀ ଦାବି କରିଛନ୍ତି। ଅବ୍ୟବସ୍ଥାକୁ ସଜଡାଯିବ। ତୁରନ୍ତ ଓପନଜିମ ନିକଟରୁ ଲତାବୁଦା ସଫା କରି ‌ ଏହାର ଦେଖାରଖା ଓ ରକ୍ଷଣାବେକ୍ଷଣ ଦାୟିତ୍ବ ଉକ୍ତ ଅଂଚଳ ନିକଟସ୍ଥ ମହିଳା ଏସଏଚଜି ଗୃପ କିମ୍ବା ସ୍ବେଚ୍ଛାସେବୀ ଅନୁଷ୍ଠାନକୁ ହସ୍ତାନ୍ତର କରାଯିବାର ଯୋଜନା ରହିଛି ବୋଲି କହିଛନ୍ତି ପୌରପାଳିକା କାର୍ଯ୍ୟନିର୍ବାହୀ ଅଧିକାରୀ ଡ.ଅଶୋକ କୁମାର କର୍ଣ୍ଣ। ଆହୁରି ପଢ଼ନ୍ତୁ: Cabinet Approves: ରାଜ୍ୟ କ୍ୟାବିନେଟ୍‌ରେ ୪ଟି ବିଭାଗର ୫ଟି ପ୍ରସ୍ତାବକୁ ଅନୁମୋଦନ

Five Accuses Arrested: ଓଡ଼ିଶାରୁ ୫ଜଣଙ୍କୁ ଗିରଫ କଲା ଛତିଶଗଡ଼ ପୁଲିସ

ଚନ୍ଦାହାଣ୍ଡି (ମହମ୍ମଦ ହୁସେନ୍‌): ଛତିଶଗଡ଼ ଅମଲିପଦର ଏବଂ ଦେଓଭୋଗ ଅଂଚଳରୁ ମୋବାଇଲ ଏବଂ ସୁନା ଚୋରି ମାମଲାରେ ଗରିଆବନ୍ଧ ଜିଲ୍ଲା ପୁଲିସ ନବରଂଗପୁର ଜିଲ୍ଲା ଚନ୍ଦାହାଣ୍ଡି ଥାନା ଅଞ୍ଚଳର ଚାରି ଜଣ ଚୋର ଏବଂ ଚୋରି ମୋବାଇଲ କିଣିବା ଆଭିଯୋଗରେ ଜଣକୁ ଗିରଫ କରିଛି। ଅଭିଯୁକ୍ତମାନଙ୍କୁ ଗିରଫ ପରେ କୋର୍ଟ ଚାଲାଣ କରିଥିବା ନେଇଁ ଗରିଆବନ୍ଧ ଏସ୍‌ପି ନିଖିଲ ରଖେଚା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ସେ କହିଛନ୍ତି ‌ଚୋରି ମାମଲାରେ ମୋଟ ଜଣ ଗିରଫ ହୋଇଛନ୍ତି। ଏମାନଙ୍କ ମଧ୍ୟରେ ୫ଜଣ ଓଡ଼ିଶାର ଥିବା ବେଳେ ମହିଳା ଜଣକ ଛତିଶଗଡ଼ର ନିବାସୀ। ୯୭ଟି ଚୋରି ମୋବାଇଲ୍‌ ଜବତ ସୂଚନାରୁ ପ୍ରକାଶ ଅମଲିପଦର ଗ୍ରାମର ଏକ ମୋବାଇଲ ଦୋକାନରୁ ଗତ ସପ୍ତାହରେ ଚୋରି ହେବା ସହ ଉର୍ମାଲ ଗ୍ରାମର ଏକ ସୁନା ଦୋକାନରୁ ଚୋରି ହୋଇଥିଲା। ଏହି ଚୋରି ମାମଲା ରେ ଚନ୍ଦାହାଣ୍ଡି ଥାନା ଅଧିନସ୍ଥ ବୋରିଗୁଡା ଗ୍ରାମର ବାପା ପୁଅ ଭୁବନେଶ୍ୱର ବାରିକ (୩୯), ସୁରଜ ବାରିକ(୨୧), ଭୂପେନ୍ଦ୍ର ନେତାମ (୨୦), ଲିଙ୍ଗରାଜ ନେତାମ (୨୨) ଏବଂ ଚୋରି ମୋବାଇଲ କିଣିବା ଅଭିଯୋଗରେ ଦେଓବନ୍ଧ ଗ୍ରାମର ଦେବାଶିଷ ରାଉତ ଓ ରାୟପୁରର ପ୍ରୀତ ମିସ୍ତ୍ରୀଙ୍କୁ ଗିରଫ କରିବା ସହ ଏମାନଙ୍କ ନିକଟରୁ ୯୬ ଗୋଟି ଦାମୀ ମୋବାଇଲ ଫୋନ, ୪୩.୦୪ ଗ୍ରାମ ରୁପା, ୨.୧୦୯ ଗ୍ରାମ୍‌ ସୁନା ଗହଣା, ୫୭ ହଜାର ନଗଦ ଟଙ୍କା ଏବଂ ଚୋରି କାର୍ଯ୍ୟରେ ବ୍ୟବହୃତ ଏକ କାର ପୁଲିସ ଜବତ କରିଛି। ଆହୁରି ପଢ଼ନ୍ତୁ: Investment In Projects: ୩୩ଟି ପ୍ରକଳ୍ପରେ ନିବେଶ ହେବ ୧.୪୬ ଲକ୍ଷ କୋଟି ଟଙ୍କା ଦୁଇ ମାସ ହେଲା ଚୋର ସକ୍ରିୟ ପ୍ରକାଶ ଥାଉକି ଗତ ଦୁଇ ମାସ ହେବ ଚନ୍ଦାହାଣ୍ଡି ଅଂଚଳରେ ବହୁ ସ୍ଥାନରୁ ଚୋରି ହୋଇଥିଲେ ହେଁ ଏପର୍ଯ୍ୟନ୍ତ ଚନ୍ଦାହାଣ୍ଡି ପୋଲିସ ଗୋଟିଏ ମଧ୍ୟ ଚୋରି ମାମଲା ରେ ଚୋର ଧରିବାରେ ବିଫଳ ହୋଇଥିବା ବେଳେ ଛତିଶଗଡ ପୁଲିସ ଚନ୍ଦାହାଣ୍ଡି ଆସି ଚୋରଙ୍କୁ ଗିରଫ କରୁଛି। ଯାହା ଚନ୍ଦାହାଣ୍ଡି ପୋଲିସ ର କାର୍ଯ୍ୟ ଦକ୍ଷତା ଉପରେ ଆଙ୍ଗୁଳି ନିର୍ଦେଶ କରୁଛି।ଏହି ଚୋରି ଜିନିଷର ମୂଲ୍ୟ ୨୭ ଲକ୍ଷ ୪୨ ହଜାର ହେବ ବୋଲି ଗରିଆବନ୍ଧ ଏସପି ନିଖିଲ ରଖେଚା ପ୍ରକାଶ କରିବା ସହ ସମସ୍ତଙ୍କ ନାମରେ ଅମଲିପଦର ଥାନାରେ ଗୋଟିଏ ଏବଂ ଦେଓଭୋଗ ଥାନାରେ ତିନିଟି ଚୋରି ମାମଲା ରୁଜୁ ହୋଇଥିବା ପ୍ରକାଶ କରିଛନ୍ତି। ଆହୁରି ପଢ଼ନ୍ତୁ: Cabinet Approves: ରାଜ୍ୟ କ୍ୟାବିନେଟ୍‌ରେ ୪ଟି ବିଭାଗର ୫ଟି ପ୍ରସ୍ତାବକୁ ଅନୁମୋଦନ

Bihar Elections : ୧୧ ଜଣ ନେତାଙ୍କୁ ଦଳରୁ ବହିଷ୍କାର କଲେ ନୀତୀଶ

Bihar Elections : ବିହାର ବିଧାନସଭା ନିର୍ବାଚନ ମଧ୍ୟରେ ନୀତୀଶ କୁମାର (Nitish Kumar)ଙ୍କ ଦଳ ଜେଡିୟୁ (JDU) ଏକ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଦଳ ବିରୋଧୀ କାର୍ଯ୍ୟକଳାପରେ ଲିପ୍ତ ରହିବା ପାଇଁ ଜେଡିୟୁ ୧୧ ଜଣ ନେତାଙ୍କୁ ଦଳରୁ ବହିଷ୍କାର କରିଛି। ଏହି ନେତାମାନଙ୍କ ମଧ୍ୟରେ ପୂର୍ବତନ ମନ୍ତ୍ରୀ, ପୂର୍ବତନ ଏମଏଲସି ଏବଂ ପୂର୍ବତନ ବିଧାୟକ ଅଛନ୍ତି। ବହିଷ୍କୃତ ନେତାମାନଙ୍କ ମଧ୍ୟରେ ପୂର୍ବତନ ମନ୍ତ୍ରୀ ଶୈଳେଶ କୁମାର, ପୂର୍ବତନ ଏମଏଲସି ସଞ୍ଜୟ ପ୍ରସାଦ, ପୂର୍ବତନ ବିଧାୟକ ଶ୍ୟାମ ବାହାଦୁର ସିଂହ, ପୂର୍ବତନ ଏମଏଲସି ରଣବିଜୟ ସିଂହ ଏବଂ ପୂର୍ବତନ ବିଧାୟକ ସୁଦର୍ଶନ କୁମାରଙ୍କ ସମେତ ୧୧ ଜଣ ଅଛନ୍ତି। ଆହୁରି ପଢନ୍ତୁ : PAK General in Dhaka: ଢାକା ଗସ୍ତରେ ପାକିସ୍ତାନର ନଂ୨ ସେନା ଅଧିକାରୀ, ସତର୍କ ହେଲା ଭାରତ ଏହି ନେତାମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ସୂଚନାଯୋଗ୍ୟ ଯେ ଜେଡିୟୁ ଜମାଲପୁରରୁ ସ୍ୱାଧୀନ ପ୍ରାର୍ଥୀ ଭାବରେ ପ୍ରତିଦ୍ୱନ୍ଦ୍ୱିତା କରୁଥିବା ପୂର୍ବତନ ମନ୍ତ୍ରୀ ଶୈଳେଶ କୁମାରଙ୍କୁ ଦଳରୁ ବହିଷ୍କାର କରିଛି। ଚକାଇ ଆସନରୁ ସ୍ୱାଧୀନ ପ୍ରାର୍ଥୀ ଭାବରେ ପ୍ରତିଦ୍ୱନ୍ଦ୍ୱିତା କରୁଥିବା ସଞ୍ଜୟ ପ୍ରସାଦଙ୍କୁ ମଧ୍ୟ ବହିଷ୍କାର କରାଯାଇଛି। ବରହରା ଆସନରୁ ସ୍ୱାଧୀନ ପ୍ରାର୍ଥୀ ଭାବରେ ପ୍ରତିଦ୍ୱନ୍ଦ୍ୱିତା କରୁଥିବା ପୂର୍ବତନ ଏମଏଲସି ରଣବିଜୟ ସିଂହଙ୍କ ବିରୁଦ୍ଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଜେଡିୟୁ ଜିରାଦେଇରୁ ପ୍ରତିଦ୍ୱନ୍ଦ୍ୱିତା କରୁଥିବା ବିବେକ ଶୁକ୍ଳା ଏବଂ ମହୁଆ ଆସନରୁ ପ୍ରତିଦ୍ୱନ୍ଦ୍ୱିତା କରୁଥିବା ଆସ୍ମା ପରୱିନଙ୍କୁ ମଧ୍ୟ ବହିଷ୍କାର କରିଛି। ସ୍ୱାଧୀନ ପ୍ରାର୍ଥୀ ଭାବରେ ବାରବିଘା ଆସନରୁ ପ୍ରତିଦ୍ୱନ୍ଦ୍ୱିତା କରିଥିବା ସୁଦର୍ଶନ କୁମାରଙ୍କୁ ମଧ୍ୟ ଦଳରୁ ବହିଷ୍କାର କରାଯାଇଛି। ଜେଡିୟୁ ବାରହାରିଆରୁ ପ୍ରତିଦ୍ୱନ୍ଦ୍ୱିତା କରିଥିବା ଶ୍ୟାମ ବାହାଦୁର ସିଂହ, ନବନଗରରୁ ପ୍ରତିଦ୍ୱନ୍ଦ୍ୱିତା କରିଥିବା ଲଭ କୁମାର, ମୋତିହାରୀରୁ ପ୍ରତିଦ୍ୱନ୍ଦ୍ୱିତା କରିଥିବା ଦିବ୍ୟାଂଶୁ ଭରଦ୍ୱାଜ, ସାହେବପୁର କମଲରୁ ପ୍ରତିଦ୍ୱନ୍ଦ୍ୱିତା କରିଥିବା ଅମର କୁମାର ସିଂହ ଏବଂ କଡୱାରୁ ପ୍ରତିଦ୍ୱନ୍ଦ୍ୱିତା କରିଥିବା ଆଶା ସୁମନଙ୍କୁ ମଧ୍ୟ ବହିଷ୍କାର କରିଛି। ଆହୁରି ପଢନ୍ତୁ : Pakistan-Afganistan peace talks : ଆଫଗାନିସ୍ତାନ ସହ ଶାନ୍ତି ଚୁକ୍ତି ନହେଲେ ଖୋଲାଖୋଲି ଯୁଦ୍ଧ ହେବ : ପାକ୍ ପ୍ରତିରକ୍ଷା ମନ୍ତ୍ରୀ

School Locked: ସ୍କୁଲରେ ତାଲା ପକାଇ ଧାରଣା ଦେଲେ ଛାତ୍ରଛାତ୍ରୀ, ୪ ଗ୍ରାମବାସୀ

ଜମନକିରା: ସମ୍ବଲପୁର ଜିଲ୍ଲା ଜମନକିରା ବ୍ଲକ ବଡ଼ରମା ପଂଚାୟତ ଅଞ୍ଚଳ କୁତବ ସରକାରୀ ଉଚ୍ଚ ପ୍ରାଥମିକ ସ୍କୁଲରେ ଶିକ୍ଷକ ଅଭାବ ରହିଛି। ଶିକ୍ଷକ ନିଯୁକ୍ତି ନେଇ କୁତବ, ରେଙ୍ଗୁମୁଣ୍ଡା, ଚେପଟିକାନି ଓ ସାନ ବାଦିବାହାଲ୍ ଏହି ୪ ଗାଁର ମହିଳା ପୁରୁଷ ଆଜି ପୂର୍ବାହ୍ନ ୧୦ଟାରୁ ସ୍କୁଲ୍ ସଭାନେତ୍ରୀ ମୀନା ସିଂ ଏବଂ ଗାଁର ଶ୍ରୀକର ପଧାନ, ଜୟରାମ ସିଂ, ମନୋଜ୍ ସାହୁ, ନିତ୍ୟାନନ୍ଦ ପଧାନ ପ୍ରଭୃତି ଗାଁ ଲୋକଙ୍କ ନେତୃତ୍ୱରେ ଶିକ୍ଷକ ଦାବିରେ ପ୍ରାଥମିକ ସ୍କୁଲ ସମ୍ମୁଖ ଗେଟ୍‌ରେ ତାଲା ପକାଇ ଦେଇଥିଲେ। ଧାରଣାରେ ବସିଲେ ଲୋକେ ଭାରପ୍ରାପ୍ତ ପ୍ରଧାନ ଶିକ୍ଷକ ଅଭିମନ୍ୟୁ ବୁଡ଼ା, ଅଙ୍ଗନୱାଡ଼ି କର୍ମୀ ରୀନା ଡଗରା, ଛାତ୍ରଛାତ୍ରୀ, ଶିଶୁବାଟିକା ଶିଶୁମାନଙ୍କୁ ସ୍କୁଲରୁ ବାହାରି ଯିବାକୁ କହିଥିଲେ। ଏଥିସହ ପ୍ରାଥମିକ ସ୍କୁଲ୍ ଗେଟ୍ ସମ୍ମୁଖରେ ୪ ଗାଁର ମହିଳା ପୁରୁଷ ଶିକ୍ଷକ ଦାବି ଜଣାଇ ଧାରଣା ଦେଇଥିଲେ। ପରେ ଖବର ପାଇ ଏବିଇଓ ଦେବକୀ ନାଏକ, ସିଆରସିସି, ଏକାଉଣ୍ଟାଣ୍ଟ ନିରଞ୍ଜନ ସେଠ୍ ପ୍ରମୁଖ ପହଂଚି ବୁଝାସୁଝା କରିଥିଲେ। ଉତ୍ତ୍ୟକ୍ତ ୪ ଗାଁ ଲୋକେ ସେହି ସ୍କୁଲ୍ରୁ ଶିକ୍ଷକ ଗୌରାଙ୍ଗ ବାଘଙ୍କୁ ସ୍ଥାନାନ୍ତର (ଡେପୁଟେଶନ) କରିଥିବାରୁ ତାଙ୍କୁ ଫେରାଇ ଦେବାକୁ ଦାବି କରିଥିଲେ। ବିଦ୍ୟାଳୟରେ ୨ଜଣ ଶିକ୍ଷକ ପୂର୍ବରୁ ଉକ୍ତ ସ୍କୁଲ୍‌ରେ ୪ ଜଣ ଶିକ୍ଷକ ରହିଥିଲେ। ଏଥିମଧ୍ୟରୁ ବିଦ୍ୟାଧର କୂମୁରାଙ୍କ ଦେହାନ୍ତ ଘଟି ଥିବା ବେଳେ ଅନ୍ୟ ଜଣେ ଶିକ୍ଷକ ଗୌରାଙ୍ଗ ବାଘଙ୍କୁ ରେଙ୍ଗୁମୁଣ୍ଡା ପ୍ରାଥମିକ ସ୍କୁଲ୍ କୁ ସ୍ଥାନାନ୍ତର କରାଯାଇ ଥିଲା। ବର୍ତ୍ତମାନ୍ ପରିସ୍ଥିତିରେ କୁତବ ପ୍ରାଥମିକ ସ୍କୁଲରେ ଶିଶୁବାଟିକାରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ମୋଟ୍ ୪୩ ଜଣ ଛାତ୍ର ଛାତ୍ରୀ ପାଠ ପଢ଼ୁଥିବା ବେଳେ ଭାରପ୍ରାପ୍ତ ପ୍ରଧାନ ଶିକ୍ଷକଙ୍କୁ ମିଶାଇ ଏଠାରେ ୨ ଜଣ ଶିକ୍ଷକ ଶିକ୍ଷାଦାନ କରୁଛନ୍ତି। ଫଳରେ ସ୍କୁଲ୍ ରେ ଛାତ୍ରଛାତ୍ରୀମାନେ ପାଠ ପଢିବା ପାଇଁ ବହୁତ ଅସୁବିଧାର ସମ୍ବୁଖିନ ହେଉଛନ୍ତି। ଆହୁରି ପଢ଼ନ୍ତୁ: Kota student death : କୋଟାରେ ଓଡ଼ିଆ ଛାତ୍ରଙ୍କ ସଂଦେହଜନକ ମୃତ୍ୟୁ ଶିକ୍ଷା ବିଭାଗର ଅବହେଳା! ଏନେଇ କୁତବ ଗାଁ ଲୋକେ ବ୍ଲକ ଶିକ୍ଷା ଅଧିକାରୀ (ବିଇଓ) ଓ ଜିଲ୍ଲା ଶିକ୍ଷା ଅଧିକାରୀ (ଡିଇଓ)ଙ୍କୁ ବାରମ୍ବାର ଦାବି ଜଣାଇ ଥିବା ବେଳେ ଜମନକିରାରେ ଜିଲ୍ଲାପାଳଙ୍କ ଜନଶୁଣାଣୀ ଶିବିରରେ ମଧ୍ଯ ଅଭିଯୋଗ କରିଥିଲେ। ହେଲେ ଏଦିଗରେ ପ୍ରଶାସନିକ ଅବହେଳାରୁ ଦୀର୍ଘ ମାସ ପରେ ବି ଶିକ୍ଷକ ନିଯୁକ୍ତି ହୋଇପାରିନାହିଁ। ଏନେଇ ବିଇଓ ରୁକ୍ମଣ ପ୍ରଧାନଙ୍କୁ ପୁଣିଥରେ ଲିଖିତ ଦାବିପତ୍ର ଦେବା ସହିତ ଏକ ସପ୍ତାହ ସମୟ ଦିଆଯାଇଥିଲା। କିନ୍ତୁ ଶିକ୍ଷା ବିଭାଗ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆ ନ ଯିବାରୁ କୁତବ ଗାଁ ସମେତ ୪ ଗାଁ ଲୋକେ ବାଧ୍ୟ ହୋଇ ଶନିବାର ୯ ଟା ରୁ ଉକ୍ତ ପ୍ରାଥମିକ ସ୍କୁଲ୍ ସମ୍ମୁଖରେ ୪ ଗାଁର ମହିଳା ପୁରୁଷ, ଛାତ୍ରଛାତ୍ରୀ ଧାରଣା ଦେଇଥିଲେ। ଖବର ପାଇ ଜମନକିରା ଏବିଓ ଦେବକୀ ନାଏକ ଧାରଣା ସ୍ଥଳକୁ ପହଞ୍ଚି ସ୍ଥାନାନ୍ତର ହୋଇଥିବା ଶିକ୍ଷକ ଗୌରାଙ୍ଗ ବାଘଙ୍କ ଡେପୁଟେଶନ ରଦ୍ଦ କରିବା ସହ ତାଙ୍କୁ ତୁରନ୍ତ କୁତବ ପ୍ରାଥମିକ ସ୍କୁଲକୁ ଫେରାଇ ଦିଆଯାଇ ଥିଲା। ଖୁବ ଶୀଘ୍ର ଆଉ ଜଣେ ଶିକ୍ଷକଙ୍କୁ ନିଯୁକ୍ତ କରିବାକୁ ଏବିଇଓ ଲିଖିତ ପ୍ରତିଶ୍ରୁତି ଦେବାପରେ ଗାଁ ଲୋକେ ତାଲା ଖୋଲିବା ସହିତ ଧାରଣାରୁ ଉଠି ଯାଇଥିଲେ। ଆହୁରି ପଢ଼ନ୍ତୁ: Investment In Projects: ୩୩ଟି ପ୍ରକଳ୍ପରେ ନିବେଶ ହେବ ୧.୪୬ ଲକ୍ଷ କୋଟି ଟଙ୍କା

Murderer Father: ପତ୍ନୀଙ୍କ ସହ ଝଗଡ଼ା ହେବାରୁ ଦୁଇ ଯାଆଁଳା ଝିଅଙ୍କ ଗଳା କାଟି ହତ୍ୟା କଲେ ବାପା

ବୁଲଢାନା: ମହାରାଷ୍ଟ୍ର ର ବୁଲଢାନାରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ପତ୍ନୀଙ୍କ ସହ ବିବାଦ ହେବାରୁ ନିଜ ଜନ୍ମକଲା ଦୁଇ ଝିଅଙ୍କ ଜୀବନ ନେବାକୁ ବି ପଛାଇଲେ ନାହିଁ ବାପା। ଜଣେ ବ୍ୟକ୍ତି ତାଙ୍କ ସ୍ତ୍ରୀଙ୍କ ସହ ଝଗଡ଼ା ପରେ ଉତ୍ତ୍ୟକ୍ତ ହୋଇ ତାଙ୍କ ଯମଜ ଝିଅଙ୍କ ଗଳା କାଟି ହତ୍ୟା କରିଛନ୍ତି। ନିର୍ଦ୍ଦୋଷ ପିଲାମାନଙ୍କୁ ହତ୍ୟା କରିବା ପରେ, ଅଭିଯୁକ୍ତ ବାପା ପୁଲିସ ପାଖକୁ ଯାଇ ତାଙ୍କ ଅପରାଧ ସ୍ୱୀକାର କରିଛନ୍ତି। ଏହି ଭୟଙ୍କର ଘଟଣା ବିଷୟରେ ଜାଣିବା ପରେ ପୁଲିସ ତୁରନ୍ତ ଅଭିଯୁକ୍ତଙ୍କୁ ଗିରଫ କରିଛି। ଅଭିଯୁକ୍ତଙ୍କ ନାମ ରାହୁଲ ଚଭନ। ଅଭିଯୁକ୍ତ ଙ୍କୁ ପଚରାଉଚରା କରିବା ପରେ ଦୁଇ ଝିଅଙ୍କ ମୃତଦେହ ଆଞ୍ଚରାୱାଡି ଶିବରାର ଜଙ୍ଗଲରୁ ଉଦ୍ଧାର କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି। ଆହୁରି ପଢ଼ନ୍ତୁ: ସ ମ୍ପତ୍ତି ବିବାଦକୁ ନେଇ ରାସ୍ତା ମଝିରେ ଠିଆପାଲା ସ୍ତ୍ରୀ ସହ ଝଗଡ଼ା ନେଲା ପିଲାଙ୍କ ଜୀବନ ପ୍ରାରମ୍ଭିକ ତଦନ୍ତରୁ ପୁଲିସ୍‌ ଜାଣିବାକୁ ପାଇଛି ଯେ ଦୁଇ ଝିଅଙ୍କୁ ହତ୍ୟା କରିବା ପୂର୍ବରୁ ରାହୁଲ ତାଙ୍କ ସ୍ତ୍ରୀଙ୍କ ସହ କୌଣସି ପ୍ରସଙ୍ଗକୁ ନେଇ ଝଗଡ଼ା କରିଥିଲେ। ଝଗଡ଼ା ଫଳରେ ସେ ପ୍ରବଳ ଜୋର୍‌ରେ ରାଗି ଯାଇଥିଲେ। ଅଭିଯୁକ୍ତ ପୁଲିସକୁ କହିଥିଲେ ଯେ ସେ ତାଙ୍କ ସ୍ତ୍ରୀ ଏବଂ ଝିଅମାନଙ୍କ ସହିତ ଯଦି କୌଣସି ସ୍ଥାନକୁ ଯାଉଥିଲେ; ସେତେବେଳେ ତାଙ୍କ ସ୍ତ୍ରୀ କେଉଁ ବି କଥାକୁ ନେଇ ଝଗଡ଼ା କରି ବସୁଥିଲେ। ଏଥର ଝଗଡ଼ା ପରେ ତାଙ୍କ ସ୍ତ୍ରୀ ତୁରନ୍ତ ତାଙ୍କୁ ଛାଡି ତାଙ୍କ ବାପଘରକୁ ଚାଲିଗଲେ ଏବଂ ରାହୁଲ ତାଙ୍କ ଦୁଇ ଝିଅଙ୍କୁ ସାଙ୍ଗରେ ନେଇ ଚାଲିଯାଇଥିଲେ। ଆହୁରି ପଢ଼ନ୍ତୁ: ଧନ୍‌ତେରସ୍‌ରେ ସୁନା କିଣିବାକୁ ଯାଇ ଚୋରି କଲେ ଦୁଇ ମହିଳା ପୁଲିସ୍‌ ଜେରା ବେଳେ ମାନିଗଲେ ସତ ପୁଲିସ ପଚରାଉଚରା ସମୟରେ ଅଭିଯୁକ୍ତ ପ୍ରକାଶ କରିଛନ୍ତି ଯେ ତାଙ୍କ ପତ୍ନୀଙ୍କଠାରୁ ଅଲଗା ହେବା ପରେ ସେ ଉଭୟ ଝିଅ ଙ୍କୁ ସିଧାସଳଖ ବୁଲଢାନାର ଅନ୍ଧେରା ଫାଟା ନିକଟସ୍ଥ ଜଙ୍ଗଲକୁ ନେଇଯାଇଥିଲେ। ତାଙ୍କ ପତ୍ନୀଙ୍କ ସହ ଝଗଡ଼ା ପରେ ସେ ଏତେ କ୍ରୋଧିତ ହୋଇଯାଇଥିଲେ ଯେ ସେ କ୍ରୋଧରେ ଉଭୟ ଝିଅଙ୍କ ଗଳା କାଟି ନିର୍ମମ ଭାବରେ ହତ୍ୟା କରିଥିଲେ। ହତ୍ୟା ପରେ ସେ ନିଜ ଭୁଲ୍‌ ବୁଝି ପାରିଥିଲେ। ତା'ପରେ ସେ ପୁଲିସ ପାଖକୁ ଯାଇ ନିଜର ଅପରାଧ ସ୍ୱୀକାର କରିଥିଲେ। ପୁଲିସ ସୂତ୍ର ଅନୁଯାୟୀ, ଅଭିଯୁକ୍ତଙ୍କଠାରୁ ସୂଚନା ପାଇବା ପରେ ପୁଲିସ ଦଳ ଘଟଣାସ୍ଥଳରେ ପହଞ୍ଚିବା ପରେ ସେମାନେ ଦୁଇ ଝିଅଙ୍କ ମୃତଦେହ ପୋଡ଼ି ଯାଇଥିବା ଦେଖିଥିଲେ। ପୁଲିସ ସନ୍ଦେହ କରୁଛି ଯେ ହତ୍ୟା ପରେ ମୃତଦେହର ପରିଚୟ ଲୁଚାଇବା ପାଇଁ ଅଭିଯୁକ୍ତ ଏପରି କରିଥାଇପାରନ୍ତି। ତଥାପି, ପୁଲିସ ବର୍ତ୍ତମାନ ସମ୍ପୂର୍ଣ୍ଣ ମାମଲାର ତଦନ୍ତ କରୁଛି। ଆହୁରି ପଢ଼ନ୍ତୁ: ଦୁଇ ଅଷ୍ଟ୍ରେଲୀୟ ମହିଳା କ୍ରିକେଟରଙ୍କୁ ପିଛା କରି ଅନୁପଯୁକ୍ତ ସ୍ପର୍ଶ କରିଥିବା ବାଇକ୍‌ ଚାଳକ ଗିରଫ murder | Crime | maharastra

Kota student death : କୋଟାରେ ଓଡ଼ିଆ ଛାତ୍ରଙ୍କ ସଂଦେହଜନକ ମୃତ୍ୟୁ

ଭୁବନେଶ୍ବର : ରାଜସ୍ଥାନର ଶିକ୍ଷା ନଗରୀ କୋଟା (Kota) ର ଏକ ହଷ୍ଟେଲରେ ରହୁଥିବା ଜଣେ ଓଡ଼ିଆ ଛାତ୍ରଙ୍କ ସନ୍ଦେହଜନକ ମୃତ୍ୟୁ ଘଟଣା ସାମ୍ନାକୁ ଆସିଛି। ମୃତ ଛାତ୍ରଙ୍କ ନାମ ରୋଶନ, ତାଙ୍କ ଘର ଗଞ୍ଜାମ ଜିଲ୍ଲା ଜରଡ଼ା ଥାନା ଅଭୟପୁର ବୋଲି ଜଣାପଡ଼ିଛି। ସେ ଜବାହାର ନଗର ଥାନା ଅଞ୍ଚଳର ନ୍ୟୁ ରାଜୀବ ଗାନ୍ଧୀ ନଗର ଅଞ୍ଚଳର ଯୁବା ରେସିଡେନ୍ସିରେ ରହୁଥିଲେ। କୋଟାରେ ରହୁଥିବା ସମୟରେ ଛାତ୍ର ଜଣକ ପ୍ରାଇଭେଟ୍ କୋଚିଂ ମାଧ୍ୟମରେ NEET ପାଇଁ ପ୍ରସ୍ତୁତି କରୁଥିଲେ। ସୂଚନା ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚି ଆମ୍ବୁଲାନ୍ସ ସାହାଯ୍ୟରେ ଛାତ୍ରଙ୍କୁ MBS ହସ୍ପିଟାଲକୁ ପଠାଯାଇଥିଲା ଯେଉଁଠାରେ ଡାକ୍ତର ଛାତ୍ରଙ୍କୁ ମୃତ ଘୋଷଣା କରିଥିଲେ। ପୁଲିସ ଛାତ୍ରଙ୍କ ମୃତଦେହକୁ ଶବାଗାରରେ ରଖିଛି। ଏହା ସହିତ, ଏହି ମାମଲାରେ ତଦନ୍ତ କରାଯାଉଛି। ଶନିବାର ଦିନ ଛାତ୍ରଙ୍କ ମୃତଦେହ ସନ୍ଦେହଜନକ ଅବସ୍ଥାରେ ମିଳିବା ଏହି ଘଟଣା ସାମ୍ନାକୁ ଆସିଥିଲା। ରୋଶନଙ୍କୁ ତାଙ୍କ ରୁମରେ ପଡ଼ିଥିବା ଦେଖି ହଷ୍ଟେଲ ଇନଚାର୍ଜଙ୍କୁ ଘଟଣା ବିଷୟରେ ସୂଚନା ଦିଆଯାଇଥିଲା। ପୁଲିସ କହିଛି ଯେ ସୂଚନା ପାଇବା ପରେ ସେମାନେ ଘଟଣାସ୍ଥଳରେ ପହଞ୍ଚି ଛାତ୍ରଙ୍କ ରୁମ ଖୋଜାଖୋଜି କରିଥିଲେ। ତଥାପି, ରୁମରୁ କୌଣସି ସୁଇସାଇଡ୍ ନୋଟ ମିଳିନଥିଲା । ଅଧିକ ପଢ଼ନ୍ତୁ: କନେଷ୍ଟବଳଙ୍କ ପ୍ରେମରେ ଥିଲେ ମୃତ ଡାକ୍ତର, ବିବାହ ପାଇଁ ଦେଇଥିଲେ ପ୍ରସ୍ତାବ କ'ଣ କହୁଛି ପୁଲିସ ? ଜବାହର ନଗର ପୋଲିସ ଷ୍ଟେସନ ଅଧିକାରୀ ରାମ ଲକ୍ଷ୍ମଣ କହିଛନ୍ତି ଯେ ସୂଚନା ପାଇବା ପରେ, ଫରେନସିକ (FSL) ଦଳକୁ ମଧ୍ୟ ଘଟଣାସ୍ଥଳକୁ ଡକାଯାଇଥିଲା। ଛାତ୍ର ଜଣକ ଗତ ଚାରି ମାସ ଧରି କୋଟାରେ ରହୁଥିଲେ, NEET ପାଇଁ ପ୍ରସ୍ତୁତି କରୁଥିଲେ। ସୂଚନା ଅନୁଯାୟୀ, ଛାତ୍ରଙ୍କ ଭାଇ ମଧ୍ୟ କୋଟାରେ ରହୁଥିଲେ। ସେମାନେ ଏକ ରୁମ ସେୟାର କରିଥିଲେ। ସେହି ରାତିରେ ସେମାନେ ଏକାଠି ରାତ୍ରୀଭୋଜନ କରିଥିଲେ ଏବଂ ସକାଳେ କଥା ହୋଇଥିଲେ। ପରେ, ତାଙ୍କ ଭାଇ କୋଚିଂ କ୍ଲାସକୁ ଯାଇଥିଲେ। ଯେତେବେଳେ ସେ ଫେରିଲେ, ରୋଶନ ଗେଟ୍ ଖୋଲି ନଥିଲେ। ସନ୍ଦେହ ସୃଷ୍ଟି ହେଲା, ଇନଚାର୍ଜଙ୍କୁ ଡକାଗଲା, ଏବଂ ଗେଟ୍ ଖୋଲିବା ପରେ ରୋଶନ ଅଚେତ ଅବସ୍ଥାରେ ପଡ଼ିଥିବା ଜଣାପଡ଼ିଥିଲା। ଛାତ୍ରଙ୍କ ପରିବାରକୁ ଘଟଣା ବିଷୟରେ ସୂଚନା ଦିଆଯାଇଛି ଏବଂ ସେମାନେ କୋଟାରେ ପହଞ୍ଚିବା ପରେ ମୃତଦେହର ପୋଷ୍ଟମର୍ଟମ କରାଯିବ। ଆହୁରି ପଢନ୍ତୁ : Pakistan-Afganistan peace talks : ଆଫଗାନିସ୍ତାନ ସହ ଶାନ୍ତି ଚୁକ୍ତି ନହେଲେ ଖୋଲାଖୋଲି ଯୁଦ୍ଧ ହେବ : ପାକ୍ ପ୍ରତିରକ୍ଷା ମନ୍ତ୍ରୀ

Cyclone Montha Forces Odisha Minister to Sideline Nuapada Visit for Urgent Disaster Drills

In a decisive action highlighting the seriousness of the approaching Cyclone Montha, Odisha’s Revenue and Disaster Management Minister, Suresh Pujari, has cancelled his scheduled visit to Nuapada district for the upcoming by-election. This decision follows a warning from the India Meteorological Department (IMD) that a depression over the Bay of Bengal is rapidly intensifying into […] The post Cyclone Montha Forces Odisha Minister to Sideline Nuapada Visit for Urgent Disaster Drills appeared first on Pragativadi I Latest Odisha News in English I Breaking News .

Tradition: କୋଣାର୍କ ବେଳାମାର୍ଗରେ ତେଲୁଗୁ ସଂପ୍ରଦାୟର ଉଇହୁଙ୍କାରେ ନାଗ ଦେବତାଙ୍କୁ ପୂଜାର୍ଚ୍ଚନା

କୋଣାର୍କ (ସୁକାନ୍ତ ବିଶ୍ବାଳ): ପ୍ରତିବର୍ଷ ପରି ଆଜି କାର୍ତ୍ତିକ ମାସ ଶୁକ୍ଳପକ୍ଷ ନାଗ ଚତୁର୍ଥୀ ତିଥିରେ ଚନ୍ଦ୍ରଭାଗା ତେଲୁଗୁବସ୍ତିରେ ଥିବା ତେଲୁଗୁ ସମ୍ପ୍ରଦାୟର ଶତାଧିକ ମହିଳା ଓ ପୁରୁଷ ନାଗ ଦେବତାଙ୍କୁ ରୀତିନୀତିରେ ପୂଜାର୍ଚ୍ଚନା କରିଛନ୍ତିI ନାଗଚତୁର୍ଥୀରେ ନାଗଦେବତାଙ୍କୁ ପୂଜାକରି ତେଲୁଗୁ ସଂପ୍ରଦାୟର ଲୋକମାନେ ପରିବାରର ଶୁଭ ମନାସିଛନ୍ତି। କାର୍ତ୍ତିକ ମାସ ନାଗ ଚତୁର୍ଥୀରେ ନାଗଦେବତାଙ୍କୁ ପୂଜାର୍ଚ୍ଚନା କଲେ ପରିବାରର ରିଷ୍ଟକଷ୍ଟ ଖଣ୍ଡନ, ଶିଶୁମାନଙ୍କ ଶରୀର ଆରୋଗ୍ୟ ରହିବା ଓ ପୂଣ୍ୟପ୍ରାପ୍ତିର ଧାର୍ମିକ ଭାବନା ନେଇ ତେଲୁଗୁ ସଂପ୍ରଦାୟ ପକ୍ଷରୁ ଏହି ଉତ୍ସବକୁ ବେଶ ଜାକଜକମରେ ପାଳନ କରାଯାଇଥାଏ। ଏହି ପୂଜାପାଇଁ ସାତଦିନ ପୂର୍ବରୁ ପରିବାରର ମୁଖ୍ୟମାନେ ନାଗଦେବତାଙ୍କ ଆଶୀର୍ବାଦ ପାଇଁ ମାନସିକ କରି ଉପବାସ ରହି ନାଗଦେବତାଙ୍କୁ ସୁମରଣା କରିଥିଲେ। ଆହୁରି ପଢ଼ନ୍ତୁ: Cyc‌lone Montha: ସ୍ଥଳଭାଗ ଆଡ଼କୁ ଅଗ୍ରସର; ଆନ୍ଧ୍ର ଛୁଇଁବା ଆଶଙ୍କା, ଓଡ଼ିଶାରେ ପ୍ରବଳ ବର୍ଷା ସମ୍ଭାବନା ନାଗ ଦେବତାଙ୍କୁ ପୂଜାର୍ଚ୍ଚନା ସାତଦିନ ପୁରିବା ପରେ ଆଜି ମଙ୍ଗଳବାର ସକାଳୁ ତେଲୁଗୁ ସଂପ୍ରଦାୟର ପ୍ରତି ପରିବାର ପିଲାଠୁ ବୟସ୍କ ପର୍ଯ୍ୟନ୍ତ ସଦସ୍ୟମାନେ ନୂତନବତ୍ସ ପରିଧାନ କରି କୋଣାର୍କ-ଚନ୍ଦ୍ରଭାଗା ଓ ‌ଚନ୍ଦ୍ରଭାଗା-ପୁରୀ ବେଳାମାର୍ଗ, ଚନ୍ଦ୍ରଭାଗା, ହେଲିପ୍ୟାଡ଼, ଭଗବତୀ ପୀଠ ରାସ୍ତାକଡ଼ରେ ଥିବା ଉଇହୁଙ୍କା ଗୁଡ଼ିକରେ ନାଗଦେବତାଙ୍କୁ ସ୍ମରଣ କରି ପୂଜାର୍ଚ୍ଚନା କରିଥିଲେ। ଆହୁରି ପଢ଼ନ୍ତୁ: Cabinet Approves: ରାଜ୍ୟ କ୍ୟାବିନେଟ୍‌ରେ ୪ଟି ବିଭାଗର ୫ଟି ପ୍ରସ୍ତାବକୁ ଅନୁମୋଦନ ଉଇହୁଙ୍କାରେ ପୂଜାର୍ଚ୍ଚନା ଚନ୍ଦ୍ରଭାଗା ତେଲୁଗୁ ବସ୍ତିର ଶତାଧିକ ମହିଳା, ପୁରୁଷ ପୂଜା ସାମଗ୍ରୀ ସାଥିରେ ଆଣି ହୁଙ୍କା ଚାରିପାଖ ପ୍ରଥମେ ସଫା କରି, ପାଣିରେ ସ୍ନାନ କରାଇ ଗୋବର ପାଣି ସିଞ୍ଚନ କରି ମୁରୁଜ ପକାଇ ଧୂପ, ଦୀପ ଲଗାଇଥିଲେI ଫଳ, ଚୁଡ଼ା, ନଡ଼ିଆ, ମାଣ୍ଡିଆ ଆଦି ଭୋଗ ଲଗାଇବା ସହିତ ନାଗ ଦେବତାଙ୍କୁ ସନ୍ତୁଷ୍ଟ କରିବା ପାଇଁ ହୁଙ୍କା ଭିତରେ ପରିବାରର ପ୍ରତେକ ଲୋକ କ୍ଷୀର ଢାଳିବା ସହିତ ଅଣ୍ଡା ଉଇହୁଙ୍କା ଗାତ ମଧ୍ୟ ରେ ଥୋଇଥିଲେI ପରେ ନାଗ ଦେବତାଙ୍କ ପାଇଁ ହୁଙ୍କା ଉପରେ କୁକୁଡ଼ା ବଳି ପକାଇ ରକ୍ତକୁ ସମର୍ପି ଦେଇଥିଲେ। ବାଜା ବାଣ ପୁଟାଇ ନାଗଦେବତାଙ୍କୁ ନିଷ୍ଠାର ସହ ପୂଜା କରିଥିଲେ। ସେମାନଙ୍କ ଏହି ପୂଜା ଓ ଜନଗହଳିରେ ବେଳାମାର୍ଗ ଚଳଚଞ୍ଚ ହୋଇପଡ଼ିଥିଲା। ପରେ ହୁଙ୍କା ନିକଟରେ ବଳି ଦେଇଥିବା କୁକୁଡ଼ାକୁ ଘରକୁ ଆଣି, ରୋଷେଇ କରି ସମସ୍ତ ପରିବାର ସଦସ୍ୟ ଏକତ୍ରିତ ହୋଇ ଭୋଜନ କରିଥିଲେ। ଏହି ଉତ୍ସବ କୋଣାର୍କ ଅଂଚଳରେ ଏବ ଦିନକୁଦିନ ଏକ ନିଆରା ପରମ୍ପରାର ବାତାବରଣ ସୃଷ୍ଟି କରିଛି।

Pakistan-Afganistan peace talks :  ଆଫଗାନିସ୍ତାନ ସହ ଶାନ୍ତି ଚୁକ୍ତି ନହେଲେ ଖୋଲାଖୋଲି ଯୁଦ୍ଧ ହେବ : ପାକ୍ ପ୍ରତିରକ୍ଷା ମନ୍ତ୍ରୀ

ଇସ୍ଲାମାବାଦ : ଶନିବାର ଦିନ ଇସ୍ତାନବୁଲରେ ପାକିସ୍ତାନ (Pakistan) ଏବଂ ଆଫଗାନିସ୍ତାନ (Afganistan) ମଧ୍ୟରେ ଦ୍ୱିତୀୟ ପର୍ଯ୍ୟାୟ ଶାନ୍ତି ଆଲୋଚନା ଆରମ୍ଭ ହୋଇଛି। ସେପଟେ ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖୱାଜା ଆସିଫ ତାଙ୍କର ଆକ୍ରମଣାତ୍ମକ ବୟାନବାଜି ଜାରି ରଖିଛନ୍ତି । ସେ ଆଫଗାନିସ୍ତାନକୁ ଖୋଲା ଯୁଦ୍ଧ ଧମକ ଦେଇଛନ୍ତି। କାତାର ଏବଂ ତୁର୍କୀ ମଧ୍ୟସ୍ଥତାରେ ଅକ୍ଟୋବର ୧୮-୧୯ ରେ ଦୋହାରେ ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ପ୍ରଥମ ପର୍ଯ୍ୟାୟ ଆଲୋଚନା ଶେଷ ହୋଇଥିଲା। ଆଫଗାନିସ୍ତାନ ପ୍ରତିନିଧିମଣ୍ଡଳୀର ନେତୃତ୍ୱ ନେଇଥିଲେ ଉପ-ସ୍ୱରାଷ୍ଟ୍ର ମନ୍ତ୍ରୀ ରହମତୁଲ୍ଲା ମୁଜିବ। ଏଥିରେ ଆଫଗାନିସ୍ତାନ ଗୃହମନ୍ତ୍ରୀ ନୁର ଅହମଦ ନୁରଙ୍କ ଭାଇ ଅନାସ ହକ୍କାନି ମଧ୍ୟ ସାମିଲ ଥିଲେ, ଯେତେବେଳେ କି ପାକିସ୍ତାନର ପ୍ରତିନିଧିତ୍ୱ କରୁଥିଲେ ସୁରକ୍ଷା ଅଧିକାରୀଙ୍କ ଦୁଇ ସଦସ୍ୟ ବିଶିଷ୍ଟ ପ୍ରତିନିଧିମଣ୍ଡଳ। ଆହୁରି ପଢନ୍ତୁ : PAK General in Dhaka: ଢାକା ଗସ୍ତରେ ପାକିସ୍ତାନର ନଂ୨ ସେନା ଅଧିକାରୀ, ସତର୍କ ହେଲା ଭାରତ ରବିବାର ସୁଦ୍ଧା ଫଳାଫଳ ଆଶା କରାଯାଉଛି ପ୍ରଥମ ପର୍ଯ୍ୟାୟର ନେତୃତ୍ୱ ନେଉଥିବା ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖୱାଜା ଆସିଫ ସିଆଲକୋଟରେ କହିଥିଲେ ଯେ ଏହି ନୂତନ ପର୍ଯ୍ୟାୟ ଆଲୋଚନାର ଫଳାଫଳ ରବିବାର ସୁଦ୍ଧା ମିଳିପାରିବ। ସେ କହିଛନ୍ତି ଯେ ଯଦି ଆଲୋଚନା ବିଫଳ ହୁଏ, ତେବେ ପାକିସ୍ତାନର ଆଫଗାନିସ୍ତାନ ସହିତ ଖୋଲା ସଂଘର୍ଷରେ ଲିପ୍ତ ହେବା ବ୍ୟତୀତ ଅନ୍ୟ କୌଣସି ବିକଳ୍ପ ରହିବ ନାହିଁ, ତେବେ ସେ ଏହା ମଧ୍ୟ କହିଛନ୍ତି ଯେ ଉଭୟ ପକ୍ଷ ଶାନ୍ତି ଚାହୁଁଥିବା ପରି ମନେ ହେଉଛି। ଅଧିକ ପଢ଼ନ୍ତୁ: କନେଷ୍ଟବଳଙ୍କ ପ୍ରେମରେ ଥିଲେ ମୃତ ଡାକ୍ତର, ବିବାହ ପାଇଁ ଦେଇଥିଲେ ପ୍ରସ୍ତାବ

Doctor Death: ଝିଅର ଦୁଷ୍କର୍ମକାରୀର ଫାଶୀ ପାଇଁ ନିବେଦନ କଲେ ବାପା

ମୁମ୍ବାଇ: ଡାକ୍ତର ଙ୍କ ଆତ୍ମହତ୍ୟା ଘଟଣାରେ ଅଭିଯୁକ୍ତ ପାଇଁ ଫାଶୀ ଦଣ୍ଡ ଦାବି କରିଛନ୍ତି ପୀଡ଼ିତାଙ୍କ ବାପା। ୨୩ ଅକ୍ଟୋବର ରାତିରେ ସାତାରାର ଜଣେ ମହିଳା ଡାକ୍ତର ଏକ ହୋଟେଲ ରୁମରେ ଆତ୍ମହତ୍ୟା କରିଥିଲେ। ତାଙ୍କ ହାତ ପାପୁଲିରେ ସୁଇସାଇଡ୍ ନୋଟ୍ ଲେଖାଯାଇଥିବା ଦେଖିବାକୁ ମିଳିଥିଲା। ପୁଲିସ କହିଛି ଯେ ସୁଇସାଇଡ ନୋଟରେ ସେ ଅଭିଯୋଗ କରିଛନ୍ତି ଯେ ସବ-ଇନ୍ସପେକ୍ଟର ପଦବୀରେ ନିଯୁକ୍ତ ପୁଲିସ ଅଧିକାରୀ ଗୋପାଳ ବଦାନେ ତାଙ୍କୁ ଚାରିଥର ବଳାତ୍କାର କରିଥିଲେ, ଯେତେବେଳେ କି ଜଣେ ସଫ୍ଟୱେର୍ ଇଞ୍ଜିନିୟର ପ୍ରଶାନ୍ତ ବନ୍‌କର୍‌ ତାଙ୍କୁ ମାନସିକ ଭାବରେ ହଇରାଣ କରିଥିଲେ। ମହିଳା ଡାକ୍ତରଙ୍କ ଚିଠି ପୁଲିସ କ’ଣ କହିଲା ଏସପି କହିଛନ୍ତି ଯେ ସତାରା ପୁଲିସ ବଦାନେ ଏବଂ ବନ୍‌କରଙ୍କ ବିରୋଧରେ ଦୁଷ୍କର୍ମ ଏବଂ ଆତ୍ମହତ୍ୟା ପାଇଁ ପ୍ରୋତ୍ସାହିତ ମାମଲା ରୁଜୁ କରିଛି। ତଦନ୍ତ ଚାଲିଥିବା ସମୟରେ, ମହିଳା ଡାକ୍ତରଙ୍କର ଏକ ଚିଠି ମିଳିଥିଲା। ମହିଳା ଡାକ୍ତରଙ୍କ ଦ୍ୱାରା ଲିଖିତ ଚାରି ପୃଷ୍ଠାର ଚିଠିରେ ଜଣେ ସାଂସଦ (ଏମ୍ ପି) ଏବଂ ତାଙ୍କ ବ୍ୟକ୍ତିଗତ ସଚିବ (ପିଏ)ଙ୍କ ବିଷୟରେ ଲେଖାଯାଇଛି। ହେଲେ ସାଂସଦ ଏବଂ ତାଙ୍କ ସଚିବଙ୍କ ନାମ ଉଲ୍ଲେଖ କରାଯାଇ ନାହିଁ। ଅଧିକ ପଢ଼ନ୍ତୁ: କନେଷ୍ଟବଳଙ୍କ ପ୍ରେମରେ ଥିଲେ ମୃତ ଡାକ୍ତର, ବିବାହ ପାଇଁ ଦେଇଥିଲେ ପ୍ରସ୍ତାବ ଏହା କ’ଣ ପ୍ରେମ ମାମଲା? ଅଭିଯୁକ୍ତ ପ୍ରଶାନ୍ତ ବନ୍‌କରଙ୍କ ଭଉଣୀ କହିଛନ୍ତି ଯେ ମହିଳା ଡାକ୍ତର ପ୍ରଶାନ୍ତଙ୍କୁ ବିବାହ କରିବାକୁ ଚାହୁଁଥିଲେ। ଅଭିଯୁକ୍ତଙ୍କ ଭଉଣୀଙ୍କ ଅନୁଯାୟୀ, ମହିଳା ଡାକ୍ତର କିଛି ଦିନ ପୂର୍ବରୁ ତାଙ୍କ ଭାଇଙ୍କୁ ପ୍ରସ୍ତାବ ଦେଇଥିଲେ। ଏନଡିଟିଭି ସହିତ ଏକ ସ୍ୱତନ୍ତ୍ର ସାକ୍ଷାତକାରରେ ପ୍ରଶାନ୍ତଙ୍କ ଭଉଣୀ ସ୍ୱାତୀ ଯାଦବ କହିଛନ୍ତି ଯେ ତାଙ୍କ ଭାଇ ପ୍ରଶାନ୍ତ ବିବାହ ପାଇଁ ପ୍ରସ୍ତୁତ ନଥିଲେ ଏବଂ ସେମାନଙ୍କ ମଧ୍ୟରେ ଫାଟ ସୃଷ୍ଟି ହୋଇଥିଲା। ପ୍ରଶାନ୍ତଙ୍କୁ ଗିରଫ କରାଯାଇଛି ଏବଂ ସେ ବି.ଟେକ୍ ସ୍ନାତକ ଅଟନ୍ତି। ସେ ମୁମ୍ବାଇରେ କାମ କରନ୍ତି। ପୁଲିସ କର୍ମଚାରୀ ଜଣକ ବର୍ତ୍ତମାନ ଫେରାର୍ ଅଛନ୍ତି ଏବଂ ତାଙ୍କ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ମଧ୍ୟ ନିଆଯାଇଛି। ମହିଳା ଡାକ୍ତରଙ୍କ ବାପା କ’ଣ କହିଲେ ଏବେ ମହିଳା ଡାକ୍ତରଙ୍କ ବାପା ଏବଂ ଭାଇ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସଙ୍କ ଠାରୁ ନ୍ୟାୟ ଦାବି କରିଛନ୍ତି। ବାପା କହିଛନ୍ତି, ଅଭିଯୁକ୍ତଙ୍କୁ ମୃତ୍ୟୁଦଣ୍ଡ ଦିଅନ୍ତୁ ଯାହା ଦ୍ୱାରା ମୋ ଝିଅ ସହିତ ଯାହା ଘଟିଲା ତାହା ଅନ୍ୟ କୌଣସି ଝିଅ ସହିତ ନ ଘଟେ, ଏବଂ ସେ ନ୍ୟାୟ ପାଇବ। ସେ ସ୍ୱତନ୍ତ୍ର ତଦନ୍ତ ଦଳ (SIT) ଦ୍ୱାରା ପୁଙ୍ଖାନୁପୁଙ୍ଖ ତଦନ୍ତ ଦାବି କରିଛନ୍ତି। ପରିବାର ଲୋକ ଗଭୀର ଦୁଃଖ ପ୍ରକାଶ କରିଛନ୍ତି ଯେ ଦୀପାବଳି ପାଇଁ ଘରକୁ ଆସିବାର ଥିବା ତାଙ୍କ ଝିଅ ସେମାନଙ୍କୁ ସବୁଦିନ ପାଇଁ ଛାଡି ଚାଲିଯାଇଛି। ଆହୁରି ପଢ଼ନ୍ତୁ: ସମ୍ଭାବ୍ୟ ବାତ୍ୟା ପାଇଁ ରାଜସ୍ବ ମନ୍ତ୍ରୀଙ୍କ ସମୀକ୍ଷା ବୈଠକ: ସବୁ ବିଭାଗ ପ୍ରସ୍ତୁତ ଆହୁରି ପଢ଼ନ୍ତୁ: ସୁଧୁରୁନି ସ୍ବାସ୍ଥ୍ୟାବସ୍ଥା, ଏବେ ବି କୋମାରେ ଅଭିଜିତ ମଜୁମଦାର death | maharastra